Morgunblaðið - 06.03.2015, Side 40

F
ermingarskreytingarnar í ár
eru nokkuð frábrugðnar því
sem verið hefur; naumhyggj-
an er að víkja og rómantíkin
að taka við þar sem náttúrulegt hrá-
efni og fersk blóm fá notið sín,“ seg-
ir María Másdóttir, eigandi Blóma-
hönnunar í Listhúsinu í Laugardal.
„Litirnir í skreytingum eru hreinir
og bjartir, en jafnframt eru róm-
antískir pastellitir áberandi.“
María segir lifandi blóm í aðal-
hlutverki í fermingarskreytingum og
þannig hafi þróunin raunar verið síð-
ustu árin. „Íslensk blóm verða æ
vinsælli og það er auðvitað afar
ánægjulegt; rósir, silkivöndur og
gerberur, þessi blóm henta til dæm-
is mjög vel. Það er alltaf best að
vinna með ferskt hráefni, íslensku
blómin eru falleg og endingargóð og
möguleikarnir í skreytingum óþrjót-
andi.“
Ballettskórnir
Aðspurð kveðst María alltaf
hlakka til fermingarundirbúnings-
ins, það sé skemmtilegur tími og
ánægjulegt að hitta unga fólkið.
„Það er svo gaman að útbúa ferm-
ingarskreytingarnar. Langoftast
koma unglingarnir með foreldrum
sínum til okkar í blómabúðina og
hafa ákveðnar skoðanir á því hvern-
ig þeir vilja hafa hlutina. Það er
ávallt mikil eftirvænting á meðal
fermingarbarnanna, enda stór dagur
og mikil gleðistund framundan hjá
þeim. Allir eru einbeittir og glaðir
og ákveðnir í að gera fermingardag-
inn sérstakan og eftirminnilegan.“
Að sögn Maríu kjósa margir ung-
lingar skreytingar með persónulegu
yfirbragði, þar sem skírskotað er til
bernskunnar eða jafnvel tóm-
stundaiðkunar. „Þá spyrjum við
fermingarbörnin út í áhugamálin og
fáum til dæmis að nota myndir,
fyrstu skóna, handboltann, ball-
ettskóna eða annað úr þeirra eigu í
skreytingarnar. Persónulegar ferm-
ingarskreytingar vekja alltaf mikla
lukku og þær eru oft hafðar á sér-
borði, til dæmis með gestabókinni,
þar sem þær fá að njóta sín.“
Blómaskúlptúrinn
Hún segir að ýmsu að hyggja þeg-
ar fermingarskreytingar eru annars
vegar. „Umgjörðin skiptir höf-
uðmáli. Ef fermingarveislan er hald-
in í sal er mikilvægt fyrir okkur
starfsfólk Blómahönnunar að skoða
húsnæðið vel. Sama á við um veislur
sem haldnar eru í heimahúsi, þá
kíkjum við í heimsókn til að fá góða
tilfinningu fyrir því hvað passar
best. Við val á blómategundum tök-
um við svo mið af aðstæðum og velj-
um vasa og annað undirlag eftir því
hvar skreytingin verður staðsett.
Við lánum blómavasa og undirlag
með öllum okkar skreytingum og
svo er því bara skilað þegar blómin
visna. Það er mjög gaman að hanna
skreytingar inn í ákveðið rými og við
eigum fjölbreytt úrval af vösum, sem
passa fyrir mismunandi staðsetn-
ingar og ólíkar blómategundir.
Þó að við notum íslensk blóm eins
og kostur er pöntum við líka inn
blóm frá Hollandi og getum nánast
útvegað hvaða blómategund sem er,
í takt við óskir viðskiptavina. Lif-
andi blóm eru eins og áður sagði
langvinsælust en þó er alltaf eitt-
hvað um þurrkaðar ferming-
arskreytingar, í bland við hitt. Í
þurrkuðu skreytingarnar veljum við
til dæmis mosa, bambus, strá og
greinar. Það er gaman að nota þetta
efni með lifandi blómum, skreyting-
arnar tengjast þá svolítið villtri
náttúrunni og eru jafnvel eins og
skúlptúr,“ segir María, sem er
menntuð bæði í myndlist og blóma-
skreytingum.
Hárskrautið
Lifandi blóm eru ekki aðeins vin-
sæl á fermingarveisluborðið, þau
eru mikilvægur partur af hárskrauti
fermingarstúlkna og ennfremur oft
notuð í pakkaskreytingar, að sögn
Maríu. „Lifandi blóm í hárið eru
alltaf í tísku, það ræðast yfirleitt af
hárlengd, klæðnaði og auðvitað
smekk hvort fermingarstelpurnar
velja að fara þá leið. Við útbúum alls
kyns hárskraut úr lifandi blómum.
Sumar stelpur vilja náttúrulegt útlit
og velja lítil, látlaus blóm, til dæmis
grófa statiku eða brúðarslör, á með-
an aðrar kjósa rómantískara yf-
irbragð og meira áberandi hár-
skraut, svo sem silkivönd eða
orkídeur.
Miklu máli skiptir að velja réttu
blómin í hárið því þau þola misvel ís-
lenskt veðurfar, rigningu, rok og
jafnvel frost. Við vinnum allt hár-
skraut í samvinnu við hárgreiðslu-
stofur fermingarstúlknanna, enda
fer það alveg eftir greiðslunni
hverju sinni hvernig best er að festa
blómin í hárið.
Pakkarnir
Svo pökkum við mikið inn ferm-
ingargjöfum, það er auðvitað enn
skemmtilegra að gefa pakka sem er
fallega skreyttur og mér finnst allt-
af gaman að fá það verkefni. Við
notum til dæmis fersk blóm, þurrk-
uð strá, víra og fallega borða utan
um gjafirnar.
Allt sem snýr að fermingunni er
ánægjulegt og í mínum huga eru
það forréttindi að fá að taka þátt í
þessum stóra og mikilvæga degi
með fermingarbörnunum og fjöl-
skyldum þeirra. Þannig er ég í hvert
sinn þakklát fyrir að fá að leggja
mitt af mörkum til þess að ferming-
ardagurinn verði ógleymanlegur,
þar sem ilmandi, yndisleg blóm
gegna lykilhlutverki.“
beggo@mbl.is
Morgunblaðið/Árni Sæberg
Séróskir „Það er svo gaman að útbúa fermingarskreytingarnar; lang-
oftast koma unglingarnir með foreldrum sínum til okkar í blómabúðina
og hafa ákveðnar skoðanir á því hvernig þeir vilja hafa hlutina,“ segir
María Másdóttir, eigandi Blómahönnunar.
Ilmandi og yndisleg
Naumhyggjan er á und-
anhaldi í fermingarskreyt-
ingum og rómantíkin að
ryðja sér til rúms þar
sem lifandi blóm eru
í aðalhlutverki, segir
María Másdóttir,
eigandi Blómahönnunar
í Listhúsinu í Laugardal.
’Íslensk blóm verðaæ vinsælli og það erafar ánægjulegt
40 | MORGUNBLAÐIÐ
• ABS hörð skel
• 360° hjólabúnaður
• Passa ofan í hvora aðra
• Vandaðar töskur
Verslanir ! Nýtískulegar og vandaðar töskurTilvaldar fermingargjafir
Blaze Top quality
ferðatöskusett, ljósblátt
eða dökkbleikt
þrjár í setti.
www.danco.is
Heildsöludreifing