Reykjalundur - 01.06.1972, Qupperneq 16

Ég hafði þá í tæp 9 ár gegnt Þórshafnar-
læknishéraði og um nokkurt skeið haft í
hyggju að breyta til.
Þar sem mér var kunnugt, að læknarnir
á Reykjalundi höfðu iðulega hlaupið undir
bagga og gegnt héraðinu í veikindaforföll-
um héraðslæknisins, einnig í nokkra mán-
uði eftir lát hans, aflaði ég mér vitneskju
um héraðið hjá vini mínum og skólabróð-
ur, Hauki Þórðarsyni, núverandi yfirlækni
á Reykjalundi.
Er skemmst af því að segja, að hafi ég
áður verið á báðurn áttum, hvort ég ætti
að sækja eða ekki, ákvað ég snarlega að gera
svo, eftir að hafa ráðfært mig við Hauk. Við
sóttum um héraðið tveir héarðslæknar, Þor-
steinn Sigurðsson á Egilsstöðum og ég. Þor-
steini var veitt liéraðið, en hann afsalaði sér
því, og kaus fremur að sitja áfram í sínu
gamla héraði, íbúum þess áreiðanlega til
mikils léttis.
Nú, Álafosshéraði var þá slegið upp öðru
sinni. í það sinn var ég eini umsækjandinn
og hlaut hnossið. Kom hingað í ágúst 1966.
Læknisbústaður var í smíðum niður á
Varmá, fokheldur, en átti talsvert langt í
land að verða íbúðarhæfur. Lækningaslofu
hafði fyrrverandi héraðslæknir rekið í
tveimur litlum herbergjum í Hlégarði, en
bjó sjálfur í Reykjavík.
í lœknastöðinni
á Reykjalundi.
16
REYKJALUNDUR