Húnavaka - 01.05.1975, Blaðsíða 77

HÚNAVAKA
/!>
Gamli bœrinn i MiÖhópi þar sem Steinunn ólst upp.
Miðhópssel var byggt úr torfi og grjóti. Baðstofan var um tvö
stafgólf á lengd þiljuð að innan. Þar voru þrjú rúm og lítil elda-
vél. Framan við baðstofuna var stórt tveggja hlóða eldhús. Þar voru
hillur og kistur undir smjör.
Trog og önnur ílát sem notuð voru í selinu voru smíðuð úr viði.
Mikil vinna var við að hirða þau og halda þeim tandurhvítum. Eft-
ir að þau höfðu verið þvegin úr vatni var þeim haldið að hlóðareld-
inum og þurrkuð. Það hét að hlóðarbaka trogin.
Selstúlkurnar höfðu mikið að starfa. Fyrst að mjalta allar ærnar,
en síðan var málnytin sett í trog og geymd í útihúsum í einn og
hálfan til tvo daga. Lágmark var að þrídægra mjólkina. Þá var rennt
úr trogunum. Oft var stutt við rjómann með hendinni á meðan
undanrennunni var rennt burt.
Undanrennan var flóuð. Oft fjórir stórir pottar í einu. Síðan
þurfti að ausa þessu upp og láta kólna undir skyrgerðina. Þá var
hrært í það þétti, sem var steinsíað skyr og látnir nokkrir dropar
af hleypi út í. Síðan var þetta byrgt niður til næsta dags og þá síað.
Það var um að gera að sía vel, því þá súrnaði það síður og mátti
geyma það eins og nýtt í langan tíma. Entist það yfirleitt allt árið
og var notað í hræring og út í kjötsúpu, sem mikið var borðað af.
Búnir voru til mjólkurostar og mysuostar líkir því, sem þeir eru