Húnavaka - 01.05.1975, Blaðsíða 114

112
HÚNAVAKA
mörgum árum. Fyrir nokkrum árum gáfu þau hjón Skálholtsstað
allt bókasafn sitt til minningar um Guðmund son sinn.
Árið 1960 fluttu þau hjón úr héraði til Reykjavíkur, þar sem þau
bjuggu að Bergstaðastræti 81. Varð mikið skarð fyrir skildi við brott-
för þeirra. Mann sinn missti hún árið 1971.
Enn um langan aldur munu heilladrjúg spor frú Guðbjargar og
Páls Kolka sjást hér um Húnaþing og bera vott um göfuga héraðs-
höfðingja, er áttu svo mikinn þátt í því að móta samtíð sína til betra
og fegurra lífs.
Eg vil í lok þessara fáu og fátæklegu orða minna, þakka frú Guð-
björgu Kolka fyrir trygga vináttu á liðnum árum. Söfnuður Blöndu-
ósskirkju þakkar henni vel unnin störf um langt árabil. Austur-Hún-
vetningar allir kveðja hina göfugu konu og þakka af alhug bjartar
samverustundir á liðnum áratugum.
Hún var borin til grafar í Reykjavík þann 20. júní 1974.
Sr. Arni Sigurðsson.

INGIBJÖRG SKARPHÉÐINSDÓTTIR,
Blönduósi
Fcedd 23. júlí 1916. — Dáin 27. águst 1974.
1 vandamanna og vinaháp
er vegið hér á jörð,
og eftir standa allt um kring,
hin auðu, djupu skörð.
T. R. j.
Ennþá einu sinni hefur manninum með ljáinn þóknast að leggja
leið sína um Blönduós og svipta litla þorpið okkar mætum og góðum
þegni.
Það er farið að þynnast í röðum þeirra vina og nágranna, sem ég
minnist frá barnæsku og svo að segja ólst upp með. Að vísu koma
alltaf ný andlit í ljós í stað þeirra horfnu, en það eru ekki þau sömu
og skörðin standa óbætt þrátt fyrir það. Ingibjörg Skarphéðinsdóttir
er ein af þeim, sem ég man bezt eftir frá bernskuárunum og mér hef-