Morgunblaðið - 09.06.2015, Blaðsíða 4

4
MORGUNBLAÐIÐ ÞRIÐJUDAGUR 9. JÚNÍ 2015
Deilur á vinnumarkaði
Kristján H. Johannessen
Ingvar Smári Birgisson
Ákveðið var á sáttafundi Samtaka at-
vinnulífsins (SA) með iðnaðar-
mannafélögunum seint í gærkvöldi að
fresta fyrirhuguðum verkfalls-
aðgerðum. Höfðu iðnaðarmanna-
félögin boðað sex sólarhringa verkföll
á miðnætti annað kvöld. Þeim hefur
nú hins vegar verið frestað til 22. júní
næstkomandi.
Hefði verkfallið tekið til rúmlega
5.700 félagsmanna. Fulltrúar Rafiðn-
aðarsambandsins (RSÍ), Félags vél-
stjóra og málmtæknimanna (VM) og
Matvís komu til fundar við samn-
inganefnd SA um miðjan dag í gær og
náðist samkomulag um frestun verk-
falla laust fyrir klukkan hálftólf.
„Menn eru búnir að reyna að tog-
ast á eins og hægt er. En það á auð-
vitað eftir að fara yfir sérmál og önn-
ur atriði svo að þetta er nú ekki búið,“
segir Guðmundur Ragnarsson, for-
maður VM, og bendir á að stefnt sé
að undirritun samninga hinn 15. júní.
Meginútlínur komnar
Þorsteinn Víglundsson, formaður
SA, segir niðurstöðu fundarins
ánægjulega. „Það náðist upplegg að
kjarasamningi við þann hóp iðn-
aðarmanna sem var ókláraður. Það er
ánægjulegt að það hafi náðst að koma
þessu í þennan farveg og þar með af-
stýra þeim verkfallsaðgerðum sem
voru yfirvofandi,“ segir hann.
Spurður hvort komnar séu skýrar
útlínur að samningi svarar Þorsteinn:
„Við teljum að við séum komnir með
meginútlínur samnings en auðvitað á
eftir að ræða sérmál við hvert og eitt
samband. Við treystum því að það
verði hægt að vinna þetta á góðum
takti.“
Kristján Þórður Snæbjarnarson,
formaður RSÍ, segist vera „til-
tölulega sáttur“ við þær meginlínur
sem settar hafi verið í samninga-
viðræðunum. „Ég held að þetta sé
eitthvað sem menn geti í það
minnstareynt að vinna út frá. Ann-
ars hefði maður ekki farið þessa
leið.“
Ræða næst sérmál félaganna
Aðspurður segir hann næstu skref
vera þau að ræða sérmál félaganna.
„Planið er að setjast niður næstu
daga og klára sérmál þessara
þriggja hópa,“ segir Kristján Þórður
og bætir við að hann sé hæfilega
bjartsýnn á að samningar náist inn-
an settra tímamarka. „En auðvitað á
eftir að koma í ljós hvernig gangi að
ræða þessi sérmál. Við verðum í það
minnsta tilbúnir að fara í þær við-
ræður,“ segir hann.
Samkomulag náðist um frestun verkfalla
 Víðtækum áhrifum af yfirvofandi verkföllum RSÍ, VM og Matvís slegið á frest  Verkföllum frest-
að til 22. júní  Stefnt er að því að skrifa undir samninga 15. júní  Sérmál félaganna eru eftir
Morgunblaðið/Árni Sæberg
Ríkissáttasemjari Sáttafundur SA með iðnaðarmannafélögunum hófst um
miðjan dag í gær. Samkomulag náðist um frestun verkfalla um hálftólf.
Ingvar Smári Birgisson
isb@mbl.is
Eygló Harðardóttir velferðar-
ráðherra hefur lagt fram húsnæðis-
frumvarp sem hefur það megin-
markmið að
lækka húsnæðis-
kostnað efna-
minni leigjenda
með greiðslu
húsnæðisbóta.
Fjármálaráðu-
neytið gagnrýnir
frumvarpið í um-
sögn sinni. Segir
í umsögn
fjármála-
ráðuneytisins að
hlutfallslega verði aukning á niður-
greiðslu húsaleigu meiri eftir því
sem tekjur heimila séu hærri og að
aukinn ríkisstuðningur við leigj-
endur muni að öllum líkindum leiða
til hækkunar á leiguverði.
Barn verði metið
Í rökstuðningi frumvarpsins segir
að því sé ætlað að vera liður í því að
jafna húsnæðisstuðning hins opin-
bera við ólík búsetuform og stuðla
þannig að því að landsmenn hafi
raunverulegt val um búsetuform. Í
frumvarpinu er lagt til að tvö stjórn-
sýslustig fari með framkvæmd hús-
næðisbóta. Annars vegar að félags-
og húsnæðismálaráðherra fari með
yfirstjórn húsnæðisbóta og hins
vegar að Tryggingastofnun ríkisins
fari með framkvæmdina. Þá er lagt
til að teknar verði upp húsnæð-
isbætur í stað húsaleigubóta og
verði hinar nýju bætur greiddar út
mánaðarlega. Þá miðist grunn-
fjárhæðir við fjölda heimilismanna
óháð aldri en ekki fjölskyldugerð
eða fjölda barna.
„Helgarforeldrar“ fái bætur
Jafnframt er lagt til að ef barn
dvelji að lágmarki 30 daga á ári á
heimili hjá öðru foreldri, hafi for-
eldrarnir sameiginlega forsjá, geti
barnið talist heimilismaður í skiln-
ingi laganna.
Í úrsögn fjármálaráðuneytisins
kemur fram að frumvarpið muni
auka útgjöld ríkisins til leigjenda
um liðlega tvo milljarða á ári. Marg-
ir þættir frumvarpsins eru gagn-
rýndir í umsögn fjármálaráðuneyt-
isins.
Greining fjármálaráðuneytisins á
frumvarpinu gefur til kynna að hlut-
fallslega aukist niðurgreiðsla húsa-
leigu meiri eftir því sem tekjur
heimila séu hærri. Einstætt foreldri
með tvö börn og árstekjur upp á 3-4
m. kr. fengi u.þ.b. 100 þ. kr. meiri
húsnæðisbætur, en foreldri í sömu
aðstöðu með 8-9 m. kr. í árstekjur
fengi u.þ.b. 115 þ. kr. meira í hús-
næðisbætur við lagabreytingarnar.
Að sama skapi fengju hjón með tvö
börn og 8-9 m. kr. í árstekjur meiri
hækkun en hjón með 3-4 m. kr. í
árstekjur.
Frumvarpið hækki leiguverð
og skili leigusölum meiri ábata
Enn fremur telur fjármálaráðu-
neytið að aukinn ríkisstuðningur við
leigjendur við núverandi aðstæður á
leigumarkaði muni að öllum lík-
indum leiða til hækkunar á leigu-
verði, sem kynni að skila meiri
ábata fyrir leigusala en fyrir leigj-
endur, auk þess sem sveitarfélög
kynnu að draga úr sínum sérstöku
húsaleigubótum.
Þá er gagnrýnt að frumvarpið feli
í sér þá breytingu að framkvæmd
almennra húsaleigubóta verði færð
til ríkisins, en með því móti yrði
framkvæmd á húsnæðisstyrkjum til
leigjenda eftirleiðis á tveimur
stjórnsýslustigum, með auknum
rekstrarkostnaði og flóknara ferli
fyrir hluta bótaþega.
Morgunblaðið/Frikki
Húsnæði Markmið frumvarpsins er að lækka húsnæðiskostnað efnaminni leigjenda með greiðslu húsnæðisbóta.
Hart skotið á nýtt
húsnæðisfrumvarp
 Niðurgreiðsla húsaleigu eykst meira hjá tekjuhærri
heimilum  Ætlað að jafna stuðning við ólík búsetuform
Eygló
Harðardóttir
Kristján H. Johannessen
khj@mbl.is
„Sú heilbrigðisþjónusta sem lands-
mönnum stendur til boða þessar
vikurnar er óviðunandi.
Heilbrigðiskerfið hefur farið niður
um flokk og það liggur mjög á að
leysa þetta mál svo við getum far-
ið að hefja þá erfiðu vegferð að ná
kerfinu upp aftur,“ segir Páll
Matthíasson, forstjóri Landspít-
alans, en langvarandi verkfalls-
aðgerðir Bandalags háskólamanna
og Félags íslenskra hjúkr-
unarfræðinga hafa haft þung áhrif
á alla starfsemi sjúkrahússins.
Búið að fresta 700 aðgerðum
Er Landspítalinn nú rekinn sem
bráðaspítali þar sem öllu er for-
gangsraðað og einungis bráðum
aðgerðum sinnt. Samkvæmt upp-
lýsingum frá spítalanum hefur 700
skurðaðgerðum verið frestað frá
því að verkfallsaðgerðir fyrst hóf-
ust, þar af eru 200 aðgerðir sem
frestað hefur verið frá því í síð-
ustu viku. Alls hefur um 8.300
myndgreiningarannsóknum verið
frestað, a.m.k. 148 hjartaþræð-
ingum og 5.600 komum á dag- og
göngudeildir auk þess sem inni-
liggjandi sjúklingum hefur verið
fækkað um 130 á Landspítalanum.
Fólk yrði kallað
úr sumarfríum
„Það er búið að þrengja alla
starfsemi spítalans. Eins og stað-
an er núna sinnum við bráða-
málum og því fárveika fólki sem
liggur inni hjá okkur en við gerum
í raun ekki neitt annað,“ segir Páll
og bendir á að mikil deyfð sé yfir
öllum starfsmönnum spítalans
vegna þessa.
Aðspurður segir Páll Landspít-
alann brátt munu glíma við annan
vanda þegar starfsmenn fara í
sumarleyfi. „Þegar sumarfríin
byrja af alvöru í júlí verður ekkert
hægt að ráða fram úr þessu nema
kalla fólk til vinnu aftur úr sumar-
fríum,“ segir hann og bendir á að
vegna öryggis sjúklinga verði þó
að leysa deiluna löngu áður en til
þess komi.
Heilbrigðiskerf-
ið hefur fallið
niður um flokk
 Óviðunandi heilbrigðisþjónusta í
boði, segir forstjóri Landspítala
Morgunblaðið/Eggert
Aðgerð Forstjóri Landspítalans segir afar þungt yfir starfsmönnum, sem
þurfi að upplifa síaukið vinnuálag vegna langvarandi verkfalla.