Morgunblaðið - 09.06.2015, Blaðsíða 31

MENNING 31
MORGUNBLAÐIÐ ÞRIÐJUDAGUR 9. JÚNÍ 2015
»Velski söngvarinn Tom Jones hélt
tónleika í gærkvöldi í Laugardals-
höll og tók þar marga af sínum helstu
smellum auk annarra laga. Jones
fagnaði 75 ára afmæli í gær og var
reffilegur á sviðinu, eins og sjá má af
meðfylgjandi myndum.
Goðsögnin Tom Jones söng af lífi og sál í Laugardalshöll
Töffari Sir Tom Jones var í eldlínunni í Laugardalshöll og stóð fyllilega undir væntingum áhorfenda og ljóst að hann hefur engu gleymt.
Gleði Það fór vel á með þeim Brynju Grand, Kristjáni Ólasyni og Thelmu Kristjánsdóttur.Fín Ásta Njálsdóttir, Kristjana Stefánsdóttir, Örvar Birgisson og Eyþór Ingi Gunnlaugsson.
Flott Axel Hallkell Jóhannesson og Sigrún Edda
Björnsdóttir voru alsæl með Sir Tom Jones.
Morgunblaðið/Eggert
Silja Björk Huldudóttir
silja@mbl.is
„Þetta eru síðustu tónleikar starfsárs-
ins og haldnir í tilefni af 100 ára af-
mæli kosningaréttar íslenskra
kvenna,“ segir Arna Kristín Einars-
dóttir, framkvæmdastjóri Sinfóníu-
hljómsveitar Íslands. Á tónleikum SÍ
á fimmtudag verða konur í öllum
þremur lykilhlutverkum, þ.e. sem tón-
skáld, einleikari og hljómsveitarstjóri,
en það mun vera í fyrsta sinn í sögu
hljómsveitarinnar sem það gerist.
Á efnisskránni verða píanó-
konsertinn Slátta eftir Jórunni Viðar,
Gelíska sinfónían eftir Amy Beach og
Dreymi eftir Önnu Þorvaldsdóttur, en
fyrir verkið hlaut hún Tónlistar-
verðlaun Norðurlandaráðs. Einleikari
á tónleikunum er Ástríður Alda Sig-
urðardóttir píanóleikari og stjórnandi
er aðalhljómsveitarstjóri Fíl-
harmóníusveitarinnar í Bogotá, Ligia
Amadio.
„Okkur fannst á þessum tíma-
punkti mikilvægt að beina sjónunum
að hlutfalli kynjanna,“ segir Arna
Kristín. Bendir hún á að á starfsárinu
2013-2014 hafi öll þau 155 erlendu
verk sem SÍ lék verið samin af karl-
mönnum og aðeins þrjú af 39 íslensku
verkunum samin af konum. „Það
sama starfsár var hljómsveitinni aldr-
ei stjórnað af kvenkyns stjórnanda,“
segir Arna Kristín og bendir á að á
yfirstandandi starfsári hafi kona
þrisvar haldið um stjórnandasprot-
ann. „Þetta eru sláandi tölur, þó að
þær hefðu í sjálfu sér ekki átt að koma
okkur á óvart, því að sinfóníuheim-
urinn er og hefur verið mjög karllæg-
ur. Við breytum auðvitað ekki fortíð-
inni og þeirri staðreynd að karlmenn
áttu mun auðveldara með að helga sig
tónsmíðum, en við getum tekið
ákvarðanir í dag sem hafa áhrif á
kynjahlutfallið til framtíðar,“ segir
Arna Kristín og bendir á að verk
kvenna hafi að miklu leyti fallið í
gleymskunnar dá og hafa þurfi fyrir
því að draga verk þeirra fram í dags-
ljósið. Nefnir hún Amy Beach í því
samhengi. „En Beach var fyrsta
ameríska kventónskáldið sem skrifaði
sinfóníska tónlist.“
Ekki eins músíkalskar
Arna Kristín bendir á að kynjahlut-
fallið í hópi hljóðfæraleikara SÍ sé
nánast jafnt, en ekki séu nema nokkr-
ir áratugir síðan sinfóníuhljómsveitir
víðs vegar um heiminn voru aðeins
skipaðar körlum. „Enda skákað í því
skjólinu að konur væru ekki eins
músíkalskar og karlar,“ segir Arna
Kristín og bendir á að þetta hafi snar-
lega breyst þegar tekið var upp það
fyrirkomulag að prufuspil nýrra hljóð-
færaleikara færi fram bak við tjald.
Spurð hvort tónleikar fimmtudags-
ins séu upptaktur að breyttum kynja-
áherslum SÍ svarar Arna Kristín því
játandi. „Við verðum í auknum mæli
að taka mið af því samfélagi sem við
störfum í,“ segir Arna Kristín og líkir
SÍ við stórt flutningaskip þar sem
tíma taki að breyta um stefnu. Tekur
hún fram að gott geti verið að horfa út
fyrir landsteinana eftir fyrirmyndum.
„Í Svíþjóð er t.d. gerð sú krafa að
sinfóníuhljómsveitir sem reknar eru
fyrir opinbert fé stuðli að jafnara
kynjahlutfalli. Hjá Gautaborgar-
sinfóníunni er t.a.m. gerð sú krafa að
alltaf sé kona í einu af þremur lykil-
hlutverkum á hverjum tónleikum, þ.e.
í hlutverki einleikara, hljóm-
sveitarstjóra eða tónskálds. Í ljósi
þess hversu framarlega Ísland stend-
ur í jafnréttismálum á ýmsum öðrum
sviðum þjóðlífsins fyndist mér þetta
mjög áhugaverð leið.“
Kvennatónleikar Sinfó
Jórunn
Viðar
Anna
Þorvaldsdóttir
Ástríður Alda
Sigurðardóttir
Ligia
Amadio
Billy Elliot (Stóra sviðið)
Mið 10/6 kl. 19:00 Fös 12/6 kl. 19:00 Sun 14/6 kl. 19:00
Fim 11/6 kl. 19:00 Lau 13/6 kl. 19:00
Fjölskyldusýning í hæsta gæðaflokki - ósóttar pantanir seldar daglega
Billy Elliot –★★★★★ , S.J. Fbl.
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/