Morgunblaðið - 09.06.2015, Blaðsíða 9

FRÉTTIR 9Innlent
MORGUNBLAÐIÐ ÞRIÐJUDAGUR 9. JÚNÍ 2015
Sigurður Bogi Sævarsson
sbs@mbl.is
„Draumurinn hefur alltaf verið að
komast á rafbíl, knúinn orkunni úr
bæjarlæknum. Þessi hafa fylgt mikil
heilabrot og að mörgu hefur verið að
hyggja, en loksins fann ég bíl sem
hentaði,“ segir Jónas Erlendsson,
bóndi í Fagradal í Mýrdal. Hann
gerði sér erindi til Reykjavíkur síð-
astliðinn föstudag og tók á móti spán-
nýjum bíl af gerðinni Chevrolet Volt
frá Bílabúð Benna.
Mikill sparnaður
Bílakaup þessu væru varla í frá-
sögur færandi nema sakir þess að í
Fagradal er heimarafstöð og raunar
hefur bærinn aldrei verið tengdur
samveitu. Því er útgerð bílsins að
mestu leyti sjálfbær og orkan heima-
fengin. Slíkt er sjálfbært nýmæli.
Fjórar klukkustundir tekur að
fullhlaða rafgeymi Chevrolet-bílsins
og aksturdrægi hleðslunnar er 70
kílómetrar. Þegar geymirinn er
tæmdur grípur bensínmótor inn í, en
hann knýr rafal sem aftur framleiðir
þá orku sem þá þarf inn á geymana.
Mótorinn eyðir 1,2 lítrum af bensíni
til framleiðslu á rafmagni sem dugar
til 100 kílómetra blandaðs aksturs.
Afl bílsins er 111 KW og 150
hestöfl. „Ég set ég bílinn í samband
að kvöldi og þá mjatlast inn á geym-
inn yfir nóttina. Það verður því alltaf
hægt að aka af stað að morgni á
heimafengnu rafmagni,“ segir Jónas
og bætir við að mánaðarlegur elds-
neytisreikningur fyrir bíla sína hafi
gjarnan verið í kringum 150 þúsund
krónur. Nú sjái hann hins vegar fram
á að þessi tala lækki um tugi þúsunda
króna á mánuði og miðað við að bílinn
kostaði nýr úr kassanum rétt tæpar
sjö milljónir króna megi vænta að
bílakaupin borgi sig upp á um sex ár-
um.
Rafstöðin framleiðir 16 KW
„Við í Fagradal eru sjaldan í
neinum langferðum og ættum að
komast flest á rafhleðslunni einni.
Það sem mér finnst annars helsti
kosturinn við Chevrolet Volt er bens-
ínmótorinn. Fólk á bílum sem þarf
alltaf að hlaða hefur oft lent í miklum
vandræðum úti á landi, þar sem raf-
hleðslustöðvar eru yfirleitt ekki til
staðar,“ segir Jónas, sem er fréttarit-
ari Morgunblaðsins í Mýrdal auk
þess að fást við sauðfjárbúskap og
fiskeldi. Allt rafmagn sem til þess
þarf kemur úr heimarafstöðinni sem
til renna 70 sekúndulítrar að vatni úr
39 metra fallæð. Framleiðslan er alls
16 KW – sem með forsjálni dugar
ágætlega bæði fyrir bú og bíl.
Rafmagn frá heima-
virkjun beint á bílinn
Ljósm/Ragnhildur Jónsdóttir
Hleðsla Jónas Erlendsson setur Chevrolet bílinn góða í samband. Rafgeymar fullhlaðast á fjórum klukkstundum.
 Sjálfbær Chevrolet í Mýrdal  Borgar sig upp á 6 árum
Mesti vindstyrkur mældist á land-
inu í gær 28 m/s og var það í Mikla-
dal á Vestfjörðum. Á norðanverðu
Snæfellsnesi, Norðurlandi og á
höfuðborgarsvæðinu urðu íbúar
einnig varir við snarpan vind, sem
og á Akureyri, þar sem fjögur
trampólín tóku á loft. Hafnaði eitt
þeirra á íbúðarhúsi og annað á bif-
reið. Leiktækið sem fauk á húsið
skildi eftir sig dæld í þaki hússins
en það sem hafnaði á bifreiðinni olli
einnig nokkrum skemmdum.
Í gærkvöldi voru björgunar-
sveitir svo kallaðar út á Hólmavík
til þess að forða tjóni, en þar í bæ
var allt útlit fyrir að þak íbúðar-
húss myndi gefa sig í veður-
ofsanum. Þurftu björgunarmenn
einnig að festa betur bát sem var
við það að losna í höfninni.
Birta Líf Kristinsdóttir, veður-
fræðingur hjá Veðurstofu Íslands,
segir tíðindalítið veður fram undan.
„Veðrið næstu daga, í mjög stuttu
máli, er bara hægur vindur fram yf-
ir helgi með skúrum eða úrkomu í
öllum landshlutum. Það hlýnar svo
á sunnudag eða mánudag en þang-
að til verður milt veður,“ segir hún
og bendir á að hlýjast verði á Aust-
urlandi í dag.
Spurð hvort sumarveður sé á
leiðinni á næstunni kveður hún nei
við. „Það verður bara mjög íslenskt
og tíðindalítið veður.“ khj@mbl.is
Veðurstofan gerir ráð
fyrir „íslensku veðri“
Morgunblaðið/G.Rúnar
Kunnuglegt Regnhlífar geta látið illum látum og reynst flóknar í notkun.
Agnes Bragadóttir
agnes@mbl.is
Atli Ingibjargar Gíslason, fyrrver-
andi alþingismaður, segir að hann
hafi í vetur bætt við nafni móður
sinnar, sem fyrra eftirnafni, í virð-
ingarskyni við móður sína. Hún
hafi alltaf verið aðalkonan í lífi
hans.
Atli segir að víða í spænskumæl-
andi löndum, séu börn kennd bæði
við eftirnafn móður og föður og
bendir á Fidel Castro á Kúbu, máli
sínu til sönnunar. Fullu nafni heiti
hann Fidel Alejandro Castro Ruz –
og Ruz sé ættarnafn móður Fidels.
Var aðalkonan í lífi mínu
„Móðir mín hét Ingibjörg Jóns-
dóttir. Hún lést árið 1997. Hún var
aðalkonan í lífi
mínu og mér
þótti óumræði-
lega vænt um
hana. Svo skildu
foreldrar mínir
árið 1963 og þá
flutti ég með
mömmu og við
bjuggum alltaf
saman og geng-
um í gegnum
þykkt og þunnt saman. Hún á
miklu meira í mér heldur en pabbi
minn, Gísli Gunnarsson.
Mér fannst því bara viðeigandi
að ég kenndi mig við hana, í virð-
ingarskyni. Mér finnst þetta vera
hinn ágætasti siður að kenna sig
bæði við móður og föður,“ sagði
Atli Ingibjargar Gíslason.
Í virðingarskyni
við móður sína
 Góður siður að kenna sig við bæði
Atli Ingibjargar
Gíslason
Eftir því sem íbúða-
hverfi færast lengra frá
sjó skapast meiri þörf
fyrir svokallaðar set-
tjarnir og er þessa dag-
ana unnið að fram-
kvæmdum við tvær
slíkar við Fornahvarf í
Vatnsendahverfi í
Kópavogi.
Settjörn er mann-
gerð tjörn sem tekur á
móti menguðu regn-
vatni og öðru yfirborðs-
vatni og er hlutverk
hennar að hreinsa
mengunarefni úr vatn-
inu áður en það rennur
út í vötn, sjó eða ár. Í
tjarnirnar safnast því
efni eins og t.d. olía, gúmmíagnir frá
dekkjum og sandur og þarf reglu-
lega að hreinsa þær því að mengun,
jafnvel þó að í litlu magni sé, getur
haft skaðleg áhrif á lífríki í ám og
vötnum.
Áætluð verklok settjarnanna við
Fornahvarf eru í lok október í ár.
Morgunblaðið/Árni Sæberg
Settjarnirnar taka
við menguðu vatni
Framkvæmdir Þessar settjarnir við Fornahvarf
í Kópavogi gegna mikilvægu hlutverki.