Morgunblaðið - Sunnudagur - 21.06.2015, Blaðsíða 26

Raggý skenkir gestum sínum en boðið var upp á sumarlega sangríu í fordrykk og svo léttvín með matnum.
S
tóri dagurinn fyrir átta árum
var valinn svo alltaf væri frí
daginn eftir og því gott að
gera eitthvað skemmtilegt
þann 16. og vera þakklátar fyrir
það gæfuspor okkar,“ segir Inga
Hrönn Stefánsdóttir en hún og eig-
inkona hennar Raggý Scheving
fögnuðu brúðkaupsafmæli í vikunni
og buðu nokkrum góðum vinkonum
í glæsilega tapasveislu til að fagna
með sér. Tapasveisla var það sann-
arlega og buðu Inga og Raggý upp
á ótal ljúffenga rétti. „Marga af
þessum réttum hef ég aldrei gert
áður, eins og kjúklinginn, krækling-
inn og eftirréttinn. En það er svo
mikilvægt að prófa og þora,“ segir
Inga sem óhætt er að kalla yf-
irkokk heimilisins. Hún er lærður
konditor en starfar sem sölufulltrúi
hjá Nathan & Olsen. Raggý starfar
sem deildarstjóri hjá Borgun. „Ég
sé um að elda og baka og Raggý
fær þau stórskemmtilegu verkefni
að þrífa og sjá um þvotta. Ég veit
að hún elskar það svo ég er ekkert
að bjóða henni að skipta! Hún er
líka alveg útlærð í uppvaski og frá-
gangi, enda fráleitt að sama mann-
eskjan eldi og þurfi líka að ganga
frá,“ segir Inga og hlær. „En ef
mikið stendur til þá erum við sam-
taka í þessu öllu, hún sér um að
leggja á borð og fínisera smáatriði.
Svona erum við nú vel giftar og
verkaskiptingin á hreinu.“
Saman eiga Inga og Raggý dótt-
urina Hjördísi Huld Scheving, sem
verður sjö ára í ágúst, og er hún
mikill stuð- og gleðigjafi á heim-
ilinu. Inga segir fjölskylduna dug-
lega við að halda matarboð og vita
fátt skemmtilegra en að fá fólk í
heimsókn og eiga ljúfa stund. Hjör-
dís Huld tekur einnig virkan þátt
og dressar sig upp í hvert skipti
sem einhver kemur í mat, hversu
óformlegt sem það er og segir Inga
að hún vilji alltaf vera með í „veisl-
unni“.
Veislan heppnaðist einstaklega
vel og var mikið fjör, allur mat-
urinn kláraðist upp til agna. Inga
segir þær hafa valið tapas þar sem
þeim hjónum þyki orðið best að
borða einhvers konar smárétti, ta-
pas eða sushi. „Hjördís Huld fékk
reyndar sushi þar sem hún borðar
ekki svona skrítinn mat frá móður
sinni,“ segir Inga kímin. „En það
góða við svona smárétti er að þá
nær maður að upplifa allskonar
bragð og við gerum meira af því að
deila nokkrum réttum á veitinga-
húsum, frekar en að fá okkur stóra
steik eða stóran rétt.“
Inga og Raggý spá mikið í mat
og reyna að elda oft í viku. „Mat-
argerðin er bara svo skemmtileg,
mér þykir gott að hafa nógan tíma,
léttvínstár og ljúfir tónar skemma
heldur ekki í undirbúningi og að sjá
eitthvað verða til úr hráefninu,“
segir Inga. „Oft nota ég uppskriftir
til að byrja með og styðjast við, en
stundum geri ég bara eitthvað og
vona það besta. Aðalatriðið er að
prófa sig áfram.“
Morgunblaðið/Þórður
„MATARGERÐIN ER BARA SVO SKEMMTILEG“
Gleðjast yfir brúðkaupsafmæli
Það var mikið fjör í matarboðinu hjá Ingu og
Raggý og maturinn sló rækilega í gegn.
HJÓNIN INGA OG RAGGÝ FÖGNUÐU ÁTTA ÁRA BRÚÐ-
KAUPSAFMÆLI Í GÓÐRA VINA HÓPI Í VIKUNNI. ÞÆR KUSU
AÐ BJÓÐA UPP Á FJÖLBREYTTA SMÁRÉTTI ENDA ÞYKIR
ÞEIM ÞAÐ MUN SKEMMTILEGRA EN STÆRRI AÐALRÉTTIR.
Gunnþórunn Jónsdóttir gunnthorunn@mbl.is

Matur
og drykkir *Blæðingar eru misjafnar meðal kvenna og á meðan sumar finna varla fyrirþeim, ganga aðrar í gegnum ömurlega viku í hverjum mánuði. Gott ráð tilað gera þennan tíma bærilegan er að halda sig við hollt mataræði en ekkisækja í skyndibita, eins og líkaminn kallar gjarnan á.Ómega-fitusýrur í laxi, trefjar í brokkolí, magnesíum íbönunum og graskersfræjum, B-vítamín í kínóa ogkalk og D-vítamín í eggjum og mjólkurvörum er
kjörin fæða fyrir konur með tíðablæðingar og ætti
að létta aðeins undir bólgur, krampa og vanlíðan.
Gott fæði fyrir Rósu frænku
Getty Images/iStockphoto