Morgunblaðið - Sunnudagur - 21.06.2015, Blaðsíða 49
Soffía þær Sólveigu Matthildi og Margréti
Rósu.
„Nei, fólk nennir því náttúrlega ekki. Ég
þoli það ekki,“ svarar Sólveig Matthildur
gremjulega.
„Ég er búin að vera að leita að húsnæði
síðan ég var að verða átján ára. Fyrir
tveimur árum fann ég húsnæði á bak við
leikhúsið á Snorrabraut. Við vorum komin
þar nokkur saman, ætluðum að stofna lista-
smiðju og tónleikastað. Svo kom einhver
skrifstofa og tók yfir allt saman,“ bætir hún
við. Grandi berst í tal sem mögulegur
grundvöllur slíkrar starfsemi. Sólveig slær á
tillöguna með þeirri röksemdafærslu að allt
sem sé laust þar sé meira en þúsund fer-
metrar. Í nokkrar sekúndur sitja allir þrír
meðlimir Kælunnar í þungum þönkum og
velta fyrir sér mögulegum tónleikastöðum.
Það eina sem heyrist er snarkið í nær upp-
sognum sígarettunum.
Fáránlegar kynjanir
Þrímenningarnir sammælast því næst um
það að þær þoli ekki að vera kallaðar
stúlknahljómsveit.
„Ég hugsa aldrei um okkur sem þrjár
stelpur í hljómsveit. Fólk nefnir það oft við
okkur að það sé eitthvað sérstakt að við
séum þrjár stelpur að spila pönkmúsík, ég
hef aldrei áttað mig almennilega á því. Mér
finnst orðið stúlknasveit líka vera eitthvað
lítillækkandi. Eins og við séum einhverjar
litlar stúlkur sem vita ekki neitt,“ segir
Margrét Rósa.
„Stúlknasveitin Kælan Mikla og piltasveit-
in Muck. Það er fáránlegt,“ bætir Laufey
Soffía við. Undirritaður strokar laumulega
út nokkrar spurningar sem innihalda orðið
stúlknasveit.
„Áhugi minn á raftónlist, hljóðgervlum og
fleiru er að aukast mikið núna og ég hef
fundið svolítið fyrir þessu í tengslum við
það. Það er samfélag á netinu sem ræðir
um þessa hluti og deilir slíkum græjum.
Um daginn vantaði mig til að mynda mixer,
eða hljóðblandara. Einu viðbrögðin sem ég
fékk voru frá einhverjum gaur sem póstaði
mynd af matarmixer. Öllum fannst það voða
fyndið og enginn vildi hjálpa mér að verða
mér úti um tækið. Ég varð brjáluð,“ segir
Sólveig Matthildur og allir viðstaddir fussa í
kór. Laufey Soffía skýtur því þó inn í að
stærsti hlustendahópur Kælunnar sé strák-
ar, í það minnsta samkvæmt fésbókarsíðu
sveitarinnar.
Ófínar og ópússaðar konur
Sviðsframkoma Kælunnar hefur vakið at-
hygli en sveitin svífst oft einskis þegar
kemur að því að vekja viðbrögð áhorfenda
sinna.
„Við köstuðum blóðugum túrtöppum í
áherfendahópinn á Eistnaflugi í fyrra,“ seg-
ir Margrét Rósa en tekur það þó fram að
ekki hafi verið um alvöru blóð að ræða.
„Þetta snýst bara svolítið um að taka eitt-
hvað sem fólki finnst óþægilegt og troða því
framan í það til að vekja áhuga og viðbrögð,
hvort sem þau eru jákvæð eða neikvæð.
Mér finnst í raun skemmtilegra þegar fólk
verður hneykslað og reitt,“ bætir hún við.
„Athugasemdirnar sem sveitin hefur feng-
ið á netinu eru til að mynda mjög fyndnar.
Það er svo margt fólk sem hatar okkur,“
segir Laufey Soffía.
„Við erum að spá í að nota einhver af
þessum kommentum utan á plötuumslagið
hjá okkur. Setja athugasemdirnar í gæsa-
lappir og notendanöfnin við hliðina á,“ segir
Sólveig Matthildur kímin. Að sögn þrímenn-
inganna er von á breiðskífunni fyrir jól,
bæði í vínyl- og geisladisksformi.
„Við erum að taka breiðskífuna upp með
Alison í Kimono, erum búnar að vera að því
í næstum því ár,“ segir Sólveig Matthildur.
„Maður þarf bara að drulla þessu út. Ef
maður dettur í það að fínpússa hluti of mik-
ið þá er það bara endalaus vítahringur.
Maður sér alltaf eitthvað sem maður getur
lagað,“ segir Laufey Soffía.
„Það hentar Kælunni heldur ekki að vera
fínpússaðar. Við erum mjög ófínar og ópúss-
aðar konur,“ segir Margrét Rósa hreinskilin
og lýkur þar með spjallinu – enda bjór- og
sígarettubirgðirnar búnar.
Morgunblaðið/Styrmir Kári
21.6. 2015 MORGUNBLAÐIÐ SUNNUDAGUR 49
Anna Jónsdóttir sópran
hefur í Akranesvita í kvöld,
laugardag, kl. 23.55 tónleika-
ferðalag sitt um Ísland undir
yfirskriftinni Uppi og niðri og þar í
miðju. Á efnisskránni eru íslensk
þjóðlög sungin án undirleiks. Tónleik-
arnir verða haldnir á óvenjulegum
stöðum, s.s. í hellum og í lýsistanki.
2
Fyrstu fimm konurnar sem
kjörnar voru á Alþingi Ís-
lendinga eru viðfangsefni
sögugöngu um miðborg
Reykjavíkur í dag, laugardag, kl. 14 og
mánudag 6. júlí kl. 20. Sögukonur í
göngunni eru þær Eyrún Ingadótt-
ir sagnfræðingur og Margrét
Sveinbjörnsdóttir menningarmiðl-
ari.
4
Litla Álfahátíðin verður hald-
in í Hellisgerði í dag, laugar-
dag, milli kl. 14 og 16. Allur
tónlistarflutningur verður í
höndum kvenna sem allar nota sér-
stök hljóðfæri, þeirra á meðal er
Bergljót Arnalds sem notar eigin
hjartslátt. Aðgangur er ókeypis.
5
Birgitta Spur veitir leið-
sögn um sýninguna Samspil -
Sigurjón Ólafsson & Finn Juhl
– Hugarflug milli högg-
myndar og hönnunar á morgun,
sunnudag, kl. 15 í Listasafni Sigurjóns
Ólafssonar. Á báðum hæðum safnsins
hefur verið stillt saman verkum eftir
Sigurjón og húsgögnum Juhls, frá
þeim tíma í Danmörku þegar þeir
voru samstiga og Juhl valdi fyrir heim-
ili sitt og teiknistofu verk Sigurjóns.
3
Sýningarstjórarnir Áslaug Íris
Friðjónsdóttir og Unnur Mjöll
S. Leifsdóttir ræða á morgun,
sunnudag, kl. 15 við safngesti
um sýninguna Enginn staður sem
nú stendur yfir í aðalsal Hafnar-
borgar.
MÆLT MEÐ
1