Dagblaðið Vísir - DV - 27.02.2009, Page 36

föstudagur 27. febrúar 200936 menningarverðlaun DV
NefNdiN
Ásgeir Jónsson
blaðamaður á DV, formaður
eldar Ástþórsson
framkvæmdastjóri Kraums
Helgi Jónsson
tónlistarfræðingur við Listaháskóla Íslands
Tónlist
Sinfóníuhljómsveit Íslands framkvæmdi það magnaða þrekvirki að leika á þrennum tón-
leikum, dagana 16., 17. og 18. október, allar sjö sinfóníur og fiðlukonsert finnska tónskálds-
ins Sibeliusar. Með þessum tónleikum sýndi Sinfóníuhljómsveit Íslands enn og aftur í verki
að hún er í fremstu röð, enda aðeins á færi frábærra hljómsveita að ráðast í flutning á þess-
um verkum á svo skömmum tíma og á þann frábæra hátt sem raun bar vitni.
Auk þess hlaut Sinfónían tilnefningu til Grammy-verðlauna, stærstu tónlistarverðlauna
heims, fyrir besta hljómdisk ársins í flokki hljómsveitarverka.
Sinfóníuhljómsveit Íslands
Kristinn Sigmundsson hefur í árafjöld verið meðal okkar allra bestu óperusöngvara og hef-
ur ferill hans verið með ólíkindum farsæll. Kristinn er tíður gestur á fjölum bestu óperu-
húsa heims auk þess að koma fram sem einsöngvari með mörgum af bestu hljómsveitum
heims. Samferðamenn og -konur Kristins í hans störfum eru listamenn í allra fremstu röð
söngvara og hljómsveitarstjóra og hann sómir sér vel sem hluti af þeim hópi.
Kristinn Sigmundsson
Elfa Rún Kristinsdóttir fiðluleikari og Melkorka Ólafsdóttir flautuleikari eru á meðal eftir-
tektarverðustu tónlistarmanna landsins úr stórum hópi tónlistarmanna af yngri kynslóð-
inni. Þær stöllur héldu tónleika víðs vegar um landið síðastliðið sumar þar sem þær fluttu
einleiksfantasíur Telemanns. Flutningur þeirra bar vott um afar næmt músíkalskt innsæi
og þroska. Þær hlutu einróma lof fyrir flutning sinn frá áheyrendum og gagnrýnendum sem
lýstu tónleikum þeirra á þann hátt að þeir hafi verið unaðslegir og göldrum líkir.
elfa rún Kristinsdóttir
og melkorka Ólafsdóttir
Hljómsveitin Hjaltalín greip alla þjóðina með einstakri útsetningu sinni á laginu Þú komst
við hjartað í mér eftir Togga. Eitt mest spilaða lag ársins 2008 á Íslandi. Þrátt fyrir að fyrsta
breiðskífa sveitarinnar, Sleepdrunk Seasons, hafi komið út árið 2007 hélt hún áfram að gera
góða hluti. Hún kom einnig út erlendis árið 2008 og hefur vakið verðskuldaða athygli utan
landsteinanna. Hvað mesta athygli hefur sveitin þó vakið fyrir tónleikahald sitt og frábær-
ar útsetningar þar sem fjölbreyttum hljóðfærum er blandað listilega saman. Hjaltalín hefur
vakið mikla athygli á Norðurlöndunum og sveitin var valin til þess að hita upp fyrir banda-
rísku hljómsveitina Cold War Kids á tónleikum þeirra í Madrid, Barcelona, Turin, Bordea-
ux og víðar í Frakklandi. Án efa ein bjartasta vonin á erlendri grundu. Spilamennsku þeirra
hefur verið líkt við ferskan blæ í erlendum miðlum.
Hjaltalín
FM Belfast skaust upp á stjörnuhimininn árið 2008 með hinni frábæru plötu How to make
friends. Gagnrýnendur gáfu þessari fyrstu breiðskífu sveitarinnar frábæra dóma og rataði
hún á flesta lista yfir bestu plötur síðasta árs. FM Belfast er dæmi um hljómsveit sem gerir
hlutina sjálf með hjálp vina og vandamanna. Allt frá útgáfu á verkum sínum, sem eru gefin
út af þeirra eigin plötufyrirtæki, World Champion Records, til gerðar myndbanda og marg-
víslegra kynningarmála á Netinu. Sveitin hélt frábæra tónleika hér heima sem og á SxSW í
Texas og By:Larm í Noregi. Mikil gleði einkennir sviðsframkomu sveitarinnar og er nánast
ómögulegt fyrir viðstadda að hrífast ekki með. Fyrir utan aðild sína að FM Belfast gaf Árni
Rúnar Hlöðversson, aðalsprauta sveitarinnar, einnig út frábæra breiðskífu á árinu undir
nafninu Hungry and the Burger; Lettuce and Tomato. Platan A! fylgdi einnig í kjölfarið eina
mínútu yfir miðnætti 2009. Þá var FM Belfast meðal þeirra sem hlutu Kraumsverðlaunin
árið 2009 sem voru valin af íslenskum tónlistarblaðamönnum og útvarpsmönnum.
Fm Belfast