Uppeldi og menntun - 01.07.2015, Síða 130

UPPELDI OG MENNTUN/ICELANDIC JOURNAL OF EDUCATION 24(2) 2015130
UPPELDIS - OG MENNTUNARFRÆÐI 40 ÁRA
sálfræði (5e). Inngangur að mannfræði (4e).Inngangur að stjórnmálafræði: Íslenska
stjórnkerfið (4e).
Valnámskeið (15-16e). Félagslegar aðstæður fatlaðra (5e). Margbreytileiki og minni-
hlutahópar (5e). Þróun menntakerfis (5e). Nám og skólastarf (5e). Menntun og
kynferði (5e). Fjölskyldur (5e). Heimili og skóli (5e). Forvarnir og heilsufar (5e).
Áhættuhegðun unglinga (5e). Siðferðisþroski og siðferðisuppeldi (5e). Uppeldisleg
samskipti í skólum (5e). Starfskynning í uppeldis- og félagsstarfi (3e).
Önnur námskeið innan uppeldis- og menntunarfræðiskorar og félagsvísindadeildar í
samráði við námsnefnd. Einnig er heimilt að taka allt að 6e í frjálsu vali utan deildar.
(Háskóli Íslands, 2000, bls. 471)
Þarna hefur framboðið á námskeiðum vaxið mikið, en frjálsa valið hefur minnkað.
Þá skal vakin hér sérstök athygli á inngangsnámskeiði um eigindlegar rannsóknar-
aðferðir sem var nýlega hafið. Kennsla um eigindlegar aðferðir við rannsóknir átti svo
eftir að eflast, bæði í grunn- og framhaldsnámi.
Kennarar við skorina fylgdust almennt vel með samsetningu sambærilegs náms í
háskólum nágrannalandanna við ákvörðun um námsframboð. Í skyldunámskeiðinu
Málstofa: Efst á baugi og framtíðarsýn áttu nemar að kynna BA-ritgerð sína á fagráðstefnu,
skrifa fræðigrein til birtingar og ritdæma bók á sviðinu. Þetta námskeið var fyrst kennt
árið 2003–2004 að fyrirmynd frá Wellesley College í Bandaríkjunum og síðan hefur
ráðstefna BA-nemanna verið ómissandi og fastur þáttur námsins.
Við flutninginn á Menntavísindasvið árið 2009 var ákveðið að halda áfram með BA-
námið, þó að ákveðnar efasemdir væru um það meðal okkar kennaranna hvort námið
fengi jafngóðan hljómgrunn þar.
ÚTSKRIFAÐIR BA-NEMAR
Á það skal minnt að BA-námið var aðeins hluti af starfsemi uppeldis- og menntunar-
fræðiskorar; kennsluréttindanámið var ávallt fyrirferðarmikið og frá 1997 framhalds-
námið í uppeldis- og menntunarfræði. Heildartala útskrifaðra með BA-próf í upp-
eldisfræði eða uppeldis- og menntunarfræði út árið 2009, þ.e. á meðan námið var á
Félagsvísindasviði, er 259; 224 konur og 35 karlar. Heildarfjöldi þeirra sem hafa út-
skrifast fram til ársins 2014 er 386; 346 konur og 40 karlmenn eða rúm 10%.1
Fyrstu fimm nemarnir útskrifuðust árið 1980. Það voru þau Gunnar Egill Finn-
bogason, Margrét Jónsdóttir, Elínbjört K. Hermannsdóttir, Margrét Ingibjörg Skafta-
dóttir og Sigríður Eddy Jóhannesdóttir. Áður höfðu nokkrir nemar lokið námi í auka-
grein. Árið 1981 útskrifuðust einnig fimm nemar en síðan tólf nemar bæði árin 1982
og 1983.
Athygli vekur þegar útskriftartölur eru skoðaðar að veruleg fækkun á útskriftum
úr BA-náminu á sér stað á árunum 1999–2006. Þetta skýrist að sjálfsögðu af því, sem
áður hefur komið fram, að inntaka í BA-námið var lokuð á meðan skorin var að byggja
upp meistaranámið, fyrst greina í Félagsvísindadeild. Árin 1997 og 1998 voru 23 BA-
útskriftir hvort árið en næstu ár, 1999–2003, fækkaði útskrifuðum BA-nemum veru-
lega eða í 13, 6, 4, 3 og 1. Árin 2004 og 2005 útskrifuðust 12 nemendur með BA-próf