Dagblaðið Vísir - DV - 29.01.2010, Qupperneq 8
SANDKORN
n Enn er óvíst hvort feðgarn-
ir Björgólfur Guðmundsson
og Björgólfur Thor Björgólfs-
son mæti í dómsal þegar réttað
verður í meiðyrðamáli þeirra
gegn Óskari Hrafni Þorvalds-
syni og Gunnari Erni Jónssyni,
fréttamanni
á Stöð 2,
vegna fréttar
í fyrra um
að feðgarn-
ir, Magnús
Þorsteins-
son og Karl
Werners-
son hefðu
flutt fé úr landi í kringum hrun.
Lögmaður þeirra sagði við mál-
flutning á fimmtudag að þeir
hefðu enga ákvörðun tekið um
slíkt. Hún varðist hins vegar
kröfu Óskars og Gunnars um
að feðgarnir greindu frá öllum
fjármunafærslum sínum um
þetta leyti og sagði að þeim
kæmu þessar færslur ekkert við.
n Magnús Þorsteinsson fékk
ansi háan reikning á fimmtudag
þegar Héraðsdómur Norður-
lands eystra úrskurðaði að hann
yrði að standa við ábyrgð sína á
láni frá Straumi. Lánið fékk BOM
ehf. til að kaupa bréf í Iceland-
ic. Magnús sagðist hafa sam-
þykkt að gangast í ábyrgð fyrir
láninu vegna mikils þrýstings
frá Straumi en að sjálfur hefði
hann engan ávinning haft af því
og lítið þekkt til félagsins. Þessi
vörn Magnúsar féll í grýttan jarð-
veg og sagði
dómarinn
sýnt fram
á að félag í
eigu Magn-
úsar hefði
keypt BOM
skömmu fyr-
ir lánveiting-
una. Magnús
hefur verið lýstur gjaldþrota og
býr í Rússlandi svo óvíst er hve
mikið af tæplega milljarðs króna
ábyrgðinni innheimtist.
8 FÖSTUDAGUR 29. janúar 2010 FRÉTTIR
„Ef fólk sér auglýsingar á netinu þar
sem dýr raftæki eru auglýst til sölu á
góðu verði þá á fólk að hafa varann á.
Sérstaklega ef engar upplýsingar um
aldur tækisins eru fáanlegar, engir
bæklingar eða upplýsingar um kaup-
in,“ segir Geir Jón. Hann segir að ef
seljandinn hefur engar upplýsingar
um til dæmis GPS-tæki eða tölvur, þá
séu það sterkar vísbendingar um eitt-
hvað misjafnt. „Ég tala nú ekki um ef
engar festingar fylgja með tækjunum
eða snúrur. Þá ætti fólk ekki að kaupa
hlutinn og tilkynna til lögreglunar
ef það telur að um þýfi geti verið að
ræða,“ segir Geir Jón.
Of gott til að vera satt
Geir Jón segir að vísbendingar um þýfi
geti einnig falist í verðinu. Æskilegt sé
að fólk hafi einhverja tilfinningu fyrir
því hvað hluturinn ætti að kosta mið-
að við ástand hans og aldur. „Söluverð
á þýfi er oft í hróplegu ósamræmi við
raunverulegt verðgildi hluta. Það er
oft skýr vísbending um að varan sé illa
fengin,“ segir hann og heldur áfram.
„Til dæmis má nefna að ef nýlegt GPS-
tæki, eins og eru í sumum bílum, sem
kosta um 80 til 100 þúsund úr búð,
eru boðin á 15, 20 eða 30 þúsund, án
festinga, þá getur fólk nánast sagt sér
það að um þýfi sé að ræða. Menn eru
stundum að reyna að selja dýr verk-
færi, sem eru jafnvel númeruð eða
merkt fyrirtækjum, án þess að seljand-
inn sé fulltrúi þeirra,“ segir Geir Jón.
Hann hvetur fólk, sem ætlar að
kaupa notuð raftæki á borð við tölvur,
flatskjái, GPS-tæki og flakkara, til að að
kaupa vöruna ekki óséða. „Fólk á að
fara og hitta seljandann, skoða vöruna
og athuga hvort eitthvað sé grunsam-
legt eða óeðlilegt við kaupandann eða
vöruna,“ segir Geir Jón. Stundum sé
hægt að leggja mat á það hvernig sölu-
maðurinn lítur út og hvort hann líti út
fyrir að vera traustsins verður.
Situr uppi með tjónið
Ef fólk tekur gylliboðum þjófa, vitandi
eða óafvitandi, er það í vondum mál-
um. Ef lögreglan hefur uppi á þjófnum
eða finnur stolna hluti, þá gerir hún þá
upptæka án þess að grunlaus kaup-
andinn fái nokkuð fyrir sinn snúð.
„Þá er hann einfaldlega búinn að tapa
þeim verðmætum sem hann lagði í
hlutinn. Hann situr uppi með tjónið
jafnvel þó að hann hafi ekki vitað af því
að um þýfi hafi
verið að ræða,“
segir Geir
Jón.
Getur
fengið
dóm
Geir Jón seg-
ir alveg ljóst að
of mikið sé um að
þýfi gangi kaupum
og sölum. Menn væru
ekki að stela þessum
hlutum í svona miklu
magni nema hægt væri
að koma þeim í verð. Fólk
virðist freistast til þess að
kaupa hluti sem ætla megi
að séu þýfi, einfaldlega
vegna þess að verðið er lygi-
lega gott. „Ef lögreglan getur
sannað að viðkomandi hefði
mátt vita að um þýfi hafi verið að
ræða, þá getur kaupandinn fengið
dóm fyrir það. Það kallast hlutdeild
að málinu,“ segir hann.
Geir hvetur fólk til að láta
lögregluna vita ef það
grunar að þýfi sé til sölu,
á netinu eða annars
staðar.
n Hver sem tekur við eða aflar sér eða öðrum ávinnings af broti skal sæta sektum
eða fangelsi allt að 2 árum. Sömu refsingu skal sá sæta sem geymir eða flytur
slíkan ávinning, aðstoðar við afhendingu hans eða stuðlar á annan sambærilegan
hátt að því að tryggja öðrum ávinning af broti. Nú er brot ítrekað eða stórfellt og
getur refsing þá orðið fangelsi allt að 4 árum. Sé brot framið af gáleysi varðar það
sektum eða fangelsi allt að 6 mánuðum.
Úr hegningarlögum:
VARAÐU ÞIG Á OF
GÓÐUM TILBOÐUM
Ef seljandi notaðra raftækja þekkir ekki aldur tækisins, á enga bæklinga eða snúr-
ur sem eiga að fylgja með eða selur það á lygilega góðu verði eru allar líkur á því
að um þýfi sé að ræða. Geir Jón Þórisson yfirlögregluþjónn bendir á að kaupendur
þýfis geti sjálfir fengið dóm.
BALDUR GUÐMUNDSSON
blaðamaður skrifar baldur@dv.is
Söluverð á þýfi er oft í hróplegu
ósamræmi við raunveru-
legt verðgildi hluta.
Þýfi í vörslu lögreglunnar Lögreglan
hvetur fólk til að láta vita ef grunur leikur
á að þýfi sé til sölu á netinu eða annars
staðar. Sá sem kaupir stolnar vörur getur
setið í súpunni. MYND SIGTRYGGUR ARI
Geir Jón Þórisson „Til dæmis má nefna
að ef nýlegt GPS-tæki eins og eru í sumum
bílum, sem kosta um 80 til 100 þúsund út
úr búð, eru boðin á 15, 20 eða 30 þúsund,
án festinga, þá getur fólk nánast sagt sér
það sjálft að um þýfi sé að ræða.“
LEIÐRÉTTING
Frétt DV á miðvikudag um laun
varaborgarfulltrúa hefur vakið
athygli, sérstaklega þáttur Mar-
grétar Sverrisdóttur. Í fréttinni
sagði ranglega að hún væri með
tæpar 300 þúsund krónur en
þar sem hún er aðeins í einni
fastanefnd hjá borginni lækka
launin um 25 prósent og eru því
212 þúsund á mánuði. Ólafur
F. Magnússon borgarfulltrúi
gagnrýnir hana harðlega fyrir
slaka fundarsókn í fyrirspurn hjá
borginni, rúmlega fimmtíu
prósent í fastanefnd og fyrir að
mæta ekki á fundi í hverfisráði
Úlfarsfells síðan í apríl. Sjálf
bendir Margrét á að hún mæti oft
á borgarstjórnarfundi þó hún
eigi þar ekki seturétt.
n Þekkir seljandinn aldur hlutarins
og sögu?
n Fylgja bæklingar með?
n Á seljandinn kvittun eða ábyrgð-
arskírteini?
n Fylgja festingar og snúrur?
n Lítur seljandinn grunsamlega út?
n Er verðið lygilega gott?
n Er hluturinn merktur einhverju
fyrirtæki?
Ertu að kaupa þýfi?