Dagblaðið Vísir - DV - 14.05.2010, Blaðsíða 14

14 FÖSTUDAGUR 14. maí 2010 FRÉTTIR
Hrafnhildur Stefánsdóttir, fórn-
arlamb Bjarka Más Magnússon-
ar, dæmds kynferðisbrotamanns,
flúði til Noregs eftir að hann áfrýj-
aði átta ára fangelsisdómi á hendur
sér til Hæstaréttar. Í útlöndum var
hún hins vegar ekki óhult því þang-
að ferðaðist Bjarki Már nýverið og
áreitti hana að næturlagi. Allan tím-
ann sem hann var í landinu vaktaði
norska lögreglan heimili Hrafnhild-
ar.
Á meðan áfrýjunarferlið átti sér
stað og beðið var meðferðar Hæsta-
réttar gekk Bjarki Már laus og var
hann ekki í farbanni. Fyrir vikið var
honum frjálst að ferðast til Noregs
á dögunum þar sem hann setti sig
strax í samband við Hrafnhildi. Eft-
ir símtalið tilkynnti hún veru hans
í landinu til lögreglu sem kom þeg-
ar á vakt við húsið hennar. Að sögn
Hrafnhildar kom það þó ekki í veg
fyrir ítrekaðar símhringingar að
næturlagi sem ollu miklum ótta hjá
henni.
Hræðileg upplifun
„Að fá hann hingað út var alveg ólýs-
anlegt, ég sat bara frosin við eld-
húsborðið með hnefana kreppta.
Þar sat ég á vakt með því að horfa
út um gluggann. Hann gerði tilraun
til að heimsækja mig og var bara
hér í næsta garði, ég sturlaðist nátt-
úrulega og gat hvorki sofið né borð-
að allan þennan tíma sem hann var
í landinu. Ég mætti sem betur fer
skilningi lögreglunnar sem vakt-
aði húsið mitt allan tímann,“ segir
Hrafnhildur.
Sumarið 2009 var Bjarki Már, sem
er stjórnmálafræðingur að mennt,
dæmdur í átta ára fangelsi í Hér-
aðsdómi Reykjavíkur. Það var fyrir
margítrekuð kynferðis- og ofbeldis-
brot gagnvart Hrafnhildi, á þriggja
ára tímabili, sem hann fékk dóminn.
Á þessum árum taldi héraðsdóm-
ara fullsannað að hann hefði neytt
hana til kynmaka með fjölda ókunn-
ugra manna ásamt því að hafa tek-
ið myndir og myndbönd af kynlífs-
athöfnunum. Af ótta við Bjarka Má
þorði Hrafnhildur ekki að greina frá
stöðu sinni og í raun var það fyrir til-
viljun sem lögregla komst á sporið.
Bjarki Már áfrýjaði fangelsisdómi
sínum til Hæstaréttar þar sem mál-
ið var tekið fyrir í vikunni og á mið-
vikudaginn síðastliðinn var átta ára
fangelsisdómurinn staðfestur. Þá
var honum gert að greiða Hrafnhildi
þrjár milljónir í miskabætur og nú
bíður hún þess að hann fari í fang-
elsi.
Sjálf í fangelsi
Hrafnhildur bendir á að fram til
dagsins í dag hafi hún sjálf verið í hátt
í sex ára fangelsi frá því hún kynntist
Bjarka Má. Aðspurð óttast hún einn-
ig biðina fram að því að hann hefji
afplánun. „Þetta er vissulega létt-
ir. En á sama tíma óttast ég við-
brögð hans og verð logandi hrædd
þar til hann fer í fangelsi. Nú tek-
ur við versta biðin því hann hlýtur
að vera ósáttur við niðurstöðuna
og ég veit ekkert hvað hann gerir,“
segir Hrafnhildur.
„Málinu er ekki lokið fyrir mér
fyrr en Bjarki fer loksins inn í fang-
elsi og í raun ekki algerlega  fyrr
en ég er búin að fá aðstoð við að
vinna mig frá þessum hörmung-
um. Þegar hann fer inn finnst
mér loks að ég geti farið að byggja
upp mitt líf sem hefur ekki verið
dans á rósum frá því ég hitti hann
fyrst 2004. Þetta er skelfileg að-
staða sem fórnarlamb er í, þetta
er hreint fangelsi eftir sjálft fang-
elsið í  sambúðinni.  Sambúðar-
fangelsið mitt var 3 ár, bið eftir
héraðsdómi var um 1,5 ár, bið
eftir Hæstarétti var tæpt ár og nú
tekur við biðin þar til hann fer
í  fangelsi. Samanlögð  afplánun
mín er því orðin  5,5 ár og hans
afplánun er ekki einu sinni hafin.“
Fangelsi hugans
Aðspurð hvort hún sjái möguleika
á því að snúa aftur til Íslands segir
Hrafnhildur að svo geti farið. Hvort
hún geti lýst ótta sínum segir hún
það erfitt með orðum. „Ég hef lifað
í stöðugum ótta, alla daga og næt-
ur, því svona menn eru óútreiknan-
legir. Engin skynsemi gat dregið úr
þeim ótta og bjóst ég því sífellt við
hinu versta, alltaf á verði og flótta. Ég
hugsa sannarlega til þessa skelfilega
tíma á hverjum degi og þetta hefur
haft alvarlegar afleiðingar fyrir mína
heilsu,“ segir Hrafnhildur.
„Sannarlega kem ég til Íslands
þegar Bjarki fer í fangelsi. Ég þarf á
minni fjölskyldu, vinum og góðri
aðstoð sem mér býðst á Íslandi  að
halda. Ég hef ekki getað unað mér
á Íslandi vitandi af honum á næsta
horni. Sennilega losna ég aldrei að
fullu við óttann en það mun hjálpa
mér mikið að vita af honum í fang-
elsi í einhvern tíma og þá get ég nýtt
mér faglega aðstoð sem er í boði. Nú
er ég að losna úr fangelsinu gagnvart
Bjarka en fangelsi hugans er eftir. Ég
losna vonandi úr því með góðri að-
stoð frá góðu fólki á Íslandi.“
Tók ósköpin upp
Bjarki og Hrafnhildur kynntust hér
á landi í árslok 2004. Hann var þá í
námi í Noregi og flutti hún til hans
snemma árs 2005. Hrafnhildur er
menntaður hjúkrunarfræðingur og
fékk starf á virtu sjúkrahúsi í Noregi.
Sambúð þeirra hafði aðeins varað
í um tvo mánuði þegar hún fór að
efast um sambandið vegna skaps-
muna hans og stjórnsemi. Hrafn-
hildur flutti þá út frá honum og
leigði sér herbergi, enda vildi hún
fyrir alla muni halda í starfið á spít-
alanum.
Bjarki sannfærði hana fjótt um að
flytja aftur til hans. Eftir það fór hún
að upplifa sambúðina sem gíslingu.
Fram til ársloka 2007 átti Hrafnhild-
ur eftir að fara frá honum tvisvar til
viðbótar en Bjarki náði alltaf að telja
hana á að koma aftur.
Bjarki bjó með Hrafnhildi um
nokkurra ára skeið og stóðu árásirn-
ar sem hann var dæmdur fyrir yfir
á árunum 2005 til 2007. Þá neyddi
Bjarki konuna til að hafa samræði og
önnur kynferðismök við ellefu aðra
karlmenn. Þá ljósmyndaði hann
konuna nauðuga í téðum kynlífsat-
höfnum og tók jafnvel upp á mynd-
band.
Undir stöðugu eftirliti
Að sögn Hrafnhildar kom Bjarki
Már einstaklega vel fyrir og hreif
alla upp úr skónum í kringum hana.
Fjölskyldu Hrafnhildar var þó farið
að gruna að eitthvað væri að vegna
þess hversu einangruð hún var orð-
in. Hún fékk ekki að hringja, senda
tölvupóst eða fara í heimsóknir án
eftirlits. Bjarki fylgdi Hrafnhildi til og
frá vinnu og þegar hún fór til lækn-
is. Að eigin sögn átti hún sér ekkert
einkalíf.
Bjarki Már útskrifaðist með BA-
gráðu í stjórnmálafræði frá Háskóla
Íslands og stundaði meistaranám
í stjórnmálafræði við Århus
Universitet í Danmörku. Hann
var í starfsnámi hjá sendiskrif-
stofu framkvæmdastjórnar Evr-
ópusambandsins gagnvart Ís-
landi og Noregi í Ósló, auk þess
sem hann starfað hjá Bandalagi
háskólamanna á námstíman-
um. Um tíma starfaði hann sem
fréttaritari Stöðvar 2 í Svíþjóð og
sat í stjórn Félags ábyrgra feðra
þar sem hann fékk birtar grein-
ar í fjölmiðlum um börn og fjöl-
skyldulíf. Þá starfaði hann einnig
um tíma sem fangavörður í Síðu-
múlafangelsinu en þarf nú að
standa hinum megin rimlanna
næstu átta ár.
Þriggja ára víti
Hrafnhildur sætti ofbeldi af hálfu
sambýlismanns síns í þrjú ár þeg-
ar nánast óvart komst upp um of-
beldið. Af ótta við Bjarka Má þorði
hún ekki að greina frá því sem átti
sér staði innan veggja heimilisins.
Þegar sambýlismaðurinn réðst að
föður sínum, sem þau bjuggu hjá,
hringdu nágrannarnir á lögregluna.
Lögreglumennirnir fundu Hrafn-
hildi þá illa leikna og hvöttu hana æ
síðan til að segja frá.
Lögreglumennirnir sáu strax að
eitthvað alvarlegt amaði að henni og
reyndu að fá hana til að koma nið-
ur á lögreglustöð. Hún neitaði hins
vegar öllu og sagði þeim að láta sig
í friði. Hún óttaðist viðbrögð Bjarka
ef hún segði frá, auk þess sem hún
efaðist um að nokkur myndi trúa
henni. Á endanum lagði lögreglan
fram kæru á hendur honum og þeg-
ar Hrafnhildur fann þann stuðning
gaf hún sig og sagði frá öllu.
Lifir enn í ótta
Hrafnhildi finnst hún ekki bara hafa
verið gíslingu í þau þrjú ár sem þau
bjuggu saman heldur einnig í þau
tvö og hálft ár sem liðið er frá því að
Bjarki Már var fyrst kærður. Hræðsl-
an spilaði stórt hlutverk í því að hún
fór ekki frá honum á sínum tíma og
enn í dag lifir hún í miklum ótta. „Ég
var svo hrædd við að fara frá honum
því ég vssi ekkert hvað hann myndi
gera. Ég er enn að byggja upp sjálfs-
traust og gat lengi vel ekki farið ein
út úr húsi. Það er rétt svo að ég þori
að fara ein út í búð. Fyrst hef ég þurft
að bíða í 1,5 ár frá kæru til héraðs-
dóms og svo annað ár eftir Hæsta-
rétti. Allan tímann lifi ég í stöðugum
ótta og veit ekkert hvernær hann fer
í fangelsi eða hvort hann er nú í far-
banni. Það er spurning hve löng bið
er eftir svo ég geti reynt að hefja líf
mitt á ný,“ segir Hrafnhildur.
„Þó svo ég viti ekki hversu lengi
ég verði að vinna mig út úr þessu þá
er ég bjartsýn á framtíðina. Ég veit
nú að það er hægt að upplifa lífið
og byggja upp sjálfstraust. Ég sendi
konum í ofbeldissamböndum þau
skilaboð að það er leið út og hægt að
lifa án ofbeldismannsins.“
Von um betra líf
Aðspurð segir Hrafnhildur biðina
eftir lokaniðurstöðu hafa verið afar
erfiða þar sem hún sé í raun enn ekki
frjáls undan verknaði Bjarka Más.
Hún segir það eitt að ræða málið ýfa
upp öll sár. „Ég fór hingað út því ég
hélt að hann fengi ekki, með svona
stóran dóm á bakinu, að ferðast á
milli landa. Ég flúði út og hann fékk
óáreittur að fara á eftir mér, það skil
ég ekki. Fyrir vikið lifi ég enn í sama
óttanum. Ég gerði ráð fyrir því að
geta verið í felum í útlöndum,“ segir
Hrafnhildur.
Hrafnhildur er í meðferð vegna
áfallaröskunar en hún segir erfið-
lega ganga að vinna úr málunum
fyrr en málinu sé endanlega lokið
með afplánun. Tilfinningarnar séu
einfaldlega dofnar. Henni finnst
skorta á vernd fórnarlamba kynferð-
isbrota. „Mér finnst vanta að fórnar-
lömb geti fengið grið á meðan málin
eru í ferli milli dómstiga. Það virðist
ekkert vera sem heftir hann til ferða-
laga eða athafna. Á sama tíma er ég á
ákveðinn hátt enn þá í fangelsi og get
ekki einu sinni flúið land. Mér finnst
að það þurfi að koma á einhverju
ferli þarna á milli svo að aðrar kon-
ur lendi ekki í því sem ég hef upplif-
að. Bara að tala um þetta ýfir málið
upp hjá mér og ég næ í raun ekkert
að vinna úr áfallinu fyrr en þetta er
búið. Fyrir vikið hefur þetta skelfi-
legar afleiðingar fyrir mig og alla þá
sem mér þykir vænt um. Tilfinning-
ar mínar hafa verið dofnar um ára-
bil og Guð mun vonandi hjálpa mér
með fyrirgefninguna þegar frá líður.
Ég á mér von um betra líf og bíð eftir
frelsinu,“ segir Hrafnhildur.
Við vinnslu fréttarinnar var reynt
að hafa uppi á Bjarka Má en án ár-
angurs. Þær upplýsingar fengust á
vinnustað hans, Hótel Smára í Kópa-
vogi, að óvíst væri hvort hann snéri
þar aftur til starfa eftir dóminn.
Bjarki Már Magnússon, dæmdur kyn-
ferðisbrotamaður, er frjáls ferða sinna
þrátt fyrir 8 ára fangelsisdóm og ferð-
aðist nýlega til Noregs þar sem hann
áreitti fórnarlamb sitt og fyrrverandi
sambýliskonu, Hrafnhildi Stefánsdótt-
ur, að næturlagi. Norsk lögregla vaktaði
hús hennar á meðan hann var í landinu.
Í vikunni staðfesti Hæstiréttur 8 ára
dóm og bíður Hrafnhildur nú eftir því
að hann verði settur í fangelsi.
„ÉG BÍÐ EFTIR FRELSINU“
TRAUSTI HAFSTEINSSON
blaðamaður skrifar: trausti@dv.is
MIKLU VERRA EN ARGENTÍNA
FÓRNARLAMBIÐ segIR FRá:
NæRMyNd
Framundan er spennandi dagskrá
sem hentar þér fullkomlega
www.badhusid.is
F r j á l s t , ó h á ð d a g b l a ð
NÝ SKORdÝR
28. –30. ÁGÚST 2009
dagblaðið vísir 119. tbl. – 99. árg. – verð kr. 548
þrjÚ
Ár Í
VÍTI
SAMBÝLISMAÐUrINN NEYDDI HANA TIL
SAMrÆÐIS VIÐ ELLEfU ÓKUNNUGA KArLMENN
HANN HAfÐI EfTIrLIT MEÐ TÖLVUPÓSTI
HENNAr, SÍMTÖLUM OG HEIMSÓKNUM
HANN SKrIfAÐI GrEIN-Ar UM fjÖLSKYLDULÍf OG KYNNTI SIG SEM jAfN-rÉTTISSINNA
SÉRHLÍFINN EN GÓÐURSIGMUNDUr ErNIr rÚNArSSON: BrOTTrEKSTUrINN, GOLfMÓTIN, þINGIÐ OG KArAKTErINN
HANNES
KENNIR
KAPÍTALISMA
BORGHILdUR
BERST ENN:
„BÖRNIN
GEFA MÉR
STyRK“
„HOPPAÐI, SÖNG OG GRENjAÐI“
GEYSIr VEIÐIr
MEÐ
MAGMA
NEMA LANd
Í HáSKÓLA ÍSLANdS
FæR LOKSINS LyF VIÐ MS
SNÝR AFTUR
EFTIR 23 áR
WALL STrEET-MIÐLAr-
INN GUÐMUNDUr
frANKLÍN SÉr GULLIN
TÆKIfÆrI Á ÍSLANDI
Ég mætti sem betur fer skiln-
ingi lögreglunnar sem
vaktaði húsið mitt all-
an tímann.
Átta ár Bjarki Már var fundinn sekur
fyrir ítrekuð kynferðis- og ofbeldis-
brot gagnvart Hrafnhildi og dæmdur
í átta ára fangelsi. Hann áfrýjaði til
Hæstaréttar og meðan beðið var
niðurstöðunnar gerði hann tilraun til
að heimsækja hana í Noregi.
Þrjú ár í víti Í einlægu viðtali við DV lýsti Hrafnhildur upplifun sinni á afbrigðilegu sambandi sínu við Bjarka Má með skila-boðum til kvenna í ofbeldissamböndum að leið væri út.