Dagblaðið Vísir - DV - 14.05.2010, Blaðsíða 19
FRÉTTIR 14. maí 2010 FÖSTUDAGUR 19
UNGBÖRN SEM DEYJA Í BÍLUM
var í gangi. Þá uppgötvaði hann að
hann hafði gleymt að skutla Mikey,
10 mánaða gömlum syni sínum, til
dagmömmu. Hann var þegar dáinn.
Warschaer var ekki ákærður, en seg-
ir sjálfur að mánuðum saman hafi
hann íhugað sjálfsvíg. „Sorg og reiði
eru ekki réttu orðin til að útskýra
hvernig mér líður. Það þarf önnur
orð til að skýra það.“
Átta klukkustundir í bílnum
Í viðtali við fjölmiðla nokkrum mán-
uðum síðar, lýsti Miles Harrison því
hvernig þau hjónin hafa haldið her-
bergi sonar síns nákvæmlega eins
og það var. Myndir af honum upp
um alla veggi. „Stundum lítum við á
myndirnar saman og eiginkona mín
brotnar saman og grætur. Hún reyn-
ir að láta mig ekki sjá það, en það fer
ekki framhjá mér og sektarkenndin
étur mig upp að innan.“ Það er ólík-
legt að hjónin fái að ættleiða barn
aftur.
Harrison var 49 ára þegar hann
var einn sólríkan sumardag á leið
til vinnu. Í aftursætinu var Chase,
hinn ættleiddi sonur hans, í bílstól.
Harrison var að drukna í verkefnum
í vinnunni og eyddi allri bílferðinni
á leið til vinnu með farsímann við
eyrað. Hann ætlaði að skutla Chase
til dagmömmunnar, en stressið varð
þess valdandi að hann gleymdi því.
Að loknum vinnudeginum kom
hann að bílnum og uppgötvaði að
sonur hans hafði verið bundinn í
bílstólnum allan daginn. Sólin hafði
skinið inn í bílinn og steikjandi hit-
inn dró soninn til dauða.
Svissneskur ostur
30. mars árið 2007 gleymdi fjöl-
skyldukonan Lyn Balfour 9 mánaða
gömlum syni sínum inni bílnum fyr-
ir utan vinnuna. Hún starfaði sem
millistjórnandi á skrifstofu saksókn-
ara í bænum Charlottesville í Banda-
ríkjunum. Það var ekki mjög heitt úti
þann dag, aðeins um 15 stiga hiti.
Það var hins vegar sólríkt og þegar
sólin hafði skinið inn í bílinn allan
daginn varð mjög heitt inni í hon-
um. Talið er að allt að 43 stiga hiti
hafi verið í bílnum þegar mest var.
Ungbörn þola slíkan hita miklu verr
en fullorðnir og þegar þau eru föst í
bílnum heilan dag, er ekki að sökum
að spyrja.
Það merkilega við sögu Balfour, er
að henni er lýst af öllum sem þekkja
hana sem svokallaðri A-manneskju,
sem hefur allt sitt á hreinu og pass-
ar að hvergi séu lausir endar. Eins
ótrúlega og það hljómar viðurkennir
Balfour að persónuleiki hennar hafi
orðið þess valdandi að hún gleymdi
syni sínum.
Breskur sálfræðingur að nafni
James Reason, setti fram kenningu
í sálfræði um sem hann kallar ein-
faldlega „svissneski osturinn“. Hann
tekur dæmi um fólk eins og Balfour,
sem gerir hörmuleg mistök, þrátt fyr-
ir að vera mjög skipulögð og að hafa
mörg varnarlög til að fyrirbyggja slys.
Í hverju lagi eru hins vegar lítil göt
eins og í ostasneið. Hvert gat táknar
veikleika í fari manneskjunnar. Þeg-
ar mörgum varnarlögum er hlaðið
ofan á hvort annað, öll með nokkr-
um götum, getur það gerst að götin
mynda eitt stórt gat og allt brestur í
huga manneskjunnar.
Allt lagðist á eitt
Balfour hafði verið vakandi nóttina
áður, að passa fyrir vin sinn og einn-
ig þurfti hún að fara með hundinn
sinn á dýraspítala um nóttina. Þar
að auki var hún að sinna 9 mánaða
gömlum syni sínum. Mikið álag var
því á móðurinni. Drengurinn var
ekki vanur að sofna í bílnum, en
þennan dag gerðist það. Annað sem
var óvenjulegt þennan dag var að
Bryce litli var ekki í bílstólnum sín-
um, heldur var hann í öðrum bílstól
sem var beint fyrir aftan bílstjóra-
sætið, en ekki fyrir aftan farþegasæt-
ið eins og vanalega. Balfour sá son
sinn því ekki í baksýnisspeglinum.
Fjölskyldan átti tvo bíla. Ann-
ar þeirra var í viðgerð þennan dag.
Balfour þurfti því að skutla eigin-
manni sínum í vinnuna. Hann sat
í framsætinu og því geymdi hún
bleiupakkann í aftursætinu. Bal-
four var vön því að geyma pakkann
í framsætinu þar sem hún sá hann.
Á leiðinni í vinnuna þurfti hún að
sinna erfiðum málum í símanum.
Fyrra samtalið var við vinnufélaga
út af krísu sem hafði komið upp í
vinnunni og annað símtalið var
við frænku hennar sem var í vanda
stödd.
Dagmamma drengsins var undr-
andi á því að Balfour skyldi ekki
skutla Bryce til sín eins og vanalega.
Hún hringdi nokkrum sinnum í far-
símann hennar, en síminn var á stað
þar sem hún Balfour heyrði ekki í
honum. Allt virtist leggjast á eitt og
samkvæmt kenningunni um svissn-
eska ostinn höfðu litlu götin mynd-
að eitt sórt gat og allt brást.
„Guð minn góður“
Balfour var sótt til saka. Hún var ekki
ákærð fyrir manndráp af gáleysi eins
og Harrison heldur fyrir morð af
annarri gráðu. Viðurlög við því eru
allt að 40 ára fangelsi. Á meðan á
réttarhöldunum stóð bannaði dóm-
ari henni að vera ein nálægt börn-
um, sonur hennar á táningsaldri var
þeirra á meðal. Balfour réð dýran
verjanda sem náði að fá ákærunni
breytt í manndráp af gáleysi, þar
sem hann benti á ekki væru nein
sönnunargögn fyrir því að hún hefði
skilið son sinn viljandi eftir í bílnum.
Verjandinn brá á það ráð að vekja
samúð kviðdómsins í máinu með
því að spila átakanlegar upptökur
frá því er hún hringdi í barnfóstruna
þennan örlagaríka dag. Í símtalinu
uppgötvaði Balfour að hún hefði
aldrei skutlað stáknum um morg-
uninn. „Hvað meinar þú að hann sé
ekki hjá þér?“ heyrðist hún segja við
barnfóstruna.
Hin upptakan var frá því hún
hringdi örvingluð í neyðarlínuna
eftir að hún hafði uppgötvað að
sonur hennar væri þungt haldinn
í bílstólnum. Á upptökunni heyrð-
ist Balfour lýsa því fyrir starfs-
manni neyðarlínunnar hvað bar
fyrir augum hennar. Nokkrum sek-
úndum síðar heyrðist hún hrópa:
„Guð minn góður. Nei!“ Hún þagði
í nokkrar sekúndur, þar til hún
heyrðist hrópa grátandi: „ Nei nei,
gerðu það, nei!“ Nokkrar sekúndur
liðu þar til hún kom aftur upp orði:
„Gerðu það, guð, gerðu það!“
Ástæðan fyrir þögninni á milli
hrópanna var að á meðan hún var í
símanum við neyðarlínuna, reyndi
hún árangurslausar lífgunartilraun-
ir á drengnum. Hún lýsti því að hún
væri óhæf móðir sem gæti aldrei
orðið hamingjusöm aftur á milli
þess sem hún reyndi að lífga dreng-
inn við. Drengurinn var þegar dáinn
þegar sjúkralið kom á vettvang.
Eftir að upptakan hafði verið
spiluð tók það kviðdóminn aðeins
um einn og hálfan klukkutíma að
komast að einróma niðurstöðu. Bal-
four var sýknuð af ákærunni.
Gerðu það, guð, gerðu það!
Ofhitna Á hverju ári gleyma
fjölmargir foreldarar í Bandaríkjunum
börnum sínum í bílnum klukkustund-
um saman og þau deyja úr ofhitnun.
Myndin er sviðsett. MYND PHOTOS.COM