Dagblaðið Vísir - DV - 14.05.2010, Page 36
Fríða fæddist að Hesteyri við Hest-
eyrarfjörð í Sléttuhreppi 11.12. 1940
og ólst þar upp til fimm ára aldurs
en flutti þá með fjöldskyldu sinni til
Keflavíkur.
Hún stundaði menntaskólanám á
Laugarvatni í tvo vetur, bjó á Ísafirði
veturinn 1958-59 en flutti til Reykja-
víkur 1960 og bjó þar síðan.
Fríða lauk stúdentsprófi frá ML
1961, BA-próf frá HÍ í íslensku og
bókasafnsfræðum 1971 og cand.
mag. próf í íslenskum fræðum 1979.
Á námsárunum vann Fríða við
afgreiðslustörf í bókaverslunum, var
m.a. bókavörður við bókasafn Menn-
ingarstofnunar Bandaríkjanna 1964-
70 og við Háskólabókasafnið, var
deildarfulltrúi við heimspekideild HÍ
1971-73 og var stundakennari við HÍ
og KHÍ á árunum 1973-75.
Allt frá árinu 1978 fékkst hún fyrst
og fremst við ritstörf en sinnti einnig
prófarkalestri, þýðingum o.fl..
Meðal verka eftir Fríðu: Leikrit
Jökuls Jakobssonar, kandidatsritgerð
1980; Þetta er ekkert alvarlegt, smá-
sagnasafn 1980; Sólin og skugginn,
skáldsaga 1981; Við gluggann, smá-
sögur 1984, Eins og hafið, skáldsaga,
1986; Meðan nóttin líður, skáldsaga
1990; Í luktum heimi, skáldsaga 1994
og 2001, Maríuglugginn, skáldsaga
1998, Sumarblús, smásögur 2000 og
Í húsi Júlíu, skáldsaga 2006.
Af þýðingum Fríðu má m.a. nefna
Furður veraldar eftir Arthur C. Clark,
1983; Lestarferðina, unglingasögu
eftir T. Degens, 1984; Þjóð bjarnarins
mikla eftir Jean Auel, 1986, barna-
söguna Ferðina til Kalajoki og Í góðu
hjónabandi, eftir Doris Lessing. Þá
birtust eftir Fríðu fjöldi greina um
bókmenntir í blöðum og tímaritum.
Fríða hlaut viðurkenningu frá
Rithöfundasjóði Íslands 1982, styrk
Rithöfundasjóðs ríkisútvarps-
ins í ársbyrjun 1988; Íslensku bók-
menntaverðlaunin fyrir skáldsöguna
Meðan nóttin líður 1990; menning-
arverðlaun DV í bókmenntum fyrir
sama verk 1991, og bókmenntaverð-
laun Norðurlandaráðs fyrir sama
verk 1992. Hún var heiðursfélagi í
Rithöfundasambandi Íslands, var
sæmd riddarakrossi hinnar íslensku
fálkaorðu 1994 og var í heiðurslauna-
flokki Alþingis.
Skáldsagan Meðan nóttin líð-
ur hefur verið þýdd á ensku, þýsku,
tékknesku og á hin Norðurlandamál-
in.
Fjölskylda
Fríða giftist 1959 Gunnari Ásgeirs-
syni, f. 9.8. 1937, fyrrv. yfirkennara
við Réttarholtsskólann í Reykja-
vík. Foreldrar Gunnars voru Ásgeir
Jóhannesson, f. 31.7. 1913, d. 14.7.
1990, pípulagningameistari á Ísa-
firði, og Þuríður Jónsdóttir Edwald,
f. 10.4. 1913, d. 7.1. 2003, húsmóðir.
Fríða og Gunnar eiga tvo syni.
Þeir eru Ásgeir Gunnarsson, f. 30.1.
1959, fiskifræðingur hjá Hafrann-
sóknastofnun, búsettur í Reykjavík
en kona hans er Hugrún Rós Hauks-
dóttir sjúkraliði og eru börn þeirra
Davíð Gunnar Ásgeirsson, f. 27.4.
2002, og Fríða Rós Ásgeirsdóttir, f.
22.8. 2006 auk þess börn Hugrún-
ar Rósar eru Esther, f. 1989 og Ólaf-
ur Engilbert, f. 1997; Björn Sigurður
Gunnarsson, f. 2.9. 1970, matvæla-
fræðingur og doktor í næringarfræði,
búsettur í Reykjavík en kona hans er
Ragnheiður Lóa Björnsdóttir fram-
haldsskólakennari og eru börn þeirra
Helga Þórey Björnsdóttir, f. 31.10.
1998 og Gunnar Ólafur Björnsson, f.
17.6. 2003.
Fríða var næstyngst þrettán syst-
kina. Guðný Sigrún, yngsta syst-
ir Fríðu, er nú ein eftirlifandi syst-
kinanna. Systkini Fríðu: Jakobína,
f. 1918, d. 1994, rithöfundur í Garði
í Mývatnssveit; Sigurborg Rakel, f.
1919, d. 2005, húsfreyja í Grænuhlíð
við Reyðarfjörð; Ólafía Ásdís, f. 1920,
d. 1998, húsmóðir í Reykjavík; Sig-
ríður Stefanía, f. 1922, d. 2001, hús-
móðir í Keflavík; Sigurður Kristján, f.
1923, d. 1934; Kristján Stefán, f. 1924,
d. 1997, yfirlæknir Sjúkrahússins í
Keflavík; Ingólfur Marteinn, f. 1926,
d. 1971, trésmíðameistari í Reykja-
vík; Baldvin Lúðvík, f. 1928, d. 1990,
vaktmaður hjá Eimskipafélagi Ís-
lands í Reykjavík; Guðmundur Jó-
hann, f. 1929, d. 1979, skipasmiður í
Keflavík, síðar búsettur í Reykjavík;
Guðrún Rósa, f. 1930, d. 2007, hús-
móðir í Kópavogi; Guðni Kjartan, f.
1931, d. 1936; Guðný Sigrún, f. 1945,
bankastarfsmaður á Skagaströnd.
Foreldrar Fríðu voru Sigurður Sig-
urðsson, f. á Læk í Aðalvík 28.3. 1892,
d. 9.5. 1968, bóndi í Hælavík og síð-
ar símstöðvarstjóri á Hesteyri, og
k.h., Stefanía Halldóra Guðnadóttir,
f. 22.6. 1897, d. 17.11. 1973, húsfreyja.
Ætt
Sigurðar var sonur Sigurðar, b. á Læk
Friðrikssonar, b. í Rekavík Einars-
sonar, b. á Horni Sigurðssonar, b. þar,
bróður Jóns, b. í Stóru-Ávík, föður
Páls, b. á Kaldbak og ættföður Páls-
ættar yngri, langafa dr. Símons Jó-
hanns Ágústssonar prófessors, föður
Baldurs prófessors, en systir dr. Sím-
ons Jóhanns var Sveinsína, móðir
Skúla Alexanderssonar alþm.. Þá var
Páll langafi Bjarna, langafa Sigríðar
Ellu Magnúsdóttur óperusöngkonu.
Sigurður var sonur Páls, b. í Reykj-
arfirði á Ströndum og ættföður Páls-
ættar eldri Björnssonar, b. og járn-
smiðs á Þórustöðum í Önundarfirði
Sveinssonar, hálfbróður Brynjólfs,
biskups Sveinssonar.
Móðir Sigurðar Sigurðssonar
var Kristín Arnórsdóttir, b. í Reka-
vík Ebenezerssonar, b. á Dynjanda
Ebenezerssonar, b. í Efri-Miðvík
Jónssonar, sammæðra bróður Jóns
Thorkelíns, prófessors og leynd-
arskjalavarðar í Kaupmannahöfn.
Móðir Ebenezers á Dynjanda var
Ingibjörg Guðmundsdóttir. Móð-
ir Kristínar var Bjargey Einarsdóttir,
systir Friðriks í Rekavík.
Systir Stefaníu Halldóru var Ingi-
björg, móðir Þórleifs Bjarnasonar,
námstjóra og rithöfundar, föður Frið-
riks Guðna skálds. Bróðir Stefaníu
var Sigmundur, b. í Hælavík og vita-
vörður, sem sendi frá sér ljóðabókina
Brimhljóð, árið 1955, afi Björgvins
Guðmundssonar verkfræðings.
Stefanía var dóttir Guðna, b. í
Hælavík og á Búðum í Hlöðuvík
Kjartanssonar, b. á Atlastöðum Ól-
afssonar, b. þar Jónssonar, b. þar
Þorkelssonar. Móðir Ólafs var Þóra
Snorradóttir. Móðir Kjartans var
Soffía Jónsdóttir, b. á Steinólfsstöð-
um Einarssonar, og Guðrúnar Lár-
entínusardóttur, b. á Hóli í Bolung-
arvík Erlendssonar, sýslumanns á
Hóli Ólafssonar, bróður Grunnavík-
ur-Jóns. Móðir Guðna var Ingibjörg,
systir Herborgar, langömmu Kjart-
ans, föður Ólafs Helga, sýslumanns
á Selfossi, en systir Kjartans er Ragn-
hildur, móðir Árna R. Árnasonar
heitins, alþm. Önnur systir Ingibjarg-
ar var Sigurfljóð, langamma Árna
Gunnarssonar, framkvæmdastjóra
Heilsustofnunar NLFÍ í Hveragerði
og fyrrv. alþm. Bróðir Ingibjargar var
Sakarías, langafi Rannveigar Guð-
mundsdóttur, fyrrv. alþm. Ingibjörg
var dóttir Sakaríasar, b. í Stakkadal
Guðlaugssonar, b. í Efri-Miðvík Jóns-
sonar, bróður Jóns, langafa Oddnýj-
ar, langömmu Óla Þ. Guðbjartsson-
ar, fyrrv. ráðherra. Móðir Ingibjargar
var Björg Árnadóttir, hreppstjóra að
Látrum Halldórssonar, og Ástu Guð-
mundsdóttur, pr. á Stað í Aðalvík Sig-
urðssonar. Móðir Ástu var Ingibjörg
Vernharðsdóttir, pr. í Otradal Guð-
mundssonar, bróður Þorláks, föður
Jóns, pr. og skálds á Bægisá.
Móðir Stefaníu Halldóru var
Hjálmfríður Ísleifsdóttir frá Hlöðu-
vík.
Útför Fríðu fer fram frá Árbæjar-
kirkju, föstudaginn 14.5. kl. 15.00.
36 FÖSTUDAGUR 14. maí 2010 MINNING
Ingólfur
Jónsson
LANDBÚNAÐAR- OG
SAMGÖNGURÁÐHERRA
f. 15.5. 1909, d. 18.7. 1984
Ingólfur fæddist í Bóluhjáleigu í
Holtum. Hann stundaði nám við
Hvítárbakkaskóla, vann við land-
búnað í Noregi, var á vertíðum í
Vestmannaeyjum og var barna-
kennari um skeið. Hann varð fram-
kvæmdastjóri kaupfélagsins Þórs á
Hellu 1935 og gerði það að verslun-
arstórveldi.
Ingólfur var þingmaður Sjálfstæðis-
flokksins 1942-78, var viðskipta- og
iðnaðarráðherra í fjórða ráðuneyti
Ólafs Thors 1953-56 og landbún-
aðar- og samgönguráðherra í Við-
reisnarstjórninni.Með Viðreisnar-
stjórninni er átt við stjórnarsamstarf
Sjálfstæðisflokks og Alþýðuflokks
sem hófst með breyttri kjördæma-
skipan og afar róttækum efnahags-
ráðstöfunum, árið 1959. Þær fólu
m.a. í sér mikla gengisfellingu, og
afnám hinna víðtæku innflutnings-
hafta sem hér höfðu verið við líði í
rúman aldarfjórðung. Þetta stjórn-
arsamstarf sem var afar traust, stóð
í tólf ár, til 1971, undir forsæti Ólafs
Thors, Bjarna Benediktssonar og
Jóhanns Hafstein. Einu ráðherrarn-
ir sem sátu allt Viðreisnartímabil-
ið voru Ingólfur Jónsson og Gylfi Þ.
Gíslason, en segja má að eini djúp-
stæði ágreiningur stjórnarinnar hafi
einmitt staðið á milli þeirra. Gylfi
vildi frjálsa samkeppni og rýmri
innflutning í landbúnaði og græn-
metisverslun, en Ingólfur stóð vörð
um tilskipunarverðmyndun og ein-
okunarverslun í greininni.
Ingólfur var jarðbundinn stjórn-
málamaður, virðulegur ásýndum og
í háttum, orðvar og orðheldinn og
prýðilegur mannasættir eins og best
kom í ljós þegar armar Gunnars og
Geirs deildu hvað harðast í Sjálf-
stæðisflokknum. Hann var því að
ýmsu maklegur þess mikla trausts
sem hann ætíð naut á Suðurlandi
og í Sjálfstæðisflokknum.
Jóhann
Þorvaldsson
SKÓLASTJÓRI OG
SKÓGRÆKTARMAÐUR Á
SIGLUFIRÐI
f. 16.5. 1909, d. 9.10. 1999
Jóhann fæddist á Tungufelli í
Svarfaðardal, sonur Þorvalds
Jóns Baldvinssonar, bónda þar, af
Krossa ætt, og Sigríðar Sigurðar-
dóttur.
Jóhann lauk gagnfræðaprófi frá
MA 1929 og kennaraprófi 1932.
Hann hóf kennslu við Barnaskóla
Siglufjarðar 1938 og varð einn af
mætustu borgurum staðarins á
uppgangs- og síldarárunum. Þar
hlúði hann að gróðri og mann-
lífi á langri og starfssamri ævi, var
skólastjóri Iðnskólans á Siglufirði
1945-73, skólastjóri Barnaskólans á
Siglufirði 1973-79 og vann ötullega
að gróðursetningu trjágróðurs með
börnum og unglingum í fjörutíu og
fimm ár. Hann var því dæmigerður
fulltrúi aldamótakynslóðarinnar
með óbilandi trú á landið, þjóðina
og framtíðina.
Jóhann starfaði mikið i góðtempl-
arareglunni, var gæslumaður
barnastúkunnar Eyrarrósar, rit-
stjóri Regins, blaðs templara, var
æðsti templar stúkunnar Fram-
sóknar, forstöðumaður Gesta- og
sjómannaheimilis Siglufjarðar og
heiðursfélagi Stórstúku Íslands.
Jóhann var framsóknarmaður eins
og svo margir hugsjónamenn af
hans kynslóð, ritstjóri Einherja,
blaðs framsóknarmanna á Siglu-
firði, sat í bæjarstjórn Siglufjarðar,
var lengi stjórnarformaður Kaupfé-
lags Siglufjarðar og vann mikið að
skógrækt, var formaður Skógrækt-
arfélags Siglufjarðar, heiðursfélagi
þess og Skógræktarfélags Íslands.
Eiginkona Jóhanns var Friðþóra
Stefánsdóttir, f. 4.1. 1910, d. 17.3.
2003, kennari og húsmóðir frá
Hofsósi og eignuðust þau fimm
börn, m.a. Þorvald sem var bæjar-
stjóri og skólastjóri á Seyðisfirði og
Freystein sem var lengi fréttastjóri á
Morgunblaðinu. Þau hjónin bjuggu
lengst af á Hverfisgötu 4 á Siglufirði.
MERKIR ÍSLENDINGAR MINNING
Fríða Á. Sigurðardóttir
RITHÖFUNDUR Í REYKJAVÍK
Fædd 11.12. 1940 - Dáin 7.5. 2010