Dagblaðið Vísir - DV - 14.05.2010, Síða 48
WOW TILEFNI RANNSÓKNA World of Warcraft
tölvuleikurinn hefur í síauknum mæli orðið hornsteinn í
rannsóknum félags- og atferlisfræðinga. Leikurinn sem
spilaður er af milljónum manna á netinu þykir einkar hent-
ugur fyrir rannsóknir á samskiptum mismunandi hópa í
sýndarveruleika. Stofnanir og jafnvel stjórnvöld hafa styrkt
rannsóknarverkefni tengd World of Warcraft síðastliðin ár
svo nemur hundruðum þúsunda bandaríkjadala.
NÝTT HOTMAIL Í
NÆSTU VIKU
Microsoft mun í næstu viku lyfta
hulunni af nýrri útgáfu Hotmail-
póstþjónustunnar. Búist er við því
að nýja útgáfan komi til með að
velgja Gmail undir uggum en
Microsoft sækir nú einnig af fullum
krafti inná veflæga ritvinnsluþjón-
ustu. Microsoft setti á markað í
vikunni fyrirtækjaútgáfur af Office
2010, Sharepoint 2010, Visio 2010
og Project 2010 en Office-vöndull-
inn kemur síðan á almennan
markað í júní næstkomandi.
ANDROID SKRÍÐUR
FRAMÚR APPLE
Samkvæmt tölum úr fyrsta
ársfjórðungi 2010 hefur Google
tekist að koma Apple í þriðja sæti á
snjallsímamarkaðinum í Bandaríkj-
unum en Android stýrikerfi Google
státar nú af 28 prósent markaðshlut-
deild ef miðað er við stýrikerfi. Apple
hefur nú um 21 prósent en sem fyrr
heldur Research in Motion (RIM)
fyrsta sætinu með 36 prósent
hlutdeild vestanhafs.
NÆSTA KYNSLÓÐ
ÞRÁÐLAUSRA NETA
Ýmis fyrirtæki og stofnanir víðs
vegar um heiminn vinna nú að
stöðlum fyrir næstu kynslóð
þráðlausra neta. Fyrstu hugmyndir
varðandi nýju staðlana gefa til kynna
að þeir verði þrískiptir, tveir fyrstu
eru þegar notaðir, 2.4GHz tíðni sem
notuð er af 802.11b/g tækjum, 5GHz
notuð með 802.11n tækjum og
síðan nýr staðall, 60GHz en gert er
ráð fyrir að tæki sem nota nýja
staðalinn gætu annað allt að 7Gbps
gagnamagni.
UMSJÓN: PÁLL SVANSSON, palli@dv.is
FÆR FULLT HÚS
FYRIR VIÐMÓT
Eftir nokkurra daga reynslu af iPad-
tölvunni er ég tiltölulega sáttur við
þá upphaflegu hugmynd sem ég
hafði gert mér af þessu galdratæki
frá Apple. Ég yrði meira í því að
skoða en gera. Eitt er víst að á með-
an ekki er hægt að nota íslenska sér-
stafi á hinu innbyggða lyklaborði
tölvunnar verður hún mér til lítils
gagns og meira til skemmtunar. Ís-
lenskt lyklaborð kemur með tíð og
tíma, stærri lönd Evrópu sitja í for-
gangi hjá Apple-fyrirtækinu eins og
er. Þetta dregur þó ekki úr gildi tölv-
unnar sem hið fínasta afþreyingar-
tól, fyrir vefráp, skoða póst eða nota
hin fjölmörgu önnur forrit og leiki
sem til eru í App Store.
Skjalavinnsla
Eftir að hafa ferðast fram og til
baka um forritaverslunina og skoð-
að hvað væri á boðstólum fyrir rit-
vinnslu kom í ljós að hentugast væri
að veðja á eldri forrit sem upphaf-
lega eru gerð fyrir iPhone og iPod
Touch. Ég nota sjálfur að mestu leyti
veflæga ritvinnslu á Google Docs en
aðeins er hægt að skoða þau skjöl
en ekki breyta í gegnum hinn inn-
byggða vafra iPad. Engin lausn er
í sjónmáli á þessum vanda nema
Google geri sérstakt forrit fyrir iPad
eða Apple samhæfi kóðann í vafr-
anum fyrir veflæga ritvinnslu. Eins
og er benda fyrirtækin hvort á ann-
að sem þegar hefur gert marga til-
vonandi kaupendur afhuga þessari
skemmtilegu tölvu.
Quickoffice
Ég prófaði hinsvegar sem dæmi
eldra forrit fyrir iPhone sem heitir
Quickoffice en með því má tengja
inn á MobileMe, Google Docs, Drop-
box og Box.net þjónusturnar á vefn-
um, opna skrár og breyta. Það sem
er enn meira virði er að Quickoffice
hefur innbyggða íslensku sérstaf-
ina (þ, æ, ð og ý) í sínu lyklaborði,
líkt og í iPhone getur maður haldið
inni hnappi á lyklaborðinu í stutta
stund og þá spretta upp önnur skyld
afbrigði stafsins úr ýmsum tungu-
málum, meðal annars íslensku.
Quickoffice kostar 9,99 dollara en
sjálfsagt má finna önnur forrit sem
hafa sömu virkni í App Store.
iWork
Apple hefur gefið út sinn eigin skrif-
stofuvöndul fyrir iPad sem kall-
ast iWork en þessi pakki er ein-
mitt byggður á sömu forritum fyrir
OSX-stýrikerfi Apple. Pakkinn sam-
anstendur af Pages (ritvinnsla),
Numbers (töflureiknir) og Key-
note (glærukynning) en hvert um
sig kosta forritin 9,99 dollara sem
virðist vera algengasta verðið fyrir
stærri og margbrotnari forrit í App
Store. Maður hefði haldið að iWork
forritin fyrir iPad ættu að geta unn-
ið sín á milli með sömu forritum í
OSX-útgáfunni og uppfært breyt-
ingar á skjölum. Það virðist þó ekki
raunin með ritvinnsluna en Pages
getur opnað tvær tegundir skjala;
Pages´09 fyrir Mac og Microsoft
Word (Office 97 eða nýrri). Þeg-
ar hafa nokkrar gagnrýnisraddir
heyrst því iPad útgáfan sýnir ekki
haus (header), síðufót (footer),
kaflaskil, athugasemdir eða bóka-
merki þegar skjal er opnað úr OSX-
útgáfunni eða Microsoft Word.
Jaðartæki og tengingar
Eins og með iPod-spilarann eru fjöl-
mörg fyrirtæki önnur en Apple far-
in að koma á markað viðbótum og
jaðartækjum fyrir iPad-tölvuna. Ég
ætla þó aðeins að tíunda hér hvað
er á boðstólum frá Apple-fyrirtæk-
inu sjálfu en með jaðartækjum eða
tengjum má auka notagildi tölvunn-
ar til muna.
Lyklaborðskví
Lyklaborðskvíin frá Apple sam-
anstendur af hleðslukví og þráð-
lausu lyklaborði sem hefur sér-
hnappa eingöngu fyrir iPad. Tölvan
sjálf situr í kvínni og hefur tekið við
hlutverki skjás meðan allar skipan-
ir fara fram í gegnum lyklaborðið.
Aftan á kvínni má síðan tengja við
rafmagn, tölvu eða aðra aukahluti.
Kvíin hefur einnig hljóðtengi (audio
line out port). Þess má geta að hægt
er að kaupa lyklaborðið eða kvína
sér.
Myndavélartengi
Myndavélartengið má nota á tvo
vegu til að sækja ljósmyndir eða
myndskeið af stafrænum myndavél-
um. Hægt að tengja við myndavél-
ina með USB-kapli eða sækja gögnin
beint af SD-kortinu sem er þá stung-
ið í enda tengisins.
VGA-tengi
Með VGA-tenginu má tengja við
iPad við aðra skjái, sjónvörp og
myndvarpa sem eru með VGA.
AV-kaplar
Apple býður bæði uppá Component
og Composite AV-kapla (Audio/Vid-
eo) en með þeim er hægt að tengja
hljóð og mynd úr iPad við stóra skjái
og heimabíókerfi.
Niðurstaða
Sem afþreyingartól og fyrir allt
innra sem ytra viðmót fær iPad
hæstu einkunn. Með 3G-útgáf-
unni er iPad orðinn raunhæfur
kostur í sumarbústaðinn og getur
nýst þar til að tengja við sjónvarp
og myndavél, horfa á kvikmynd-
ir, lesa bækur eða hlusta á tón-
list. 3G-tengingin kemur síðan að
góðum notum til að vafra um net-
ið eða kíkja í póstinn. Sá aragrúi
leikja sem til er fyrir tölvuna stytt-
ir stundir fyrir yngri kynslóðina og
önnur afþreyingarforrit má finna í
vefversluninni fyrir þá eldri. Það er
hins vegar erfitt að gefa iPad ein-
hverja einkunn á meðan fjölmörg
praktísk vandamál eru óleyst. Ís-
lenskir stafir og skjalavinnsla eru
vandamál sem sjálfsagt verður
búið að leysa innan nokkurra mán-
aða og verður iPad þá komin í efsta
sætið á óskalistanum hjá mér.
palli@dv.is
48 FÖSTUDAGUR 14.maí 2010 HELGARBLAÐ
Í þessari seinni umfjöllun um hina skemmtilegu tölvu, iPad, verður farið nánar ofan í
saumana á þeim annmörkum sem finnast varðandi ritvinnslu, tengingar við önnur tæki
og þá fylgihluti sem hægt er að kaupa við iPad til að auka notagildið.
IPAD
Framleiðandi: Apple
Niðurstaða: Fullt hús fyrir viðmót og
sem afþreyingarmiðill en enn á eftir að
leysa nokkur praktísk vandamál.
TÖLVUR OG TÆKI
Component-tengi Tengdu iPad við
risaskjáinn í stofunni.
Fylgihlutir fyrir iPad frá
Apple Kví með þráðlausu
lyklaborði, myndavélartengi og
sérstök hlíf sem virkar einnig sem
standur fyrir tölvuna