Dagblaðið Vísir - DV - 14.05.2010, Blaðsíða 40
MORÐ OG MATREIÐSLA Katherine Mary Knight var fyrsta ástr-
alska konan sem dæmd var til lífstíðarfangelsisvistar án möguleika á reynslulausn.
Katherine Mary var sakfelld fyrir morðið á sambýlismanni sínum, John Charles
Thomas Price. Eftir að hafa myrt John Charles gerði hún að líki hans og útbjó mál-
tíðir sem hún ætlaði að bera fyrir börn hans.
Lesið um morðkvendið og matreiðslukonuna Katherine Mary í næsta helgarblaði DV.
ÞJÓÐVEGAMORÐINGINN
William George Bonin, „Þjóðvegamorðinginn“, rændi, nauðgaði og myrti alls fjórtán unglingsdrengi á árunum
1979 og 1980. Bonin var grunaður um að hafa myrt fleiri karlmenn en var þó aldrei ákærður fyrir þau morð.
William George Bonin stóð ekki
einn í fjöldamorðunum sem
hann framdi í Los Angeles-sýslu
frá 1979 til 1980. Sér til aðstoðar
hafði hann unga karlmenn á aldr-
inum 17 ára til 21 árs, en fórnar-
lömbin voru ungir karlmenn á
aldrinum tólf ára til tuttugu og
eins; puttaferðalangar, skóla-
nemar og jafnvel karlkyns hórur.
Allajafna voru fórnarlömbin
neydd inn í Chevy-Van Bonins
þar sem þau voru yfirbuguð,
hendurnar bundnar og þeir síð-
an beittir kynferðislegu ofbeldi.
Ungu karlmennirnir sem lentu
í klónun á Bonin og kumpánum
hans voru síðan flestir kyrktir
með eigin skyrtubolum, en sum-
ir voru reyndar barðir til bana.
Tveir þeirra voru neyddir til að
drekka klórsýru og á tveimur
hafði ísstingur verið rekinn inn í
annað eyrað. Enn einn drengur-
inn fékk slag og dó áður en Bonin
gat klárað verkið.
Flestir voru þeir drepnir inni
í bifreið Bonins og líkum þeirra
síðan fleygt í vegarkantinn á
þjóðvegum víða í Kaliforníu. Við
að minnsta kosti ellefu morð naut
Bonin aðstoðar einhvers eins af
fjórum karlmönnum sem vitað
er að hafi verið samverkamenn
hans.
Eins árs morðæði hefst
Fyrsta morðið sem Bonin var
ákærður fyrir var morðið á Thom-
as Lundgren, fjórtán ára putta-
lingi sem Bonin neyddi inn í bíl
sinn að morgni 28. maí 1979. Lík
Lundgrens fannst við þjóðveg í
Agoura og krufning leiddi í ljós að
hann hafði verið barinn, stung-
inn og kyrktur. Að auki höfðu
kynfæri hans verið fjarlægð.
Morðið framdi Bonin með aðstoð
Vernons Butts sem var grunaður
um að hafa verið til taks við að
minnsta kosti sex morð.
Þremur mánuðum síðar, 4.
ágúst, rændi Bonin sautján ára
gutta, Mark Shelton, og myrti
hann, og daginn eftir rændu
Bonin og Butts þýskum putta-
ferðalangi, Marcus Grabs. Þegar
þeir höfðu lokið sér af með hann
var hann stunginn oftar en sjötíu
sinnum og fleygt út í vegarkant á
þjóðvegi í Malibú.
Ekki létu Bonin og Butts þar
við sitja heldur rændu og myrtu
fimmtán ára dreng, Donald Hy-
den, og losuðu sig við líkið af
honum nærri Ventura Freeway
27. ágúst.
Frá september fram til desem-
ber 1979 myrti Bonin fimm unga
menn til viðbótar, annaðhvort
einn eða í félagi við Butts eða
annan skósvein sinn, hinn nítj-
án ára James Munroe. Munroe
var Bonin innan handar í desem-
ber við að myrða Dennis Frank,
sautján ára.
Yngsta fórnarlambið tólf ára
William Bonin fagnaði nýju ári
1980 með því að myrða Michael
McDonald, 16 ára, 1. janúar.
Rúmum mánuði síðar, 3. febrúar,
rændi Bonin, í félagi við Gregory
Miley, fimmtán ára puttaferða-
langi, Charles Miranda. Eftir að
hafa misnotað Miranda kynferð-
islega, og kyrkt hann með stálvír,
henti Bonin líkinu í húsasund.
En Bonin var ekki búinn að fá
nóg þennan daginn og stakk upp
á því við Miley að þeir næðu í einn
dreng enn. Örfáum klukkustund-
um síðar, á Huntington-strönd,
rændu, nauðguðu og myrtu Mil-
ey og Bonin James McCabe.
McCabe var aðeins tólf ára og var
yngsta fórnarlamb Bonins. Hann
hafði verið á leiðinni í Disney-
land þegar hann varð á vegi tví-
menninganna, en lík hans fannst
illa farið þremur dögum síðar við
ruslagám í borginni Walnut.
Morðin vekja athygli
fjölmiðlanna
Boni lét lítið fyrir sér fara til 14.
mars, en þá lét hann til skarar
skríða þegar hann rændi Ronald
Gaitlin, 18 ára, og áður en mán-
uðurinn hafði runnið sitt skeið
hafði Bonin myrt þrjá að auki.
10. apríl rændi og myrti Bonin
tvo unga menn og endurtók
þannig leikinn frá 3. febrúar með
því að fremja tvö morð einn og
sama daginn. Þremur vikum síð-
ar, 29. apríl, í Stanton nörruðu
Butts og Bonin nítján ára ung-
ling, Darin Kendrick sem vann í
stórmarkaði, inn í bifreið Bonins
þar sem henni hafði verið lagt
á bílastæði markaðarins. Butts
og Bonin losuðu sig við líkið af
Kendrick einhvers staðar nærri
Artesia Freeway.
19. maí brá svo við að Butts
neitaði að verða Bonin samferða
í einn morðleiðangurinn. Bonin
lét það ekki aftra sér frá því að
ræna, nauðga og myrða Sean
King, 14 ára dreng frá South Gate.
Í kjölfar morðsins fór Bonin heim
til Butts og gumaði af verknað-
inum. En nú var svo komið að
morðin höfðu náð áthygli fjöl-
miðlanna sem gáfu morðingjan-
um viðurnefnið Þjóðvegamorð-
inginn.
Kunningi Bonins opnar
munninn
29. maí heyrði einn kunningja
Bonins, táningur að nafni Billy
Pugh, af morðunum í útvarpinu
þegar hann afplánaði fangelsis-
dóm fyrir bílþjófnaði. Pugh grun-
aði að Bonin gæti átt hlut að máli
og viðraði grunsemdir sínar við
lögregluna. Lögreglan kannaði
í kjölfarið bakgrunn Bonins og í
ljós kom að Bonin hafði á bakinu
fjölda dóma fyrir kynferðisleg-
ar árásir á táningsdrengi. Því var
ákveðið að setja Bonin undir eft-
irlit og hófst það 2. júní 1980.
Sama dag og eftirlitið hófst
náði Bonin þó sínu síðasta fórn-
arlambi, hinum átján ára Steven
Wells. Bonin rændi honum við
strætisvagnaskýli og hafði hann
með sér heim til sín. Wells var
nauðgað, hann barinn og að lok-
um kyrktur með eigin skyrtubol.
Við morðið naut Bonin aðstoð-
ar James Munro, sem leigði hjá
Bonin um það leyti. Bonin naut
hins vegar aðstoðar bæði Munros
og Butts við að losna við líkið af
Wells.
11. júní, níu dögum eftir að
eftirlitið með Bonin hófst, hafði
lögreglan erindi sem erfiði. Lög-
reglan fylgdist með þegar Bonin
reyndi, án árangurs, að lokka
fimm táningspilta inn í bifreið
sína. Það ver ekki fyrr en í sjöttu
tilraun sem Bonin tóks ætlunar-
verk sitt. Lögreglan elti Bonin þar
til hann lagði bílnum á bílaplani
við Santa Moniva Boulevard þar
sem lögreglan handtók Bonin fyr-
ir árás á fimmtán ára dreng, Har-
old T.
Pítsa í síðasta mál
Þegar Bonin var í varðhaldi ját-
aði hann að hafa rænt , nauðgað
og myrt tuttugu unga menn og
drengi, og einum betur og nefndi
Butts til sögunnar sem sinn helsta
hjálparkokk. Bonin var ákærður
fyrir 16 morðanna sem hann ját-
aði á sig og voru það mál sem sak-
sóknari hafði óyggjandi sannanir
fyrir sekt Bonins í.
Bonin sýndi aldrei iðrun og
þegar einn fréttamaður spurði
Bonin hvað hann væri sennilega
að gera ef hann hefði ekki náðst
svaraði Bonin: „Ég væri enn að
drepa, ég gæti ekki hætta að
drepa. Það varð auðveldara með
hverju morði.“
William Bonin var fyrsti
dauðadæmdi fanginn í Kaliforn-
íu sem var tekinn af lífi með ban-
vænni sprautu. Síðasta máltíð
Bonins var, að hans eigin ósk,
tvær stórar pepperónipítsur, einn
og hálfur lítri af kaffirjómaís og
sex litlar dósir af kókakóla.
Bonin var tekinn af lífi 23.
febrúar 1996 í aftökuklefanum í
ríkisfangelsinu í San Quentin.
UMSJÓN: KOLBEINN ÞORSTEINSSON, kolbeinn@dv.is
40 FÖSTUDAGUR 14.maí 2010 SAKAMÁL
Ég væri enn að drepa, ég gæti
ekki hætta að drepa.
Það varð auðveldara
með hverju morði.
Bonin í járnum Þjóðvegamorð-
inginn játaði á sig 21 morð en var
sakfelldur fyrir sextán.