Dagblaðið Vísir - DV - 14.05.2010, Page 17

aðra menn. Allt þetta olli mér skömm
og mér leið alltaf verr og verr.“
Þar kom að þetta varð of mikið.
Hún vildi ekki kynna enn einn mann-
inn fyrir fjölskyldunni. Svo hún ákvað
að vera ein, en gat það ekki heldur. „Ég
varð alltaf að vera með eitthvað í gangi
þannig að ég var alltaf í einhverju daðri
eða smásambandi hér og þar. Þá fór ég
að vera með mönnum sem áttu konur.
Ég tók þátt í einhverju rugli og þegar
endir var bundinn á sambandið með
einhverjum hætti, kannski af því að
það komst upp um framhjáhaldið, lá
ég heima með svipuna og refsaði mér
fyrir það hvað ég væri ömurleg, hræði-
leg og vond. Þegar ég var búin að taka
út mína refsingu fór ég út og gerði
þetta aftur. Auðvitað var það sárt.“
Falin í svefnherberginu
Hún hafði vitað af samtökunum í rúmt
ár þegar hún fór á sinn fyrsta fund.
Henni var bent á þau. „Straumarnir
sem ég sendi frá mér fóru ekki á milli
mála. Ég var alltaf að leita. Líka af því
að ég upplifði brjálæðislegan ótta við
að missa af ástinni. Ég varð alltaf að
vera tilbúin og það mátti aldrei líða
klukkutími án þess að ég væri á varð-
bergi og ég mátti aldrei hugsa mig um.
Hluti af því að ná bata fólst líka í
því að fara að hugsa vel um mig. Ég
átti það til að borða of mikið eða of lít-
ið og sleppa svefni til að svala fíkninni.
Þá var ég kannski með mönnum eða
hékk í tölvunni til að spjalla við menn.
Ég man eftir skiptum þar sem ég vakn-
aði um miðja nótt við skilaboð og fór
á fætur til þess að spjalla við manninn
í marga klukkutíma í tölvunni. Það að
vera fíkill er eins og að vera þræll. Ég
var alltaf að elta fíknina, sinna þörfun-
um og fylla upp í tómarýmið. Sem er
bæði ógeðslega sárt og leiðinlegt. Þetta
er spurning um að finna frelsið.“
Einu sinni komst það upp þeg-
ar hún var í sambandi við giftan
mann. „Það var rosalega óþægilegt
og skömmin var hræðileg. Svo er það
líka bara rosalega vond tilfinning að
vera heima hjá einhverjum og þurfa
að fela sig inni í herbergi af því að
það kom einhver óvænt í heimsókn.
Og þurfa kannski að pissa. Þetta er
hræðilegt.“
Í fantasíuveröld
Kvöldið áður en hún fór á sinn fyrsta
fund hélt hún að hún væri ástfangin
af manni. Hann átti konu. „Ég var að
fara í veislu og áður en kvöldið hófst
lofaði ég sjálfri mér að senda hon-
um ekki skilaboð. Díllinn sem ég
gerði við sjálfa mig var að þá mætti
ég daðra við aðra menn. Ég fór því
og daðraði. Hið brjálæðislegasta var
að ég daðraði mest við annan mann,
sem átti líka konu og var í ofanálag
tengdur þessum manni sem ég þótt-
ist vera svo ægilega ástfangin af. Ást-
in var ekki meiri eða hreinni en svo.
Ég vissi það um leið og ég vaknaði
morguninn eftir að það væri kominn
tími til að taka ábyrgð á lífi mínu.
Ég fór á fundi hjá SLAA. En það
var ekki auðvelt að hætta þessari
hegðun. Áður sá ég alla sem mögu-
lega maka. Það er stundum kall-
að SLAA-radarinn þegar við kom-
um inn í nýjan hóp og pikkum út þá
sem gætu komið til greina. Við erum
kannski í flugvél og við hlið okkar
sest manneskja. Um leið hugsum við
að þarna hljóti að vera komin mann-
eskja sem við eigum að vera með.
Núna gerist þetta! Það kviknar ein-
hver hugmynd í kollinum og hún fer
sífellt lengra.“
Ragnar kannast líka við það. „Ég
fílaði þetta svo vel í sambandi við
einkamál.is. Þá gat ég sett fram ein-
hvern karakter sem var eins og ég
vildi vera. Ég bjó mér til fantasíu-
heim þar sem ég var rosahress og
skemmtilegur. Ég fékk rosaorku út úr
því að svara auglýsingum frá stelpum
og jafnvel hitta þær, ég veðraðist allur
upp og fékk hálfgert adrenalínkikk.
Þetta var alveg gaman á meðan á því
stóð. En svo fékk ég alltaf bakþanka.
Og ég festist við tölvuna. Meira að
segja í skólanum var ég á fullu. Þá var
ég svo upptekinn af því að daðra við
stelpurnar á MSN að ég gat ekki fylgst
með því sem var að gerast í tímum. Á
endanum var mér farið að ganga svo
illa í skólanum að ég hætti.“
Öðlaðist frelsi
Í SLAA fóru þau í fráhald, sem þýð-
ir að þau gerðu lista yfir meiðandi
og stjórnlausa hegðun sem þau urðu
að snúa baki við. Daður, SMS-sam-
skipti, netsamskipti og framhjáhöld
voru á listanum auk annarra hluta.
Líkt og Andrea lenti Ragnar oft í
vandræðum út af daðri. „Ég daðraði
við allt og alla, oft ómeðvitað. Oft hélt
ég að ég væri bara hress og skemmti-
legur þegar stelpur féllu óvart fyrir
daðrinu. Þá kom ég af fjöllum og vissi
ekki hvaðan stóð á mig veðrið. Þess
vegna reyni ég að forðast allt daður.
Því þótt daður sé í eðli sínu saklaust
kyndir það undir aðra og alvarlegri
fíkn hjá mér.“
Í fráhaldi er líka algengt er að fólk
þurfi að hætta að stunda kynlíf utan
sambands, fara á ákveðna staði, hafa
samband við ákveðið fólk, horfa á
ákveðna tegund kvikmynda og klám,
láta af ögrandi klæðnaði og leit að
skyndikynnum. Sumir þurfa bara að
hætta að leyfa sér að detta inn í al-
gleymi fantasía og dagdrauma. Birt-
ingarmyndir fíknarinnar eru aldrei
eins hjá mismunandi ástar- og kyn-
lífsfíklum, hver og einn hefur komið
sér upp sínu mynstri en allir eiga þeir
það sameiginlegt að stunda meið-
andi hegðun sem skaðar þá og aðra.
Betra líf
Fólki er lofað nýju og betra lífi í
gegnum SLAA. Loforðin eru þessi:
„Við munum öðlast stjórn á lífi okk-
ar, reisn og sjálfsvirðingu. Við verð-
um ekki lengur einmana og för-
um að njóta þess að vera ein. Við
hættum að vera þjökuð af stöðugri
löngun. Við njótum þess að vera
með fjölskyldum okkar og vin-
um, af líkama og sál. Við förum að
sinna áhugamálum og hugðarefn-
um okkar. Ást verður ákvörðun sem
tekin er af ábyrgð, en ekki í tilfinn-
ingahita sem ber okkur ofurliði. Við
munum elska og taka okkur sjálf í
sátt. Við munum tengjast öðru fólki
af heilum hug. Við verðum tilbúin
til þess að víkka út og hlúa að and-
legum þroska okkar og annarra.
Við munum sættast við fortíðina
og þann skaða sem við höfum vald-
ið öðrum. Við verðum þakklát fyr-
ir það sem okkur hefur verið gefið,
það sem var tekið frá okkur og það
sem var skilið eftir.“
Bæði Ragnar og Andrea öðl-
uðust mun meiri lífsgæði eftir að
þau leituðu til SLAA. Ragnar fékk
sjálfsvirðingu, nýtt lífsviðhorf, tíma
og orku til þess að sinna námi og
áhugamálum. „Ég á betra sam-
band við vini mína og fjölskyldu.
Ég þori að standa með sjálfum mér
og er opinn gagnvart öðru fólki.“ Og
þakklæti er Andreu ofarlega í huga:
„Ég var skíthrædd við að þetta væri
allt tekið í burtu frá mér og ég yrði
tóm að innan. En ég setti líka niður
lista yfir það sem ég vildi að kæmi
inn í líf mitt í staðinn. Ég vildi til
dæmis lifa lífi laus við þessa skömm
sem ég var svo föst í. Ég vildi geta
verið í einlægu og heiðarlegu ást-
arsambandi. Ég vildi finna sátt í því
að vera ein. Geta verið ein án þess
að vera í einhverju rugli. Allt sem
ég óskaði mér hefur orðið að veru-
leika. Við sem erum hér inni höfum
ólíka reynslu. En þrátt fyrir að við
séum eins ólík og við erum í SLAA
erum við bara manneskjur sem
erum allar að díla við stjórnleysi á
sama sviði og sama lausnin hentar
okkur öllum.“
FRÉTTIR 14. maí 2010 FÖSTUDAGUR 17
ÞRÆLL ÁSTAR OG KYNLÍFS
1 Kemst maki þinn í „vímu“ af ást- og kynlífi?
2 Hefur hann stundað kynlíf á óviðeigandi tímum,
óviðeigandi stöðum eða með
óviðeigandi fólki?
3Finnur maki þinn fyrir örvæntingu eða óróleika
þegar hann er aðskilinn frá þér?
4Reynir maki þinn, eða hefur hann reynt, að halda tölu
yfir rekkjunauta sína með því að
skrifa hjá sér lista eða annað?
5Finnst maka þínum að eini, eða aðal, kostur
hans í sambandi sé hversu
góður rekkjunautur hann er eða
hæfileiki hans til að veita þér
tilfinningalegt „fix“?
6Finnst honum eins og hann sé ekki alveg „lifandi“ nema
hann sé með þér?
7Finnst maka þínum að hann eigi rétt á kynlífi?
8Hefur hann einhvern tímann ógnað fjárhagslegu
öryggi sínu eða stöðu sinni í
samfélaginu með því að reyna
að komast yfir kynlífsfélaga?
9Hefur maki þinn einhvern tíma ógnað sambandinu út
af kynlífshegðun utan sam-
bandsins?
10Daðrar maki þinn eða kemur af stað kynferð-
islegri spennu við fólk, jafnvel
þótt hann ætli sér það ekki?
11Hefur kynhegðun hans eða sambandshegðun
haft áhrif á orðspor hans?
12Kemur hann sér í „sambönd“ eða stundar
kynlíf til að forðast vandamál í
lífinu?
13Tekur hann þátt í einhvers konar gægjum
eða er með sýniþörf sem lætur
honum líða illa?

14Finnst þér eins og maki þinn hafi ekki heilbrigða
sjálfsmynd?
15Finnst maka þínum erfitt að ráða við líf sitt
sökum þess að hann er að verða
tilfinningalega háðari öðrum í
vaxandi mæli?
Sjálfskönnun SLAA
Heldur þú að maki þinn eigi við ástar- og kynlífsfíkn að stríða?
Þú getur prófað að svara þessum krossaspurningum og ef þú
svarar mörgum spurningum játandi ættir þú kannski að benda
honum á að það er hægt að fá hjálp.
Þekktir kynlífsfíklar
n Tiger Woods golfari. Í fyrra var
hann frægasti golfari heims og
með nokkuð hreina ímynd. Síðan
komst upp um framhjáhald og
þekktum viðhöldum fjölgaði
stöðugt. Nú er talið að hann hafi
haldið framhjá eiginkonunni
með allt að 120 konum og hann
er orðinn þekktasti kynlífsfíkill
heims.
n David Duchovny leikari.
Er þekktur kynlífsfíkill og var
háður netklámi. Hann fór í
meðferð á sama ári og hann vann
til Golden Globe-verðlauna fyrir
hlutverk sitt sem rithöfundur
sem stundaði kynlíf af kappi í
Californication.
n Michael Douglas leikari. Á tí-
unda áratugnum glímdi hann við
erfiða kynlífsfíkn. Hann er núna
giftur Catherine Zeta-Jones sem
fær feita upphæð samkvæmt
kaupmála ef hann misstígur sig.
n Bill Clinton fyrrverandi forseti
Bandaríkjanna. Tvö orð: Monica
Lewinsky. Eftir framhjáhaldið
var sagt að hann væri ástar- og
kynlífsfíkill, en það hefur aldrei
verið staðfest.
n Charlie Sheen leikari. Á 45 ára
ævi á hann að hafa sofið hjá yfir
5.000 konum og eytt um sex og
hálfri miljón króna í vændiskon-
ur, miðað við núverandi gengi
krónunnar.
n Kanye West söngvari. Ferðaðist
víst um með klám í skjalatösk-
unni.
n Calum Best módel, sjónvarps-
stjarna og sonur George Best. Er
þekktur kynlífsfíkill.
n Eric Benét söngvari og
eiginmaður Halle Berry. Fór í
meðferð við ástar- og kynlífsfíkn
eftir að hafa orðið uppvís að
framhjáhaldi.
n Tom Sizemore leikari. Hann
hefur afrekað meira en margir.
Hann lék í Saving Private Ryan
og getur haft kynmök allt að níu
sinnum í röð án þess að stoppa.
Hann er líka kynlífsfíkill.
Við sveipum þrá-hyggjuna okkar
töfraljóma, gerum hana
að guðlegri veru og ger-
um allt til að láta sam-
bandið ganga.