Dagblaðið Vísir - DV - 15.10.2010, Side 54

Landsleikjafríið fer í taugarnar á
flestum dyggum stuðningsmönn-
um enska boltans en þeir þurfa ekki
að örvænta. Enski heldur áfram um
helgina og verður ekki truflaður aft-
ur fyrr en í mars. Lítið er um stórleiki
þessa helgina en einn risaslagur er
þó í Liverpool þar sem Everton, bláa
liðið frá Bítlaborginni, tekur á móti
nágrönnum sínum og fjandmönn-
um í Liverpool á Goodison Park,
Guttagarði. Liverpool hefur haft al-
gjört tangarhald á Everton síðustu
ár og unnið fimm af síðustu sex
leikjum liðsins, sá sjötti endaði með
jafntefli. Everton hefur ekki unnið
nágrannana síðan í september árið
2006. Byrjun beggja liða í deildinni
hefur verið hrikaleg en þau sitja í
sautjánda og átjánda sæti ensku úr-
valsdeildarinnar eftir sjö umferðir.
Liverpool er í enn verri málum utan
vallar og gæti liðið farið í greiðslu-
stöðvun í dag, föstudag.
Enginn Kuyt
Liverpool hefur farið skelfilega af
stað í deildinni og eru vonir stuðn-
ingsmanna liðsins brostnar enn
eina ferðina, reyndar bara mun fyrr
þetta árið. Bjartsýnin sem ríkti með
komu Roys Hodgson og leikmanna
á borð við Joe Cole, Christian Poul-
sen og Raul Mereiles er fyrir löngu
horfin enda liðið aðeins búið að
vinna einn leik af sjö. Í umferðinni
fyrir landsleikahléið tapaði Liver-
pool svo fyrir nýliðum Blackpool en
líklega myndu mánaðarlaun Fern-
andos Torres og Stevens Gerrard
duga fyrir launakostnaði alls Black-
pool-liðsins og hamborgaraveislu á
línuna.
Landsleikjahléið hafði ekkert
gott í för með sér fyrir Liverpool-
menn þar sem Hollendingurinn
harðduglegi, Dirk Kuyt, meiddist
illa í landsleik gegn Svíþjóð. Hann
lenti illa á ökklanum sem tognaði og
verður Kuyt frá líklega fram að ára-
mótum en það á eftir að koma betur
í ljós við skoðun á ökklanum. Kuyt
hefur verið afar drjúgur fyrir Liver-
pool í nágrannaslögunum gegn Ev-
erton en hann hefur skorað í síðustu
tveimur leikjum liðanna og alls fjög-
ur mörk í síðustu sex viðureignum
nágrannanna.
Eignarhaldið í uppnámi
Utan vallar hefur Liverpool ekki geng-
ið mikið betur og eigendurnir, Tom
Gillett og George Hicks, eru löngu
hættir að hugsa um hagsmuni félags-
ins og vilja aðeins koma sem best út
fjárhagslega. Tilboði í félagið var tekið
í vikunni frá bandaríska eignarhalds-
félaginu NESV og úrskurðaði breskur
dómstóll að salan mætti ganga í gegn
þrátt fyrir mótmæli eigendanna. Þeir
voru þó ekki lengi að snúa sér til dóm-
stóls heima, í Texas í Bandaríkjunum.
Úrskurðaði dómstóll þar að lögbann
yrði sett á söluna.
Þýðir það eitt að ekki kemur í ljós
fyrr en 25. október hvað verður um
mál Gilletts og Hicks þegar málið
verður tekið fyrir. Lán skoska bank-
ans RBS mun þó falla á félagið í dag,
föstudag, og geti Bandaríkjamenn-
irnir ekki greitt lánið – sem er talið
ólíklegt – fer Liverpool í greiðslu-
stöðvun og mun missa níu stig. Ætl-
ar NESV-eignarhaldsfélagið þó að
bíða eftir úrlausn mála hjá Liver-
pool en mikill hugur er hjá því að
kaupa Liverpool, eins og hjá sing-
apúrska kaupsýslumanninum Pet-
er Lim sem vill greiða 320 milljónir
punda fyrir félagið með staðgreiðslu
og leggja til aðrar fjörutíu til leik-
mannakaupa.
Erfið byrjun Everton
Akkilesarhæll Everton undanfarin
tímabil hefur verið arfadöpur byrjun
en svo virðist sem menn ranki ekki
við sér í Guttagarði fyrr en um jólin.
Endar liðið svo vanalega á því að vera
hársbreidd frá Evrópusæti og græt-
ur töpuð stig. Tímabilið í ár er eng-
in undantekning á því. Everton hefur
aðeins unnið einn leik til þessa, eins
og nágrannarnir úr rauða hluta Bítla-
borgarinnar og eru aðeins fyrir ofan
fallsæti á markatölu.
„Við vorum virkilega vel stemmd-
ir fyrir tímabilið og ætluðum ekki að
falla í þá gryfju aftur, að byrja svona
illa. En svo þegar sigrarnir létu
bíða eftir sér í byrjun fóru menn að
hjakka í sama farinu og undanfarin
ár. Það var samt gott að landa þess-
um fyrsta sigri og nú þurfum við að
fylgja honum eftir með því að vinna
nokkra leiki í röð. Það væri ekki leið-
inlegt að byrja á því að vinna Liver-
pool en það hefur gengið bölvanlega
undanfarin ár. Sigur þar myndi samt
örugglega koma okkur almennilega
af stað,“ segir Tim Cahill, Ástralinn í
liði Everton.
54 SPORT UMSJÓN: TÓMAS ÞÓR ÞÓRÐARSON tomas@dv.is 15. október 2010 FÖSTUDAGUR
BOTNSLAGUR Í
BÍTLABORGINNI
Enski boltinn fer aftur af stað um helgina eftir landsleikjafrí. Stærsti leikur helgarinnar er slagurinn um
Bítlaborgina þar sem Everton tekur á móti nágrönnum sínum, Liverpool. Bæði lið eru í botnbaráttu eftir sjö
umferðir í deildinni. Þó er heldur meira vesen á Liverpool sem gæti farið í greiðslustöðvun í dag.
LIÐ L U J T M STIG
1. Chelsea 7 6 0 1 23:2 18
2. Man. City 7 4 2 1 9:3 14
3. Man. Utd 7 3 4 0 16:9 13
4. Arsenal 7 3 2 2 16:9 11
5. Tottenham 7 3 2 2 8:6 11
6. WBA 7 3 2 2 9:12 11
7. Stoke City 7 3 1 3 8:9 10
8. Aston Villa 7 3 1 3 9:12 10
9. Blackpool 7 3 1 3 11:15 10
10. Fulham 7 1 6 0 8:7 9
11. Sunderland 7 1 5 1 7:7 8
12. Bolton 7 1 5 1 10:11 8
13. Blackburn 7 2 2 3 7:8 8
14. Wigan 7 2 2 3 4:13 8
15. Newcastle 7 2 1 4 10:10 7
16. Birmingham 7 1 4 2 7:10 7
17. Everton 7 1 3 3 6:7 6
18. Liverpool 7 1 3 3 7:11 6
19. Wolves 7 1 2 4 7:12 5
20. West Ham 7 1 2 4 5:14 5
STAÐAN Í ENSKA
LAUGARDAGUR 16. OKTÓBER
14.00 Arsenal - Birmingham
14.00 Bolton - Stoke
14.00 Fulham - Tottenham
14.00 Man. United - WBA
14.00 Newcastle - Wigan
14.00 Úlfarnir - West Ham
SUNNUDAGUR 17. OKTÓBER
12.30 Everton - Liverpool
15.00 Blackpool - Man. City
MÁNUDAGUR 18. OKTÓBER
19.00 Blackburn - Sunderland
LEIKIR HELGARINNAR
Deildarleikir Liverpool
og Everton síðustu
keppnistímabil.
2009 – 2010
Liverpool 1 - 0 Everton
Everton 0 - 2 Liverpool
2008 – 2009
Liverpool 1 - 1 Everton
Everton 0 - 2 Liverpool
2007 – 2008
Liverpool 1 - 0 Everton
Everton 1 - 2 Liverpool
SÍÐUSTU
LEIKIR
EKKI FAGNA OF SNEMMA Stjórnarformaðurinn Martin Broughton brosti breitt á
miðvikudaginn en brosið hvarf þegar hann frétti af aðgerðum Gilletts og Hicks.
MYND REUTERS
ÓVINSÆLIR Gillett og Hicks eru löngu
hættir að hugsa um hag Liverpool og
vilja bara losna á sem bestan máta frá
félaginu.
ALLT LAGT Í SÖLURNAR
Það er ávallt hart barist
í Bítlaborgarslagnum en
Dirk Kuyt verður ekki með
Liverpool. MYND REUTERS
TÓMAS ÞÓR ÞÓRÐARSON
blaðamaður skrifar: tomas@dv.is