Dagblaðið Vísir - DV - 22.12.2010, Blaðsíða 34

34 | Viðtal 22.–26. desember 2010 Jólablað
stjórnmál og vöktu mikla athygli fyr-
ir snögg tilsvör í keppninni Gettu
betur. Elsta systirin, Bergþóra Njóla,
hefur látið að sér kveða í baráttunni
fyrir betra samfélagi og er í miðstjórn
Samtaka hernaðarandstæðinga.
Náin og þétt fjölskylda
„Ég er sex árum yngri en bræður
mínir en við erum frekar náin og þétt
fjölskylda. Við erum auðvitað lík að
því leyti að við höfum svolítið svip-
uð áhugasvið. Við höfum náttúrulega öll sömul
brennandi áhuga á stjórnmálum og ég og bræð-
ur mínir deilum áhuga á íslensku og sagnfræði.
Á heimilinu var talsvert rætt um stjórnmál en þó
ekkert sérstaklega. Við ræddum menn og málefni
en ekki út frá flokkspólitískum forsendum. Það
líður ekki vika án þess að við séum í sambandi og
ræðum málin.“
Katrín segist hafa verið frekar lítið félagslynd.
„Ég var alltaf að sýsla eitthvað. Vinkona mín rifj-
aði það upp að hún hefði oft komið og spurt eft-
ir mér og þá hefði ég sagt: Nei, ég er upptekin, ég
er að lesa bók. Þannig var ég alltaf að teikna, lesa
og rannsaka eitthvað. Ég var til dæmis með fossa
á heilanum og var alltaf að skrá þá niður, teikna
þá og pæla í þeim. Ég var svona lítill prófessor og
hafði lítinn áhuga á fólki, þannig, ég meina ég átti
mínar vinkonur og mætti alveg í barnaafmæli og
svona en ég var einfari og fannst það þægilegt.“
Upptekin af ráðabruggi
Auk þess að vera lítill sýslandi prófessor var Katrín
afar áhugasöm um glæpasögur. Hún segist ekki
hafa haft hugmynd um hvað hana langaði til að
verða í framtíðinni en hins vegar þráði hún mik-
ið að lenda í dularfullum atburðum eins og í Dul-
arfullu-bókum Enid Blyton. „Það gerðist auðvitað
aldrei,“ segir Katrín og hlær. Hún segir glæpasögu-
áhugann ávallt hafa fylgt sér og þrána eftir dular-
fullum atburðum sömuleiðis. „Ég dreg oft mjög
miklar ályktanir af hlutunum sem er örugglega af-
leiðing af þessu, ég er alltaf á varðbergi gagnvart
óvæntum ævintýrum eða ráðabruggi, svona eins
og Nancy sem sá lítinn, rifinn miða sem á stóð
eitthvað og dró strax ályktanir um að það hlyti
að tengjast skartgriparáninu í næstu götu. Og ég
hugsa reglulega: Hey, hvað ef?
Oft á það sér enga stoð í raunveruleikanum og
er því einhvers konar fjarstæðukenndur veruleiki.
Aukinheldur er ég slakt vitni, með öllu blind á ald-
ur fólks og hrikalega ómannglögg. Ég er eiginlega
alveg glataður spæjari.“
Minning um föður
Faðir Katrínar, Jakob Ármannsson, lést þegar
Katrín var tvítug og hún hefur lýst því að fráfall hans
hafi eðlilega reynst henni erfitt. Hún minnist þess
þegar hann las fyrir hana bækur Agöthu Christie:
„Hann beinþýddi þær fyrir mig og las heilu bæk-
urnar upphátt fyrir mig. Það var auðvitað mikill
fengur í því og þetta þótti mér vænt um. Ég legg
líka mikið upp úr því að lesa fyrir strákana mína á
kvöldin. það er kannski það merkasta sem ég legg
til í uppeldi þeirra. Saman lesum við alls kyns bæk-
ur, þeir eru báðir tveir afskaplega ræðnir drengir. Sá
yngri, Illugi, er orðinn reglulega skrafhreifur aðeins
þriggja ára. Það er gott að lesa fyrir börnin á kvöldin
og ég hef trú á því að það sé góð stund.“
Vandræðaleg í starfsmannaboðum
Katrín er með meistaragráðu í íslensku en bæði
BA- og MA-ritgerðirnar hennar voru um glæpa-
sögur. Fyrir utan pólitíkina eru bókmenntir henn-
ar helsta áhugamál. „Ég veit fátt betra en að liggja
uppi í rúmi með góða bók. Ég geri mjög lítið ann-
að fyrir utan vinnuna en að lesa og þegar ég átti að
kynna á mér „hina hliðina“ hér í ráðuneytinu hafði
ég ekkert annað að segja en að tala um bækur. Ég
hlýt að vera ferlega leiðinleg og verð vandræðaleg
yfir þessum skorti á spennandi áhugamálum.“
Katrín segir bókaáhugann vera svo mikinn
að hún hafi tekið því aðeins of vel að fótbrotna
eitt árið enda hafi hún fljótt séð í því tækifæri til
lestrar. „Það er erfitt að nefna uppáhaldsbækur
en meðal þeirra eru Kristnihald undir jökli, Ofvit-
inn og Gunnlaðarsaga. Núna er ég að lesa Tinna,
sem er líka í miklu uppáhaldi og um jólin óska ég
mér Braga Ólafssonar og fleiri. Ég er líka hrifin af
Glæp og refsingu Dostojevskís sem ég las ekki fyrir
svo löngu og hafði mikil áhrif á mig.“ Katrín seg-
ist lesa í syrpum og þemum. „Ég á það til að setja
mér markmið í lestri sem ég fylgi. Ef til vill finnst
einhverjum þetta skrýtið en ég er upptekin af því
að flokka og raða. Ég er alltaf með litla bók sem ég
skrifa í og þar er mikið af listum. Ég er alltaf að gera
nýja lista og setja mér einhver markmið. Þau eru
um hitt og þetta, ekki bara um lestur heldur alls
kyns hluti mögulega og ómögulega.
Þegar ég var lítil setti ég mér oft markmið líka.
Eitt af þeim var að tala minna. Ég er bara búin að
gefast upp á því markmiði. Ég á því miður ekki
þessar gömlu bækur þar sem ég var í þessum
markmiðspælingum en ég man að þetta markmið
var alltaf efst á baugi.“
Alltaf hamingjusöm
Þegar Katrín er beðin að lýsa sjálfri sér segist hún
alla vega vita að það heyrist vel í henni. „Ég hef oft
fengið að heyra að rödd mín berist langt og að ég
tali ofsalega mikið. Bræður mínir sögðu að þeir
heyrðu í mér langar leiðir þar sem ég var að ræða
eitthvað í kaffistofunni í Árnagarði og ég hef oft
fengið að heyra að ég tali rosalega mikið. Það er
líklega rétt. En það er þetta með mannlýsingarnar
sem ég er ekki sérlega fær í hvort sem það snýst
um að lýsa öðrum eða sjálfri mér. Ef ég reyni þá
held ég samt að ég geti sagt að ég telji mig alltaf
vera hamingjusama. Meira að segja á tímabilum
þar sem ég hef verið döpur. Það hljómar eins og
mótsögn en er það ekki að mínu mati. Ég reyni líka
svona yfirleitt að trúa því að það góða gerist frek-
ar en hið slæma. Það hljómar eitthvað svo klisju-
kennt að segja að ég sé bjartsýn að eðlisfari en ætli
ég sé það ekki samt.“
Lítil tískufyrirmynd
Nýverið birtist mynd af Katrínu í hinu víðlesna
tískutímariti Marie Claire. Gjarnan skapast miklar
umræður um útlit stjórnmálakvenna sem Katrín
hefur vissulega fundið fyrir. „Ég sá nú bara grein-
ina á netinu. Þetta var svona dæmigerð kvenna-
blaðsnálgun, íslenskar konur eru frábærar og töff
og svo framvegis. Ég er nú lítil tískufyrirmynd og
hef pínlega lítið vit á tísku eða fágaðri framkomu.
Það hefur sést til mín að gyrða mig á leiðinni upp
í pontu á Alþingi og einhver minnst á það við mig
án þess að ég hafi viljað kannast við það,“ segir
Katrín og skellir upp úr. „Ég er ekki alltaf með hug-
ann við yfirbragðið. En þetta var jákvæð grein sem
birtist í Marie Claire og það var ánægjulegt.
Erlendir fjölmiðlar hafa áhuga á íslenskum
konum og ekki síður gildum þeirra. Þeir hafa vilj-
að bera saman þau gildi við þær karlmennsku-
hugmyndir sem voru hér ráðandi í aðdraganda
bankahrunsins. En bent hefur verið á að með-
al annars áttu þær hugmyndir þátt í því að kerfið
lagðist á hliðina haustið 2008.“ Katrín segir jafn-
réttismál vera sérstakt áhugamál sitt og að hún
finni fyrir því að áhuginn styrkist eftir því sem
hún eldist. „Ég er reyndar orðin svo gömul að út-
frá birtingarmyndum kvenna í fjölmiðlum er ég
að verða úrelt til viðtals en konur sjást mjög lít-
ið í fjölmiðlum eftir 35 ára aldur. Nýleg rannsókn
sýndi að yfir 90% álitsgjafa eru karlar. Álitsgjafar
eru mjög skoðanamyndandi. Raddir kvenna heyr-
ast mun minna en karla og það skiptir máli fyrir
ungar konur sem eru að vaxa úr grasi að fá þessar
kvenfyrirmyndir í fjölmiðlum.“
Óskipulagðar barneignir og gott vor
Katrín er sett á að eignast barn í lok maí og ætlar
að njóta þess að sinna nýjum fjölskyldumeðlimi.
Blaðamaður spyr hana í gamni hvort hún hafi
planað barneignir til að sleppa úr kreppupólitík-
inni. Katrín skellir upp úr. „Við erum mjög óskipu-
lögð í barneignum en fögnum því að fjölskyldan
stækkar. Við erum bæði úr stórum systkinahópi
og okkur finnst það sjálfum hafa verið skemmti-
legt og höldum að það sé eftirsóknarvert hlutskipti
að vera í slíkum hópi.“
Katrín segist halda að vorið verði gott. „Ég
hlakka til vorsins. Ekki bara vegna þess að ég
gleðst yfir eigin hlutskipti heldur af því að ástandið
hefur verið erfitt í samfélaginu í dálítinn tíma og af
því að ég er nú svona svolítið bjartsýn þá vil ég trúa
því að við séum að fara inn í betri tíð eftir erfiðan
vetur. Nú fer daginn að lengja aftur og ég vona að
þeir hlutir sem þurfa að ganga upp geri það og allir
vinni saman að því. Þá verður vorið gott.“
kristjana@dv.is
„Okkur finnst
gaman að
vera fjölskylda og
það er algert elds-
neyti að vera með
börnum sínum.
Hlakkar til vorsins
„Ekki bara vegna
þess að ég gleðst
yfir eigin hlutskipti
heldur af því að
ástandið hefur
verið erfitt í samfé-
laginu í dálítinn
tíma og af því að
ég er nú svona
svolítið bjartsýn
þá vil ég trúa því
að við séum að
fara inn í betri tíð
eftir erfiðan vetur.“