Dagblaðið Vísir - DV - 22.12.2010, Blaðsíða 10

10 | Fréttir 22.–26. desember 2010 Jólablað
Kúlulánin draga dilk á eftir sér fyrir starfsmennina:
Kaupþingsmönnum stefnt
• Dregur úr vöðvaspennu
• Höfuð- háls- og bakverkjum
• Er slakandi og bætir svefn
• Notkun 10-20 mínútur í senn
• Gefur þér aukna orku og vellíðan
Opið virka daga kl. 9 -18
og á laugardögum kl. 11 - 16
Nálastungudýnan
Tilboð til
jóla 40%
afsláttur
!
Tilboðsverð 5.850 kr.
Stórhöfða 25 • Sími 569 3100 • eirberg.is
Stjórnin til Seattle í
skugga atvinnuleysis
„Við þóttumst sleppa nokkuð ódýrt
frá þessari ferð,“ segir Hilmar
Harðarson, formaður Félags iðn-
og tæknigreina (FIT). Tíu stjórn-
armenn félagsins fóru til Seattle á
dögunum á kostnað félagsins þar
sem Boeing-verksmiðjurnar voru
meðal annars heimsóttar. Tilgang-
ur ferðarinnar var að sækja end-
urmenntunarnámskeið hjá Boe-
ing. Félagsmaður í FIT, sem vill
ekki láta nafn síns getið, gagnrýnir
tímasetningu ferðarinnar þar sem
rúmlega 300 félagsmenn eru at-
vinnulausir.
Ódýrara en Ísland
Hilmar segir að ekkert óeðlilegt sé
við ferð stjórnarmannanna sem
farin var þann 8. desember síðast-
liðinn. Á námskeiðunum í Seattle
var meðal annars farið yfir lestur
á ársreikningum og ábyrgð stjórn-
armanna. Hann segir að stjórnar-
menn í félaginu þiggi ekki laun fyr-
ir stjórnarsetu í félaginu heldur sé
þeim umbunað með endurmennt-
unarnámskeiðum. Bendir Hilmar
á að vel hefði verið hægt að sækja
sambærileg námskeið hér á landi.
Kostnaðurinn hefði samt orðið
meiri. „Slík námskeið í Háskólan-
um í Reykjavík kosta um 160 þús-
und krónur.“
Hilmar segir að ferðin hafi kost-
að um 144 þúsund krónur fyr-
ir hvern stjórnarmann og því má
áætla að samanlagur kostnaður sé
um ein og hálf milljón.
Engir dagpeningar
„Við erum alltaf að reyna að kynna
okkur nýjustu tækni í okkar þágu
og við fórum í Boeing-verksmiðj-
urnar til að kynna okkur endur-
menntun hjá þeim,“ segir Hilmar
og bætir við að makar hafi borg-
að sjálfir. Þá segir Hilmar að ekki
hafi verið greiddir dagpeningar
eins og oft tíðkast. Hann segir að
gerð sé krafa um að stjórnarmenn
endurmennti sig þar sem þeir beri
ábyrgð á rekstri félagsins.
„Það varð nú hrun þannig að
menn höfðu ekki gert neitt slíkt í
þrjú ár. Síðan var hægt að samnýta
í sömu ferðinni tvö námskeið,“
segir Hilmar og bætir við að þetta
sé í annað skipti frá árinu 2003
sem stjórnarmenn fari til útlanda
á kostnað félagsins. Auk þess að
sækja námskeiðin kynntu stjórn-
armenn sér hvernig Boeing nýtir
tækni sína með koltrefjar. „Þetta er
eitthvað sem mun fara í alla bíla og
þetta var eitthvað sem var gaman
að skoða.“
300 án atvinnu
Félagsmaður sem DV ræddi við
gagnrýnir ferðina og bendir á að
atvinnuleysi sé mikið í félaginu
sem telur um 4.400 félagsmenn.
Hilmar segir að atvinnuleysi þar
sé ekki meira en gengur og gerist
í öðrum atvinnugreinum. „Það er
ekki mikið atvinnuleysi hjá okk-
ur. Það var um 7,3 prósent síðast
þegar ég vissi en það minnkaði í
sumar,“ segir hann en miðað við
þetta eru rúmlega 300 félagsmenn
án atvinnu í félaginu. Hilmar seg-
ir að aðalatriðið sé það að stjórn-
armenn verði að viðhalda þekk-
ingu sinni og til þess þurfi þeir að
sækja endurmenntunarnámskeið
eins og í þessu tilfelli. „Ég veit ekki
alveg hvernig menn eiga að velja
sér stjórn ef þeir fá enga umbun
fyrir. Svo lítum við heldur ekki á
þetta sem umbun því ef menn sitja
í stjórnum verða þeir að vera hæfir
til þess.“
n Stjórn Félags iðn- og tæknigreina á námskeiði hjá Boeing n Ódýrara en endur-
menntun á Íslandi n Ekki allir sáttir við ferðina n Þrjú hundruð án atvinnu „Ef menn sitja í
stjórnum verða
þeir að vera hæfir til þess.
Glæsileg verksmiðja Verksmiðja Boeing í Seattle
er stórglæsileg. Stjórnarmenn kynntu sér meðal ann-
ars hvernig fyrirtækið nýtir tækni sína með koltrefjar.
Sluppu vel „Við þóttumst sleppa nokkuð
ódýrt frá þessari ferð,“ segir Hilmar.
Einar Þór Sigurðsson
blaðamaður skrifar einar@dv.is
Kaupþing hefur stefnt tveimur af
fyrrverandi starfsmönnum bank-
ans, Ingvari Vilhjálmssyni og Hann-
esi Frímanni Hrólfssyni, vegna kúlu-
lánaskulda þeirra við bankann.
Fyrirtökur voru í báðum málunum á
þriðjudaginn var. Á næstunni mun
Kaupþing stefna fleiri fyrrverandi
starfsmönnum vegna útistandandi
hlutabréfaskulda við bankann.
Kaupþing krefur þá Ingvar og
Hannes um endurgreiðslu á hluta
af þeim upphæðum sem þeir fengu
lánaðar frá bankanum til að kaupa
hlutabréf í honum á árunum fyr-
ir hrun. Í einhverjum tilfellum var
um að ræða að þeir Ingvar og Hann-
es voru í 100 prósent ábyrgðum fyrir
lánunum sem þeir fengu en þau voru
veitt í nokkrum hlutum á nokkurra
ára tímabili. Í öðrum tilfellum voru
þeir bara í persónulegum ábyrgðum
fyrir hluta lánanna.
Ingvar var framkvæmdastjóri
markaðsviðskipta hjá Kaupþingi og
Hannes Frímann var aðstoðarfram-
kvæmdastjóri fjárstýringar og mark-
aðsviðskipta. Í lánabók Kaupþings
frá árinu 2006 kemur fram að Ingv-
ar hafði fengið nærri 1.700 milljón-
ir króna frá bankanum til að kaupa
hlutabréf í honum. Hannes Frímann
hafði þá fengið rúmar 400 milljónir
króna að láni til að kaupa hlutabréf
í honum. Ingvar og Hannes gætu
því verið krafðir um endurgreiðslu á
tugum til hundraða milljóna króna
vegna kúlulánanna.
ingi@dv.is
Fleiri stefnur á næstunni Fleiri starfsmönnum Kaupþings verður stefnt á næstunni
vegna útistandandi hlutabréfaskulda við bankann. Hreiðar Már Sigurðsson var forstjóri
Kaupþingssamstæðunnar.
Árétting
Vegna fréttar um árásina á Máv-
anesi sem birtist í blaðinu 15.
desember vill DV koma þeirri
áréttingu á framfæri að Hlynur
Ingi Baldursson sat inni í 16 mán-
uði, sem eru tveir þriðju dómsins
en ekki rúmlega helming dóms-
ins eins og stóð í fréttinni. Kristj-
án Víðir Kristjánsson sem fékk
tveggja og hálfs árs dóm, dvelur
nú á áfangaheimilinu Vernd,
hann er því ekki laus úr fangelsi.
Lögreglumaður sóttur til saka:
Grunaður um brot
gegn ungri stúlku
Ríkissaksóknari hefur höfðað saka-
mál á hendur lögreglumanni sem
rekið er fyrir Héraðsdómi Norður-
lands eystra. Ríkislögreglustjóri hef-
ur vikið manninum tímabundið úr
starfi. Þetta staðfestir Guðmundur
Guðjónsson, yfirlögregluþjónn hjá
ríkislögreglustjóra.
Hvorki hann né saksóknari sem
hefur málið til meðferðar gátu tjáð
sig frekar um málið að svo stöddu.
Samkvæmt heimildum DV er um
kynferðisbrot að ræða og lögreglu-
maðurinn mun hafa verið frá störf-
um í tvo til þrjá mánuði vegna máls-
ins.
Heimildir DV herma að lög-
reglumaðurinn sé grunaður um að
hafa leitað á stúlku í tíunda bekk
grunnskóla. Stúlkan hafi lokið knatt-
spyrnuæfingu þegar lögreglumaður-
inn, óeinkennisklæddur, hafi káfað
á stúlkunni. Ekki hafi verið vitni að
atvikinu en að vinatengsl hafi verið
á milli fjölskyldna þeirra beggja og
þau hafi því þekkst.
Atvikið á að hafa átt sér stað fyrir
um ári í íþróttahúsi í því bæjarfélagi
sem maðurinn sinnti löggæslustörf-
um í. Sömu heimildir herma að barn
lögreglumannsins hafi verið í bekk
með stúlkunni. Að því er DV kemst
næst hafa vitnaleiðslur farið fram og
dóms að vænta innan skamms.