Dagblaðið Vísir - DV - 28.01.2011, Page 44

44 | Tækni Umsjón: Páll Svansson palli@dv.is 28.–30. janúar 2011 Helgarblað
STOFNAÐ 1971 RAFTÆKJAVERSLUN • SÍÐUMÚLA 2 • SÍMI 568 9090 • www.sm.is
ALLT AÐ 67% AFSL.ÚTSALA
19" SJÓNVÖRP FRÁ 34.990
22" SJÓNVÖRP FRÁ 49.990
32" SJÓNVÖRP FRÁ 69.990
42" SJÓNVÖRP FRÁ 99.990
OPIÐ
LAUGARDAG
10 -16
SJÁIÐ ÖLL
TILBOÐIN
Á SM.IS
NÚ FER HVER AÐ VERÐA SÍÐASTUR
S
uðupottur netsamskipta er
að flestra mati Bandaríkin.
Facebook, Twitter og MSN
eiga öll þar sinn fæðingarstað
og sá aragrúi einstaklinga sem nýt-
ir sér þessar þjónustur dagsdaglega
þar í landi hefur gefið ýmsum fræði-
mönnum tilefni til að bregða nán-
ara ljósi á hinar huldu hliðar þessara
samskiptaforma.
Ein saman
„Þetta atferli, sem felst í því að fólk
tjáir sig meir og meir í gegnum Twitt-
er, Facebook og spjallforrit, er hægt
að líta á sem nokkurs konar nútíma-
geðveiki,“ segir einn af áhrifameiri
félagsfræðingum Bandaríkjanna,
Sherry Turkle, en hún er prófessor
við MIT og hvað þekktust þessa dag-
ana fyrir nýútkomna bók sína sem
vakið hefur mikla athygli; Alone To-
gether.
Rauði þráðurinn í gegnum bók-
ina, sem er hægt að kalla beina árás á
þá upplýsingaöld sem við lifum í, er
sá að tæknin sé við það að yfirtaka líf
okkar og dragi stórlega úr mennsku
okkar. Við lifum sátt við þá tálsýn að
ný tækni hafi gert samskipti betri;
í raun höfum við einangrast í sýnd-
arveröld sem sé léleg eftirlíking hins
raunverulega heims.
„Hegðun, sem þykir ósköp venju-
leg í dag, getur enn sýnt öll merki
þess sem við greindum á sínum tíma
sem sjúklega hegðun,“ segir Turkle í
bók sinni.
Bylgja efasemda
Alone Together er langt frá því að
vera eina bókin sem veltir upp efa-
semdum um dásemdir hins nýja
upplýsinga- og tækniheims. Fjöl-
margar bækur hafa verið gefnar út
allra síðustu misseri sem fjalla um
áhrif netheima á félagslegt og and-
legt atgervi okkar.
Ein af söluhæstu bókum vestan-
hafs nýverið er The Shallows eftir
Nicholas Carr. Kveikjan að bókinni er
grein sem Carr skrifaði fyrir tímarit-
ið Atlantic og bar fyrirsögnina Gerir
Google okkur heimsk? (e. Is Google
Making Us Stupid?) Í bókinni er því
haldið fram að netið hafi breytt því
hvernig við hugsum, geri okkur síð-
ur hæf til meðtaka viðamiklar eða
margbrotnar upplýsingar, eins og
bækur eða greinar í tímaritum.
Þá má einnig nefna The Net
Delusion eftir Evgeny Morozov en
þar sýnir höfundurinn fram á hvern-
ig hin nýju samskiptaform hafi alið af
sér kynslóð letingja eða „slacktivista“,
einstaklinga sem styðji við hugsjón-
ir og málefni með músarsmelli og
leggi það að jöfnu við raunverulegan
„aktív isma“.
Umræða og andmæli
Bók Sherry Turkle hefur kveikt hvað
mest í umræðunni af öllum þeim
bókum sem fjalla um neikvæðar
hliðar netheima. „Við höfum fund-
ið upp hvetjandi og undursamlega
tækni en þrátt fyrir það höfum við
leyft þessari sömu tækni að gera
okkur að minni mönnum, “ heldur
Turkle áfram.
Þessu hafa margir andmælt og
benda á þá staðreynd að hin nýju
samskiptaform leiði til aukinna tjá-
skipta, ekki síst fyrir þá einstaklinga
sem eiga erfitt með að hittast augliti
til auglitis, sökum búsetu eða ólíkrar
félagslegrar stöðu. Aðrir fræðimenn
benda á að samskiptavefir séu það
nýir af nálinni að þar eigi enn eftir
að mótast reglur og hegðun sem allir
geti sætt sig við.
Margir spyrja hver þessi raun-
verulegi heimur sé sem gagnrýn-
endur samskiptavefja bendi sífellt á?
Er hann eða var hann nokkurn
tíma til?
Facebook og Twitter tengir fólk ekki saman
heldur einangrar það frá veruleikanum! Þessu
heldur vaxandi fjöldi bandarískra fræðimanna
fram og varar við hættum samfara nýrri tækni
í samskiptum manna á milli.
Efasemdir um
samskiptavefina
Sherry Turkle Bók
hennar Alone together
hefur vakið upp mikla
umræðu undanfarið.
MYND FLICKR/JDLASICA
Uppáhaldstækið
Eric Stoltz er sjálfsagt þekktastur þessa
dagana fyrir eitt að fara með eitt aðalhlut-
verkanna í vísindaskáldsagnaþáttunum
Caprica. Stoltz var á dögunum í viðtali og var
þá meðal annars spurður út í ýmsar hliðar
tækninnar. Ein spurningin var á þessa leið:
Hver er uppáhaldsgræjan þín og á hvaða hátt
hefur hún hjálpað þér mest í lífinu? Í ljós kom
að uppáhaldsgræjan var lítið tæki sem fer vel
í vasa og kallast TV-B-Gone. Tækið er aðeins
búið einum hnappi en jafnframt áhrifamikl-
um; þegar þrýst er á hann slökknar á öllum
sjónvarpstækjum innan 15 metra frá tækinu.
„Frábært þegar maður fer á fámennan pöbb
og sjónvarpið er alltof hátt stillt. Einfalt tæki
sem færir þér friðsæld,“ segir Stoltz.
Ný tegund samskipta
Eru Facebook, Twitter og
spjallforrit að einangra
okkur frá veruleikanum?
MYND REUTERS
Arftaki PSP-
leikjatölvunnar
Sony hefur lyft hulunni af arftaka
PSP-leikjatölvunnar. Tölvan ber eins og
er vinnuheitið NGP en mun hljóta nýtt
nafn áður en hún verður sett á markað.
NGP verður meðal annars búin 5 tommu
OLED-skjá, myndavélum á fram- og
bakhlið auk sérstaks fjölsnertiflatar á
bakhliðinni. NGP keyrir á ARM Cortex
A9 fjögurra kjarna örgjörva, verður búin
Wi-Fi, 3G, GPS og Blátönn auk ýmissa
skynjara fyrir leikina. Sony heldur því
fram að nýja tölvan hafi sömu gæði
og stóri bróðirinn PlayStation 3. Hægt
verður að samtengja NGP og PlayStation
3 með þeim hætti að notandinn getur
byrjað að spila leik á PlayStation 3, horfið
síðan á braut með NGP í farteskinu og
haldið áfram í leiknum þar sem frá var
horfið. Ekki hefur enn verið gefið upp
hvað gripurinn komi til með að kosta.
PlayStation-sími
Myndum og upplýsingum af nýjum
leikjasíma frá Sony var lekið á netið í vikunni.
Samkvæmt þeim heimildum verður síminn
markaðssettur undir nafninu Sony Ericsson
Xperia Play. Síminn mun keyra á Android
2.3 stýrikerfinu (Gingerbread). Sony hefur
þegar tilkynnt að á þessu ári geti eigendur
Android-síma og -spjaldtölva búist við
að fá óvæntan glaðning í formi ýmissa
PlayStation-leikja sem nú verði hægt að spila
á tækjum búnum Android-stýrikerfinu. Sony
hefur einnig opnað dyrnar fyrir aðra leikja-
framleiðendur til að þróa og gefa út nýja leiki
undir nafninu „PlayStation Certified“. Sony
mun aðstoða við ýmsar tæknilegar útfærslur
við þróun leikjanna til að tryggja ákveðinn
gæðastimpil.