Dagblaðið Vísir - DV - 20.04.2011, Síða 6

6 | Fréttir 20.–26. apríl 2011 Páskablað
L A U G A V E G I 1 7 8
Sími: 568 9955 - www.tk. is
O p i ð : l a u g a r d . 1 2 - 1 6 - a n n a r í p á s k u m L O K A Ð
Einnig mikið úrval af
fermingargjöfum
Erum flutt að
Laugavegi 178
(næsta húsi við frægustu bensínstöð landsins)
BRÚÐKAUPSGJAFIR
20 teg. Söfnunarstell
20 teg. Söfnunarhnífapör
20 teg. Söfnunarglös
iittala vörur - hitaföt o.fl.
„Börn allt niður í þrettán ára göm-
ul selja sig í gegnum internetið,“
segir Þorbjörg Sveinsdóttir, sér-
fræðingur í Barnahúsi. Hún seg-
ir að það gildi bæði um stelpur og
stráka og að yfirleitt séu kaupend-
ur karlar. „Ég held að þetta sé sorg-
lega algengt,“ segir Þorbjörg, sem
metur það þannig að þessi hópur
sé nokkuð stór og að hann hafi far-
ið vaxandi á síðustu tveimur árum.
„Ég held að við höfum aðeins feng-
ið að finna smjörþefinn af þessu
hér í Barnahúsi. Þessi mál eru ekki
skráð sem vændismál og því erfitt
að átta sig á því hvað þau eru ná-
kvæmlega mörg. En það stendur
til bóta þar sem þessum málum er
alltaf að fjölga. Í fljótu bragði held
ég að mér sé óhætt að fullyrða að
við höfum fengið á annan tug mála
inn á borð til okkar á síðustu tveim-
ur árum.“
Kaupendur óþekktir
Þrátt fyrir það minnist Þorbjörg
þess ekki að það hafi verið dæmt í
máli er varðar kaup á barni, bæði
vegna þess að þetta er í raun tiltölu-
lega nýr málaflokkur og eins vegna
þess að þessi mál eru oft flókin og
erfið. „Þetta fer oft fram undir al-
gjörri nafnleynd. Netið er þannig.
Þú getur verið þar undir nafnleynd
og þú getur gert þetta án þess að
nokkur viti hver þú ert. Þessi börn
vita oft ekkert hver kaupandinn er.
Þetta eru erfið mál, því hvern á að
sækja til saka ef enginn veit hver á
í hlut? Það getur verið ansi snúið,“
segir Þorbjörg.
Hún segir að yfirleitt hafi full-
orðnir ekki milligöngu um söluna.
„Hér á Íslandi hafa ekki komið upp
mörg mál þar sem foreldrar selja
börnin sín í vændi, en það hafa
komið upp mál þar sem gerendur
eru fleiri en einn. Það er líka til að
börn hafi verið seld í vændi af full-
orðnum en það er afar sjaldgæft.
Hins vegar er sorglegt að ungling-
ar leiðist út í vændi í gegnum int-
ernetið og jafnvel ansi ungir, alveg
niður í þrettán ára. Þetta er sorgleg
þróun sem við sjáum í Barnahúsi.
Við þekktum ekki svona mál fyrir
nokkrum árum.“
Eftirspurnin mikil
Eftirspurnin er það sem heldur
markaðnum uppi segir hún og vís-
ar í frétt sem birtist á DV.is þar sem
fréttamenn birtu auglýsingu í nafni
fimmtán ára stráks inni á einka-
málasíðu. Nánast samstundis hafði
vændiskaupandi samband og lýsti
yfir áhuga sínum. „Eftirspurnin er
gríðarlega mikil. Þar af leiðandi leið-
ast börn út í þetta. Þau eru kannski
í fíkniefnum og þurfa að fjármagna
neysluna og þá virðist þetta vera
auðveld leið því eftirspurnin er svo
mikil. Það er náttúrulega dapurlegt.
En þá er ekki ólíklegt að óþroskaðir
einstaklingar í miklum vanda leiðist
út í það að selja sig fyrir peninga eða
fíkniefni.“
Málin enda svo hjá Barna-
húsi í gegnum tilkynningar frá
barnaverndarnefndum, lögreglu
eða dómurum. „Lögreglan kemst
kannski á snoðir um eitthvað og til-
kynnir málið þannig að það kemur
til okkar. Þessi mál koma upp fyrir
tilviljun en ekki frá barninu sjálfu,
því það er svo mikil skömm og sekt-
arkennd í þessum börnum að þau
þora ekki að segja frá þessu sjálf.“
Börnin eru saklaus
Þorbjörg áréttar að þótt það hafi
ekki tekist að sakfella kaupendur í
þessum málum sé heilmargt hægt
að gera til þess aðstoða unglinga í
vændi. „Oft eru þetta börn í fíkni-
efnavanda og þá vantar öflug úrræði
fyrir þau. Síðan er hægt að veita
þeim áfallamiðaða hugræna at-
ferlismeðferð því þótt þetta sé kyn-
ferðisofbeldi, eins og allt annað kyn-
ferðisofbeldi, upplifa þessi börn það
ekki þannig. Þeim finnst þau bera
mikla ábyrgð af því að þau settu sig
í samband við einhvern á netinu.
Það þarf að hjálpa þeim að komast í
skilning um það að ábyrgðin er ekki
þeirra heldur urðu þau fyrir ofbeldi,
þetta er ekki brot af þeirra hálfu,
þau eru algjörlega saklaus af þessu
því kaupandinn ber alla ábyrgðina.
Þetta eru flókin mál og þau eru erfið
en það er alltaf von og það er hægt
að hjálpa þessum börnum eins og
öðrum. Undantekningarlaust eru
þetta rosalega flottir krakkar.“
13 ára selja
sig á netinu
n Íslensk börn stunda vændi fyrir tilstilli
netsins n Aldur þeirra er allt niður í 13 ár
n Um að ræða bæði stelpur og stráka
n „Sorglega algengt,“ segir sérfræðingur í
Barnahúsi n Kaupendur eru óþekktir karlar
Ingibjörg Dögg Kjartansdóttir
blaðamaður skrifar ingibjorg@dv.is
„Eftirspurnin er
gríðarlega mikil.
Óhugnanleg þróun Þorbjörg er uggandi yfir því að æ fleiri ung-
menni koma í Barnahús eftir að hafa selt sig í gegnum internetið,
oftast óþekktum aðilum sem eru undir nafnleynd á netinu.
Stjórnendur þeirra leikskóla sem til
stendur að sameina í Reykjavík hafa
sent borgaryfirvöldum bréf þar sem
þeir krefjast þess að fallið verði frá
þeim áformum. Þá segja þeir sam-
einingu valinna leikskóla borgarinnar
stefna jafnrétti barna til leikskólanáms
í voða og að enginn lagalegur grund-
völlur sé fyrir áformunum. Þau lög sem
stuðst sé við í áformum til sameiningar
kveði á um fámenna leikskóla, þar sem
rekstri væri betur hagað með samein-
ingu. „Við sjáum ekki hvernig Reykja-
víkurborg getur borið við fámenni og
teljum því að um siðlausa misnotkun
á lögunum sé að ræða,“ segir í bréfi
stjórnendanna til borgaryfirvalda.
Nýlega var fallið frá áætlunum um
að sameina leikskólana Seljaborg og
Seljakot vegna ólíkrar stefnu og hug-
myndafræði leikskólanna. Þá krefj-
ast stjórnendur annarra leikskóla að
á sömu forsendum eigi að hætta við
sameiningu annarra leikskóla í borg-
inni. Þá sé einróma álit Félags leik-
skólakennara að áformin séu skóla-
starfi í borginni ekki til framdáttar.
„Ekkert jafnræði er í því að láta börn í
25 af 76 leikskólum borgarinnar taka á
sig afleiðingarnar af áætluðum niður-
skurði Leikskólasviðs og skorum við á
borgaryfirvöld að virða jafnan rétt allra
barna í borginni,“ segir enn fremur í
bréfinu.
simon@dv.is
Stjórnendur leikskóla eru æfir vegna sameininga:
Misnotkun á lögum
Vilja veiða meira
„Fyrirsjáanlegt er að neyðarástand
skapist í greininni með tilheyrandi
uppsögnum starfsfólks á sama tíma
og miðin eru svo full af fiski að erfitt
er að dýfa veiðarfæri í sjó án þess að
þau yfirfyllist.“
Þetta er meðal þess sem kemur
fram í áskorun forsvarsmanna Sam-
taka fiskframleiðenda og útflytjenda
til Jóns Bjarnasonar sjávarútvegsráð-
herra. Samtökin hvetja hann til að
auka aflaheimildir, strax eftir hrygn-
ingarstopp, um 40 þúsund tonn í
þorski og samsvarandi í öðrum teg-
undum.
Enn fremur kemur fram að í ljósi
efnahagsástands þjóðarinnar sé enn
nauðsynlegra en áður að skapa út-
flutningsverðmæti úr þeirri auðlind
sem hafið sé. Ábyrgðarlaust væri af
ráðherra að leiða áskorunina hjá sér.
Hlaut fyrstu
verðlaun
Íslensk kvikmyndatökukona hlaut
verðlaun á tyrkneskri kvikmyndahá-
tíð um helgina. Kvikmyndahátíðin
er haldin árlega
í Istanbúl og þar
hlaut Birgit Guð-
jónsdóttir gullna
túlípanann. Um
er að ræða fyrstu
verðlaun í al-
þjóðlegum flokki
á kvikmyndahá-
tíðinni. Verð-
launin hlaut Birgit fyrir myndatöku á
tyrknesku kvikmyndinni „Our Grand
Despair“. Hún var einnig tilnefnd
fyrir sömu mynd á kvikmyndahátíð-
inni í Berlín. Birgit hefur verið búsett
í Þýskalandi seinustu tíu árin en hún
hefur unnið við stórmyndir á borð
við „Goodbye Lenin“ og „The Bourne
Supremacy“.
Meira díoxín
mældist í Eyjum
Magn díoxíns sem mældist í
Sorporkustöð Vestmannaeyja
er nú meira en árið 2007, þrátt
fyrir tilraunir til þess að draga úr
menguninni. Í tilkynningu frá
Vestmannaeyjabæ á þriðjudag-
inn kom fram að mælingar bendi
til þess að árangur hafi náðst í að
minnka útblástur þeirra meng-
andi efna sem getið er í starfsleyfi
stöðvarinnar. Þó hafi ryk mælst
tvöfalt meira en starfsleyfi til-
greinir og díoxín mælst nokkuð
meira. Fréttastofa RÚV greinir frá
því að Vestmannaeyjabær hygg-
ist freista þess að draga úr losun
mengandi efna um að minnsta
kosti 60 prósent.