Dagblaðið Vísir - DV - 20.04.2011, Síða 16

16 | Fréttir 20.–26. apríl 2011 Páskablað
Guðmundur Andri Skúlason, tals-
maður Samtaka lánþega, og eigin-
kona hans, Sigrún Hafsteinsdóttir
hafa höfðað skaðabótamál á hend-
ur Frjálsa fjárfestingarbankanum
vegna láns sem þau tóku á fyrirtæki
sem þau áttu fyrir hrun. Guðmund-
ur segir lánið hafa verið ólögmætt
og þau hjónin því orðið af veruleg-
um fjármunum. Guðmundur hefur
staðið í eldlínunni í baráttu gegn
fjármögnunarfyrirtækjum frá hruni
og hann viðurkennir að sú barátta
sér farin að taka sinn toll. Hann er
þó hvergi nærri hættur.
Vilja sækja milljónir
„Þetta snýst um skaðabótakröfu
á hendur bankanum vegna geng-
istryggðs láns, eða hvað á nú að
kalla þau í dag,“ segir Guðmundur
Andri en fyrirtaka í málinu fór fram
í Héraðsdómi Reykjavíkur í síðustu
viku. Hann segir þau hjónin hafa
átt fyrirtæki á árunum fyrir hrun
og á þeim tíma hafi þau tekið lán
á fyrirtækið hjá Frjálsa fjárfesting-
arbankanum. „Síðan seldum við
fyrirtækið seinna meir. Þá var eign
okkar í þessu fyrirtæki náttúrulega
núll krónur vegna þess að Frjálsi
reiknaði lánið upp í hæstu hæðir.
Og það var bara eftir litla hrunið í
mars 2008 og í maí það ár seldum
við það. Við teljum að Frjálsi hafi
bakað sér skaðabótaskyldu með að
vera með ólögmætt lán, reikna eft-
irstöðvar þess með röngum hætti,
sem varð til þess að verðmatið á
okkar fyrirtæki rýrnaði. Þetta er
bara eitt af þessum fjölmörgu mál-
um sem við viljum keyra í gegnum
kerfið núna til að fá niðurstöðu í
það hvort bankar séu yfir höfuð
ábyrgir fyrir einhverju af því sem
þeir gera.“
Aðspurður hversu háar fjárhæð-
ir sé um að tefla í skaðabótamálinu
segir Guðmundur það upphæð sem
skipti þau heilmiklu máli. „Heildar-
krafa án vaxta, þegar búið er að tína
allt til, er 33 milljónir.“
Búinn að bíða lengi með málið
Guðmundur segir að málið sem
loks var tekið fyrir í síðustu viku hafa
í rauninni verið í ferli frá árinu 2009.
Þau hjónin hafi ákveðið að bíða með
að fara með það fyrir dómstóla. „Við
létum þetta mál bíða því við vildum
ekki að þetta yrði gert að einhverju
fordæmismáli því það var öðruvísi
en önnur mál. Þá fannst okkur ekki
eðlilegt að ég, sem er í forsvari fyr-
ir Samtökum lánþega, væri að pota
mínu máli í eitthvað fordæmi. Það
væri eðlilegra að taka það sér,“ segir
Guðmundur.
Gefst ekki upp núna
Auk þess að standa í ströngu í bar-
áttu fyrir sínum eigin persónulegu
lánamálum fyrir dómstólum er
Guðmundur Andri sem forsvars-
maður Samtaka lánþega með mörg
járn í eldinum í því starfi. Það er
ekki auðvelt að ná í hann þessa dag-
ana sökum álags á símkerfi samtak-
anna og deila þau hjónin með sér
að taka símtölin. Hann segir sam-
tökin vera með mál gegn Lýsingu
sem snýr að afturvirkri innheimtu
eftir þá dóma sem fallnir eru í slík-
um málum og þá sé annað mál í
vinnslu gegn Frjálsa fjárfestingar-
bankanum sem snýr að afturvirkri
innheimtu bankans í þeim mál-
um sem þegar hafa farið í gegnum
dómskerfið. Aðspurður hvort þessi
barátta sé ekki farin að taka sinn
toll segir Guðmundur svo vera. „Jú,
það er ekki hægt að neita því, það er
farið að gera það. Þetta er alveg að
verða þreytandi en að sama skapi
þætti manni helvíti hart að fara að
gefast upp núna. Maður er búinn
að standa af sér nokkra stormana,
bæði frá bönkum, fjölmiðlum og
öðrum. Þannig að við reynum að
halda áfram.“
Krefur bankann
um skaðabætur
n Guðmundur Andri höfðar skaðabótamál á hendur Frjálsa fjárfestingar bankanum
n Krefur bankann um tugi milljóna vegna ólögmæts láns nBaráttan tekur sinn toll
Sigurður Mikael Jónsson
blaðamaður skrifar mikael@dv.is
„Að sama skapi
þætti manni hel-
víti hart að fara að gefast
upp núna.“
Berst við bankann Guðmundur Andri
Skúlason hefur staðið í ströngu í baráttu
við fjármögnunarfyrirtækin frá hruni. Nú
hefur hann höfðað skaðabótamál gegn
Frjálsa fjárfestingarbankanum.
MYND HEIÐA HELGADÓTTIR
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Samráðshópur um húsnæðisstefnu
hefur skilað velferðarráðherra
skýrslu með tillögum um aðgerðir
á sviði húsnæðismála. Ein megin-
tillaga hópsins er að teknar verði
upp húsnæðisbætur í stað vaxta- og
húsaleigubóta til að jafna húsnæðis-
stuðning hins opinbera milli ólíkra
búsetuforma og stuðla að því að val
sé á milli leigu-, búseturéttar- og
eignaríbúða.
Meginreglan skuli vera sú að ríkið
greiði almennan húsnæðisstuðning
en sveitarfélögin veiti sérstakan hús-
næðisstuðning vegna félagslegra að-
stæðna. Bent er á að stuðningur hins
opinbera við fólk á leigumarkaði sé
mun minni en við fólk í eigin hús-
næði eða búseturéttaríbúðum. Því
er lagt til að til skamms tíma verði
tekjuskerðingarmörk húsaleigubóta
lækkuð til að auka stuðning við lág-
tekjuhópa. Jafnframt er lagt til að
opinberir aðilar vinni að því að efla
almennan markað með leigu- og bú-
seturéttaríbúðir.
Guðbjartur Hannesson velferðar-
ráðherra segir augljóst að stjórnvöld
þurfi að eiga sér skýra langtímastefnu
í húsnæðismálum. „Samráðshóp-
urinn hefur unnið vandaða vinnu
og miklu skiptir að góð samstaða
var um tillögurnar innan hópsins
sem var þverpólitískur með aðkomu
mikilvægra hagsmunasamtaka. Ég
mun á næstu vikum fara yfir og meta
tillögur samráðshópsins. Þá tekur
við forgangsröðun, nánari útfærsla
þeirra og framkvæmd.“
hanna@dv.is
Tillögur samráðshóps um aðgerðir á sviði húsnæðismála:
Tekjuskerðing lækkuð
Aðgerðir Guðbjartur Hannesson
velferðarráðherra og Sigríður Ingibjörg
Ingadóttir formaður samráðshópsins.
Verkalýðsfélag Akraness semur:
Sumir fá
hálfa milljón
Á þriðjudaginn var undirritaður kjara-
samningur Verkalýðsfélags Akraness
við Elkem Ísland en samningurinn
gildir til þriggja
ára. Þetta er fyrsti
samningur-
inn sem undir-
ritaður er með
þessum hætti hjá
ríkissáttasemjara
í þeirri samn-
ingalotu sem nú
stendur yfir, sam-
kvæmt upplýs-
ingum af vefsíðu
Verkalýðsfélags Akraness.
Samkvæmt samningnum munu
starfsmenn hækka að meðaltali um
tæp tíu prósent í launum á fyrsta ári
samningsins og munu laun byrj-
anda hjá Elkem hækka um tæpar 30
þúsund krónur á mánuði en laun
starfsmanns sem starfað hefur í 10 ár
hækka um tæpar 35 þúsund krónur.
„Rétt er að geta þess að samn-
ingurinn hefur afturvirkni og munu
starfsmenn fá greitt frá 1. janúar 2011.
Þessu til viðbótar ákvað fyrirtækið
vegna góðrar afkomu að greiða starfs-
mönnum ein föst mánaðarlaun auka-
lega. Þegar allt þetta er tekið saman er
niðurstaðan sú að starfsmaður sem
hefur starfað í 10 ár hjá Elkem mun fá
tæpar 500 þúsund krónur í formi ein-
greiðslu við næstu útborgun,“ segir á
vef félagsins en Vilhjálmur Birgisson,
formaður Verkalýðsfélags Akraness,
leiddi samningaviðræðurnar og hefur
lýst því yfir að hann sé stoltur af út-
komunni.
Þá kemur fram að orlofs- og des-
emberuppbætur muni hækka töluvert
en þær eru í dag samtals rúmlega 260
þúsund krónur en munu hækka í 274
þúsund rúmar, sem er 5,5 prósenta
hækkun. Heildarhækkun samningsins
á samningstímanum að teknu tilliti til
eingreiðslunnar vegna góðrar afkomu
fyrirtækisins er um 26 prósent.
„Formaður telur þennan samning
vera mjög ásættanlegan fyrir starfs-
menn Elkem en samningurinn verður
kynntur fyrir starfsmönnum á fund-
um á morgun og einnig mun starfs-
mönnum bjóðast að kjósa um samn-
inginn að lokinni kynningu. Það er
alveg morgunljóst að þetta er sú lína
sem félagið mun leggja varðandi aðra
samninga á Grundartangasvæðinu,
það er að segja við Klafa og Norðurál,
en samningur Klafa var laus um ára-
mót og launaliður Norðuráls einnig á
sama tíma,“ skrifar Vilhjálmur Birgis-
son á vefsíðu VLFA.
mikael@dv.is
Vilhjálmur
Birgisson