Dagblaðið Vísir - DV - 20.04.2011, Qupperneq 30
Fyrir sex árum var því spáð af Um-
hverfisstofnun Sameinuðu þjóðanna,
UNEP (United Nations Environment
Programme), að fyrir árið 2010 myndi
heimsbyggðin horfa upp á um 50
milljónir „umhverfisflóttamanna“. Þar
er átt við fólk sem hefur neyðst til að
flýja heimkynni sín vegna umhverf-
isvandamála sem hafa skapast vegna
hlýnunar jarðar.
Þessar hrakspár hafa hins vegar
ekki ræst, heldur þvert á móti. Á korti
sem gefið var út af bæði Umhverfis-
stofnun SÞ og Háskóla SÞ árið 2005,
var búið að merkja inn svæði sem
væru líkleg til að verða yfirgefin vegna
umhverfisvandamála. Raunin hefur
verið önnur, því á þeim svæðum sem
voru talin í hættu hefur íbúum nefni-
lega fjölgað – ekki fækkað. Greint var
frá þessu í vefútgáfu þýska fréttatíma-
ritsins Der Spiegel í vikunni.
Búið að fjarlægja hrakspárnar
Mikið var gert úr hrakspám
umhverfis stofnunarinnar árið 2005
og var vitnað í þær hvað eftir ann-
að. Nú er hins vegar búið að fjar-
lægja skýrslu sem var unnin af Há-
skóla SÞ, en hana var lengi vel að
finna á heimasíðu umhverfisstofn-
unarinnar. Þar sagði til að mynda:
„Því er spáð að fyrir árið 2010 þurfi
heimurinn að sætta sig við allt að
50 milljónir flóttamanna sem hafa
flúið yfirvofandi umhverfisvá. Sér-
fræðingar Háskóla SÞ leggja áherslu
á að alþjóðasamfélagið bregðist við,
með því að skilgreina, viðurkenna og
aðstoða þessa nýju tegund „flótta-
manna“ hið snarasta.“
Spárnar ýktar
Talið er að skýrsla Háskóla Sam-
einuðu þjóðanna hafi verið að
miklu leyti byggð á rannsóknum
Norman Myers, umhverfisvernd-
arsinna sem starfar sem prófessor
við Oxford-háskóla. Myers hélt því
fram hlýnun jarðar myndi stuðla
að allt að 200 milljónum flótta-
manna fyrir árið 2010 en þetta
sagði hann á umhverfisverndar-
ráðstefnu í Prag árið 2005. Það er
reyndar gömul saga og ný að um-
hverfisverndarsinnar vilja heldur
benda á verstu mögulegu útkomu
hverju sinni, til að leggja áherslu á
málstað sinn.
Íbúum fjölgar
Staðreyndin er hins vegar sú, að
íbúum á þessum svæðum, sem
talin voru í hættu, fjölgar frekar en
hitt. Svo virðist vera, að þrátt fyr-
ir að ýmsum svæðum stafi hætta
af umhverfi sínu – sem gæti birst
í jarðskjálftum, flóðbylgjum, felli-
byljum og svo framvegis – þá vilji
fólk ekki yfirgefa svæðin. Sem
dæmi má nefna náttúruhamfar-
irnar í Japan, sem lögðu heilu
borgirnar í rúst. Í stað þess að flýja
svæðin, ákveða íbúarnir frekar að
taka höndum saman og endur-
byggja borgir sínar.
Ein þeirra borga sem spáð var
að yrði næsta yfirgefin fyrir árið
2010 var höfuðborg Jemen, Sana.
Er það vegna þess að þar minnk-
ar grunnvatn umtalsvert á hverju
ári, og var því spáð að vatnsbirgð-
ir yrðu svo gott sem á þrotum fyr-
ir árið 2017 – en það myndi þýða
að ólíft yrði í borginni. Íbúafjöldi
Sana hefur þó fjórfaldast á síð-
ustu sex árum, úr 585 þúsund í
2,3 milljónir. Efasemdarmenn um
hlýnun jarðar spyrja því, og ef til
vill skiljanlega, hvar eru umhverf-
isflóttamennirnir?
30 | Erlent 20.–26. apríl 2011 Páskablað
Hland-Kristur
eyðilagður
Franska lögreglan leitar nú tveggja
manna sem eru grunaðir um að hafa
eyðilagt listaverkið ,,Hland-Krist.“
Listaverkið er eftir bandaríska lista-
manninn Andres Serrano. Í stuttu
máli er listaverkið ljósmynd af styttu
af Jesús á krossinum, sem hefur
verið sett í glas fullt af hlandi lista-
mannsins. Verkið, sem er frá árinu
1987, hefur lengi verið umdeilt þá
sérstaklega meðal þeirra sem aðhyll-
ast kristna trú. Verkið var til sýnis í
Avignon í Frakklandi, sem eitt sinn
var höfuðstaður páfagarðs. Tveir
menn réðust að verkinu á sunnu-
dag og notuðu til þess bæði ísnál og
skrúfjárn.
Rannsaka kynferð-
isbrotamenn
Stefnumótasíðan match.com, sem
er líklega sú stærsta sinnar tegund-
ar í heimi, ætlar nú að láta rann-
saka bakgrunn þeirra sem nýta sér
þjónustu síðunnar. Ástæðan er sú
að kona nokkur hefur farið í mál við
síðuna, þar sem henni var nauðg-
að af karlmanni sem hún kynnt-
ist í gegnum síðuna. Í ljós kom að
maðurinn hafði sex sinnum verið
dæmdur fyrir kynferðisbrot, þar á
meðal nauðgun. Match.com ætlar
sér nú að keyra gagnagrunna sína
saman við gagnagrunna bandarísku
alríkislögreglunnar um kynferðis-
brotamenn, svo forðast megi að slíkt
endurtaki sig.
Óeirðir í Nígeríu
Á mánudag varð ljóst að sitjandi for-
seti Nígeríu, Goodluck Jonathan,
hafði sigrað í forsetakosningum
með talsverðum yfirburðum. Helsti
keppinautur hans var Muhammadu
Buhari, fyrrverandi hershöfðingi
sem naut mikils stuðnings í norður-
hluta landsins, en þar eru múslim-
ar í miklum meirihluta. Jonathan
er kristinnar trúar á meðan Buhari
er múslimi. Alls hlaut Jonathan 57
prósent atkvæða en Buhari 31 pró-
sent. Í kjölfar þess að úrslit kosn-
inganna voru kunngjörð brutust út
miklar óeirðir í norðurhluta Nígeríu
þar sem múslimar í landinu telja
að kosningarnar hafi ekki farið vel
fram. Kosningaeftirlitsmenn eru á
öðru máli og segja að aldrei hafi far-
ið fram jafnsanngjarnar kosningar
í Nígeríu og þær sem fóru fram um
síðustu helgi.
Barack Obama þénaði ágætlega árið 2010:
50 milljónir í skatta
Barack Obama, forseti Banda-
ríkjanna, greiddi ásamt Michelle
konu sinni um 436 þúsund dollara
í skatta fyrir árið 2010. Þetta kom
fram í skattskýrslu forsetans sem
Hvíta húsið opinberaði á þriðju-
dag. Bandaríkjamenn höfðu frest
til mánudags 18. apríl til að skila
skattskýrslu og var forsetinn þar
ekki undanskilinn.
Í skattskýrslu forsetahjónanna
kom fram að þau þénuðu 1,7 milljón-
ir dollara á árinu 2010, eða sem sam-
svarar um 194 milljónum íslenskra
króna. Það var þó talsvert minna en
það sem þau þénuðu árið 2009, en
sú upphæð var 5,5 milljónir dollara,
eða sem nemur um 630 milljónum ís-
lenskra króna.
Aðeins brot af tekjum Obama er
þó tilkomið vegna stjórnmálastarfa
hans og ættu því forsetar annarra
landa að anda rólega áður en þeir fara
fram á ríflega launahækkun. Obama
hefur skrifað þrjár bækur byggðar á
ævi sinni; Dreams From My Father,
The Audacity of Hope og Of Thee I
Sing, en þær hafa selst eins og heit-
ar lummur, þó augljóslega betur árið
2009 heldur en árið 2010.
Forsetahjónin sitja þó ekki á pen-
ingum sínum en þau hafa verið dug-
leg að láta fé af hendi rakna til hinna
ýmsu góðgerðamála. Gáfu þau meðal
annars ríflega 130 þúsund dollara til
Fisher-stofnunarinnar, sem vinnur að
betri lífskjörum fjölskyldna fallinna
hermanna. bjorn@dv.is
Forseti Bandaríkjanna Bækur Baracks
Obama hafa aflað honum ágætistekna og
ljóst að hann þarf ekki að kvíða fjárskorti.
„ Í stað þess að flýja
svæðin, ákveða
íbúarnir frekar að taka
höndum saman og
endurbyggja borgir sínar.
n Sameinuðu þjóðirnar spáðu því fyrir sex árum að ný tegund flótta-
manna myndi líta dagsins ljós n Samkvæmt spám átti fjöldi svo-
nefndra umhverfisflóttamanna að vera allt að 50 milljónir fyrir árið 2010
Björn Teitsson
blaðamaður skrifar bjorn@dv.is
Umhverfishrak-
spár rætast ekki
Hamfarir Þrátt fyrir umhverfisógnir
kýs fólk heldur að endurbyggja heim-
kynni sín en að yfirgefa þau.