Dagblaðið Vísir - DV - 20.04.2011, Síða 66

66 | Tækni Umsjón: Páll Svansson palli@dv.is 20.–26. apríl 2011 Páskablað
D
ropbox er veflæg hýsingar-
þjónusta sem hefur orðið æ
vinsælli með hverju árinu
sem líður. Síðasta ár markaði
tímamót fyrir þá félaga Drew Houston
og Arash Ferdowsi sem standa að
baki Dropbox-þjónustunni og gerðu
hana aðgengilega almenningi árið
2008. Tæplega ári síðar var fjöldi not-
enda kominn í eina milljón og í fjórar
milljónir í janúar 2010. Ótrúleg aukn-
ing í fjölda notenda hefur síðan orðið
síðustu 14 mánuði og í dag telja þeir
um 25 milljónir.
Hvernig virkar Dropbox?
Þegar notandinn hefur innsett Drop-
box verður til sérstök mappa í skrá-
arkerfi stýrikerfisins þar sem hægt
er að vista eða setja skrár af öllum
gerðum og stærðum. Inni í Drop-
box-möppunni má síðan stofna aðr-
ar möppur og deila þeim eða völdum
skrám með öðrum notendum gegn-
um netið.
Hér kemur kannski vinsælasti
eiginleiki þessarar þjónustu fram,
deiling og samstilling (sync).
Sami notandi getur unnið með
skrár t.d. heimavið og á vinnustað og
Dropbox samstillir þær breytingar
sem gerðar hafa verið á báðum stöð-
um. Til að spara tíma og gagnamagn
eru það aðeins breytingarnar sem
fara í gegnum netið.
Á sama máta geta fleiri en einn
notandi unnið með sömu skrá, sem
er ótrúlega hentugt, en fríþjónustan
heldur að auki til haga öllum breyt-
ingum (version history) sem gerðar
hafa verið á skránni síðustu 30 daga
og er þá auðvelt að fara til baka í þá
útgáfu ef notandinn þarf þess.
Vinna og afþreying
Vinsældir Dropbox síðasta miss-
erið má að öllum líkindum þakka
snjallsímum og spjaldtölvum. Í dag
er hefðbundinn Dropbox-notandi
með forritið að öllum líkindum inn-
sett á fjórum tækjum; heimilistölv-
unni, vinnutölvunni, spjaldtölvunni
og í snjallsímanum. Hann þarf ekki
að hafa áhyggjur af því að gleyma
að taka með sér utanáliggjandi drif
eða USB-lykil, hann hefur alls stað-
ar sama aðgang að skjölum sínum og
skrám, í leik og starfi.
Upphafið
Báðir stofnendur Dropbox voru
nemendur við hinn virta MIT-há-
skóla (Massachusetts Institute of
Technology) í Bandaríkjunum. Drew
Houston, sem skrifaði upphaflega
kóðann að baki þjónustunni, fékk
hugmyndina að Dropbox árið 2007
vegna þess að hann átti það til að
gleyma USB-lyklinum sínum heima
en þar voru öll hans verkefni geymd.
Hann fór að kanna veflægar þjón-
ustur en fannst þær seinvirkar og
óhentugar og ákvað að reyna að
skapa eitthvað sjálfur.
Eftir að hafa skrifað grunnkóð-
ann gerði hann sér grein fyrir því að
hann væri með eitthvað í höndun-
um sem gæti hentað stórum hópi
fólks, aðgangur að sömu skjölum
alls staðar og engin þörf á að senda
póstviðhengi lengur.
Houston sýndi félaga sínum,
Arash Ferdowsi, kóðann og virkni
þjónustunnar og í framhaldinu
ákváðu þeir að reyna að gera hug-
myndina að veruleika. Það má
segja að gæfan hafi verið þeim
hliðholl, þeir fengu stuttu síðar
fjársterkan aðila til að leggja sér lið
við uppbyggingu þessa nýja fyrir-
tækis.
Viðtökur
Það má segja að Dropbox hafi feng-
ið frábærar viðtökur frá fyrstu tíð.
Dagblöð eins og New York Times,
The Economist og The Washington
Post hafa öll fjallað um og lofsung-
ið forritið auk sérhæfðra tölvu- og
tæknitímarita eins og PC Magazine
og Macworld. Í úttekt sinni og verð-
launaafhendingu árið 2009 veitti
Macworld forritinu „Editor‘s Choice
Award“ en Dropbox hefur hlotið fjöl-
mörg verðlaun og tilnefningar frá
árinu 2008.
Framtíðin
Dropbox fyrir sjónvörp, myndavél-
ar og jafnvel bifreiðar er næsta skref
hjá þeim félögum að sögn Houston.
Vinsældir forritsins hafa orðið til
þess að nánast hvern dag koma fyr-
irspurnir frá fyrirtækjum sem vilja
innleiða Dropbox á einhvern hátt
í vörur sínar. Meira en 200 ólík for-
rit nýta sér þegar möguleikann á að
geta sótt skrár í Dropbox og þess má
vænta í náinni framtíð að mörg tæki
muni hafa þennan möguleika inn-
byggðan á einhvern máta í stýrikerfi
sín.
Steadicam
fyrir snjallsíma
Gæði myndskeiðsupptaka úr snjallsímum
eru í dag orðin ótrúlega góð en þó er einn
galli á gjöf Njarðar, þegar tekið er upp
með snjallsíma er ekkert sem kemur í veg
fyrir hristinginn sem á endanum eyðileggur
upptökuna. Það er nær ómögulegt að nota
snjallsíma við myndskeiðsupptökur án þess
að jafnvel einn andardráttur verði til þess
að síminn hristist eins og um jarðskjálfta
sé að ræða. Nú er hins vegar hægt að verða
sér úti um sömu tækni fyrir snjallsíma og
Steadicam er fyrir fagmenn í kvikmyndagerð.
Á myndinni má sjá Steadicam Smoothee,
sem kom nýverið á markað fyrir snjallsíma
og litlar kvikmyndatökuvélar. Tilvalið fyrir
sumarfríið eða barnaafmælið en verðið er
um 200 Bandaríkjadalir.
The Pirate Bay í
Research Bay
Sænska deilisíðan The Pirate Bay hefur
breytt ásýnd sinni tímabundið en á for-
síðunni stendur stórum stöfum „Research
Bay“. Ástæðan liggur í könnun á vegum
Cybernorm, rannsóknarteymis við háskólann
í Lundi í Svíþjóð. Notendur deilisíðunnar eru
beðnir að svara nokkrum spurningum en
tilgangur könnunarinnar er að varpa nýju ljósi
á hvernig internetið mótar svokölluð miðju-
viðhorf (norm) almennings í félagslegum
og lagalegum skilningi. Vonast teymið til
að geta með rannsóknum sínum byggt upp
gagnagrunn og lagt fram niðurstöður sem
muni hafa áhrif á lagasetningu sem varðar
internetið í framtíðinni.
n Aðgangur að
sömu skjölum alls
staðar og engin þörf
á að senda póstvið-
hengi lengur!
25 milljónir
í 175 löndum
Viðmót fyrir Dropbox í Apple OSX Notandinn er að deila tiltekinni möppu.
„Houston sýndi
félaga sínum
Arash Ferdowsi kóð-
ann og virkni þjónust-
unnar og í framhald-
inu ákváðu þeir að
reyna að gera hug-
myndina að veruleika.
Arash Ferdowsi og
Drew Houston Bráðefni-
legir frumkvöðlar sem eiga
framtíðina fyrir sér.
Hvað er Dropbox?
Veflæg hýsing, sam-
stilling og deiling
Frí þjónusta: 2GB
Greidd þjónusta:
50GB: 9,99 Banda-
ríkjadalir á mánuði.
100GB: 19,99 Bandaríkjadalir á mánuði.
Forrit: 10 sérhæfð Dropbox-forrit, m.a.
fyrir Windows, Mac OS X, Linux, Android,
iPhone, iPad og Blackberry auk vefvið-
móts á vefsíðu Dropbox.
Rafbókasala
í nýjar hæðir
Samtök bandarískra bókaforlaga
(Association of American Publishers) birti
athyglisverðar sölutölur fyrir febrúar en þá
fór sala rafbóka á Bandaríkjamarkaði fram úr
sölu á pappírskiljum í fyrsta skipti í sögunni.
Samtökin telja þetta vera afleiðingu síðast-
liðinna jóla og hversu margir fengu þá les- og
spjaldtölvur í pakkann sinn. Aukningin í sölu
rafbóka nemur 202 prósentum frá febrúar
2010 til febrúar 2011 en enn eiga þó rafbækur
langt í land með að fara fram úr sölu prent-
aðra bóka þegar á heildina er litið.