Dagblaðið Vísir - DV - 12.08.2011, Blaðsíða 4

4 | Fréttir 12.–14. ágúst 2011 Helgarblað
H
allbjörn Hjartarson er ekki
að fara með rétt mál þeg­
ar hann heldur því fram
að kántrýhátíðir hafi verið
lagðar af vegna einhverrar
meinsemdar og öfundsemi í hans
garð. Kántrýhátíðir, sem voru ákaf­
lega skemmtilegar samkomur, urðu
einfaldlega of stórar fyrir lítið þorp,“
segir Magnús B. Jónsson, sveitarstjóri
Skagastrandar, um ummæli Hall­
björns Hjartarsonar. Í viðtali við DV
á miðvikudaginn sagði Hallbjörn að
hætt hefði verið með Kántrýdaga á
sínum tíma, sem voru upprunalega
hans hugmynd, vegna öfundar í hans
garð. Hann hefði verið of stórt núm­
er fyrir bæinn og þess vegna hafi há­
tíðin verið sett af. Sveitarstjórinn vísar
þessum ásökunum á bug.
Hátíðin annars eðlis núna
Hann segir ástæðu þess að hætt hafi
verið við hátíðina hafa verið þá að
hún hafi verið orðin of stór fyrir bæ­
inn. „Þegar áhættan af því hvort ein­
hver aðsókn yrði, var komin hátt í 15
milljónir var það orðið of mikið fyrir
600 manna byggð. Sú áhætta byggðist
að hluta til á yfirgengilegum kröfum
ríkisvaldsins um greiðslur fyrir lög­
gæslu og öryggisvörslu. Allur kostn­
aður við hátíðarhaldið og skemmt­
anir umfram styrki og auglýsingasölu
var borinn uppi af sveitarsjóði og það
hefði í raun verið mjög óábyrgt af
sveitarstjórn að halda áfram að taka
þá áhættu með skattfé íbúanna, þótt
um mikla og góða kynningu á sveitar­
félaginu hafi verið að ræða.“
Hann segir Kántrýdaga sem
haldnir eru núna ekki vera eins og
fyrri hátíðir. „Kántrýdagar eru ann­
ars eðlis og byggja meira á sjálf­
sprottnum áhuga og þátttöku íbú­
anna sem skreyta hús og götur, setja
upp markaði, koma saman og taka
lagið, hlusta á aðra fremja tónlist eða
njóta fjölbreytilegrar skemmtunar og
menningar sem í boði er. Þeir gestir
sem koma á Kántrýdaga finna þessa
stemningu og njóta alls þessa með
íbúunum þar sem kántrýtónlistin og
klæðnaður í anda hennar er í háveg­
um hafður.“
Hallbjörn er mikils metinn
Magnús segir það einnig af og frá að
Hallbjörn sé ekki mikils metinn í bæn­
um. „Að Hallbjörn sé á einhvern hátt
settur til hliðar á Kántrýdögum er
ekki rétt. Hann hefur ekki haft áhuga
á að taka beinan þátt í dagskránni og
verður að vitna til hans sjálfs þar sem
hann segist vera hættur að syngja op­
inberlega. Kántrýbær er hins vegar ein
meginstoðin í hátíðinni og kántrýút­
varpið leikur að sjálfsögðu hlutverk
og skiptir máli á Kántrýdögum sem
„menningar aukinn við Húnvetnska
strönd“ svo vitnað sé í kántrýkónginn
sjálfan. Það er ekki rétt að sveitarstjórn
hafi komið á einhvern hátt illa fram
við Hallbjörn nema síður sé. Hann og
kántrýútvarpið hafa notið ýmiss konar
stuðnings frá sveitarfélaginu. Er þess
skemmst að minnast að í sumar var
veittur sérstakur styrkur að upphæð
2,5 milljónir króna til uppsetningar á
Kántrýsetrinu honum til heiðurs og
hans tónlistarferli. Það safn er nú sýn­
ing í Kántrýbæ og fjallar um líf og starf
Hallbjörns Hjartarsonar.“
Lög Hallbjörns sungin á gleði- og
sorgarstundum
Honum finnast ásakanir Hallbjörns
óréttlátar. „Það er í raun mjög ómak­
legt af Hallbirni að sverta samfélag
sitt með þeim hætti sem hann gerir
því Skagstrendingar hafa haft hann í
góðum metum. Á Kántrýdögum 2009
var hann heiðraður sérstaklega þar
sem það var skjalfest að hann og hans
lífsstarf væri vel metið og virt. Tónlist
hans og ýmis uppátæki hafa fallið í
góðan jarðveg og íbúarnir syngja lögin
hans á bæði gleði­ og sorgarstundum.
Þetta veit Hallbjörn fullvel og ætti ekki
að láta vanlíðan sína bitna á saklausu
fólki.“
Hátíð Hallbjörns
varð of vinsæl
n Sveitarstjórinn á Skagaströnd segir kántrýhátíð Hallbjörns Hjartarsonar hafa
verið lagða af vegna of mikillar aðsóknar n Hallbjörn er ósáttur við Kántrýdaga
Viktoría Hermannsdóttir
blaðamaður skrifar viktoria@dv.is
Mótmælir Hallbirni „Á Kántrýdögum
2009 var hann heiðraður sérstaklega þar
sem það var skjalfest að hann og hans lífs-
starf væri vel metið og virt,“ segir Magnús B.
Jónsson,sveitarstjóri Skagastrandar.
Ómaklegt Sveita-
stjórinn segir það ekki
sanngjarnt af Halbirni
að láta vanlíðan sína
bitna á saklausu fólki.
Hann sé mikils metin í
bæjarfélaginu.
Fjölskylda
í sjálfheldu
Björgunarsveitin Hérað á Egils­
stöðum var kölluð út eftir hádegi á
fimmtudag þegar fjögurra manna
fjölskylda komst í sjálfheldu í Hett­
inum. Var hún stödd í Aurunum fyrir
ofan sumarbústaðahverfið á Úlfs­
stöðum, að því er segir í tilkynningu
frá Landsbjörgu.
Fjölskyldan var að klöngrast í
klettunum og var allt í einu komin í
þá stöðu að foreldrarnir treystu sér
ekki lengra, hvorki upp né niður,
með börnin sem eru fimm og átta
ára gömul. Björgunarsveitin fór á
staðinn og aðstoðaði fjölskylduna
við að komast niður á jafnsléttu.
„Beittir okkur
allar ofbeldi“
„Nú get ég ekki lengur orða bundist
yfir þeim ummælum sem þú, Gunn­
ar Þorsteinsson, hefur látið falla í
fjölmiðlum að undanförnu.“ Þetta
skrifaði Ólöf Dóra Bartels Jónsdóttir,
ein þeirra sjö kvenna sem sökuðu
Gunnar í Krossinum um kynferðis­
legt áreiti, í ítarlegu bréfi til fjölmiðla
á fimmtudag. Í bréfinu, sem ber yfir­
skriftina Leyst úr lygaflækju, svarar
hún ýmsum ummælum Gunnars í
fjölmiðlum.
Meðal þess sem kemur fram í
greininni er að Ólöf Dóra sakar fyrr­
verandi eiginkonu Gunnars, Ingi­
björgu Guðnadóttur, um að hafa
orðið vitni að því þegar Gunnar
áreitti eina konuna sem þá var að­
eins 15 ára gömul.
„Gunnar, þú komst aftan að Val­
dísi þegar hún var 15 ára gömul,
straukst henni upp kviðinn, innan­
klæða, og upp á brjóst. Síðan niður
kviðinn á ný og hendur þínar voru
á leið niður í buxur þegar Ingibjörg,
fyrrverandi kona þín, kom þar að.“
Ingibjörg Guðnadóttir sendi frá
sér yfirlýsingu þegar Krossmálið
komst í hámæli þar sem hún þvertók
fyrir að hafa orðið vitni að nokkru
óeðlilegu í samskiptum Gunnars við
stúlkurnar á árum áður.
Ólöf Dóra gagnrýnir einnig harð­
lega ummæli Gunnars þess efnis að
Sólveig Guðnadóttir, systir Ingibjarg­
ar, fyrrverandi eiginkonu Gunnars,
hafi aðeins stigið fram sem þolandi
til stuðnings systur sinni og hinar
hafi bæst í hópinn þeim stuðnings.
„Þú afsakar brot þín sem „galgopa­
leg samskipti“. Hið sanna: Gunnar,
þú beittir okkur allar kynferðislegu
áreiti/ofbeldi af ýmsum toga og það
á ekkert sammerkt með „galgopaleg­
um samskiptum“!“
Bréfið má lesa í heild sinni á
DV.is.
10. ágúst síðastliðinn
Róttæki sumarháskólinn tekur til starfa um helgina:
Róttæknin innan rammans
„Þú getur verið róttækur svo lengi
sem þú sprengir ekki rammann,“
segir listamaðurinn Ásmundur Ás­
mundsson, einn kennara við Rót­
tæka sumarháskólann. Skólinn sem
ber skammstöfunina RóSu hefst
með pompi og prakt á laugardag og
stendur yfir í viku. Námsstofur skól­
ans eru afar mismunandi en barátta
fyrir efnahagslegu réttlæti, femín­
isma, lýðræði og réttindum minni­
hlutahópa rennur sem rauður þráð­
ur í gegnum námið.
Í námsstofunni „Er sumarið tím­
inn fyrir róttækni?“ ætlar Ásmundur
að fjalla um samskipti listamannsins
við stofnunina út frá eigin reynslu
í listheiminum. „Þú getur verið
óskaplega róttækur án þess að fara út
fyrir rammann sem einhverjir hafa
ákveðið hvar eigi að liggja. Þú getur
verið anarkisti eða hvað sem er en ef
þú vogar þér að hreyfa við ramman­
um þá verða viðbrögðin heiftarleg,“
segir Ásmundur sem hótað var mál­
sókn fyrr á árinu vegna verksins „Fal­
legasta bók í heimi“ sem hann var
meðhöfundur að.
Sjálfur kannast Ásmundur ekki
við að vera róttækur í nálgun sinni á
list. „Ég held að í verkunum mínum
sé ég svolítið að ýta á þær stofnanir
eða listasöfn sem ég er að vinna með.
Þannig að það er verið að þenja út
einhver mörk, og kannski virkar það
eins og það sé einhver róttækni eða
andóf í því – ég veit ekki. Annars sýn­
ist mér að listamenn séu nú yfirleitt
frekar stilltir hér á landi.“ Ásmundur
segir að í námsstofunni muni hann
meðal annars velta því upp hversu
háðir eða óháðir listamenn séu þeim
liststofnunum sem þeir starfa með.
Að sögn Viðars Þorsteinssonar
kennara við þennan óhefðbundna
skóla hafa viðtökurnar verið fram­
ar öllum vonum og má búast við
að fjöldi fólks sæki námsstofurnar.
Stundaskrá skólans má nálgast á
heimasíðunni; sumarhaskolinn.
perspiredbyiceland.com.
jonbjarki@dv.is
Stilltir listamenn „Mér sýnist listamenn nú yfirleitt vera frekar stilltir hér á landi,“ segir
Ásmundur Ásmundsson, listamaður og kennari við RóSu.