Dagblaðið Vísir - DV - 12.08.2011, Blaðsíða 40

40 | Minning Umsjón: Kjartan Gunnar Kjartansson kjartan@dv.is 12.–14. ágúst 2011 Helgarblað
J
óhannes fædd-
ist á Norðfirði.
Foreldrar hans
voru Tómas
Zoëga, spari-
sjóðsstjóri á Norð-
firði, og k.h., Stein-
unn Símonardóttir
húsfreyja.
Tómas var sonur
Jóhannesar Zoëga,
skipstjóra í Reykjavík
Tómassonar, bróður
Geirs rektor Mennta-
skólans í Reykjavík, afa
Geirs Hallgrímssonar for-
sætisráðherra og Geirs Þor-
steinssonar, forstjóra Ræsis hf.
Móðir Tómasar var Guðný Hafliða-
dóttir, systir Ólafar, móður Bjarna
Jónssonar vígslubiskups. Kona
Hafliða var Guðfinna Pétursdóttir,
b. í Engey Guðmundssonar, lang-
afa Guðrúnar Pétursdóttur, móður
Bjarna Benediktssonar forsætisráð-
herra og tengdamóður Jóhannesar
Zoëga.
Steinunn, var dóttir Símonar, b. á
Iðunnarstöðum í Lundarreykjadal,
Jónssonar, b. á Efstabæ í Skorradal,
Símonarsonar, sem Efstabæjarættin
er kennd við, bróður Teits, á Hæli í
Flókadal, langafa Helga Sigurðsson-
ar, verkfræðings og fyrsta hitaveitu-
stjórans í Reykjavík.
Jóhannes lauk stúdentsprófi frá
Menntaskólanum í Reykjavík 1936
og prófi í vélaverkfræði frá Tæknihá-
skólanum í Berlín í Þýskalandi 1941.
Hann vann við rannsókn-
ir og störf í München í
Þýskalandi á stríðsár-
unum, var verkfræð-
ingur hjá Hamri
hf. í Reykjavík
1945–51, forstjóri
Landssmiðj-
unnar í Reykja-
vík 1952–62 og
hitaveitustjóri í
Reykjavík á ár-
unum 1962–87
og hafði m.a. um-
sjón með lögn
hitaveitu í Reykja-
vík, Kópavogi, Hafn-
arfirði og Garðabæ.
Jóhannes var m.a. for-
maður Verkfræðingafélags
Íslands, formaður hitaveitunefndar
Reykjavíkur, var ráðgjafi um jarðhit-
anýtingu á vegum Sameinuðu þjóð-
anna í Tyrklandi og Kína.
Eiginkona Jóhannesar var Guð-
rún Benediktsdóttir, systir Bjarna
forsætisráðherra, föður Björns,
fyrrv. ráðherra og Valgerðar alþm.
Annar bróðir Guðrúnar var Sveinn,
afi Bjarna Benediktssonar, núver-
andi formanns Sjálfstæðisflokks-
ins. Þá var Guðrún systir Kristjönu,
móður Halldórs Blöndal, fyrrv. ráð-
herra.
Börn Jóhannesar og Guðrúnar
eru Tómas, geðlæknir og yfirlæknir
í Reykjavík; Guðrún, verkfræðingur,
framkvæmdastjóri og fyrrv. borgar-
fulltrúi; Benedikt, stærðfræðingur
og framkvæmdastjóri, og Sigurður
hagfræðingur.
O
ttó Wathne
fæddist í Man-
dal í Noregi.
Hann stund-
aði síldveið-
ar í Noregi en fram
yfir miðja nítjándu
öldina var um langt
árabil mikil síldar-
gengd innan skerja
við vesturströnd Nor-
egs. Þessi síld var eink-
um veidd í landnætur
og söltuð. Er síldin hvarf
skyndilega við Noreg fréttist
af mikilli síldargengd í íslensk-
um fjörðum, einkum austan- og
norðanlands. Nokkrir norskir síld-
arsaltendur tóku sig þá upp, fluttu
hingað til lands með nætur sínar,
skip og báta og hófu hér síldveiðar
og söltun. Flestir þeirra settust að
á Austfjörðum en langþekktastur
þeirra var afhafnamaðurinn Ottó
Wathne.
Ottó kom fyrst til Seyð-
isfjarðar 1868 og hóf þar
verslun og síldarút-
gerð en gekk illa og
hvarf af landi brott.
Hann kom síðan
aftur 1880, settist
þá að á Seyðisfirði
og starfrækti þar
um nær tveggja
áratuga skeið
blómlega verslun
og umfangsmikla
síldar- og þorskút-
gerð.
Síðustu tveir ára-
tugir nítjándu aldar voru
miklir uppgangstímar á
Seyðisfirði sem fékk kaupstaðarrétt-
indi 1895. Það var ekki síst Ottó að
þakka sem innleiddi þar ýmsar nýj-
ungar í atvinnulíf og menningu og
stórbætti samgöngur með lagningu
vega og gufuskipaferðum.
Tveimur árum eftir að Ottó lést
reistu bæjarbúar honum minnis-
varða sem stendur við Fjarðarárbrú.
U
nnur fæddist í Vorsabæ í
Gaulverjahreppi og ólst þar
upp í foreldrahúsum við öll
almenn sveitastörf. Hún var
í Héraðsskólanum á Laug-
arvatni, lauk húsmæðraskólaprófi frá
Húsmæðraskóla Suðurlands 1970,
stundaði almennt íþróttanám við
Íþróttaháskólann í Sønderborg í Dan-
mörku, útskrifaðist frá Fósturskóla Ís-
lands 1974 og lauk framhaldsnámi við
Fósturskóla Íslands í uppeldisfræði og
stjórnun 1984 og námi í rekstrar- og
viðskiptafræðum frá Endurmenntun
Háskóla Íslands 2004.
Unnur stundaði bústörf á búi for-
eldra sinna, var aðstoðarkennari við
Húsmæðraskólann á Laugarvatni
1971–72, vann á leikskólanum Álfta-
borg sem fóstra og forstöðumaður
1974–75, var umsjónarfóstra hjá Fé-
lagsmálastofnun Kópavogs 1979–82,
starfaði við umferðarfræðslu barna
hjá Umferðarráði sumrin 1983–85, var
dagvistarfulltrúi á dagheimilum Rík-
isspítalanna 1984–88, var verkefna-
stjóri í heilbrigðisráðuneytinu 1988–
91, kenndi hagnýta uppeldisfræði við
Fósturskóla Íslands, nú Háskóla Ís-
lands, 1991–95, var skólastjóri í heilsu-
leikskólanum Skólatröð í Kópavogi frá
1995 og síðar Urðarhóli sem var stofn-
settur árið 2000 en um er að ræða 143
barna leikskóla, rekinn sem ein stofn-
un í þremur húsum. Urðarhóll er fyrsti
Heilsuleikskólinn á Íslandi. Unnur
þróaði heilsustefnuna sem sautján
leikskólar á landinu starfa nú eftir.
Undanfarin ár var hún framkvæmda-
stjóri Skóla ehf. sem starfrækja fimm
leikskóla.
Unnur var í ungmennafélaginu
Samhygð og Héraðssambandinu
Skarphéðni frá tólf ára aldri, keppti
árum saman í frjálsum íþróttum og
var í landsliði FRÍ í 400 og 800 m.
hlaupi, var formaður nemendafélags
Fósturskóla Íslands 1973–74, ritari
Fóstrufélags Íslands 1974–76, sat í
stjórn Árnesingafélagsins í Reykja-
vík 1979–85, var formaður Freyju, fé-
lags framsóknarkvenna í Kópavogi,
1982–85, varaformaður og síðan for-
maður Landssambands framsóknar-
kvenna 1983–93, var gjaldkeri Fram-
sóknarflokksins 1992–2000, átti sæti
í miðstjórn, landsstjórn og fram-
kvæmdastjórn Framsóknarflokksins
á árunum 1985–2000, var varaþm.
Framsóknarflokksins 1987–99, for-
maður Íþróttaráðs Kópavogs 1984–
86, sat í varastjórn ÍSÍ 1990–96, sat í
framkvæmdastjórn Íþrótta- og Ól-
ympíusambands Íslands 1996–2002,
sat í landsmótsnefnd UMFÍ 1994 og
framkvæmdanefnd íþróttahátíðar ÍSÍ
2000, var varaformaður stjórnar Ríkis-
spítalanna 1995–2000, var formaður
verkefnanna Heilsuefling, 1995–99,
og Græns lífsseðils, 1997–99, og sat í
ýmsum nefndum um heilbrigðis- og
íþróttamál á vegum ÍSÍ og ráðuneyta.
Unnur var formaður Samtaka Heilsu-
leikskóla sem voru stofnuð árið 2005.
Unnur samdi barnabækurnar Fíu
fjörkálf, 1985, og Ásu og Bínu, 1986, og
skrifaði fjölda blaðagreina um íþróttir,
uppeldi, ferða- og stjórnmál.
Fjölskylda
Unnur giftist 21.9. 1972 Hákoni Sigur-
grímssyni, f. 15.8. 1937, fyrrv. fram-
kvæmdastjóra Stéttarsambands
bænda og síðar skrifstofustjóra í land-
búnaðarráðuneytinu. Foreldrar hans:
Sigurgrímur Jónsson, bóndi í Holti
í Stokkseyrarhreppi, og k.h., Unnur
Jónsdóttir húsfreyja.
Börn Unnar og Hákonar eru Finn-
ur Hákonarson, f. 21.7. 1975, hljóð-
tæknimaður en unnusta hans er Rósa
Birgitta Ísfeld, f. 26.10. 1979, söng-
kona og dóttir þeirra er Ísadóra Ísfeld
Finnsdóttir f. 17.4. 2009; Grímur Há-
konarson, f. 8.3. 1977, kvikmyndaleik-
stjóri en unnusta hans er Halla Björk
Kristjánsdóttir, f. 20.8. 1977, grafískur
hönnuður; Harpa Dís Hákonardóttir,
f. 8.4. 1993, rithöfundur og nemi við
Menntaskólann í Hamrahlíð.
Systkini Unnar eru Helgi Stefáns-
son, f. 26.4. 1945, bóndi og vörubílstjóri
í Vorsabæ; Ragnheiður Stefánsdóttir, f.
1.7. 1946, íþrótta- og grunnskólakenn-
ari á Akureyri; Kristín Stefánsdóttir, f.
18.9. 1948, handmenntakennari og
húsfreyja að Hurðarbaki í Flóahreppi;
Sveinbjörg Stefánsdóttir, f. 17.8. 1956,
bankastarfsmaður í Borgarnesi.
Foreldrar Unnar voru Stefán Jas-
onarson, f. 19.9. 1914, d. 19.2. 2004,
bóndi í Vorsabæ, og k.h., Guðfinna
Guðmundsdóttir, f. 3.9. 1912, d. 8.7.
2000, húsfreyja.
Ætt
Stefán var sonur Jasonar, b. á Arnar-
hóli í Flóa Eiríkssonar og Helgu Ívars-
dóttur, b. í Vorsabæjarhjáleigu Guð-
mundssonar, b. í Vorsabæjarhjáleigu
Gestssonar, b. í Vorsabæ Guðnason-
ar, langafa Oddnýjar, langömmu Vals
Arnþórssonar bankastjóra. Dóttir
Oddnýjar var Soffía, amma Magnús-
ar Thoroddsen. Þá var Gestur langafi
Kristínar, langömmu Kristjáns, föð-
ur Magnúsar, prófessors í sálfræði
við Háskóla Íslands. Bróðir Gests var
Guðmundur, langafi Jóns, föður Guð-
mundar, píanókennara. Móðir Guð-
mundar Gestssonar var Sigríður Sig-
urðardóttir, systir Bjarna Sívertsen
riddara.
Guðfinna var dóttir Guðmundar,
b. í Túni í Hraungerðishreppi Bjarna-
sonar, b. í Túni Eiríkssonar. Móðir
Bjarna var Hólmfríður Gestsdóttir,
systir Guðmundar í Vorsabæjarhjá-
leigu.
Móðir Guðfinnu var Ragnheið-
ur, amma Svavars Sigmundssonar
íslenskufræðings. Ragnheiður var
dóttir Jóns, b. á Skeggjastöðum í Flóa
Guðmundssonar, b. á Skeggjastöð-
um, bróður Björns, langafa Ágústs
Þorvaldssonar, alþm. á Brúnastöðum,
föður Guðna, fyrrv. alþm., ráðherra
og formanns Framsóknarflokksins.
Guðmundur var sonur Þorvalds, b. í
Auðsholti Björnssonar, bróður Knúts,
langafa Hannesar þjóðskjalavarðar,
Þorsteins hagstofustjóra og Jóhönnu,
ömmu Ævars Kvarans og Gísla Al-
freðssonar, fyrrv. þjóðleikhússtjóra.
Annar bróðir Þorvalds var Jón í Galta-
felli, faðir Höllu, langömmu hand-
knattleiksmannanna Geirs, Arnar og
Silvíu Hallsteinsbarna í Hafnarfirði.
Móðir Ragnheiðar var Guðrún Bjarn-
héðinsdóttir, b. í Þjóðólfshaga í Holt-
um, Einarssonar og konu hans, Guð-
rúnar Helgadóttur, b. á Markaskarði,
Þórðarsonar, bróður Tómasar, langafa
Tómasar, föður Þórðar, safnvarðar að
Skógum. Móðir Guðrúnar var Ragn-
heiður Árnadóttir, b. í Garðsauka,
Egilssonar, prests í Útskálum, Eld-
járnssonar, bróður Hallgríms, lang-
afa Jónasar Hallgrímssonar skálds og
Þórarins, langafa Kristjáns Eldjárns.
Útför Unnar fer fram frá Hall-
grímskirkju föstudaginn 19.8. kl.
13.00.
Unnur Stefánsdóttir
Framkvæmdastjóri skólasviðs hjá Skólum ehf. f. 18.1. 1951 – d. 8.8. 2011
Jóhannes Zoëga
Hitaveitustjóri í Reykjavík f. 14.8. 1917 – d. 21.9. 2004
Ottó Wathne
Útgerðarmaður f. 13.8. 1843 – d. 1898
Merkir íslendingar
Merkir íslendingar Andlát
Vaktsími: 581 3300 & 896 8242 – www.utforin.is – Allan sólarhringinn
Komum heim til aðstandenda ef óskað er
ÚTFARARSTOFA ÍSLANDS
Sverrir Einarsson Kristín Ingólfsdóttir Jón G. BjarnasonHermann Jónasson