Fréttatíminn - 10.10.2014, Síða 2

„Við erum mjög ánægð með þessa stað-
setningu,“ segir Davíð Ólafsson, sagn-
fræðingur og stjórnarformaður Reykjavík-
urAkademíunnar sem um mánaðamótin
flytur í nýtt húsnæði við Þórunnartún 2.
Fræðastarfsemin hefur í tvo áratugi verið
til húsa í JL-húsinu við Hringbraut en
eigendur sögu upp leigusamningi nýverið
þar sem ætlunin er að breyta skrifstofu-
rýminu í gistiheimili.
Rúmlega 60 sjálfstæðir fræðimenn, út-
gáfu- og fræðafélög höfðu þar aðsetur og
voru uppi áhyggjur af því hvort hægt væri
að finna hentugt húsnæði fyrir starfsem-
ina. Davíð segir Þórunnartún 2 vera afar
vænlegan kost. „Þetta húsnæði er örlítið
minna en ef við vinnum þétt saman kom-
um við þarna fyrir svipuðum fjölda. Þetta
er vaxandi svæði, við njótum góðs af ná-
lægð við Eflingu en við höfum verið í sam-
starfi við þau í nokkur ár vegna reksturs
bókasafns Dagsbrúnar. Þá erum við þarna
í næsta húsi við stjórnsýslu Reykjavíkur-
borgar sem einnig býður upp á möguleika.
Listaháskólinn er stutt frá og Háskóli Ís-
lands í kallfæri,“ segir Davíð.
Erla
Hlynsdóttir
erla@
frettatiminn.is
20%
afsláttur
Gildir í október
Lyfjaauglýsing
Nicotinell 3 20%-L&H-2x10 copy.pdf 1 26/09/14 12:41
Einar Magn-
ússon lyfja-
málastjóri
segir regl-
unum hafa
verið breytt
til að beita
aðhaldi þar
sem kostn-
aður á því ári
stefndi í að
fara umtals-
vert fram úr
fjárlögum.
ReykjavíkurAkademían verður til húsa
í Þórunnartúni 2 sem stendur á mótum
Þórunnartúns og Borgartúns. Ljósmynd/Hari
Á ður fyrr var miðað við reglur ann-arra Norðurlanda við upptöku lyfja svo Íslendingar stóðu jafnfætis
öðrum Norðurlandabúum hvað varðar að-
gang að nýjum lyfjum, en nú er miðað við
Bretland þegar kemur að því að innleiða ný
lyf. Einar Magnússon lyfjamálastjóri segir
reglunum hafa verið breytt til að beita
aðhaldi þar sem kostnaður á því ári stefndi
í að fara umtalsvert fram úr fjárlögum.
Þá minnir hann á að fyrst eftir hrun hafi
almennt ekki verið svigrúm til að innleiða
ný og kostnaðarsöm lyf.
Flóknar reglur um mál sem eiga ekki
að vera flókin
Helgi Sigurðsson, yfirlæknir krabbameins-
lækninga, er ekki sáttur við stöðu mála og
telur okkur vera að dragast aftur úr þeim
löndum sem við höfum alltaf miðað okkur
við. „Hér hafa verið búnar til flóknar reglur
um mál sem eiga ekki að vera flókin. Áður
fyrr tókum við alltaf mið af Norðurlönd-
unum en nú vilja Sjúkratryggingar og
yfirvöld hinsvegar að við miðum við NICE
(National Institute for Health and Care
Excellence), sem er breskt frekar íhalds-
samt apparat.“ Helgi bendir jafnframt á
að í Bretlandi hafi sjúklingar í aðra sjóði
að sækja sem sé ekki raunin á Íslandi.
Anna Sigrún Baldursdóttir, verkefnastjóri
forstjóra Landspítala, tekur undir með
Helga og telur heppilegra að miðað sé við
Norðurlöndin.
Heilbrigðisráðherra vill norrænt sam-
starf
Kristján Þór Júlíusson heilbrigðisráðherra
telur norrænt samstarf mikilvægt þegar
kemur að ákvörðunum um dýr líftæknilyf.
„Ég mun á fundi norrænna ráðherra þann
16. október næstkomandi í Kaupmanna-
höfn ræða samstarf milli Norðurlandaþjóð-
anna hvað varðar upptöku og notkun nýrra
og kostnaðarsamra lyfja. Ísland er fámennt
land og við sjáum lyfjakostnað aukast ár
frá ári, einkum vegna líftæknilyfja. Því er
nauðsynlegt að vanda mjög ákvarðanir um
innleiðingu slíkra lyfja og hafa fulla vissu
um að þau skili þeim ávinningi sem til er
ætlast. Noregur og Svíþjóð hafa undan-
farið verið að endurskoða ferla sína við inn-
leiðingu nýrra lyfja og ég vonast til að við
munum njóta góðs af samstarfi við þessar
þjóðir.“
Þar að auki telur Kristján Þór ekki sjálf-
sagt að einskorða innleiðni nýrra lyfja við
ákveðnar leiðbeiningar, eins og t.d. NICE,
heldur að horfa heildstætt á kostnað og
ávinning hvers lyfs fyrir sig og að upptaka
þeirra rúmist innan fjárheimilda.
Halla Harðardóttir
halla@frettatiminn.is
 Flutningur reykjavíkurakademían Flytur úr jl-húsinu um mÁnaðamótin
ReykjavíkurAkademían flytur í Þórunnartún
 velFerðarmÁl Flóknar reglur um mÁl sem eiga ekki að vera Flókin
Fáum ekki ný krabba-
meinslyf vegna sparnaðar
Í fréttaskýringu í Líftímanum, sem fylgir Fréttatímanum í dag, er fjallað um þverrandi aðgengi
sjúklinga að nýjum lyfjum vegna sparnaðar. Þar kemur fram að árið 2012 hafi verið teknar upp
nýjar reglur við innleiðingu nýrra lyfja sem læknar eru ósáttir við. Lyfjamálastjóri segir reglunum
hafa verið beitt í sparnaðarskyni. Krabbameinslæknar og Landspítalinn vilja breyta reglunum til
baka og heilbrigðisráðherra útilokar ekki að það verði gert.
Lifað með geðklofa
Alþjóða geðheilbrigðisdagurinn verður
haldinn hátíðlegur með skrúðgöngu frá
Hallgrímskirkju í Bíó Paradís og hátíðar-
dagskrá í anddyri bíósins í dag, föstudag.
Hátíðardagskráin hefst með ávarpi Dags
B. Eggertssonar borgarstjóra við upphaf
skrúðgöngunnar, klukkan 16. Eftir að
komið verður í Bíó Paradís hefst fjölbreytt
dagskrá á vegum aðstandenda hátíðar-
haldanna, félagasamtaka og stofnana á
sviði geðheilbrigðismála.
Færri styðja stjórnina
Stuðningur við ríkisstjórnina dregst saman
um þrjú prósentustig milli mánaða en
tæplega 39% þeirra sem tóku afstöðu
segjast styðja hana, að því er fram kemur í
nýjum Þjóðarpúlsi Gallup. Litlar breytingar
eru hins vegar á fylgi flokka milli mánaða.
Breyting á fylgi einstakra flokka er
á bilinu 0,2 til 1,3 prósentustig.
Slétt 27% segjast myndu
kjósa Sjálfstæðisflokkinn
færu kosningar til Alþingis
fram í dag, liðlega 19%
Samfylkinguna, rúmlega 16% Bjarta
framtíð, rösklega 13% VG, rúmlega 12%
Framsóknarflokkinn og ríflega 7% Pírata.
Nær 5% segjast myndu kjósa aðra flokka
en nú eiga sæti á Alþingi.
Rúmlega 11% segjast myndu skila auðu
eða ekki kjósa ef kosið yrði til Alþingis í
dag og 12% taka ekki afstöðu eða neita að
gefa hana upp. -jh
Icelandic Glacial vatnið
selt í Macau
Icelandic Water Holdings hf, framleiðandi
Icelandic Glacial vatnsins, og dreifingar-
fyrirtækið Remfly Wines & Spirits Ltd. frá
Macau í Kína hafa gert með sér samning
um dreifingu á Icelandic Glacial í Macau.
„Það er okkur sönn ánægja að tilkynna
að Remfly Wines & Spirits Ltd. er nýr
dreifingaraðili okkar í Macau,“ sagði Jón
Ólafsson, stjórnarformaður og stofnandi
Icelandic Water Holdings hf. „Það
er gífurlegur vöxtur í Macau og
hefur Remfly Wines & Spirit
Ltd. mikla reynslu í dreifingu
drykkjarvara í Macau og Kína.“
Fyrsti fundur nýstofnaðrar kerfisáhættu-
nefndar var haldinn á dögunum en verk-
efni hennar er að leggja mat á ástand og
horfur í fjármálakerfinu, kerfisáhættu og
fjármálastöðugleika hér á landi. Nefndin
skal koma saman til fundar að minnsta
kosti fjórum sinnum á ári. Í kerfisá-
hættunefnd sitja fimm: Seðlabanka-
stjóri, sem er formaður nefndarinnar,
forstjóri Fjármálaeftirlitsins, sem er
varaformaður, aðstoðarseðlabankastjóri,
aðstoðarforstjóri Fjármálaeftirlitsins
og ráðherraskipaður sérfræðingur í
málefnum fjármálamarkaðar eða hag-
fræði. Ráðuneytisstjóri, eða tilnefndur
embættismaður ráðuneytisins, á sæti á
fundum nefndarinnar með málfrelsi og
tillögurétt en án atkvæðisréttar. -jh
Fyrsti fundur Kerfisáhættunefndar
Kerfisáhættunefnd á sínum fyrsta fundi ásamt ritara og sérfræðingum.
2 fréttir Helgin 10.-12. október 2014