Fréttatíminn - 10.10.2014, Page 21

Eigendur Mjólkursamsölunnar erum við – 650 íslenskir kúabændur og
fjölskyldur okkar víðsvegar um landið.

Tilgangur okkar með rekstri Mjólkursamsölunnar er að safna saman
mjólkinni sem við framleiðum, vinna úr henni fjölbreyttar vörur og koma
þeim til neytenda með sem minnstum tilkostnaði. Á undanförnum árum
hefur okkur tekist að lækka kostnað og skila ávinningi til neytenda.

Við rekum Mjólkursamsöluna ekki út frá arðsemissjónarmiði. Við stefnum
jafnan að rekstrarafgangi sem stendur undir endurnýjun og vöruþróun.
Við nýtum allan frekari árangur í rekstri til að halda aftur af verðhækkunum
á mjólkurvörum í heildsölu.

Við erum þakklátir neytendum fyrir góð samskipti.
650 eigendur úr
sveitum landsins