Fréttatíminn - 10.10.2014, Side 74

74 dægurmál Helgin 10.-12. október 2014
 NýsköpuN sex ára stúlka perlar ísleNska fáNaNN og selur
Sex ára frumkvöðull
perlar íslenska fánann
Hin sex ára gamla Ragnheiður Inga Matthíasdóttir perlar íslenska fánann af mikilli eljusemi
og eru fánarnir hennar til sölu í verslun á Akureyri. Hugmyndina fékk hún eftir að hafa fylgst
með foreldrum sínum búa til tannstrá sem seld eru ferðamönnum og ákvað móðir hennar að
virkja þetta frumkvæði dótturinnar. Ragnheiður Inga heillaðist af þjóðfánunum eftir Eurovison-
keppnina í vor og byrjaði þá að perla fána.
Þ að eru aðallega útlendingar og gamlar konur sem kaupa þetta, og gamlar konur frá útlöndum,“
segir Ragnheiður Inga Matthíasdóttir,
6 ára Akureyringur sem perlar og sel-
ur íslenska fánann. Fánann gerir hún
úr plastperlum sem síðan eru strauj-
aðar eftir kúnstarinnar reglum og lítill
rauður borði festur í fánann þannig að
hægt sé að hengja hann upp. Í kringum
Eurovision-keppnina í vor varð hún mjög
áhugasöm um þjóðfánana og byrjaði að
perla þá af miklum móð.
Ragnheiður Inga á ekki langt að
sækja framkvæmdagleðina því hún er
dóttir fjölmiðla- og athafnakonunnar
Snæfríðar Ingadóttur. Snæfríður hefur
einnig verið viðloðandi ferðamanna-
iðnaðinn, skrifað vinsælar bækur fyrir
ferðamenn á Íslandi og vinnur hörðum
höndum að því að búa til svonefnd Tann-
strá, tannstöngla úr íslenskum stráum.
„Áhugi hennar kviknaði eftir að hún
fylgdist með vinnslu Tannstráanna hjá
okkur hjónum,“ segir Snæfríður. Ragn-
heiður var þá áhugasöm um hvernig for-
eldrar hennar fengu peninga fyrir þá
vinnu að búa til tannstráin og selja þau
og fékk sína eigin hugmynd. „Mig lang-
aði bara að gera eins og mamma,“ segir
Ragnheiður Inga. Fánarnir hennar eru
til sölu í versluninni Flora á Akureyri og
hefur hún þegar sagt nokkrum vinum
sínum frá þessari viðskiptahugmynd.
„Þau spurðu hvort ég væri þá komin með
vinnu í búð. Eg sagði að ég væri komin
með vinnu við að perla íslenska fánann,
og þá sögðu nokkrir: Vá!“
Snæfríður segir að dóttir hennar hafi
þegar búið til sögubækur sem hana
langar að selja í Eymundsson, rétt eins
og bækurnar sem mamman skrifar.
Þegar Ragnheiður sýndi því áhuga að
selja fánana ákvað Snæfríður að virkja
þetta frumkvæði. „Mér finnst jákvætt að
krakkar skilji samhengið milli vinnu og
peninga, og læri að hafa fyrir hlutunum.
Þessi reynsla nýtist henni vonandi síðar,“
segir Snæfríður.
Ragnheiður perlar fleira en íslenska
fánann þessa dagana og segir að norski
fáninn sé í sérstöku uppáhaldi. Ágóðann
af fánasölunni fer hún með í bankann.
„Allavega ef ég fæ rauðan seðil,“ segir
hún og er ekki í vafa um hvað hún ætlar
að gera við peningana sem hún fær. „Ég
ætla að eyða peningunum í að fara til Afr-
íku. Kannski tek ég fána með þangað,“
segir þessi unga athafnakona.
Erla Hlynsdóttir
erla@frettatiminn.is
Mig lang-
aði bara
að gera
eins og
mamma.
Ragnheiður Inga Matthíasdóttir perlar íslenska fánann og selur. Draumur-
inn er að fara til Afríku fyrir ágóðann af fánasölunni.
Fánarnir eru til sölu í versluninn Flora á Akureyri.
Darri Johansen gaf konu sinni
smásögu í jólagjöf. Sagan varð
grunnur að barnabók sem nú er
komin út í Danmörku. Ljósmynd/Hari
 Bækur Darri JohaNseN gefur út smásögu í DaNmörku
Jólagjöf til konunnar verður að útflutningsvöru
Viðskiptatengillinn Darri Johansen samdi fyrir
nokkrum árum meinlausa barnasögu, að honum
fannst, sem í dag er komin út á bók í Danmörku.
Það er bókaforlagið Jensen & Dalgaard sem gefur
út. „Þetta var nú bara lítil saga sem varð til þegar ég
spurði konuna mína þegar við vorum nýbyrjuð sam-
an hvað hún vildi í jólagjöf. Hún bað um smásögu og
þá varð grunnurinn að þessari sögu til,“ segir Darri
sem starfar hjá auglýsingastofunni Pipar/TBWA.
„Nokkru seinna var svo frænka mín, sem er hálf
dönsk eins og ég, í heimsókn á landinu. Hún starfar
sem myndskreytir og vissi að ég hef stundum
dundað mér við skriftir og rukkaði mig um sögu.
Ég gaukaði þessari að henni,“ segir Darri. Hann
og myndskreytirinn, Anna Jakobina Jacobsen, eru
systrabörn, en eiga bæði danska feður.
Bókin heitir Lúkas og María og fjallar um aldr-
aðan mann sem býr í þorpi og sér um að hringja
kirkjuklukkunum í þorpskirkjunni. Hann fær svo
heimsókn frá lítilli stúlku sem reynist vera engill.
Vinskapur myndast þeirra á milli með skemmtilegri
atburðarás sem verður til þess að hann ákveður að
hætta hringingum, sem voru orðnar ansi lágværar.
„Anna Jakobina er samt hetjan í sögunni því
myndirnar eru aðalhlutverkið, finnst mér. Hún
starfar sem myndskreytir í Kaupmannahöfn og
hennar næsta verk er að myndskreyta jóladagatalið
hjá DR sem er mjög stórt verkefni. Hún á heiður-
inn að því að bókin er komin út í Danmörku,“ segir
Darri hógvær. -hf
Hljómsveitin Samaris heldur
útgáfutónleika fyrir plötu sína
Silkidrangar í Þjóðleikhúskjallar-
anum í kvöld, föstudagskvöld.
Silkidrangar er fyrsta breiðskífa
Samaris og kom út í sumar hjá
plötufyrirtækjunum One Little
Indian og 12 Tónum. Sveitin hefur
verið upptekin við tónleikahald
úti í löndum síðan þá og því
hefur ekki gefist tími til að fagna
útgáfunni hér heima. Þjóðleik-
húskjallarinn verður opnaður
klukkan 21 og tónleikarnir hefjast
stundvíslega klukkan 22. Hljóm-
sveitin Gervisykur hitar upp.
Kítón með
flotta tónleika
KÍTÓN, félag kvenna í tónlist heldur
tónleika í kvöld, föstudagskvöld í Iðnó
klukkan 20. Tónleikarnir eru í tilefni af
kynningarviku frjálsra félagasamtaka og
Þróunarsamvinnustofnunar Íslands, þar
sem unglingsstúlkur í fátækustu ríkjum
heimsins eru í brennidepli. Kynningarvikan
ber nafnið Sterkar stelpur-sterk samfélög.
Fram koma Mammút, Young Karin, Him-
brimi, Reykjavíkurdætur, Boogie Trouble,
Una Stef, Alvia Islandia, Kælan Mikla,
Soffía Björg og Laufey og Júnía, sigur-
vegarar Söngkeppni Samfés. Kynnir er
Tinna Sverrisdóttir Reykjavíkurdóttir og er
aðgangur ókeypis.
Kiriyama Family á
Græna hattinum
Hljómsveitin Kiriyama Family heldur
tónleika á Græna hattinum á Akureyri í
kvöld. Hljómsveitin er þekkt fyrir flotta og
lifandi tónleika og þykir mjög sérstakt að
enginn meðlimur bandsins er fastur við
eitt hljóðfæri. Þannig myndast skemmtileg
og síbreytileg stemning sem gerir bandið
að Kiriyama Family. Tónleikarnir hefjast
klukkan 22 og hljómsveitin Hljómsveitt
hitar upp.
Samaris með útgáfutónleika
Geislar með sína fyrstu tónleika
Hljómsveitin Geislar
heldur sína fyrstu
tónleika á skemmti-
staðnum Húrra!,
þriðjudagkvöldið
14.október. Geislar er
skipuð framvarðarfólki
úr íslensku tónlistar-
lífi og er svokölluð súpergrúppa. Meðlimir Geisla eru; Styrmir Sigurðsson, Sigríður
Thorlacius, Valdimar Kolbeinn Sigurjónsson, Magnús Tryggvason Eliassen og bræðurnir
Óskar og Ómar Guðjónssynir. Tónleikarnir hefjast klukkan 21.