Dagblaðið Vísir - DV - 14.12.2012, Síða 6

6 Fréttir 14.–16. desember 2012 Helgarblað
Seldi bíl sem hann átti ekki
n Dæmdur í fimm mánaða fangelsi
H
éraðsdómur Reykjavíkur sak-
felldi á miðvikudag karlmann
fyrir fjárdrátt eftir að hann
seldi BMW-bifreið sem hann
var með á kaupleigusamningi hjá
Íslandsbanka. Maðurinn tilkynnti
svo lögreglunni að bifreiðinni hefði
verið stolið í maí 2010 en Glitnir
fjármögnun rifti umræddum samn-
ingi þremur mánuðum fyrr. Maður-
inn neitaði sök í málinu fyrir dómi
og kannaðist ekki við að hafa fengið
tilkynningu um riftun á kaupleigu-
samningi frá bankanum.
Þegar maðurinn tilkynnti að
bílnum hefði verið stolið gaf hann
skýrslu hjá lögreglunni þar sem hann
hélt því fram að eini lykillinn að bif-
reiðinni hefði horfið. Sagði hann að
ólíklegt væri að einhver á hans eigin
heimili hefði tekið lyklana. Rúmum
tveimur mánuðum síðar fóru lög-
reglu að berast tilkynningar um að
nafngreindur maður væri að reyna
að losa sig við bílflak stolinnar bif-
reiðar. Sá maður var handtekinn en
hann bar því við að hafa keypt bif-
reiðina af sakborningnum.
Maðurinn var dæmdur í fimm
mánaða fangelsi fyrir brotið og leit
dómurinn til þess við ákvörðun refs-
ingar að maðurinn á sér sakaferil
að baki, þar á meðal átján mánaða
fangelsisdóm fyrir kynferðisbrot og
nokkur brot á lögum um ávana- og
fíkniefni. „Í ljósi sakaferils ákærða
og háttseminnar eru ekki efni til að
skilorðsbinda refsinguna,“ sagði í
niðurstöðum dómsins. Þá var hann
dæmdur til að greiða Íslandsbanka
916 þúsund krónur vegna bílsins auk
dráttarvaxta. n
Ekki einhug-
ur um kaffi-
kaupin
Ekki var einhugur um það á
meðal fulltrúa í framkvæmda-
ráði Kópavogsbæjar að ganga til
samninga við fyrirtækið Selecta
um leigu á kaffivélum, vatnsvél-
um og kaup á kaffi og tengdum
vörum. Tillaga þess efnis var
lögð fyrir framkvæmdaráðið
í kjölfar verðsamanburðar á
leigu slíkra tækja. Ekki náðist
samstaða um samninginn en
tillagan var á endanum sam-
þykkt með tveimur atkvæðum
en fimm fulltrúar eiga sæti í
nefndinni. Allar stofnanir Kópa-
vogsbæjar munu því í framtíð-
inni bjóða upp á kaffi frá fyrir-
tækinu. Þetta kemur fram í
fundargerð framkvæmdaráðs frá
því á miðvikudag.
Starbucks með
augun á Íslandi
Bandaríska kaffihúsakeðjan
Starbucks virðist horfa til Ís-
lands en fyrirtækið hefur að
undanförnu skráð nokkurn
fjölda vörumerkja sinna hjá
Einkaleyfastofu. Greint var frá
málinu í fréttum Stöðvar 2 á
miðvikudag. Samkvæmt yfirliti
hjá Einkaleyfastofu kemur fram
að fyrsta vörumerki fyrirtækis-
ins var skráð í október árið 2003.
Lítið gerðist í skráningarmálum
fyrirtækisins hér á landi frá
þeim tíma allt til ársins 2011. Þá
skráði Starbucks fjögur merki
hjá Einkaleyfastofu og árið 2012
bættust við átta. Síðasta merkið
var skráð hér á landi í október
síðastliðnum. Íslenska lög-
mannsstofan Sigurjónsson og
Thor hefur haft milligöngu um
skráninguna en forsvarsmenn
stofunnar vildu ekki tjá sig um
málið við Stöð 2. Það vildu
forsvarsmenn Starbucks ekki
heldur.
Brotaferill Refsing mannsins tekur mið af
afbrotaferli hans.
Trillueigandi losnaði
við milljarð hjá SpKef
n Stórskuldugur í SpKef en lifði lúxuslífi með fjölskyldunni á Spáni
S
amkvæmt ársreikningi Sig-
urðar Haraldssonar ehf.
sem er í eigu útgerðar-
mannsins Sigurðar Har-
aldssonar, sem skráður er
til heimilis í Njarðvík, lækkuðu er-
lend lán félagsins um einn milljarð
króna árið 2011. Lánin voru tekin
til kaupa á fiskikvóta og voru sam-
kvæmt heimildum DV að stærst-
um hluta tekin hjá Sparisjóðnum í
Keflavík (SpKef ).
Félagið ekki yfirtekið
Þrátt fyrir að eignarhaldsfélag út-
gerðarmannsins væri með nei-
kvætt eigið fé upp á nærri 900
milljónir króna í árslok 2010
sáu lánadrottnar félagsins ekki
ástæðu til að yfirtaka félagið. Þess
í stað heldur Sigurður enn fé-
laginu. Samkvæmt heimildum
DV bjó Sigurður um tíma á Spáni
eftir hrun ásamt fjölskyldu sinni.
Á þeim tíma sáu aðrir um að róa
netabátnum Svölu Dís KE-29 á Ís-
landi sem útgerðarfélag Sigurðar
gerir út.
Eftir afskriftirnar er eigið fé fé-
lagsins nú neikvætt upp á 60 millj-
ónir króna. Standa nú eftir skuld-
ir upp á 410 milljónir króna á móti
eignum upp á 350 milljónir króna
en 90 prósent eigna eru aflaheim-
ildir.
Heimildir DV herma einnig að
Sigurður eigi eitt af glæsilegri ein-
býlishúsunum í Reykjanesbæ. Er
um að ræða nærri 350 fermetra
hús við götuna Gónhól í Njarð-
vík. Samkvæmt veðbandayfirliti
hússins keypti Sigurður húsið árið
2007 og fékk þá meðal annars 17
milljón króna myntkörfulán hjá
Sparisjóðnum í Keflavík. Þá er
bílafloti Sigurðar sagður í flottari
kantinum en DV hefur ekki upplýs-
ingar um hvaða tegundir bíla er að
ræða. Þannig virðist Sigurður lifa
lúxuslífi þrátt fyrir að eignarhalds-
félag hans hafi verið með neikvætt
eigið fé upp á 900 milljónir króna.
DV hefur flutt fjölda frétta af
slæmu útlánasafni SpKef allt frá
árinu 2010 og segja má að lána-
mál og afskriftir hjá eignarhalds-
félagi Sigurðar svipi til annarra
frétta sem tengjast sparisjóðnum. Í
sumar var greint frá því að íslenska
ríkið þyrfti að leggja sjóðnum til 19
milljarða króna. Það framlag yrði
fjármagnað með sjö ára skulda-
bréfi en vaxtakostnaður yrði lík-
lega um sex milljarðar króna.
Heildarframlag ríkisins myndi því
á endanum nema um 25 milljörð-
um króna. Afskriftir upp á einn
milljarð króna sem eignarhalds-
félag Sigurðar fékk árið 2011 nema
því um fjórum prósentum af þeirri
upphæð.
Náinn vinur stjórnarformanns
sjóðsins
Samkvæmt heimildum DV er Sig-
urður Haraldsson náinn vinur Þor-
steins Erlingssonar, fyrrverandi
stjórnarformanns Sparisjóðsins í
Keflavík. DV hefur flutt fréttir af af-
skriftum hjá félögum sem tengjast
Þorsteini. Þannig birtist frétt um
það síðasta sumar að Fiskmark-
aður Suðurnesja hefði fengið af-
skrifaðan hálfan milljarð króna af
skuldum sínum vegna láns sem fé-
lagið fékk hjá sparisjóðnum fyrir
hrun. Þorsteinn er hluthafi í Fisk-
markaði Suðurnesja í gegnum
eignarhaldsfélag sitt Saltver. Þá
hefur Saltver einnig verið til rann-
sóknar grunað um umfangsmikið
löndunarsvindl. Þess skal getið að
netabáturinn Svala Dís KE-29 sem
Sigurður Haraldsson gerir út var
svipt veiðileyfi árið 2009 fyrir að
landa framhjá vigt. Þannig virðast
vinirnir Þorsteinn og Sigurður eiga
ýmislegt sammerkt sem tengist
fjármálum eignarhaldsfélaga
þeirra sem og á sviði útgerðar. DV
reyndi ítrekað að ná tali af Sigurði
Haraldssyni, en án árangurs. n
Annas Sigmundsson
blaðamaður skrifar as@dv.is
Heldur útgerð eftir milljarð króna afskrift Útgerðarfyrirtæki í eigu Sigurðar Haraldssonar fékk milljarð króna afskrifaðan í fyrra en
stærstur hluti lána félagsins voru fengin hjá Sparisjóðnum í Keflavík. Hér má sjá netabátinn Svölu Dís KE-29 sem Sigurður gerir út.
Náinn vinur stjórnarformannsins
Samkvæmt heimildum DV er Sigurður Har-
aldsson náinn vinur Þorsteins Erlingssonar,
fyrrverandi stjórnarformanns Sparisjóðsins
í Keflavík sem lánaði félagi Sigurðar.