Dagblaðið Vísir - DV - 14.12.2012, Qupperneq 8

8 Fréttir 14.–16. desember 2012 Helgarblað
Falla ekki undir upplýsingalög
n Ekki stendur til að víkka gildissvið laganna svo mikið að það taki einnig til einkaaðila
J
óhanna Sigurðardóttir for-
sætisráðherra telur það ekki
koma til álita að færa gildis-
svið upplýsingalaga yfir á
banka, fjölmiðla, olíufélög,
tryggingafélög, verslunarsam-
steypur og önnur stórfyrirtæki sem
hafa mikla eða ráðandi markaðs-
hlutdeild. Þetta kemur fram í svari
forsætisráðherra við fyrirspurn
Atla Gíslasonar þingmanns um til-
lögu að nýjum upplýsingalögum.
Jóhanna hefur lagt til í frumvarpi
til nýrra upplýsingalaga, sem liggur
fyrir í þinginu, að lögin taki til allr-
ar starfsemi lögaðila sem eru að
51 prósents hluta eða meira í eigu
hins opinbera. Fyrirtæki í eigu op-
inberra aðila en eru í samkeppnis-
rekstri falla hins vegar ekki undir
nýju lögin, nái frumvarpið fram að
ganga. Frumvarpið er nú til umfjöll-
unar í stjórnskipunar- og eftirlits-
nefnd en erfitt er að spá fyrir um
hvenær þingið fær það til annarr-
ar umræðu. Frumvarpið þarf, líkt
og önnur frumvörp, að fara í gegn-
um þrjár umræður á þingi áður en
hægt er að samþykkja það.
Megintilgangur upplýsinga-
laganna er að auka gagnsæi í ís-
lensku stjórnsýslunni. Fyrstu
lögin voru sett árið 1996 en endur-
skoðun þeirra hefur staðið fyrir
dyrum allt frá því að ný ríkisstjórn
tók við í kjölfar efnahagshrunsins
haustið 2008. Lögin gera opinber-
um aðilum skylt að afhenda upp-
lýsingar sem liggja fyrir. Talsverð-
ar takmarkanir eru þó á lögunum
en eins og fjallað var um í DV í síð-
ustu viku er hægt að bera því við að
of flókið sé að sækja upplýsingarn-
ar. Þá er Alþingi undanskilið í lög-
unum auk allra upplýsinga sem
gætu varðað almannahagsmuni og
fleira. n
adalsteinn@dv.is
É
g er bara vongóð. Von-
ast eftir því besta en bý mig
undir það versta,“ segir Ragna
Erlendsdóttir. Á miðvikudag
fór fram aðalmeðferð í Héraðs-
dómi Reykjavíkur í máli hennar gegn
Barnavernd Reykjavíkur en Ragna
kærði nefndina vegna þess að hún
er ósátt við að hafa verið svipt um-
sjón yfir dætrum sínum, 3 og 9 ára.
Ella Dís, 6 ára dóttir hennar, er á
Rjóðrinu en í byrjun þessa árs upp-
götvaðist genagalli sem Ella þjáist
af og kann að vera orsök óútskýrðra
veikinda sem hún hefur barist við
frá því hún var rúmlega eins árs, en
Ella Dís fæddist heilbrigð. Rjóðrið er
hvíldarstaður fyrir langveik börn og
óvíst er hvort Ella Dís fái að búa hjá
móður sinni en að sögn hennar vill
barnaverndarnefnd að Ella Dís búi á
Barnaspítala Hringsins.
Neitar vanrækslu
Ragna reyndi að leita sátta við barna-
verndarnefnd tvisvar sinnum að
beiðni dómara áður en málið var
tekið fyrir í héraðsdómi. Ragna er
sökuð um að vanrækja dætur sínar,
3 og 9 ára vegna veikinda Ellu Dísar.
Hún segir það af og frá; hún hafi gert
sitt besta til þess að stelpurnar væru
öruggar og skorti ekki neitt. „Þetta
er í mesta lagi lágmarksvanræksla
sem foreldrar allra langveikra barna
þekkja. Veika barnið fær mestu
athyglina en ég hef reynt mitt besta
og alltaf passað upp á að þær séu
öruggar og þær hafi ekki skort neitt,“
segir Ragna. Barnaverndarnefnd
telur þó að mikið rótleysi hafi ein-
kennt líf stúlknanna en í lok síðasta
árs fór Ragna með allar dæturnar af
landi brott til þess að leita lækninga
fyrir Ellu í Bretlandi. Við tók langt
dómsmál þar úti en faðir stelpn-
anna fór með þær heim til Íslands í
febrúar gegn vilja Rögnu á þeim tíma
og þær dvöldu hjá ættingjum sínum
hérlendis, líkt og þær gera nú. Ragna
flaug þá á milli Englands og Íslands
til þess að vera hjá stúlkunum til
skiptis.
Ætlar alla leið
„Ef ég vinn þetta ekki þá er það bara
Hæstiréttur og ég er tilbúin að fara
með þetta alla leið út; fyrir Mann-
réttindadómstólinn. Það er verið
að brjóta á okkur með þessu,“ seg-
ir Ragna. Hún býr hjá ömmu sinni
og afa um þessar mundir. Ragna
sagði frá því í viðtali við DV á föstu-
dag að hún hefði ekki efni á að leigja
á almennum markaði og hefði ekki
verið boðin íbúð sem henti Ellu Dís
hjá félagsmálayfirvöldum. Hún vilji
fá dætur sínar aftur í sína umsjá til
þess að geta hafið nýtt líf; nú þegar
Ella sé loks komin með greiningu.
„Við fáum niðurstöðu fyrir jól. Það
er erfitt að bíða en vonandi verður
biðin til góðs,“ segir hún. Ragna fær
að vera með öllum dætrunum um
jólin. „Ella fær að koma heim af spít-
alanum 24. og vera í eina nótt og
svo aftur 31. og vera þá til 2. janúar.
Stelpurnar verða allar hjá mér yfir
jólin,“ segir Ragna ánægð, en faðir
stúlknanna verður líka með þeim
en hann hefur ekki séð dæturnar í
langan tíma. n
„Ég er vongóð“
n Aðalmeðferð í máli Rögnu gegn barnaverndarnefnd í héraðsdómi
„Þetta er
í mesta
lagi lágmarks-
vanræksla sem
foreldrar allra
langveikra
barna þekkja
Viktoría Hermannsdóttir
blaðamaður skrifar viktoria@dv.is
Vongóð Ragna er
vongóð um að fá
umsjón yfir dætrum
sínum aftur.
Ný lög Jóhanna hefur lagt fram frumvarp til nýrra upplýsingalaga. MyNd Sigtryggur Ari
Ásókn í
flug til Eyja
Mikil ásókn er í flug til Vestmanna-
eyja þessa daga. Flugfélagið Ernir,
sem sinnir áætlunarflugi á milli
lands og Eyja, hafur ákveðið að
bæta við flugferðum í dag, föstu-
dag. Þetta kemur fram í tilkynn-
ingu frá flugfélaginu. Þar segir
einnig að til standi að bæta við
fleiri flugferðum til Vestmanna-
eyja um helgina ef eftirspurn verð-
ur áfram mikil. „Fólk er hvatt til að
bóka tímanlega og spyrjast fyrir
um aukaflug ef allt er orðið fullt í
þau flug sem beðið er um,“ seg-
ir í tilkynningunni. Flugfélagið
hóf áætlunarflug til Eyja árið 2010
þegar Flugfélag Íslands hætti áætl-
unarflugi þangað.
Umboðslaus
samkunda
„Stjórnlagaráð var algjörlega um-
boðslaus samkunda. Hún var ekkert
lík þjóðinni hvað varðar bakgrunn,
menntun eða annað,“ segir Gunnar
Helgi Kristinsson, prófessor í stjórn-
málafræði, í viðtali við Morgunblað-
ið á fimmtudag. Þar gagnrýnir hann
stjórnlagaráð og ferlið í kringum
undirbúning nýrrar stjórnarskrár.
Hann gagnrýnir einnig framgöngu
stjórnvalda í málinu og að málið
hafi strax farið í þjóðaratkvæða-
greiðslu. „Síðan að demba þessu
máli í þjóðaratkvæðagreiðslu áður
en hin efnislega umræða hefur farið
fram um það er að mínu viti og í
þeim fræðum sem ég stunda dæmi
um misnotkun á þjóðaratkvæða-
greiðslum.“ Þorvaldur Gylfason,
hagfræðingur og fyrrverandi stjórn-
lagaráðsfulltrúi, gefur lítið fyrir stað-
hæfingu Gunnars Helga sem hann
segir líka lýsa lítilli virðingu fyrir
lýðræðinu. „Þetta er fráleit staðhæf-
ing,“ segir hann.
Íslendingur
til Filippseyja
Lárus Björnsson úr Björgunar-
sveit Hafnarfjarðar og Íslensku
alþjóðabjörgunarsveitinni (ÍA) er
nú á leið til Filippseyja þar sem
fellibylurinn Bopha gerði mikinn
usla í síðustu viku. Lárus verður
hluti af viðbragðsteymi Nethope,
sem eru regnhlífarsamtök 37
stærstu hjálparsamtaka heimsins
og sérhæfa sig í fjarskiptum og
tölvutækni á tjónasvæðum. Mun
teymið sjá um að koma fyrstu fjar-
skiptatækjunum á vettvang auk
þess að framkvæma þarfagreiningu
og meta aðstæður út frá fjarskipta-
sjónarmiði á þeim svæðum er verst
urðu úti. Eftir fellibylinn hefur
allt rafmagns- og fjarskiptakerfi á
svæðinu legið niðri og reiknað er
með að það geti tekið allt að einn
mánuð að koma því aftur í gang.
Á Filippseyjum urðu yfir fimm
milljón mans fyrir barðinu á felli-
bylnum Bopha þegar hann reið
yfir landið í síðustu viku. Um 740
manns hafa þegar fundist látin og
tæplega 900 er enn saknað.