Dagblaðið Vísir - DV - 14.12.2012, Qupperneq 12

12 Fréttir 14.–16. desember 2012 Helgarblað
Í
verðkönnun Verðlagseftirlits
ASÍ á algengri matvöru sem er í
boði í kringum jólahátíðina kom
í ljós að lægsta verðið var oftast
í Bónus. Verðlagseftirlitið kann-
aði 99 vörutegundir og af þeim var
Bónus með lægsta vöruverðið í 37
tilvikum. Verslunin Iceland var
næst oftast með lægsta verðið eða
í 29 tilvikum.
Hagkaup var hins vegar á hinum
enda listans. Þar var hæsta verð í 41
tilviki af 99. Í 22 tilvikum var vöru-
verð hæst í Nettó en Fjarðarkaup
og Samkaup-Úrval voru jafn oft
með hæsta verðið eða í 18 tilvikum.
Þetta kemur fram í tilkynningu
Verðlagseftirlitsins.
Mestur verðmunur mæld-
ist á fersku rósakáli. Það var dýr-
ast hjá Nettó, á 498 krónur kíló-
ið, en var ódýrast hjá Bónus, á 258
krónur kílóið. Þá var einnig mikill
verðmunur á jólaostaköku frá MS.
Hún var dýrust hjá Hagkaupum, á
1.298 krónur kílóið, en ódýrust hjá
Bónus, á 953 krónur kílóið.
Í tilkynningunni kemur einnig
fram að Nóatún hafi ákveðið að
taka ekki þátt í verðlagskönnun ASÍ.
Bætist verslunin því í hóp með Víði
og Kosti. Verðkönnunin fer þannig
fram að hilluverð vöru er skráð nema
þegar afsláttur eða tilboðsverð af
merktu verði er veittur við kassa en
þá var það tekið inn í útreikninginn.
Ástæðan fyrir þessu er að hilluverðið
er það verð sem neytandinn hefur
upplýsingar um, inni í búðinni, að
hann eigi að greiða fyrir vöruna.
Meðal þeirra 99 vara sem Verð-
lagseftirlit ASÍ kannaði voru kjöt-
vörur, mjólkurvörur, kökur, konfekt,
drykkjarvörur, grænmeti og ávextir.
Rétt er að taka fram að um beinan
verðsamanburð var að ræða og er
ekki lagt mat á gæði eða þjónustu
söluaðila. n
Bankastjórinn heldur
Actavis-bréfum sínum
n Bankastjóri Landsbankans á hlut í þriðja stærsta samheitalyfjafyrirtæki í heimi
S
teinþór Pálsson, bankastjóri
Landsbankans, heldur eftir
hlutabréfum sínum í sam-
heitalyfjafyrirtækinu Actavis
eftir kaup bandaríska lyfja-
fyrirtækisins Watson á því fyrr á ár-
inu fyrir um 700 milljarða króna. Þetta
kemur fram í svari Kristjáns Krist-
jánssonar, upplýsingafulltrúa Lands-
bankans, við fyrirspurn DV um málið.
Steinþór er fyrrverandi starfsmaður
Actavis. DV hefur heimildir fyrir því að
einhverjir af fyrrverandi starfsmönn-
um Actavis hafi selt hlutabréf sín í fé-
laginu við yfirtöku Watson á félaginu.
Líkt og DV greindi frá fyrr á árinu
seldi Steinþór hlutabréf í Actavis fyrir
rúmlega 230 milljónir króna haustið
2007. Fjárfestingarfélag Björgólfs
Thors Björgólfssonar, Novator, keypti
þá samheitalyfjafyrirtækið með
lánveitingu frá þýska bankanum
Deutsche Bank. Steinþór átti þá tæp-
lega 2,6 milljónir hluta í Actavis. Hann
hafði eignast rúmlega milljón hluti
sem flokkuðust sem beinn eignarhluti
og eins átti hann kauprétti upp á rúm-
lega 1,5 milljónir hluta. Novator keypti
bréf Steinþórs á genginu 1,07 evrur á
hlut, eða 89,53 krónur miðað við gengi
þess tíma.
Eignaðist bréf sem starfsmaður
Steinþór hafði eignast þessi bréf á
hagstæðu vegna þess að hann var
starfsmaður Actavis. Hann starfaði
hjá Actavis í átta ár áður en hann
settist í stól bankastjóra Landsbank-
ans.
Gengi hlutabréfa í Actavis var í
kringum 10 á hlut árið 2002 þegar
Steinþór hóf störf hjá félaginu. Í opin-
berum tilkynningum frá Actavis um
kauprétti starfsmanna í fyrirtækinu
á árunum fyrir hrunið kemur fram
að Steinþór keypti hluta bréfanna
á genginu 38,5 og annan hluta á
genginu 59,5. Mismunurinn á kaup-
og sölugenginu á hlutabréfum Stein-
þórs í Actavis var því umtalsverður.
Ætla má að Steinþór hafi hagnast
um að minnsta kosti vel á annað
hundrað milljónir króna þegar hann
seldi bréfin.
Keypti bréfin aftur
Steinþór keypti svo aftur hlutabréf í
Actavis fyrir um 230 milljónir króna
eftir að Björgólfur Thor Björgólfs-
son hafði yfirtekið félagið um haustið
2007, samkvæmt svari frá Kristjáni
Kristjánssyni í Landsbankanum. Það
eru þessi bréf sem Steinþór á enn
þann dag í dag.
Í byrjun nóvember síðastliðinn
var tilkynnt að samruni Actavis og
Watson hefði verið samþykktur af
samkeppnisyfirvöldum í Bandaríkj-
unum. Hið sameinaða félag er þriðja
stærsta samheitalyfjafyrirtæki í heimi
og er með tekjur upp á 760 milljarða
króna. Miðað við þau svör sem DV fær
á Steinþór hlut í þessu sameinaða fé-
lagi. n
„Steinþór keypti
svo aftur hluta-
bréf í Actavis fyrir um 230
milljónir króna eftir að
Björgólfur Thor Björgólfs-
son hafði yfirtekið félagið.
Ingi Freyr Vilhjálmsson
fréttastjóri skrifar ingi@dv.is
Seldi og keypti aftur Steinþór Pálsson seldi hlutabréf sín í Actavis um haustið 2007
en keypti bréfin svo aftur. Hann á þessi bréf ennþá eftir sameiningu félagsins við Watson,
samkvæmt svari frá Landsbankanum.
Matvara í Bónus
oftast ódýrust
n Mikill verðmunur á jólaostaköku
Oftast ódýrust Bónus var með lægsta
vöruverðið í 37 tilfellum í verðkönnun
Verðlagseftirlits ASÍ. Mynd RóbERt REyniSSOn
Guðmundur
í Kraganum
Þingmaðurinn Guðmundur Stein-
grímsson kemur til með að leiða
lista Bjartrar framtíðar í Suðvest-
urkjördæmi í komandi kosning-
um. Freyja Haraldsdóttir, fyrr-
verandi fulltrúi í stjórnlagaráði,
skipar annað sæti listans. Þetta
kemur fram í tilkynningu frá
flokknum en ákveðið var á fundi
fjörutíu manna stjórnar flokksins
hverjir kæmu til með að leiða lista
flokksins í kjördæmunum sex.
Ekki hefur verið gefið upp hverjir
leiða lista flokksins annars staðar.
Breyta útliti
tóbakshorna
Unnið er að því að breyta út-
liti neftóbakshorna ÁTVR. Af
þessum sökum hafa neftóbaks-
hornin ekki verið fáanleg um
nokkurra vikna skeið. Sigrún
Ósk Sigurðardóttir, aðstoðar-
forstjóri ÁTVR, segir í samtali
við Viðskiptablaðið að um
tímabundið ástand sé að ræða
á meðan umbúðirnar eru
endurhannaðar. Segir hún að
stilla þurfi vélar vegna nýrra
móta. Með nýju umbúðunum
er ætlað að tryggja að nef-
tóbakið verði innsiglað. Mikil
eftirspurn er eftir vörunni og
seldust um þrjátíu tonn á síð-
asta ári, samkvæmt Viðskipta-
blaðinu.