Fréttatíminn


Fréttatíminn - 16.10.2015, Page 42

Fréttatíminn - 16.10.2015, Page 42
Nú verða að koma við sögu yfirskilvitleg öfl, helst verður aðalhetjan að hafa ónátt- úrulega eigin- leika og algjört skilyrði er að galdrar og vænn skammtur af miðaldamyrkri fylgi með í kaup- unum. Gerður Kristný, Þórdís Gísladóttir og Hildur Knútsdóttir senda allar frá sér áhugaverðar barnabækur fyrir þessi jól. Ekkert elsku mamma Spenna, hrollur, fantasía og furður eru einkennandi fyrir barnabækur vertíðarinnar. M unið þið þegar barnabækur voru sak-leysislegar? Hrekkjóttir krakkar sem fundu upp á ýmsu í Ólátagörðum eða á Ævintýraeyjum og lentu í mesta lagi í útistöðum við nokkra bófa á stangli? Þeir dagar eru liðnir, bara svo þið vitið það. Nú verða að koma við sögu yfirskilvitleg öfl, helst verður aðalhetjan að hafa ónáttúrulega eiginleika og algjört skilyrði er að galdrar og vænn skammtur af miðaldamyrkri fylgi með í kaupunum. Bækur sem ekki bjóða upp á slíkt eiga bara ekki séns í baráttunni við tölvu- leikina. Ógnin verður að vera við annað hvert fót- mál annars er ekkert gaman. Þetta er reyndar töluverð einföldun en ef rennt er yfir innihaldslýsingar þeirra barnabóka sem út koma í þessari vertíð er nokkuð ljóst að venjulegt líf í venjulegum Vesturbæ eða Hafnarfirði er ekki málið. Fyrst ber fræga að telja verðlaunabók ís- lensku barnabókaverðlaunanna í ár, Arftakann eftir Ragnheiði Eyjólfsdóttur, sem dómnefnd verðlaunanna segir „jafnast á við bestu furðu- sögur sem skrifaðar hafa verið á íslensku“, meira verður nú ekki krafist. Síðan koma þær hver af annarri og káputextar lofa furðum og hryllingi, æsispennu, plágum, drýslum og djöflum. Sem er auðvitað bara hið besta mál og nægir vonandi til að draga litlu tölvuleikjafíklana frá skjáum og að pappírnum. Meðal þeirra sem skrifa barnabók í ár eru Gerð- ur Kristný, sem snúið hefur sér frá prinsessutralli og yfir í dúkku með óhugnanlega eiginleika, Hild- ur Knútsdóttir með trylli um plágu, Gunnar Theo- dór Eggertsson, sem skrifar um Drauga-Dísu og „sækir efnivið jafnt í þjóðararfinn og erlendar hrollvekjur“, bræðurnir Ævar Þór Benediktsson með framhald af Þinni eigin þjóðsögu, nema hvað nú er viðfangsefnið Þín eigin goðsaga, og Guðni Líndal Benediktsson, sem heldur áfram að skrifa um ótrúleg ævintýri afa sem hann hóf að segja frá í verðlaunabókinni Leitin að Blóðey í fyrra. Þórdís Gísladóttir er, ef miðað er við fyrri bækurnar tvær, á öllu raunsærri nótum í þriðju bókinni um Randalín og Munda, en þó má þar einnig búast við óvæntum vendingum sé tekið mið af nafni bókar- innar; Randalín og Mundi og afturgöngurnar. Enginn skilji þó orð mín svo að það sé eitt- hvað neikvætt við furðusögur, fantasíur, hroll og spennu, síður en svo. Það eru alskemmtilegustu bækur sem maður les ef vel er að verki staðið og eins og sjá má á upptalningu höfundanna hér á undan má nokkuð treysta því að þeir bjóði lesend- um sínum í spennandi ferðalög um furðuheima, hver með sínum hætti. Það verður engin logn- molla hjá lesendum frá átta til tólf ára þessi jólin. Friðrika Benónýsdóttir fridrika@frettatiminn.is 42 bækur Helgin 16.-18. október 2015

x

Fréttatíminn

Direct Links

If you want to link to this newspaper/magazine, please use these links:

Link to this newspaper/magazine: Fréttatíminn
https://timarit.is/publication/944

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.