Listin að lifa - 01.06.2014, Side 20

Mikil gróska
í félögum eldri borgara um allt land
Frá félagsstarfinu á Reykhólum. Ljósmynd Hlynur Pór Magnússon.
Nú eru 53 félög innan LEB þegar þetta
er skrifað og útlit fyrir að 2-3 séu að bæt-
ast við. Félagar eru nú tæplega 21.000.
t>ar sem félögin eru svo mörg sem raun
ber vitni er að sjálfsögðu ekki bægt að
taka fyrir hvað hvert og eitt félag er að
fást við í sínu félagsstarfi. Oll eru þau
að vinna að sama markmiði. Að bjóða
upp á fjölbreytt félagsstarf, þannig að
allir geti fundið eitthvað við sitt hæfi.
Þar má nefna félagsvist, bridge, bingó,
boccia, dans og sund. Haldin eru opin
hús með ýmsu skemmtiefni og alltaf
eru veitingar á boðstólum í tengslum
við starfið. Ymis námskeið eru í boði
í handavinnu og öðrum tómstundum.
Þorrablótum FEB- félaga er sífellt að
fjölga og er mikil ánægja með þau.
Gönguklúbbar starfa víða og halda þar
með við hreyfifærni og heilsu þeirra
sem það stunda reglulega. Rannsóknir
hafa sýnt að þeir sem eru félagslega
virkir halda heilsunni betur og lengur
en aðrir. Kórar eldri borgara eru oft
liður í starfsemi félaganna og hefur
það mikið gildi því söngurinn nærir og
gleður, auk þess sem samvera kórfélaga
er stór hluti af ánægjunni. Kórarnir
taka oft lagið á fundum og samkomum
félaganna og heimsækja dvalar- og
hjúkrunarheimili og smita þar söng-
gleðinni. Jafnframt hafa kórarnir hver
í sinni heimabyggð lagt sitt af mörkum
við ýmsar opinberar athafnir í sínu
sveitarfélagi og nágrannabyggðum.
Ekki má gleyma ferðalögum eldri
borgara, bæði innanlands og utan sem
félögin hafa haft forgöngu um. Eru
það bæði leikhúsferðir, rútuferðir um
landið og sólarlandaferðir til útlanda.
Þá hafa nokkur hótel eins og Hótel
Ork í Hveragerði verið með ýmsar
uppákomur fyrir eldri borgara eins og
Sparidaga og aðventukvöld. Væri ekki
úr vegi að fleiri hótel fetuðu í þeirra
fótspor,(og það hefur verið reynt) því
eldri borgurum fjölgar og þá er þetta
að verða stór markhópur eins og sagt
er á viðskiptamáli. Mörg félög eru með
námskeið í Islendingasögum og taka
fyrir eina sögu á vetri og fara síðan á
þær slóðir sem sagan gerist þegar nám-
skeiði lýkur. Þetta er vaxandi þáttur hjá
öllum stærri FEB-félögum.
Ný og vaxandi grein er íþróttamót
50+ sem UMFÍ hefur veg og vanda af
og er þátttaka eldri borgara stöðugt að
aukast. Þar er keppt í línudansi, pönnu-
kökubakstri, sundi, hlaupi og boccia
svo eitthvað sé nefnt. Þessi íþróttamót
eru haldin vítt og breitt um landið og
var síðasta mót haldið í Vík í Mýrdal.
Það næsta verður á Húsavík í sumar. Þá
er jafnan leitað samstarfs við það FEB-
félag sem starfar á viðkomandi svæði
þar sem mótið er haldið.
Allir sjá að það er margt að gerast í
félagsstarfi eldri borgara og sem flestir
á þessum aldri ættu að taka þátt í starf-
inu í sinni heimabyggð og efla þannig
samkennd og samveru. Látum nokkra
núverandi og fyrrverandi formenn
FEB félaga eiga síðustu orðin um fáein
atriði sem eru m.a. á döfinni hjá þeim.
Ragnheiður Stephensen fyrrverandi
formaður FEB í Mosfellsbæ: „Við
höfum hér það sem kallað er Kíkt
fyrir hornið. Þar tekur sig saman hópur
eldri borgara og heimsækir söfn eða
einhverjar menningarstofnanir í ná-
grannabæjum. Einnig er í félaginu
starfandi umræðutorg til að ræða um
menn og málefni líðandi stundar.“
Eyjólfur Eysteinsson FEB Suður-
nesjum: „Við höldum hér Sagnakvöld
á Ljósanótt í Reykjanesbæ. Um það
sjá eldri borgarar og eru með skemmti-
legar frásagnir frá fyrri tíð. Þá hafa eldri
borgarar í Sandgerði verið að aðstoða
við lestrarkennslu grunnskólabarna og
hefur það gefið góða raun. Einn hópur
er í línudansi í félaginu og hann fer og
dansar fyrir leikskólabörn og þau koma
svo líka til eldri borgara og syngja í
staðinn fyrir þau.“
Sigríður Guðmundsdóttir formaður
FEB á Selfossi: „Við höftim aðgang að
bókasafni í okkar húsnæði. Þar er oft
setið og lesið eða bækur fengnar að láni.“
Björn Pálsson fyrrverandi formaður
FEB á Norðfirði: „Hér í Neskaupstað
er Sögustund eldri borgara alltaf á
föstudögum. Við öflum líka fjár fyrir
félagið með því að taka að okkur mót-
töku gesta í Safnahúsinu í 3 mánuði
yfir sumarið. Hver félagi sem það getur
tekur eina viku.“
Hallgrímur Arason formaður FEB á
Eskifirði: „Hér á Eskifirði annast eldri
borgarar í félaginu gæslu á Sjóminja-
safninu og við fáum af því tekjur."
20