Listin að lifa - 01.06.2014, Side 46

Ar aldraðra 2012
Hver man ekki þegar Vilhjálmur Vil-
hjálmsson söng um árið 2012, þá átti
tunglið að vera malbikað og steypt í
hólf og gólf og enginn þurfti að vinna
því vélar unnu öll störf. -
En svo kom árið 2012, tunglið var
enn jafn dularfullt og Evrópusamtök
aldraðra samþykktu að gera árið að
Ari aldraðra og 1. október varð dagur
aldraðra í Evrópu.
Nú átti að beina augum allra að eldri
borgurum og leggja áherslu á það. sem
bætt gæti hag þeirra og brúa átti bilið
milli ungra og aldraðra.
Á Islandi þótti sjálfsagt að taka þátt,
gera eitthvað sérstakt, eitthvað áhuga-
vert, láta ljós okkar eldri borgara skina.
Félag eldri borgara á Suðurnesjum
(FEBS) ákvað að kalla verkefnið „Æv-
intýrið“. Leitað var eftir samstarfi við
skólana á Suðurnesjum og komið upp
samstarfsnefndum skóla og fulltrúa
eldri borgara.
1 heimabæ mínum Sandgerði
var samstarfsnefndin skipuð full-
trúa FEBS, fulltrúa grunnskólans og
fulltrúum nemenda. Fundað var bæði
með fulltrúum skólans og eldri borg-
urum í félagsmiðstöðinni í Miðhúsum.
Margar skemmtilegar.hugmyndir um
samstarfsverkefni litu dagsins ljós og
nokkur valin sem unnið var með og
gaman að kynna hér.
Olafur Gunnlaugsson og Jórunn
Guðmundsdóttir eldri borgarar heim-
sóttu nemendur í 10. bekk. Ólafur
sagði frá skólagöngu sinni og lífinu í
Sandgerði um miðja síðustu öld í máli
og myndum, Jórunn sagði frá starfi
Félags jeldri borgara, umræður urðu á
eftir um lífið áður fyrr og i dag.
Nemendur í 1. bekk fóru í heimsókn
í félagsmiðstöð eldri borgara í Miðhús-
um, þar kynntu börnin verkefni sem
þau voru að vinna í skólanum, eldra
fólkið kynnti sín verkefni og boðið
var uppá mjólk og kökur. 1 lokin var
sungið og farið í boccia.
Af öðrum samstarfsverkefnum má
nefna að eldri borgara spiluðu vist við
nemendur á jólaföstunni og nemend-
um var boðið í Miðhús í laufabrauðs-
bakstur. Nemendur í 8. 9. og 10. bekk
Jórunn Alda Guðmundsdóttir,
varaformaður FEB Suðurnesjum,
Sandgerði.
grunnskólans tóku þátt í könnun á
vegum FEBS en spurningarnar voru
unnar af Landssambandi eldri borgara.
Alls svöruðu 65 nemendur af 72 í þess-
um bekkjardeildum. F>ar kom margt
áhugavert frarn sem vert heföi verið að
vinna með.
Ævintýrið var skemmtilegt og því er
ekki lokið, yngstu nemendur grunn- og
leikskóla heimsækja enn eldri borgara
í þjónustumiðstöðvar. Eldri borgarar
í Reykjanesbæ tóku að sér stuðning í
lestri í grunnskólunum og sinna því
verkefni áfram. 1 framhaldi af samstarf-
inu á ári aldraðra, var óskað eftir því
við fulltrúa eldri borgara í Sandgerði,
að hann tæki sæti sem fulltrúi grennd-
arsamfélagsins í Skólaráði Grunnskóla
Sandgerðis og tók hann það að sér.
Það er okkarsem eldri erum að vera
virk í samfélaginu, við höfum af mörgu
að miðla sem getur nýst öðrum til auk-
innar þekkingar og um leið aukum við
eigin lífsgæði.
Kveð ykkur með hvatningarorði okkar í
FEBS sem er: Ekki gera ekki neitt!
Myndir úr félagsstarfinu á Suðurnesjum.
46