Fréttatíminn - 27.11.2015, Qupperneq 34

áskorun sem ég gat ekki skorast
undan,“ segir Magga Pála en eftir
að hafa stjórnað lítilli deild á leik-
skóla í Reykjavík tók Magga Pála
við fjölmennasta leikskóla lands-
ins, Hjalla í Hafnarfirði og restin
er sögð saga. Hjallastefnan var
að fæðast og árið 1989 var Hjalli,
fyrsti leikskóli stefnunnar, stofnað-
ur. Velgengni leik- og grunnskóla
stefnunnar segja allt um vinsældir
hennar. Leiðin hefur þó alls ekki
verið greið og Magga Pála hefur
verið gagnrýnd, meðal annars fyrir
hugmyndir sínar um sjálfstæða og
einkarekna skóla.
„Þetta snýst ekki hætishót um
hægri eða vinstri. Þetta snýst um að
einstaklingurinn fái að blómstra og
njóta sín. Ég segi oft það sem hún
Ingibjörg Sólrún sagði þegar hún
var í Kvennalistanum, að hægri og
vinstri dugi best til að muna með
hvorri hendinni eigi að heilsa. Þetta
eru mjög úreltar hugmyndir. Ég starf-
aði í einhver ár með Alþýðubandalag-
inu og hafði alla trú á því að við mynd-
um breyta heiminum og var komin til
nokkurra áhrifa þar sem ung kona.
En svo kom ég úr felum og þá datt
eftirspurnin eftir mér algjörlega
niður. Svo starfaði ég hjá hinu opin-
bera og þar rak ég mig á hvern vegg-
inn á fætur öðrum vegna síaukinnar
miðstýringar. Þegar ég gafst upp á
að vera í þessu opinbera kerfi þá var
það mjög sársaukafullt ferli fyrir mig.
En ég var alltaf að rekast á veggi, við
gátum ekki stækkað né haldið þróun
áfram né bætt við grunnskóla. Allt
var stoppað og það var ekkert í boði
nema að vera inni í þessum litla kassa
og ég var bara að kafna.“
„Ef ég skila vinnunni minni, er
með ánægð börn og foreldra og
glaða starfsmenn og stend fjárhags-
áætlun og fæ engar faglegar athuga-
semdir þá kemur engum við hvað
þessi stofnun er að gera í mínum
huga. Þess vegna ákvað ég að fara
út úr kerfinu. Ég hef í gegnum tíð-
ina orðið fyrir innblæstri frá Aust-
ur-Evrópu, frá hugsjónafólki sem
byrjaði að skapa eitthvað nýtt inn
í skólakerfið eftir að múrinn féll.
Kerfið þar opnaðist og stórkostlegir
hlutir fóru að gerast en nú er þetta í
mörgum löndum að lokast aftur, því
öfga-harðlínusveiflan hefur gert það
að verkum að það er verið að loka
því sem er öðruvísi og skapandi.
En þetta er svo merkilegt því það
sem ég er að gera á Íslandi er kölluð
stórhættuleg hægrivilla en í gamla
Austrinu er það kallað stórhættuleg
vinstrivilla!“
Kassalega kerfi sem eyði-
leggur börn
„Það verða fáar breytingar á kerfum
ef enginn fer gegn straumnum. Ég
er snillingur í mótbyr,“ segir Magga
Pála og brosir við. „Ég þoli gagnrýni
afskaplega vel en hinsvegar hefur
mér alltaf líkað mjög illa þegar fólk
vill halda einhverju fram án þess
að vilja leita eftir útskýringum eða
samtali. Það hefur mér alltaf þótt
leitt. Auðvitað er mikilvægt að við
gagnrýnum og gaumgæfum vel alla
hluti en gerum það jákvætt, því með
niðurbroti fæst ekki neitt. Í skóla-
kerfinu eru stórkostlegir kennarar
en kerfisreglurnar, miðstýringin,
hefðin og kjarasamningarnir, það
sem ég kalla skólafastann, eru að
drepa skólastarfið. Einstaklingur-
inn nær ekki að njóta sín sem skyldi
í þessum fasta. Ég hef oft sagt það
áður að við erum að eyðileggja þessi
börn, þessi börn sem geta ekki troð-
ið sér inn í box.
Ég er stolt A A-manneskja og
í samtökunum hitti ég í hópum
krakka sem eru að reyna að koma
lífi sínu aftur í farveg eftir margra
Bíldshöfða 18 - 110 Reykjavík
sími: 557 9510 - www.patti.is
Opið virka daga kl. 10-18
laugard. 11-15
Basel Lyon HavanaRoma
SÓFAR Í ÖLLUM STÆRÐUM SNIRÐIR AÐ ÞÍNUM ÞÖRFUM
MÁL OG ÁKLÆÐI AÐ EIGIN VALI
TAX-FREE DAGAR
Með nýrri AquaClean tækni
er nú hægt að hreinsa nánast
alla bletti aðeins með vatni!
Erfiðir blettir eins og eftir tómatsósu,
léttvín, kaffi, te, meira að segja kúlupenna,
nást á auðveldan hátt úr áklæðinu.
Áklæði
ára óhamingju, neyslu og erfiðleika
sem oftar en ekki byrjaði með van-
líðan í skólum því þau pössuðu ekki
inn. Þessi börn fengu ekki þá aðstoð
sem þau þurftu, lentu stundum í ein-
elti og á andanum flúðu þau. Þessir
krakkar voru eyðilagðir því þeir
fengu ekki tækifæri. Og fyrir hvert
samfélag kostar hver einstaklingur
sem við missum óhemjumikið. Það
er ótrúlegt hvað endalaust er hægt
að bæta við námskrána og kröfum
og bjúrókrasíu við kennara en engin
spyr hvernig barninu líður.“
Kennum börnum kjark og þor
„Það sem heimurinn þarf á að halda
núna eru nýjar hugmyndir því heim-
urinn er ekki lengur að fleyta sér
áfram á gamalli þekkingu,“ segir
Magga Pála sem er farin að berja
í borðið til að undirstrika mál sitt.
Sannfæringarkrafturinn er mik-
ill. „Allt það gamla er að deyja út.
Skrifstofan er dauð, stóru kerfin
eru dauð, stóru atvinnurekendurn-
ir eru dauðir. Fram undan er fólk
sem kemur með nýjar lausnir. Og
það kennum við ekki með nýrri að-
alnámskrá og hefðbundu íslensku
skólakerfi. Skólinn er ekki lengur
handhafi þekkingar. Kennum börn-
um að ná valdi á lestri og grunnat-
riðum í stærðfræði og tungumálum.
Kennum þeim kjark og þor, áhuga á
að sækja upplýsingar, að gagnrýna
og framkvæma. Þau eiga ekki að
hugsa um að ná prófum heldur hvað
þau geti gert til að samfélagið verði
betra. Kerfin eru að liðast í sundur
og við verðum að bregðast við. Okk-
ar mesti óvinur er hefðin og kerfið
sem við höfum verið að notast við
frá því að gufuvélin var fundin upp.
Við erum ennþá á þeim stað að allir
keyra í vinnuna á sama tíma!“
Tími fyrir fjölskylduna
„Að hlúa að núinu er það sem skipt-
ir máli. Í bókinni held ég því fram
að börn í dag hafi allt til alls, nema
næði og tíma. Það er bara ákveð-
ið magn af tíma sem þú átt að gefa
öðru en fjölskyldunni. Börn þurfa
umfram allt tíma, kærleika og um-
hyggju,“ segir Magga Pála og í þeim
töluðum orðum bankar Lilja, sam-
býliskona hennar, upp á, skælbros-
andi með „take-away“ mat og ferða-
tösku. Hún er komin til að sækja
sína frú enda eru þær á leið í tveggja
vikna ferðalag, fyrst á glæpabóka-
ráðstefnu og svo á ráðstefnu sjálf-
stæðra skóla í Búlgaríu. Og við sem
erum ekki enn byrjaðar að ræða
nýju bókina, sem var tilefni heim-
sóknarinnar. Ætli það sé ekki líka
bara langbest að næla sér í eintak
og kíkja þar á nokkrar góðar upp-
eldisuppskriftir. Við vitum að þær
eru kokkaðar upp af mikilli ást, virð-
ingu og reynslu.
Halla Harðardóttir
halla@frettatiminn.is
„Ég segi stund-
um það sem hún
Ingibjörg Sólrún
sagði þegar hún
var í Kvennalist-
anum, að hægri
og vinstri dugi
best til að muna
með hvorri
hendinni eigi
að heilsa. Þetta
eru mjög úreltar
hugmyndir.“
Ljósmyndir/Hari
34 viðtal Helgin 27.-29. nóvember 2015