Fréttatíminn - 27.11.2015, Page 48

48 fjölskyldan Helgin 27.-29. nóvember 2015
Núvitund
V ið komumst ekki hjá því að upp-lifa erfiðar tilfinningar. Tilfinn-ingar eins og depurð, sorg, kvíði,
reiði o.fl. eru bara hluti af litrófi allra
tilfinninga. Sem manneskjur sitjum
við uppi með upplifun á þessum tilfinn-
ingum rétt eins og öðrum þægilegum
og skemmtilegum tilfinningum eins og
gleði, tilhlökkun, o.fl. Það er algengur
misskilningur að hamingjan felist í því að
vera alltaf glaður og upplifa bara
jákvæðar tilfinningar. Það er okkur
hins vegar algjörlega ógerlegt.
Samt sem áður getum við lært að
takast á við þessar erfiðu tilfinning-
ar á uppbyggilegan hátt og lifa með
þeim í sátt og samlyndi. Við getum
lært að upplifa þær án þess að leyfa
þeim að lita allt líf okkar eða taka
stjórnvölinn.
Margir eyða gífurlega mikilli
orku og tíma í að forðast þessar
tilfinningar, til dæmis með því að
borða óhóflega, drekka áfengi eða
vera stanslaust upptekin. Þetta get-
ur tekið ótrúlega á og haft neikvæð
áhrif á líf fólks.
Hvernig væri það að vera hugrökk og
hreint og beint horfast í augu við þessar
erfiðu tilfinningar? Hversu frelsandi væri
það að þurfa ekki alltaf að vera á varð-
bergi eða grípa til aðgerða þegar þær
banka upp á hjá okkur? Að geta lifað í sátt
og samlyndi með þetta litróf tilfinninga
sem spilar fjölbreytt lög á strengi tauga-
kerfisins okkar daglega.
Það getur verið óhugnanleg tilhugs-
un að leyfa þessum tilfinningum bara
að koma. Stundum er eins og þær taki
nánast við stjórninni og við ráðum ekki
við okkur sjálf þegar við upplifum þessar
tilfinningar. En við getum lært að upp-
lifa þær án þess að detta algjörlega inn
í tilfinninguna og „leyfa“ henni að stýra
okkur. Með því að þjálfa núvitund lærum
við að vera í áhorfendasætinu og fylgjast
með upplifunum okkar. Fylgjast með til-
finningum, skynjunum og hugsunum
svífa í gegnum meðvitund okkar eins og
ský á himninum, þannig getum við séð
fyrir okkur þessar erfiðu tilfinningar.
Þær koma og fara í gegnum meðvitund
okkar. Þar að auki hjálpar núvitund okkur
að fara ekki inn í tilfinninguna, heldur
átta okkur á því og vera meðvituð um það
að við erum að upplifa tilfinninguna, við
erum að fylgjast með henni. Það er stór
munur á því og að „vera“ tilfinningin sjálf
og að upplifa hana. En stundum er auðvelt
að trúa því þegar við upplifum sterkar til-
finningar, hvort sem þær eru þægilegar
eða erfiðar, að við „séum“ tilfinningin.
Hefðbundnar æfingar í núvitund felast
í því að beina athyglinni að ákveðni upplif-
un án þess að dæma hana og með opnum
huga. T.d. andardrættinum, líkamanum,
hugsun eða tilfinningu. Í framhaldi af
því er markmiðið að draga athyglina að
upplifuninni (t.d. andardrættinum) þegar
athyglin fer annað, eins og að hugsunum
eða hljóðáreiti. Þá er mikilvægt að átta
sig á því að athyglin fer á endanum í burtu
og markmiðið er ekki að halda athyglinni
fastri að upplifuninni (andardrættinum í
þessu tilfelli) heldur einfaldlega að færa
athyglina með mildi að upplifuninni eins
oft og þörf er á. Með því að þjálfa núvit-
und getum við lært bæði að leyfa hlutum
að vera eins og þeir eru og valið að beina
athygli okkar að því sem við kjósum helst.
Stundum er nauðsynlegt fyrir okkur að
leyfa hlutunum að vera eins og þeir eru.
Eins og þegar við upplifum erfið tímabil
í lífi okkar er nauðsynlegt fyrir okkur að
leyfa okkur að upplifa erfiðar tilfinningar,
leyfa þeim að koma og fara.
Með því að þjálfa núvitund lærum við að vera í áhorf-
endasætinu og fylgjast með upplifunum okkar. Fylgjast
með tilfinningum, skynjunum og hugsunum svífa í
gegnum meðvitund okkar eins og ský á himninum.
Horfast í augu við erfiðar tilfinningar
Sigrún Þóra
Sveinsdóttir
sálfræðingur
VIÐHORF
 Jól HelgI BJöRns Og sIgRíÐuR THORlacIus syngJa
Ljósin tendruð á jólatrénu á Austurvelli
Það verður mikið um dýrðir á
sunnudaginn þegar ljósin verða
kveikt á jólatrénu á Austurvelli.
Athöfnin hefst klukkan 15.30 og
stendur til klukkan 17. Dagur
B. Eggertsson borgarstjóri og
Cecilie Landsverk, sendiherra
Noregs, flytja stutt ávörp og að
því loknu kveikir níu ára gömul
stúlka, Lilja Rán Gunnarsdóttir,
ljósin á trénu. Lilja Rán rekur
ættir bæði til Noregs og Íslands.
Gerður G. Bjarklind kynnir
dagskrána en meðal þeirra sem
koma fram eru Sigríður Thorla-
cius og Helgi Björnsson, sem
syngja jólalög ásamt hljómsveit.
Heyrst hefur að Giljagaur,
Gluggagægir og Bjúgnakrækir
verði á sveimi á Austurvelli og
ætli að segja börnunum sögur
og syngja jólalög.
Á jólatrénu er jólaórói
Styrktarfélags lamaðra og
fatlaðra en þeir hafa jafnan prýtt
jólatréð á Austurvelli. Það er
einmitt Giljagaur sem er níundi
jólasveinninn í jólaóróanum.
Bubbi Morthens og Linda Björg
Árnadóttir leggja félaginu lið
með túlkun sinni á Giljagaur
– Bubbi hefur gert kvæði um
Giljagaur og Linda Björg hann-
aði óróann. Allur ágóði af sölu
óróans rennur til starfs í þágu
fatlaðra barna og ungmenna.
Reykjavíkurborg hefur frá upp-
hafi stutt við málefnið.
Dagskrá hátíðarinnar verður
túlkuð á táknmáli, heitt kakó og
kaffi mun verma kaldar hendur
og bílastæðahúsið í Ráðhúsinu
verður opið til að auðvelda gest-
um aðgengi að hátíðarsvæðinu.
Kveikt verður á jólaljósum
Oslóartrésins á sunnudaginn.
KRINGLUNNI 2. HÆÐ | HAGKAUPSHÚSINU, SKEIFUNNI
| SPÖNGINNI, GRAFARVOGI | SMÁRALIND, 1 HÆÐ.
Nú getur þú skipt um framhlið umgjarðarinnar
og breytt þannig um útlit - allt eftir þínu skapi!
Nýtt
sleipiefni
sem
getur
aukið
líkur á
getnaði
Dreifingaraðili: Ýmus ehf.
V
E
R
T
12 GÓÐ BÓK