Dagblaðið Vísir - DV - 19.04.2013, Blaðsíða 2

2 Fréttir 19.–21. apríl 2013 Helgarblað
Fá milljarða
í afslátt
3 Hundrað og þrettán
sjávarútvegs­
fyrirtæki hafa
fengið sam­
tals 2,6 til
2,7 milljarða
króna lækkun
á greiðslu sér­
staks veiði­
gjalds á yfir­
standandi fiskveiðiári. Þetta
kemur fram í svörum Eyþórs
Björnssonar fiskistofustjóra við
fyrirspurn DV um málið. 145
sóttu um afsláttinn en 113 fengu
hann. Meðal þeirra eru Útgerðar­
félag Akureyrar og þrjár stærstu
útgerðir Grindavíkur, Vísir, Þor­
björn og Stakkavík.
Harmleikur
í Boston
2 Elísabet Margeirs­
dóttir,
næringarfræð­
ingur og
veður­
fréttakona
á Stöð 2, var
í hópi 35 Ís­
lendinga sem
hlupu mara­
þon í Boston á mánudag en tvær
sprengingar urðu við marklínuna
með þeim afleiðingum að 3 létust
og 144 slösuðust. Hún lýsti upp­
lifun sinni af málinu. „Nú kemur
sjokkið þegar ég átta mig betur á
því hvað þetta var skelfilegt.“
Harmleikur
á hátindi
1 Lögreglu­rannsókn á
því þegar Birna
Steingrímsdóttir
hrapaði til bana á
Hátindi í byrjun
febrúar stendur
enn yfir. Þórður
Marelsson farar­
stjóri segir að
erfiðar hugsanir og mikil sorg
hafi sótt á hann síðan slysið varð.
Hann segir að enginn hafi varað
hann við að veður gæti orðið mjög
slæmt þennan dag og enginn hafi
latt hann til fararinnar.
Fréttir vikunnar Þessar fréttir bar hæst í DV í vikunni
Landsbyggðin
hafnar nýliðum
N
ýju framboðin fá minna
fylgi í kjördæmum á lands­
byggðinni. Þannig myndu
fjórflokkarnir einoka öll
þingsæti í Norðvestur­,
Norðaustur­ og Suðurkjördæmi sé
miðað við nýjustu skoðanakannanir
um fylgi flokkanna. Árið 2009 náðu
Sjálfstæðisflokkurinn og Fram­
sóknarflokkurinn inn 13 þingmönn­
um í þessum kjördæmum á móti
þeim 17 sem Samfylkingin og Vinstri
græn fengu. Miðað við nýjustu kann­
anir myndu Framsóknarflokkurinn
og Sjálfstæðisflokkurinn hins vegar
fá 23 þingmenn í þessum kjördæm­
um á móti 5 þingmönnum stjórnar­
flokkanna. Þar af fengi Framsókn 14
þingmenn í þessum kjördæmum.
Þetta gæti þó breyst lítillega vegna
mögulegra uppbótarþingmanna.
Af nýju framboðunum er Björt
framtíð einna sterkast í Norðvestur­
kjördæmi þar sem fylgi flokksins
mældist um 10,4 prósent í mælingu
Capacent Gallup þann 11. apríl.
Fylgi flokka eftir þessum kjördæm­
um er tekið úr þeirri könnun. Fjöldi
þingmanna eftir kjördæmum byggist
hins vegar á könnun Fréttablaðsins
og Stöðvar 2 sem birt var í gær.
Minni hreyfing á fylgi
á landsbyggðinni
„Sennilega er almennt séð meiri
hreyfing á fylgi flokkanna í Reykja­
vík og í Suðvesturkjördæmi en í hin­
um kjördæmunum. Höfuðborgar­
svæðið varð líka fyrir meiri áhrifum
af bankahruninu en landsbyggðin.
Stjórnarflokkarnir hafa verið sterk­
astir á höfuðborgarsvæðinu á með­
an Sjálfstæðisflokkurinn og Fram­
sóknarflokkurinn eru tiltölulega
mjög sterkir úti á landi. Flest af þess­
um nýju og minni framboðum eru
að taka fylgi frá stjórnarflokkunum
en ekki frá Sjálfstæðisflokknum og
Framsókn. Það er því rökrétt að þeim
gangi illa að sækja fylgi á landsbyggð­
inni,“ segir Gunnar Helgi Kristins­
son, prófessor í stjórnmálafræði við
Háskóla Íslands, í samtali við DV.
Fylgi Sjálfstæðisflokksins og
Framsóknar hafi alltaf verið sterkt
á landsbyggðinni en flokkarnir hafi
verið að mælast með óvenju mikið
fylgi í síðustu könnunum. Hann segir
að það hafi þó alltaf verið erfitt fyrir
ný framboð að sækja fylgi á lands­
byggðinni nema í þeim tilvikum þar
sem um staðbundin framboð hafi
verið að ræða. Þar má nefna að árið
1999 fékk Frjálslyndi flokkurinn 17,7
prósent atkvæða á Vestfjörðum þar
sem flokkurinn var sterkastur en þar
var mikill hljómgrunnur á þeim tíma
fyrir breytingu á kvótakerfi í sjávarút­
vegi. „Ef eitthvað af nýju framboðun­
um nær að slá í gegn nú í kosn­
ingunum held ég að það muni frekar
gerast á höfuðborgarsvæðinu,“ segir
Gunnar Helgi.
Mikil andstaða við ESB
á landsbyggðinni
Aðspurður um hvort önnur mál­
efni brenni frekar á íbúum á lands­
byggðinni en á höfuðborgarsvæðinu
segir hann að andstaða við aðild að
Evrópusambandinu sé meiri úti á
landi. Þá sé skuldavandi heimilanna
ekki eins stór hluti af vanda lands­
byggðarinnar líkt og höfuðborgar­
svæðisins. Þá segist hann einnig
telja að landsbyggðin sé ekki eins
hlynnt breytingu á fiskveiðistjórn­
unarkerfinu líkt og fólk á höfuð­
borgarsvæðinu. Má í því samhengi
nefna að margir útgerðarmenn hafa
nefnt hækkandi veiðigjald lands­
byggðaskatt.
Eins og sjá má í töflu fékk Björt
framtíð mest fylgi af nýju flokkunum
í Norðvesturkjördæmi í könnun
Capacent Gallup eða 10,4 pró­
sent. Píratar mældust síðan með
5,7 prósent í Norðausturkjördæmi
og Dögun 3,7 prósent og Lýð­
ræðisvaktin þrjú prósent. Líklega
höfða stefnumál þessara flokka bet­
ur til fólks á höfuðborgarsvæðinu.
Þannig hefur sem dæmi enginn
þeirra lýst yfir mikilli andstöðu við
aðild að Evópusambandinu líkt og
Framsókn og Sjálfstæðisflokkurinn
hafa gert en báðir flokkarnir mælast
með mjög mikið fylgi í Norðvestur­,
Norðaustur­ og Suðurkjördæmi. Það
mun því líklega reynast erfitt fyrir
nýju framboðin að sækja aukið fylgi
í þessi kjördæmi. n
n Ný framboð fá engan þingmann í þremur landsbyggðarkjördæmum
Annas Sigmundsson
blaðamaður skrifar as@dv.is
Þungur róður Gunnar Helgi Kristinsson,
prófessor í stjórnmálafræði, segir að
erfiðara sé fyrir nýju framboðin að sækja
sér fylgi á landsbyggðinni. Þar sé minni
hreyfing á fylgi milli flokka.
Ógnarsterkur Framsóknar-
flokkurinn er gríðarlega sterkur
í Norðausturkjördæmi þar sem
formaðurinn Sigmundur Davíð
Gunnlaugsson býður sig nú
fram. Þar fengi flokkurinn fimm
þingmenn miðað við síðustu
kannanir og sama fjölda þing-
manna í Suðurkjördæmi.
Fylgi flokkanna (könnun Gallup)
Flokkur Norðvestur Norðaustur Suður
Framsóknarflokkurinn 44,1% (4) 41,9% (5) 43% (5)
Sjálfstæðisflokkurinn 17,5% (3) 17,3% (3) 28,8% (3)
Samfylkingin 8,1% 7,2% (1) 9,7% (1)
Vinstri græn 4,3% (1) 11,9% (1) 5,8% (1)
Björt framtíð 10,4% 5,8% 3,1%
Píratar 4,8% 5,7% 2,5%
Dögun 2,1% 3,7% 1,6%
Lýðræðisvaktin 1,7% 3% 2,5%
Alls þingmenn (28) 8 10 10
Bjarni og fé-
lagar stærst-
ir á nýjan leik
Sjálfstæðisflokkurinn er aftur
orðinn stærsti flokkur lands­
ins. Þetta er niðurstaða nýrrar
fylgiskönnunar sem MMR birti í
dag. Þar mælist flokkurinn með
27,5 prósenta fylgi, samanborið
við 22,9 prósenta fylgi í síðustu
mælingu. Framsóknarflokkurinn
er nú með 25,6 prósenta fylgi en
var með 32,7 prósenta í síðustu
mælingu.
Samfylkingin fer einnig upp
í þessari nýju könnun og mælist
með 13,5 prósenta fylgi. Flokk­
urinn hefur því aukið fylgi sitt um
rúm þrjú prósentustig frá því í síð­
ustu könnun MMR. Vinstri græn
eru með 8,1 prósents fylgi nú og
Björt framtíð með 8,3 prósent.
Píratar mælast með 6,7 prósent en
þeir mældust með slétt níu pró­
sent í síðustu könnun.
Stuðningur við önnur framboð
breyttust lítið frá síðustu könnun.
Vilja klára
viðræðurnar
Samkvæmt könnun Stöðvar 2 og
Fréttablaðsins vilja 55 prósent
kjósenda að aðildarviðræður við
ESB verði kláraðar. 34% vilja hætta
viðræðunum en 11 prósent vilja
gera á þeim hlé.
Þetta kom fram í kvöldfréttum
Stöðvar 2 á fimmtudagskvöld.
Könnunin var gerð 15. og 16. apríl.
Spurt var: Hvernig vilt þú að fram­
haldi aðildarviðræðna við Evrópu­
sambandið verði háttað?
Fram kom að kjósendur Fram­
sóknarflokksins og Sjálfstæðis­
flokksins eru klofnir í afstöðu sinni
til málsins.