Dagblaðið Vísir - DV - 19.04.2013, Blaðsíða 23

Erlent 23Helgarblað 19.–21. apríl 2013
Ljósmyndarar Reuters-
fréttastofunnar náðu
fjölda magnaðra
mynda víðs vegar
í veröldinni í
liðinni viku. Hér birtist
brot af því besta.
 Járnfrúin borin til grafar
Margaret Thatcher, forsætisráðherra
Bretlands, var borin til grafar á miðvikudag.
Þessi umdeildi fyrsti og eini kvenfor-
sætisráðherra Bretlands lést þann 8. apríl
síðastliðinn, 87 ára að aldri. Hún gegndi
embættinu á árunum 1979 til 1990. Hér má
sjá hermenn bera kistu hennar inn í dóm-
kirkju heilags Páls í London að viðstöddum
helstu fyrirmennum þjóðarinnar.
 Lifði af Hinn úkraínski Petro Mischtschuk, 87 ára, lifði af dvöl sína í útrýmingarbúðum nasista í síðari heimstyrjöldinni. Hér stillir hann
sér upp nærri minnisvarða fangabúðanna í Buchenwald í tilefni af því að 68 ár eru síðan hann og aðrir fangar voru frelsaðir, þann 11. apríl
1945. Áætlað er að á árunum 1937 til 1945 hafi 250 þúsund manns dvalið í útrýmingarbúðunum í Buchenwald, 56 þúsund manns lifðu ekki
dvölina þar af.
 Teiknað í mótmælum Ungur drengur sem tilheyrir ættbálki brasilískra
frumbyggja dundar sér við að teikna í rólegheitum á meðan fólk hans og frumbyggjar víðs
vegar að í Brasilíu mótmæla nýjum tillögum stjórnvalda. Frumbyggjarnir tóku sér stöðu í
þinghúsinu í Brasilíuborg til að mótmæla harðlega tillögu að breytingum á lögum sem myndi
veita þinginu valdið til að ákvarða afmarkanir á heimkynnum innfæddra og friðlendum.
 Þríeykinu mótmælt
Lögreglumenn í Lissabon, höfuðborg Portú-
gal, sjást hér keyra kvenkyns mótmælanda
í jörðina og taka hana föstum tökum í
mótmælum gegn niðurskurði í landinu.
Mótmælendur í hreyfingunni „Fjandinn hafi
þríeykið“ komu saman við Ritz-hótelið á
þriðjudag en þríeykið vísar til lánardrottna
Portúgal; framkvæmdastjórn ESB, Seðla-
banka Evrópu og AGS.
 Fínkemba svæðið Rann-
sóknaraðilar sjást hér fínkemba svæðið
þar sem önnur af tveimur sprengjunum í
Boston-maraþoninu sprakk á mánudag
með þeim afleiðingum að þrír létu lífið og
176 manns særðust illa. Lögregluyfirvöld eru
að svo stöddu engu nær um hver eða hverjir
stóðu að baki hryðjuverkinu og hafa biðlað
til almennings um aðstoð.
 Fagnað við höfnina Fjöldi
Ísraela kom saman við höfnina í Tel Avív
til að fylgjast með flugsýningu ísraelska
flughersins, þann 16. apríl síðastliðinn.
Tilefnið var þjóðhátíðardagur Ísrael en 65 ár
eru síðan ríkið var stofnað.