Dagblaðið Vísir - DV - 19.04.2013, Blaðsíða 8

8 Fréttir 19.–21. apríl 2013 Helgarblað
Dró sér fé ætlað fötluðum
n Jóhann Pálsson ákærður fyrir stórfelldan fjárdrátt
J
óhann Pálsson, fyrrverandi um-
dæmisstjóri Þróunarsamvinnu-
stofnunar Íslands í Mósambík,
hefur verið ákærður fyrir fjárdrátt
upp á fjórtán milljónir króna. Sam-
kvæmt fréttum RÚV er hann meðal
annars ákærður fyrir að hafa dregið
sér fé sem Öryrkjabandalag Íslands
átti og var ætlað til aðstoðar fötluðum
í Mósambík.
Ákæra ríkissaksókna á hendur
Jóhanni er í 29 liðum en brotin áttu sér
stað á árunum 2006 til 2010. Mun hann
meðal annars hafa nýtt sér fjármunina
til að kaupa toppgrind á bíl sinn, sem
hann síðar seldi og hirti ágóðann af.
Hann notaði einnig peningana til að
kaupa sér Yamaha- utanborðsmót-
ora. Jóhann fékk fólk til þess að leysa
út ávísanir fyrir sig sem gefnar voru
út í nafni Þróunarsamvinnustofnun-
ar en nýtti sér síðan fjármunina í eigin
þágu. Auk þess lagði hann fjármuni
frá Þróunarsamvinnustofnun inn á
bankareikning tengdadóttur sinnar.
Jóhann lét af störfum hjá stofnuninni
um miðjan janúar 2010 en þá hafði
hann gegnt stöðunni síðan 2006.
Í samtali við DV í mars 2010 játaði
Jóhann sekt sína. „Þetta er bara mis-
ferli með fé. Þetta eru ekki stórar upp-
hæðir í sjálfu sér, ef maður hugsar um
það sem er að gerast í kringum okkur.
… Ég gerði mistök í starfi og verð bara
að bíta í það súra epli eins og hver
annar maður,“ sagði hann. „Ég er sek-
ur hvað sem verður.“ n
viktoria@dv.is
E
kki fékkst króna upp í kröfur í
þrotabú kristilegu félagasam-
takanna Ekron sem önnuðust
meðal annars starfsþjálf-
un og endurhæfingu óvirkra
áfengis- og vímuefnaneytenda þar
til í apríl 2011. Talsvert var fjallað
um Ekron á þeim tíma en upp komu
ásakanir á hendur forstöðumanni
samtakanna um kynferðisbrot. Það
mál var síðar fellt niður hjá embætti
Ríkissaksóknara.
Engar eignir – bara skuldir
Ákvörðun var tekin í stjórn Ekron í
apríl 2011 um að loka áfangaheimili
samtakanna en frá þeirri ákvörðun
var greint í Fréttablaðinu 26. apríl það
ár. Ríkið og sveitarfélög höfðu árin
á undan styrkt samtökin með þjón-
ustusamningum en tímabundinn
þjónustusamningur velferðarráðu-
neytisins við Ekron rann út í maí
2011.
Ekron, sem stofnað var í nóv-
ember 2004, var úrskurðað gjald-
þrota þann 31. október 2012 en í
Lögbirtingablaðinu á miðvikudag
var tilkynnt um að skiptum á búinu
væri lokið. Kröfur í þrotabúið námu
rétt tæplega 126 milljónum króna en
samkvæmt tilkynningu skiptastjóra
fundust engar eignir í búinu. Ekkert
fékkst því upp í lýstar kröfur í búið
og neyðast kröfuhafar til að afskrifa
skuldir samtakanna. Ekki fengust
upplýsingar um það hjá skiptastjóra
hver stærsti kröfuhafi Ekron væri.
Þar sem um félagasamtök er að ræða
þá skilaði Ekron ekki ársreikningum
og því engar upplýsingar að hafa um
hvernig til skuldanna var stofnað.
Á kristnum grunni
Samtökin höfðu meðal annars það
markmið að aðstoða óvirka alkó-
hólista og fíkniefnaneytendur, öryrkja
og alla þá sem ekki voru á vinnumark-
aði með einstaklingsmiðaðri og at-
vinnutengdri starfsþjálfun og endur-
hæfingu. Samkvæmt stofngögnum
samtakanna var félagið byggt á kristn-
um grunni með reynsluspor og erfða-
venjur AA-samtakanna að leiðar-
ljósi. Samkvæmt sömu gögnum bauð
Ekron, í gegnum starfsþjálfunar-
verkefni sitt, upp á almenn þrif fyr-
ir einstaklinga, fyrirtæki og stofnanir,
verkamannavinnu, búslóðaflutninga,
geymslu og pökkun og símasölu fyrir
fyrirtæki og stofnanir.
Ekron rak þjálfunarstarfsemi á
Grensásvegi 16 en áfangaheimili í
Breiðholti en það var eingöngu ætlað
þeim sem voru í starfsþjálfun og
endurhæfingu. Var pláss fyrir um tíu
til tólf manns á heimilinu. Velferð-
arráðuneytið hafði þó ekkert með
áfangaheimilið sjálft að gera þar sem
um einkarekið búsetuúrræði var að
ræða. Samningur ráðuneytisins náði
aðeins til starfsendurhæfingarinnar á
Grensásvegi.
Kynferðisbrotamál fellt niður
Í mánuðinum áður en ákveðið var að
loka áfangaheimili Ekron kærði kona
sem dvaldi þar forstöðumanninn
Hjalta Kjartansson fyrir kynferðisbrot.
Samkvæmt upplýsingum frá Björgvini
Björgvinssyni, yfirmanni kynferðis-
brotadeildar lögreglunnar á höfuð-
borgarsvæðinu, var málið rannsakað
á sínum tíma og sent ríkissaksóknara.
Að sögn Björgvins var málið á hendur
forstöðumanninum fellt niður hjá og
rannsókn hætt.
Ekki náðist í Hjalta Kjartansson við
vinnslu fréttarinnar. n
Sigurður Mikael Jónsson
blaðamaður skrifar mikael@dv.is
n Ekki króna upp í 126 milljóna kröfur n Ekron vann með fíklum
Kristileg samtöK
sKilja eftir sKuldir
Skuldug samtök Kristilegu félagasamtökin
Ekron skildu eftir sig um 126 milljóna króna
skuldir við gjaldþrot. Ekkert fékkst upp í lýstar
kröfur í þrotabúið. Hjalti Kjartansson var
forstöðu maður og framkvæmdastjóri Ekron.
Myndir: Fréttablaðið
Fleiri
karlar kusu
Í ráðgefandi þjóðaratkvæða-
greiðslu sem fram fór 20. október
síðastliðinn voru 236.850 þús-
und manns á kjörskrá og af þeim
greiddu 115.890 atkvæði eða 48,9
prósent kjósenda. Kosningaþátt-
taka karla var hærri en kvenna,
49,9% á móti 47,9% hlut kvenna.
Þetta kemur fram í úttekt Hagstof-
unnar á kosningunum. Í þjóðar-
atkvæðagreiðslunni voru greidd
atkvæði um tillögur stjórnlaga-
ráðs að frumvarpi til stjórnskip-
unarlaga og tiltekin álitaefni þeim
tengd. Alls töldu 73.509 kjósendur
að leggja ætti tillögur stjórnlaga-
ráðs til grundvallar frumvarpi að
nýrri stjórnarskrá.
Nýtt hótel
við Hlemm
Síðustu mánuði hafa staðið yfir
miklar framkvæmdir í húsnæði
við Laugaveg 105, gamla Íslands-
bankahúsinu gegnt Hlemmi.
Fyrirhugað er að reisa þar nýtt
hótel sem á að vera samblanda
af hóteli, farfuglaheimili og
veitingastað með bar. Hótelið
mun bera nafnið Hlemmur Squ-
are samkvæmt fréttatilkynningu
frá forsvarsmönnum þess en þar
kom einnig fram að þrátt fyrir
að framkvæmdum sé ekki lokið
hafi nú verið bókaðar fjölmargar
gistinætur af erlendum ferða-
mönnum.
Ólafía tekin við
Ólafía B. Rafnsdóttir, nýr formað-
ur VR, tók formlega við emb-
ættinu á aðalfundi VR sem fram
fór á miðvikudagskvöld. Ný stjórn
og trúnaðarráð tóku einnig form-
lega við á fundinum. Ólafía fjallaði
um komandi kjarasamninga og
sagði brýnt að verkalýðshreyfingin
tæki forystu um nýja þjóðarsátt
um stöðugleika á vinnumarkaði
og fengi til liðs við sig vinnuveit-
endur og stjórnvöld. Farið var yfir
árskýrslu félagsins á fundinum og
kom þar fram að afkoma félagsins
árið 2012 hafi numið 659 milljón-
um króna miðað við 588 milljónir
króna árið á undan.
Stórfelldur fjárdráttur Jóhann
notaði fé stofnunarinnar í eigin þágu.