Dagblaðið Vísir - DV - 19.04.2013, Blaðsíða 44

44 Sport 19.–21. apríl 2013 Helgarblað
Launin hjá City myndu
duga Landspítalanum
n Árslaun hjá efstu sjö liðunum er á við hagnað íslensku bankanna frá hruni
L
aunakostnaður sjö stærstu
félaganna í enska boltan­
um á einu ári er næstum jafn
mikill og samanlagður hagn­
aður íslensku bankanna frá
hruni. Manchester City og United,
Chelsea, Arsenal, Liverpool, Totten­
ham og Aston Villa greiddu á síðasta
keppnis tímabili sem samsvarar 175
milljörðum íslenskra króna í laun til
leikmanna sinna.
Það kemur kannski ekki á óvart
en Manchester City greiddi liða mest
í laun, 202 milljónir punda eða sem
samsvarar 36 milljörðum íslenskra
króna á þessu eina keppnistímabili.
Fyrir þá upphæð mætti því sem næst
reka Landspítalann en samkvæmt
fjárlögum 2013 munu 38,2 milljarðar
króna renna af ríkisfé til reksturs
hans á árinu.
Einn leikmaður á við
400 verkamenn
Laun bestu leikmannanna í enska
boltanum hafa oft orðið fréttamatur
á undanförnum misserum og árum.
Hver metfréttin hefur rekið aðra og
launahæstu leikmennirnir í ensku
úrvalsdeildinni eru nú taldir vera
með um 200 þúsund pund á viku.
Það þýðir að þeir eru með liðlega tvo
milljarða króna á ári. Það jafngildir
árslaunum ríflega 400 íslenskra
verkamanna.
Athyglivert er að bera saman
launakostnað sjö stærstu liðanna í
enska boltanum við stærðir sem Ís­
lendingar þekkja. Því hefur verið
haldið fram að kostnaðurinn við að
byggja tónlistarhúsið Hörpu hafi,
þegar allt var talið, numið 27,7 millj­
örðum íslenskra króna. Hvert og
eitt af þeim fimm ensku félögum
sem hæstu launin greiða gæti reist
Hörpu fyrir þá upphæð. Þá má nefna
að launakostnaður Liverpool á einu
tímabili myndi nægja til að greiða
5.000 verkamönnum á Íslandi árs­
laun.
Há laun = árangur
Eins og áður segir greiddi Manchester
City hæstu launin á síðasta keppnis­
tímabili. Liðið hefur keypt rándýra
leikmenn undanfarin ár og greitt
þeim himinhá laun. Það skilaði þeim
Englandsmeistaratitlinum í fyrra.
Chelsea getur líka ágætlega við unað
þrátt fyrir svimandi háan launareikn­
ing. Liðið vann jú FA Cup og Meist­
aradeild Evrópu, öllum að óvörum.
Manchester United stendur ekki
langt að baki Chelsea, með launa­
greiðslur upp á 29 milljarða króna.
Tímabilið í fyrra var ekki gott en á
þessu ári getur fátt komið í veg fyrir
að liðið verði Englandsmeistari.
Arsenal hefur ekki uppskorið
ríkulega undanfarið og liðið hefur
ekki unnið titil í áraraðir. Það greið­
ir fjórðu hæstu launin í deildinni,
heldur lægri en United þó, 25,7 millj­
arða. Liverpool vermir fimmta sætið
á listanum og greiddi 23,5 millj­
arða króna í laun keppnistímabilið í
fyrra. Það skilaði liðinu engum titl­
um. Sjötta sætið á listanum vermir
Tottenham sem greiddi 16,1 milljarð
í laun í fyrra, og getur líklega sæmi­
lega við unað. Liðið náði í meistara­
deildarsæti og á nú í harðri baráttu
um þriðja og fjórða sætið við Arsenal
og Chelsea. Það kostar peninga.
Villa í ruglinu
Aston Villa er í sjöunda sæti þegar
að launagreiðslum kemur og
greiddi, merkilegt nokk, ekki mik­
ið lægri laun en Tottenham í fyrra.
Árangur félagsins í deildinni er því í
hrópandi ósamræmi við fjárútlátin.
Félagið má teljast heppið ef það
sleppur við fall í vor. Liðið glímdi
líka við falldrauginn í fyrra og hafn­
aði að lokum í 16. sæti, tveimur stig­
um frá fallsæti.
Ensku toppliðin hafa verið rek­
in með botnlausu tapi undanfar­
in ár. Mikið hefur verið rætt um að
setja launaþak á liðin – þak sem tek­
ur mið af tekjum félaganna. Þannig
ætlar knattspyrnusamband Evrópu,
UEFA, að reyna að koma í veg fyrir
botnlausan taprekstur. Óvíst er
hvenær af slíku verður og hvaða
áhrif það muni hafa á félögin. n
Baldur Guðmundsson
blaðamaður skrifar baldur@dv.is
175 milljarðar
í laun 2011/2012
28 milljarðar
Bygging Hörpu
24 milljarðar
Heildarlaun 5.000
verkamanna á ári
216 milljarðar
Samanlagður hagnaður
íslensku bankanna
eftir hrun
12,6 milljarðar
16,1 milljarður
29,1 miljjarður
36,3 milljarðar
23,5 milljarðar
25,7 milljarð-
31,4 milljarðar
Á þessari mynd má sjá hversu svimandi há laun stærstu félögin í úrvalsdeildinni greiða leikmönnum sínum. Tölurnar
miðast við greidd laun á einu keppnistímabili. Þannig greiddu þessi sjö lið ígildi 175 milljarða króna leiktíðina í fyrra. Til
samanburðar má sjá að stóru bankarnir þrír hafa frá hruni hagnast um 216 milljarða króna. Launakostnaður Manchester
United á síðustu leiktíð hefði nægt til að standa sraum af byggingu tónlistarhússins Hörpu.
85 milljarðar
Nýr landspítali
Launakostnaður
toppliðanna