Dagblaðið Vísir - DV - 19.04.2013, Blaðsíða 34

„Ég bið til guðs
að æxlið hverfi“
34 Viðtal 19.–21. apríl 2013 Helgarblað
Þ
að er alveg sama hversu
mikillar velgengni maður
nýtur, líkaminn verður að
virka. Það er mikið áfall að
verða veikur. Fótunum er
kippt undan manni og maður fer
að hugsa lífið upp á nýtt,“ segir Karl
Berndsen, hárgreiðslu- og förðunar-
meistari. Karl greindist nýlega með
heilaæxli og hefur verið í um mánuð
í rannsóknum á Landspítalanum í
Fossvogi.
Kalli, eins og hann er oftast kall-
aður, er landsþekktur fyrir að að-
stoða bæði konur og karla við að
breyta útliti sínu til hins betra.
Hann hefur séð um vinsæla sjón-
varpsþætti og um þessar mundir
eru þættir hans í Nýju ljósi sýndir
á Stöð 2 og njóta mikilla vinsælda.
Fyrir tveimur árum gaf Karl út fyrstu
bók sína – VAXI-n – sem hefur selst
vel og í febrúar var stofan hans
Beauty barinn flutt úr Kópavogin-
um í Kringluna. Einnig sat Kalli í 30.
sæti á lista Besta flokksins í borgar-
stjórnarkosningunum í Reykjavík
árið 2010.
Hélt að ég væri með flensu
„Mér fór líða eitthvað undarlega í
ágúst en hélt að ég væri bara með
flensu og þetta myndi lagast. Það
gerðist ekki og fyrir mánuði var ég
lagður inn á spítalann. Ég var búinn
að ganga frá þáttunum mínum áður
en ég lagðist inn. Þremur dögum
áður en ég fór inn var ég að leggja
lokahönd á þá. Þá var eins og ég
væri á áttunda glasi, það fylgdi
þessu svo mikill svimi. Frá því ég var
lagður inn hef ég verið í stöðugum
rannsóknum og læknar hafa fundið
eins þeir kalla það „fyrirstöðu“ í litla
heilanum en það er æxlið. Mér líð-
ur ágætlega núna miðað við aðstæð-
ur. Meinið hefur eitthvað fært sig til
og ég er laus við riðuna en ég var
orðinn svo veikur og með svo mikla
riðu að ég átti erfitt með að hreyfa
mig en það hefur gengið til baka.“
Í stöðugum rannsóknum
Kalli segist vera í stöðugum rann-
sóknum en svo taki biðin við, það
sé ekki hægt að taka ákvörðun
um framhaldið fyrr en niðurstöð-
ur rannsókna liggi fyrir. Hann seg-
ir að vinir og vandamenn séu dug-
legir að heimsækja hann og það
þyki honum vænt um. Hann hafi
fengið mikinn stuðning í veikind-
um sínum. Fjöldi vina Kalla hefur
sent honum hlýjar kveðjur gegn-
um Facebook-síðu hans. Linda P
sendir honum þrjú hjörtu. „Elsku
vinur, ég sendi þér hlýjar – og góð-
ar batakveðjur. Þú veist að þegar þú
ert tilbúinn að koma á heimaslóðir
þá hefur þú samband við mig. Boð-
ið stendur sko ennþá. Knús til þín,“
skrifar Kristín Kristmundsdóttir.
„Elsku Kalli minn, mundu að
heilsan er fyrir öllu svo gættu þín vel
og hugsaðu um þig af alúð, engillinn
minn fallegi“ skrifar Margrét Sigfús-
dóttir. Sjálfur segir Kalli um veik-
indi sín: „Þetta er verkefni sem þarf
að vinna. Ég bið til guðs að æxlið
hverfi. Ég hef alltaf verið trúaður og
það veitir mér styrk. Ég er sannfærð-
ur um að ég eigi langt eftir. Það eru
mörg verkefni sem ég á óunnin í líf-
inu,“ segir Kalli.
Alinn upp á Skagaströnd
Karl Berndsen þekkir glamúrlíf-
ið inn og út eftir nærri þriggja ára-
tuga feril í hárgreiðslu- og förðunar-
bransanum. Hann var lengi að
störfum í London og starfaði einnig
í Hollywood um skamma hríð. En
þrátt fyrir náin kynni af glamúrlífinu
er uppruninn fábrotnari.
Karl er uppalinn á Skagaströnd,
þar sem lífið var ekki alltaf auðvelt.
„Ég grét mig oft í svefn á kvöldin,
þetta var svo mikil skömm, blóð-
skömm,“ sagði Karl í viðtali við Nýtt
Líf árið 2008 um reynslu sína af því
að hafa alist upp samkynhneigð-
ur á Skagaströnd, þar sem fordóm-
ar voru miklir: „Ég man alltaf þegar
það birtist grein um Hörð Torfason,
ég man ekki hvaða ár, en guð minn
góður – að heyra hvernig fólk talaði.“
Í viðtalinu segir hann að frá önd-
verðu hafi verið ljóst hvert stefndi:
„Ég hafði strax miklu meiri áhuga
á því sem snéri að konum en karl-
mönnum. Ég held að ef þetta hefði
verið á öðrum tíma þá hefði fólk séð
snemma hvert stefndi.“
„Ég var mjög blóðþyrstur“
Veiðar heilluðu Karl snemma og
hann var einungis fimm ára þegar
hann snéri gæs úr hálslið í fyrsta
sinn. Hann var þá að veiða með
föður sínum: „Ég var mjög blóð-
þyrstur og held að ég hafi verið
fimm ára þegar ég snéri fyrstu gæs-
ina úr hálsliðnum. Ég grenjaði nátt-
úrulega af því að ég var svo hrædd-
ur við hana því hún var ekki dauð.
Ég var í tréklossum og lamdi hana
með öðrum klossanum
svo hún vankaðist og
þá greip ég tækifærið.
Ég man að mér fannst
ég hryllilegur karlmað-
ur eftir það. Minn var
búinn að sanna fyrir
pabba að hann gæti
myrt,“ sagði Karl við
Nýtt Líf.
Meðan á þessu
stóð beið pabbi hans
úti í bíl á veginum, en
þá tíðkaðist að skjóta
bráðina úr bílnum og
sækja hana síðan.
„Ég klippti í eyrað
á honum“
Karl hóf hárgreiðslu-
ferilinn snemma og
ómenntaður í fyrstu
– því fyrstu klipp-
inguna framkvæmdi
hann fjórtán ára, á vini sín-
um. „Ég klippti í eyrað á honum og
það blæddi rosalega,“ sagði Karl um
atvikið. Eftir þetta fékk ferillinn að
bíða í fimm ár.
Leið hans lá í Fjölbrautaskólann
á Sauðárkróki eftir grunnskólann.
„Ég fór strax að búa til peninga,“
sagði Karl en hann vann með-
al annars í sjoppu með skólanum.
„Ég var strax mikill bisnessmaður í
mér,“ sagði hann og hann seldi með-
al annars inn í bíó ásamt félögum
sínum.
Hann var mjög metnaðarfullur
strax í æsku. „Ég held að það sé hluti
af uppvextinum, af því að ég var ekki
eins og fólk er flest hafi mér fund-
ist ég verða að sanna hversu góð-
ur ég væri. Ég bjó yfir leyndarmáli
sem enginn mátti komast að og það
rak mig áfram. Því ef það skyldi nú
komast upp hélt ég að það yrði tek-
ið mildilegar á mér ef ég hefði staðið
mig vel á öðrum sviðum.“
„Öll þau taugavandamál sem
ég hafði átt við að stríða skýrðust
þarna“
Hann gerði mikið til þess að fela
þetta leyndarmál – kynhneigð sína –
og átti nokkrar kærustur. „Ég hafði
kannski frekar áhuga á manninum í
næsta húsi en einhverjum stelpum.
Samt átti ég kærustur til að lúkka
vel. Ég var örugglega búinn að vera
með sex píum um það leyti sem ég
varð tvítugur.“
Það var svo ekki fyrr en hann var
orðinn 23 ára að hann sagði móð-
ur sinni frá þessu leyndarmáli sínu.
Þau héldu þessu þó leyndu fyrir föð-
ur hans þar sem hún var viss um
fréttirnar myndu ríða honum að
fullu. „Elsku kerlingin, hún náttúru-
lega brotnaði saman og grét í marga
klukkutíma af því að ég hafði ekki
trúað henni fyrir þessu fyrr. Öll þau
taugavandamál sem ég hafði átt við
að stríða, eins og kvíðaköst og stam,
skýrðust þarna.“
Kennarinn vildi brjóta hann
niður
Eftir stutta törn í Fjölbrautaskólan-
um á Sauðárkróki, nám í Hótel- og
veitingaskólanum og vinnu sem sjó-
kokkur og síðar í Kántrýbæ, lá leiðin
í hárgreiðsluna. Hann var nítján ára
þegar hann komst inn í Iðnskólann,
í annarri tilraun. Þá var hann eini
karlmaðurinn í hárgreiðslunáminu,
skólafélagar hans voru 48 talsins og
allt konur.
Í náminu fékk hann fljótt tilboð
um starfsnám. „Fljótlega kom Elsa
Haralds á Salon VEH, sem var að-
alnúmerið og bauð mér vinnu,“
sagði Karl. Hann þáði vinnuna:
„Elsa var góður kennari en fyrstu
árin leið mér eins og ég væri stadd-
ur í helvíti. Kannski ljótt að segja
svona, but that is how it was,“ sagði
hann. „Ég man þegar mamma kom
þarna fyrst á stofuna. Þá var ég ný-
byrjaður og Elsa sagði við hana að
ég væri afskaplega vel uppalinn en
ég væri svo sterkur karakter, hvort
hún mætti brjóta mig niður og ala
mig upp aftur. Og mamma sagði við
hana: „Svo framarlega sem hann
verður ekki verri en hann er“,“ rifj-
aði Karl upp. Þrátt fyrir erfiðleikana
lauk hann hárgreiðslunáminu með
sóma.
Drottningin varð ástfangin
Í kjölfarið ákvað Karl að fara í
förðunarnám í London – hafandi
aldrei haldið á maskara á ævinni. „Ég
vissi ekki hvað snéri fram og hvað
snéri aftur. Þær [kennslukonurnar,
innsk. blm.] spurðu mig hvað ég væri
að pæla og ég væri bara að apa eftir
því sem ég sæi í kringum mig,“ sagði
Karl við Nýtt Líf en bætti við að svona
hafi hann lært að vera skapandi í
förðun: „Ef þig langar að setja mask-
arann út á kinn, þá bara gerir þú það.“
Eftir stutta veru á Íslandi eftir
förðunarnámið hélt Karl til Los Ang-
eles og starfaði þar á stórri stofu á
Sunset Boulevard. „Ég misskildi al-
veg gæjann sem ég var að vinna fyr-
ir. Algjör drottning. Ég var ljóshærð-
ur með blá augu og hugsaði ekki um
hann í hálfa sekúndu,“ sagði Karl
um þennan tíma. „Hann var alltaf
að bjóða mér eitthvað. Það kom svo
á daginn þegar ég var búinn að vera
þarna í þrjá mánuði að hann var yfir
sig ástfanginn.“
Fékk taugaáfall í Berlín
Eftir átta mánuði í Hollywood
hélt hann heim og stofnaði ásamt
öðrum nýtískustofuna Kompaníið
í Ármúlanum. „Við unnum tuttugu
tíma á sólarhring, þetta var rosaleg
vertíð,“ sagði Karl: „Fimm árum síð-
ar var ég búinn að eignast hús uppi
á Vatnsenda, íbúð á Lækjargötu,
Jóhanna Margrét Einarsdóttir
blaðamaður skrifar johanna@dv.is
Símon Örn Reynisson
blaðamaður skrifar simon@dv.is
Karl Berndsen, förðunar- og hárgreiðslumeistari,
greindist nýverið með heilaæxli og hefur undan-
farinn mánuð verið í rannsóknum á Landspítalanum.
Honum fór að líða undarlega í ágúst síðastliðnum
en hann gekk frá þáttunum sínum – í Nýju ljósi –
þremur dögum áður en hann lagðist inn á spítala. Þá
var æxlið farið að valda miklum svima.
„Hann er
mjög mikill
fagmaður“
„Kalli er eðaldrengur. Hann er rosalega
vandvirkur og hugsar verkin sín eins
og listaverk,“ segir Guðlaugur Magnús
Einarsson, betur
þekktur sem
Gulli Maggi, sem
starfar að aug­
lýsingagerð og
sem hönnunar­
stjóri. Gulli
og Kalli hafa
þekkst í um sjö
ár, unnið saman í
tæplega fjögur.
„Ég kynntist honum fyrst þegar við
vorum að gera fyrsta seríuna af Nýju
útliti,“ segir hann. „Hann er mjög mikill
fagmaður. Hann er heillengi að stúdera
konuna sem hann ætlar að taka fyrir,
svo á meðan hann er að vinna þá má
ekkert trufla hann. Að því leytinu er
hann mjög frábrugðinn öðrum sem
maður hefur þekkt í þessum bransa.“
Sem vini lýsir Gulli Kalla sem trygg­
lyndum manni: hann stendur við orð sín
og er sannur vinur vina sinna.
„Mér fór líða eitt-
hvað undarlega í
ágúst en hélt að ég væri
bara með flensu og þetta
myndi lagast.
Lifði glamúrlífi í London Þrátt fyrir glamúrlífið í gegnum tíðina er uppruni Karls Berndsen fábrotinn – hann er uppalinn á Skagaströnd og var meðal annars á sjó.