Dagblaðið Vísir - DV - 19.04.2013, Blaðsíða 12

12 Fréttir 19.–21. apríl 2013 Helgarblað
Karlar keyra frekar ölvaðir
n Umferðarslysum hefur fækkað verulega hér á landi
V
erulega hefur dregið úr um-
ferðarslysum hér á landi á síð-
ustu árum, en frá árinu 2003
hefur banaslysum fækkað um
tæpan helming. Þetta kemur fram í
skýrslu um umferðarslys á Íslandi árið
2012. Níu manns létust í umferðinni á
Íslandi í fyrra, sem samsvarar um 28 á
hverja milljón íbúa og er með því allra
lægsta sem gerist í heiminum.
Enginn lét lífið í umferðinni vegna
ölvunaraksturs árið 2012 en þó urðu
42 slys með meiðslum, þar af sex
alvarlegum meiðslum. Karlmenn virð-
ast vera í miklum meirihluta þeirra
sem keyra undir áhrifum áfengis og
of hratt. Þeir voru valdir að 39 þeirra
slysa sem rekja má til ölvunaraksturs
og 34 af þeim 40 slysum sem rekja má
til hraðaksturs.
Í skýrslunni kemur fram að sér-
stakar aðgerðir sem gripið hefur verið
til á síðustu árum til að sporna við um-
ferðarslysum, hafi greinileg áhrif.
Slysum meðal ungra ökumanna,
á aldrinum 17 til 20 ára, hefur til að
mynda fækkað mikið frá árinu 2007,
en það ár var akstursbannið fest í lög.
Bannið felur í sér að handhafi bráða-
birgðaskírteinis er settur í ótímabund-
ið akstursbann ef hann fær 4 punkta í
ökuferilskrá sína eða er sviptur öku-
réttindum vegna alvarlegra umferð-
arlagabrota.
Þá hefur Umferðarstofa unnið að
sérstökum fræðsluverkefnum í fram-
haldsskólum þar sem nemendur eru
látnir vinna verkefni í tengslum við
fræðslumyndir. Fæstar myndanna
hafa verið sýndar opinberlega en þar
segja aðstandendur, fórnarlömb og
gerendur alvarlegra slysa sögu sína. n
E
r búið að loka henni? Yes,
þvílíkur léttir!“ sagði fjöl-
skyldufaðirinn Guðjón
Rúnarsson þegar DV hafði
samband við hann til þess að
spyrja hann út í vefsíðuna ringulreid.
in sem hann var skráður fyrir. Vef-
síðan, sem hafði að geyma afar vafa-
samt efni, var vistuð erlendis og eig-
andinn sagður vera Guðjón. Hann
kannaðist hins vegar ekki við að eiga
síðuna og sagði einhvern hafa verið
að gera sér grikk. DV hefur nokkrum
sinnum áður skrifað um slíkar síður,
meðal annars síðuna ringulreid.org.
Guðjón lét lögreglu vita að nafn hans
væri þarna misnotað.
Nektarmyndir af íslenskum
stelpum
Þegar DV talaði við Guðjón var nýbúið
að loka síðunni en hann hafði þá
reynt síðan á sunnudag að komast
að því hver stæði að baki henni. Inni
á síðunni var meðal annars að finna
nektar myndir af íslenskum stúlk-
um, sumum undir lögaldri, og öðru
persónuníði undir myndum af nafn-
greindum Íslendingum. Einnig voru
aðilar inni á síðunni að óska eftir
myndum af nafngreindum stúlkum
og biðja fólk um ljótar sögur af nafn-
greindum einstaklingum auk þess sem
nektarmyndir voru settar inn og aðrir
notendur nafngreindu tiltekna aðila
og vísuðu á Facebook-síður þeirra sem
voru á myndunum. Svo virðist vera
að margar myndanna séu nokkurra
ára gamlar og hafi ítrekað birst á slík-
um síðum sem poppa upp með reglu-
legu millibili en er yfirleitt lokað fljót-
lega aftur. Björgvin Björgvinsson,
yfirmaður kynferðisbrotadeildar lög-
reglunnar, segir þá lítið geta gert þegar
þessar síður koma upp þar sem þær
eru yfirleitt vistaðar erlendis. „Við höf-
um ekki lögsögu til þess. Það er mjög
lítið sem við getum gert hvað þessar
síður varðar.“
Hugsanlega hefnd
Guðjón segist hafa frétt af síðunni
á sunnudagskvöld en þá hafði hún
verið uppi í nokkrar klukkustundir.
„Nokkrum klukkutímum eftir að þetta
var stofnað fékk ég tölvupóst þar sem
ég var spurður hvort ég kæmi eitthvað
nálægt þessari síðu en ég kom alveg af
fjöllum. Mín fyrstu viðbrögð voru að
leita til lögreglunnar eftir hjálp og eru
þeir að rannsaka málið,“ segir Guðjón
sem á síðuna spjall.vaktin.is, sem er
vinsæl meðal áhugamanna um tölvur
og tækni. „Hugsanlega er þetta ein-
hver fúll notandi sem ég hef útilokað af
spjall.vaktin.is sem er að hefna sín. Ég
er að reyna allt sem ég get og með fær-
ustu snillinga á landinu að hjálpa mér
að finna út úr þessu. Hugsanlega erum
við á einhverri slóð – ég veit það ekki,“
segir hann og tekur fram að fleiri not-
endur spjallvaktarinnar hafi lent í net-
þrjótunum og myndir hafi verið birtar
af þeim inni á síðunni.
Nær myndinni ekki út
DV talaði við konu sem birt var
vafasöm mynd af á síðunni. Myndin
var tekin í gríni þegar stúlkan var 16–
17 ára og fór óvart inn á vefsíðu hjá
vinkonu hennar þegar hún hlóð þar
inn mörgum myndum í einu en 7–8
ár eru síðan myndin var tekin. Svo
virðist vera sem nokkuð margir hafi
náð að hlaða myndinni niður áður
en henni var eytt út því reglulega
poppar myndin upp á hinum ýmsu
síðum líkt og ringulreid.in. Konan
segist hafa reynt að koma myndinni
út en lítið sé hægt að gera, þegar eitt-
hvað sé komið á internetið þá sé það
þar. Konan var undir lögaldri þegar
myndin var tekin og því ljóst að á
ringulreid.in hafi verið myndir af
ólögráða stúlkum. Þar voru einnig
birtar myndir af stelpum ásamt nafni
þeirra og jafnvel Facebook -aðgangi
auk þess sem óskað var eftir fleiri
myndum af tilteknum stelpum.
Þarf að refsa mönnum
Þrátt fyrir að síðunni hafi verið lok-
að þá er ekki ljóst hver stóð að baki
henni og mun líklega ekki gerast úr
þessu. Guðjón segist hafa reynt sjálf-
ur og með hjálp annarra að komast
að því hver stóð að baki síðunni. „Það
sem flækir málið er að síðan er skráð
og hýst erlendis. Vonandi náum við
að upplýsa hver er að baki þessum
gjörningi svo hægt verði að refsa við-
komandi öðrum til varnaðar. Svo vil ég
gjarnan fá að vita hvaða hvatir liggja að
baki þessu,“ segir hann. n
Viktoría Hermannsdóttir
blaðamaður skrifar viktoria@dv.is
n Ringulreid.in birti nektarmyndir af íslenskum stelpum
Bendlaður við
vafasama síðu
Nafngreindar á nektarmyndum Á síðunni var að finna nektarmyndir af nafn-
greindum íslenskum stúlkum auk persónuníðs um nafngreinda einstaklinga.
Sigmundur
leiði ríkis-
stjórn
Ef þeir sem tóku þátt í skoðana-
könnun Fréttablaðsins og Stöðv-
ar 2 fengju að ráða þá yrði Sig-
mundur Davíð Gunnlaugsson,
formaður Framsóknarflokksins,
næsti forsætisráðherra Íslands.
33,9 prósent þeirra sem tóku
afstöðu sögðu Sigmund Davíð
vera best til þess fallinn að sinna
starfi forsætisráðherra.
19,8 prósent þeirra sem svör-
uðu vilja fá Bjarna Benedikts-
son, formann Sjálfstæðisflokks-
ins, í forsætisráðuneytið og 13,3
prósent Katrínu Jakobsdóttur,
formann Vinstri grænna. 1,4
prósent vilja Árna Pál Árnason,
formann Samfylkingarinnar, en
22,6 prósent vildu fá einhvern
annan í stól í forsætisráðherra.
Grunaður
um fjárdrátt
Starfsmanni við bókhald í Verk-
menntaskólanum á Akureyri
hefur verið vikið frá störfum
vegna gruns um að hann hafi
dregið sér fé. Blaðið Vikudagur
greinir frá þessu. Í grein á frétta-
vefnum kemur fram að við innra
eftirlit hafi vaknað grunsemdir
um að ekki væri allt með felldu
við meðferð á fjármunum
tengdum skólanum. Ríkisendur-
skoðun hefur verið beðin um að
rannsaka málið í samstarfi við
stjórnendur skólans og þegar
niðurstaða hennar liggur fyrir
verður ákveðið hvort lögð verð-
ur fram kæra.
Vikudagur segir að Hjalti Jón
Sveinsson, skólameistari VMA,
hafi hvorki tjáð sig um hver hinn
grunaði væri né hversu mikið fé
væri um að ræða, þegar hann
var inntur eftir því.
Keyra ölvaðir og of hratt Karlmenn
valda miklum meirihluta þeirra slysa þar
sem ölvunar- og hraðaakstur kemur við
sögu.