Dagblaðið Vísir - DV - 14.06.2013, Síða 8

8 Fréttir 14.–18. júní 2013 Helgarblað
Í
slensk ferðaþjónusta er í sögu­
legri stórsókn. Aldrei nokkurn
tímann hefur ferðamanna­
straumur til Íslands verið jafn
mikill og aldrei hafa hótel og far­
fuglaheimili átt í meiri viðskiptum
við ferðamenn. Þetta sést glöggt í
skýrslum Hagstofunnar og Ferða­
mannastofu og hefur því jafnvel ver­
ið fleygt að hætta sé á bólumyndun í
greininni. Á síðasta ári skilaði ferða­
þjónusta á Íslandi meiri gjaldeyr­
istekjum en áliðnaðurinn og sam­
kvæmt spám Seðlabankans má ætla
að ferðaþjónustan fari einnig fram
úr sjávar útveginum á þessu ári.
Ferðaþjónustan nýtur góðs af lágu
raungengi krónunnar og hefur hlut­
deild hennar í vergri landsfram­
leiðslu aukist hröðum skrefum. Nú
nemur hún um 5 prósentum en til
samanburðar má nefna að hjá öðr­
um Norðurlandaþjóðum er hlutfall­
ið helmingi lægra.
Gistináttaskatti breytt
Árið 2006 var virðisaukaskattur af
gistingu lækkaður úr 14 prósent­
um í 7 prósent. Í fyrra viðraði ríkis­
stjórnin hugmyndir um að færa
gistinætur yfir í efsta þrep virðis­
aukaskattsins og innheimta 25,5
prósenta skatt af gistingu. Eftir að
þáverandi stjórnarandstaða og
aðilar ferðaþjónustunnar brugð­
ust hart við þeim áformum var sú
ákvörðun tekin að fara milliveginn
og færa frekar gistináttaskattinn
yfir í miðþrepið. Að öllu óbreyttu
ætti hækkunin að koma til fram­
kvæmda í haust og er talið að með
henni mætti afla ríkissjóði hálfum
milljarði á þessu ári og einum og
hálfum milljarði árið 2014.
Fyrsta mál stjórnarinnar
Eitt helsta forgangsmál ríkisstjórn­
arinnar á sumarþingi er að koma í
veg fyrir að þessi hækkun taki gildi
og laut fyrsta stjórnarfrumvarp
sumarþingsins að því. Á þinginu
hafa hörð skoðanaskipti um mál­
ið átt sér stað undanfarna daga og
þung orð verið látin falla. Gagn­
rýnir stjórnar andstaðan frumvarp­
ið meðal annars á þeim forsendum
að engin áætlun liggi fyrir um aðr­
ar leiðir til að afla ríkissjóði þeirra
tekna sem stefnt var að með skatta­
hækkuninni. „Það er eðlileg krafa
að forsætisráðherra komi með nýja
áætlun í ríkisfjármálum og segi okk­
ur hvernig hann ætlar að ná fram
jöfnuði í ríkisfjármálum,“ sagði Árni
Páll Árnason, formaður Samfylk­
ingarinnar, í umræðum um mál­
ið og fullyrti að ekki væru ríkari
ástæður fyrir þessum skattbreyting­
um ríkisstjórnarinnar en nokkrum
öðrum. Benti Oddný G. Harðar­
dóttir, þingmaður sama flokks, á
að þjónusta sem er í neðsta þrepi
virðisaukaskattsins er þar iðulega
af sérstakri ástæðu. „Ástæða var
talin til að ívilna sérstaklega til að
hjálpa ferðaþjónustuaðilum, hótel­
og gistiþjónustuaðilum, á meðan
greinin var að vaxa. Það finnst mér
mjög skynsamlegt. En greinin hefur
slitið barnsskónum,“ sagði hún.
„Jákvæð skilaboð“
til atvinnulífsins
Bjarni Benediktsson, fjármála­ og
efnahagsráðherra, lýsti því hins
vegar yfir í sömu umræðu að um­
ræddar skattbreytingar þjónuðu
meðal annars þeim tilgangi að
senda atvinnulífinu jákvæð skila­
boð. Með því að koma í veg fyrir
hækkunina mætti greiða fyrir fjár­
festingu og losa um fjárfestingar­
tækifæri í ferðaþjónustunni. Velti
hann því fyrir sér hvort ef til vill væri
orsakasamhengi milli góðs gengis
ferðaþjónustunnar og lágrar skatt­
lagningar undanfarin ár.
Í skýrslu Hagfræðistofnunar um
virðisaukaskatt á ferðaþjónustu sem
gefin var út í fyrra kemur fram að
verð á gistingu hafi lítið lækkað eft­
ir að gistináttaskatturinn var lækk­
aður á sínum tíma. „Vegna þess að
gistihús virðast að mestu leyti hafa
haldið eftir virðisaukaskattslækkun­
inni má með nokkrum sanni líta á
lækkunina sem niðurgreiðslur eða
styrk til atvinnugreinarinnar,“ segir
í skýrslunni. n
Jóhann Páll Jóhannsson
blaðamaður skrifar johannpall@dv.is
Ferðaþjónustan
í sögulegri sókn
n Fyrsta frumvarp ríkisstjórnarinnar afstýrir hækkun gistináttaskatts
„Má með nokkrum sanni
líta á lækkunina sem
niðurgreiðslur eða styrk til
atvinnugreinarinnar
Gistinætur
595
1142
850
2880
n Íslendingar n Útlendingar
2000
2012
2006
738
1719
Flutningsmaður Bjarni Benediktsson,
fjármála- og efnahagsráðherra, talar fyrir
stjórnarfrumvarpi þess efnis að hækkun
fyrrverandi ríkisstjórnar á gistináttaskattin-
um verði dregin til baka.
Mótfallinn breytingunni Árni Páll
Árnason, formaður Samfylkingarinnar,
gagnrýnir harðlega áform ríkisstjórnarinnar.
Sjónvarpað frá
útför Hemma
„Við fjölskylda Hemma og vinir vilj­
um byrja á því að þakka þann auð­
sýnda hlýhug og stuðning sem við
höfum fundið fyrir síðustu daga,“
segir í yfirlýsingu frá fjölskyldu og
vinum Hermanns Gunnarssonar,
sem lést eins og kunnugt er fyr­
ir rúmri viku, eftir að hafa fengið
hjartaáfall.
Í ljósi þess að Hemmi átti stað í
hjörtum margra hafa aðstandend­
ur ákveðið að deila með þjóðinni
hver næstu skref verða. Þau segja
að ferlið, þegar andlát ber að garði
svo fjarri heimahögum, sé nokkuð
flókið. Áætlað sé að útför verði í lok
júní í Hallgrímskirkju. Séra Pálmi
Matthías son muni jarðsyngja.
„Fyrirséð er að engin kirkja mun
rúma allan þann fjölda sem athöfn­
ina myndi vilja sækja og munum við
því reyna að setja upp skjá og hljóð­
kerfi fyrir utan Hallgrímskirkju þar
sem hægt verður að fylgjast með því
sem fram fer í kirkjunni.“
Fram kemur einnig að sjónvarps­
upptökuvélar frá Ríkisútvarpinu
muni verða leyfðar í kirkjunni og að
jarðarförin verði send út í sérstakri
útsendingu eftir fréttir á útfarardegi.
„Að kvöldi útfarardags verður Ríkis­
útvarpið með sérstakan minningar­
þátt um mannvininn Hermann
Gunnarsson.“
Undir yfirlýsinguna skrifa börn
Hermanns Gunnarssonar.
Illugi vígir
leikskóla
Illugi Gunnarsson, mennta­ og
menningarmálaráðherra vígði
leikskólann Ársól í Reykjavík á
fimmtudaginn. Illugi hélt ræðu við
tilefnið. Leikskólinn sem er ætlað­
ur börnum á aldrinum 9 mánaða
til 3ja ára á að vera heilsuskóli
með áherslu á næringu, hreyfingu
og listsköpun. Leikskólinn er í
eigu Skóla ehf. sem er dótturfyrir­
tæki Íslenskra aðalverktaka ehf.
Fyrirtækið rekur fimm leikskóla
sem leggja áherslu á heilsuefl­
andi skólastarf. Hugmyndafræði
fyrir tækisins er að ef börn fái holla
næringu og mikla hreyfingu veki
það þörf á listsköpun.