Dagblaðið Vísir - DV - 14.06.2013, Blaðsíða 48

48 Lífsstíll 14.–18. júní 2013 Helgarblað
Þ
ann 31. maí opnaði ísbúð-
in Valdís í gamalli verbúð
á Grandagarði. Í Valdísi er
boðið upp á ferskan ís á
hverjum degi en alls eru 14
ístegundir í borðinu hverju sinni
sem og einn eða tveir sorbet-ísar. Þar
að auki er hægt að fá ís úr vél. Það er
eigandi ísbúðarinnar, Gylfi Þór Valdi-
marsson, sem útbýr allan ísinn frá
grunni auk þess sem hann bakar ný
vöffluform á hverjum degi. Ísinn er
aðeins gerður úr íslensku hráefni og
í sorbet-ísinn, sem er án allra dýra-
afurða, er notast við ferska ávexti.
Lærði ísgerð í New York
Gylfi Þór Valdimarsson er kokkur að
mennt og hefur starfað sem slíkur í
20 ár. Hann var búsettur í Danmörku
um tólf ára skeið en flutti til Íslands
í ágúst síðast liðnum. Hann segir
hugmyndina að ísbúðinni hafa kitl-
að sig í þrjú ár en fyrir um ári síðan
hafi hann loks sett niður á blað þær
hugmyndir sem hann hafði. „Hug-
myndin var að vera með fersk lagað-
an ís á hverjum degi og að vera með
sýnilegt eldhús þannig að fólk fái að
upplifa stemninguna í kringum ís-
inn,“ segir Gylfi glaður í bragði.
Upphaflega var ætlunin að
opna veitingastað í Keflavík ásamt
nokkrum félögum, en þeir fengu
hvergi húsnæði. „Ég var orðinn dá-
lítið þreyttur á þessu, þannig að þegar
ég vaknaði einn morguninn hugsaði
ég: Jæja, nú læt ég drauminn minn
bara verða að veruleika,“ segir Gylfi.
Í kjölfarið skellti hann sér vestur um
haf og nam ísgerð í New York. Þetta
var í október í síðast liðnum, en að-
eins fjórum mánuðum síðar var Gylfi
kominn með lykla að gamalli verbúð
úti á Granda.
Alltaf nóg af bílastæðum
Húsnæðið var valið að stórum hluta
vegna gríðarlegs fjölda bílastæða.
Gylfi segir Íslendinga fræga fyrir að
fara og kaupa sér ís í hvaða veðri sem
er og því sé mikilvægt að hafa nóg af
bílastæðum.
„Fólk vill ekki labba meira en það
þarf, það vill geta lagt bílunum fyr-
ir framan búðina og við erum ör-
ugglega með svona 120 bílastæði
hérna eftir kl. 17 á daginn,“ segir Gylfi
og bætir við að húsnæðið sé mjög
skemmtilegt en að gera hafi þurft
miklar breytingar á því. Skipta þurfti
um pípu- og raflagnir sem og inn-
rétta allt. „Ég smíðaði þetta allt sjálf-
ur. Byrjaði að vinna í húsnæðinu 1.
febrúar og var bara á haus þar til við
opnuðum 31. maí.“
Gylfi var launalaus þá fjóra mánuði
sem það tók að gera upp húsnæðið og
afla tilskilinna leyfa.
Hann segir ferlið hafa verið erfitt
og að þau leyfi sem þurfti að fá hafi
virst endalaus. „Þær hafa verið
margar næturnar þar sem mig lang-
aði bara til að liggja í fósturstell-
ingunni. Ég hugsaði að þetta ætti
ekkert eftir að ganga upp. En þetta
snýst náttúrlega bara um að láta
drauminn rætast og hafa trú á því
sem maður er að gera.“
Leitar að nema
Gylfi segir viðtökurnar hafa farið
fram úr hans björtustu vonum. Ís-
búðin hafi verið hugsuð sem eins
konar „hobbí“ og að hann hafi gert
ráð fyrir að mæta kl. 8 í vinnuna og
fara heim kl. 16. Vinnudagarnir hafa
þó verið ögn lengri en svo. „Ég er að
vinna frá svona sjö á morgnana til tíu
á kvöldin,“ segir hann og bætir við
að hann leiti nú að nema sem muni
koma til með að aðstoða hann við ís-
gerðina. Viðkomandi þurfi að hafa
ástríðu fyrir ís enda geti Gylfi ekki
ráðið hvern sem er. „Þetta er ekki eins
og að opna hamborgarastað þar sem
maður ræður bara eitthvert fólk til að
steikja hamborgarana. Maður verður
að fara alla leið og hafa ástríðu fyrir
því sem maður er að gera.“
Búðin átti upphaflega að heita
Landís en þar sem Landsbankinn
vildi ekki veita Gylfa fé til verkefnis-
ins leitaði hann til föður síns. Nafnið
Valdís varð því fyrir valinu, eftir
Valdimari Þorgeirssyni, föður Gylfa.
„Ég hefði ekki getað þetta nema hann
hefði lánað mér og aðstoðað mig við
að koma þessu af stað,“ segir Gylfi.
„Ég var með einn þriðja og hann kom
með tvo þriðju á móti mér.“
Gylfi er afar ánægður með nafnið
og segir það bjóða upp á ýmsa
möguleika.
„Við ætlum að vera með „dag Val-
dísar“ og þegar Valdís á afmæli þá
eru þær stelpur á Íslandi sem heita
Valdís velkomnar að koma inn og fá
sér afmælisís í boði hússins.“
Draumurinn rættist
Það mætti því segja að draumurinn
hafi ræst? „Hann gerði það, held-
ur betur,“ svarar Gylfi léttur í bragði.
Hann segir allt ferlið hafa verið mikið
ævintýri en jafnframt mikið stress. „Í
fyrsta lagi hafði ég aldrei unnið í ís-
búð áður og í öðru lagi vissi maður
ekkert hvernig viðtökurnar yrðu. Ís-
lendingar eru nefnilega dálítið fer-
kantaðir og hræddir við nýja hluti.“
Viðtökurnar hafa þó verið þess
eðlis að Gylfi hefur fulla ástæðu til
að vera bjartsýnn. „Þetta er örugg-
lega komið til að vera,“ segir hann að
lokum áður en hann snýr sér aftur
að einni af bragðtegundum kvölds-
ins, sem að þessu sinni er Ferrero
Rocher. n
Ný ísbúð í gamalli verbúð
n Gísli Þór Valdimarsson lét draum sinn rætast n Býr til ís frá grunni
Ferskt hráefni Gylfi
útbýr ananassorbet úr
ferskum ananas.
Hörn Heiðarsdóttir
blaðamaður skrifar horn@dv.is
Nýbökuð vöffluform Gylfi bakar ný vöffluform á hverjum degi.
1. Kræklingur
Fullur af B-12 vítamíni, seleni,
joði, próteini og sínki en hita-
einingasnauður og fitulítill. Joð,
selen og sínk hafa jákvwæð áhrif
á skjaldkirtilinn sem síðan hef-
ur áhrif á skapið auk þess sem
B-vítamín styrkir heilafrumurnar
sem svo bætir einbeitingu.
2. Dökkt súkkulaði
Eykur blóðflæðið til heilans en
það bætir og kætir skapið. Þú
verður orkumeiri og hressari.
Mundu bara að borða ekki of mik-
ið af því.
3. Grísk
jógúrt
Stútfull af
kalki sem
hjálpar heilanum
að losa um hamingjuhormón. Svo
er hún líka full af próteini.
4. Hunang
Settu hunang út í teið í stað
sykurs. Hunang þykir hafa jákvæð
áhrif á skapið
og hefur mun
minni áhrif á
blóðsykurinn
en venjulegur
sykur.
5. Kirsuberjatómatar
Allir tómatar
innihalda efnið
„lycopene“ sem
er andoxun-
arefni og ver
heilann gegn
bólgum. Til að
ná sem bestum
áhrifum skaltu borða
tómatana með skvettu af ólívuolíu
en olían hraðar upptöku efnisins.
6. Egg
Innihalda sínk,
B-vítamín,
ómega-3 fitusýrur
og prótein og
gefa þér kraft til að
endast.
Matur sem gerir
þig glaðan