Dagblaðið Vísir - DV - 14.06.2013, Side 12

12 Fréttir 14.–18. júní 2013 Helgarblað
n Feðgarnir berjast gegn stækkun griðasvæðis hvala í Faxaflóa
Sonurinn græðir
á hrefnuveiðum
G
unnar Bergmann Jónsson er
hrefnuveiðimaður og eigandi
útgerðarfélagsins Hrafnreyð­
ur ehf. og IP dreifingar ehf.
sem sér um sölu og dreifingu
hrefnukjöts. Þá gegndi Gunnar fram­
kvæmdastjórastöðu í félaginu Hrefnu­
veiðimenn ehf. sem var úrskurðað
gjaldþrota í fyrra, en hann hefur haft
tekjur af hvalveiðum um árabil.
Gunnar er sonur Jóns Gunnars­
sonar þingmanns Sjálfstæðisflokks­
ins sem beitir sér óspart fyrir hvalveið­
um við Íslandsstrendur, sérstaklega
við Faxaflóa þar sem sonur hans hefur
miklar tekjur af veiðum.
Meðfram þingstörfum hefur Jón
gegnt formennsku í félaginu Sjávar­
nytjar, sem er eins konar grasrótar­
samtök sem berjast fyrir hvalveiðum.
Í samtali við DV fullyrðir Jón að
atvinnurekstur sonar hans hafi ekki
áhrif á hans eigin viðhorf til hvalveiða.
„Þetta hefur engin tengsl, en menn
geta auðvitað alltaf reynt að tortryggja
þetta. Mínar skoðanir hafa hins vegar
alltaf legið fyrir í þessu máli,“ segir
hann.
Skuldaði milljónir
Samkvæmt heimildum DV stendur
Hrafnreyður ehf. ekki traustum fót­
um. Félagið var með neikvæða eigin­
fjárstöðu um 15,6 milljónir við lok
rekstrarársins 2011 en skilaði ekki árs­
reikningi í fyrra. Miðað við stöðu fyrir­
tækisins má ætla að það eigi talsvert
undir því að stjórnvöld beiti sér í þágu
hvalveiða.
Steingrímur J. Sigfússon, fyrrver­
andi atvinnuvega­ og nýsköpunar­
ráðherra, gerði það að síðasta emb­
ættisverki sínu að stækka verulega
griðasvæði hvala í Faxaflóa. Með
þessu vildi hann auka veg hvala­
skoðunar og ferðaþjónustu á svæðinu.
Hrafnreyður veiðir mikið í Faxaflóa en
80 prósent af veiðisvæði hrefnuveiði­
manna lendir innan bannsvæðisins.
Eftir að Steingrímur kynnti ákvörð­
un sína kom Jón Gunnarsson fram í
viðtali við Stöð 2 og fordæmdi hana.
Samkvæmt syni hans hefur ákvörðun
Steingríms mjög skaðleg áhrif á
rekstur Hrafnreyðar ehf. „Þetta hef­
ur gríðarleg áhrif og truflar fyrirtæk­
ið mikið. Stærstu veiðisvæðin okkar
voru rifin þarna af okkur,“ segir hann.
Finnst Gunnari sjálfsagt og eðlilegt að
ný ríkisstjórn hnekki ákvörðun Stein­
gríms.
Helsti talsmaður hvalveiða
Fátt hefur Jón Gunnarsson talað um
af meiri eldmóði undanfarin ár en rétt
Íslendinga til að veiða hvali. Árið 2009
efndi hann til sérstakrar umræðu á Al­
þingi um hvalveiðar og mælti gegn því
að ríkisstjórnin setti „einhverja þrösk­
ulda við eðlilega atvinnustarfsemi í
landinu.“
Ári síðar lagði hann fram fyrirspurn
um hvort utanríkisráðherra hyggist
láta aðildarviðræðurnar við Evrópu­
sambandið hafa áhrif á hvalveiðar við
Íslandsstrendur. Þegar rætt var við Jón
í þættinum Reykjavík síðdegis á Bylgj­
unni árið 2011 fullyrti hann að and­
staða við hvalveiðar væru trúarbrögð.
Þegar stjórn Ferðamálasamtaka
Íslands sendi út harðorða ályktun
gegn hvalveiðum í síðustu viku skrif­
aði Jón Gunnarsson stöðuuppfærslu
á Facebook­síðu sína sem hljóðaði
svo: „Hvenær ætlar ferðaþjónustan að
hætta þessari ómálefnalegu gagnrýni
sinni á hvalveiðar?“
Jón Gunnarsson hefur setið á þingi
frá árinu 2007 og er óhætt að fullyrða
að hann hafi verið helsti talsmaður
hvalveiða á þinginu.
„Það er ósanngjarnt“
Í samtali við DV sagðist Gunnar Berg­
mann hissa á málflutningi sem stillti
upp hvalaskoðun og hvalveiðum
sem andstæðum. „Ég bara skil ekki af
hverju menn láta eins og þetta tvennt
stangist á. Getur ekki Fréttablaðið
starfað þótt DV sé til?“ spurði hann.
Gunnar er afar óánægður með
stækkun griðasvæðisins í Faxaflóa
og þykir ákvörðun Steingríms ósann­
gjörn. „Við berum að sjálfsögðu fulla
virðingu fyrir þeirri atvinnugrein sem
heitir hvalaskoðun og óskum henni
alls hins besta. En það var dregin lína
árið 2009 sem hvalaskoðunarfyrir­
tækin hafa ekkert farið yfir og nú á að
víkka hana enn frekar. Það er ósann­
gjarnt,“ sagði Gunnar og benti á að
félag hans hefði aðeins veitt tæplega
fjórðung af kvótanum sínum í fyrra.
„Við veiddum 52 dýr í fyrra. Kvótinn er
229 dýr og hrefnustofninn er 44 til 50
þúsund dýr. Skaðinn af þessum veið­
um er bara hverfandi.“
Þegar talið berst að háværum
gagnrýnisröddum innan alþjóðasam­
félagsins sagði Gunnar að þær yrðu
alltaf til staðar. „Fólk hefur það að at­
vinnu að láta í sér heyra út af þessu,“
sagði hann og nefndi Alþjóðadýra­
verndunarsjóðinn sem dæmi. „Þetta
eru aðilar sem hafa það hlutverk að
láta í sér heyra því annars fá þeir ekki
fjármagn inn í starfsemina hjá sér. En
þetta er ekki byggt á neinum rökum,
ekki frekar en málflutningurinn um
að langreyðar séu í útrýmingarhættu.“
Vill yfirvegaða umræðu
Þegar DV ræddi við Jón Gunnarsson
sagðist hann sjálfur aldrei hafa unnið
við hvalveiðar eða vinnslu hvala­
afurða. „Ég hef samt verið formað­
ur samtakanna Sjávarnytja sem hafa
reyndar ekki beitt sér mikið á undan­
förnum árum,“ segir Jón og bend­
ir á að hann hafi sýnt hvalveiðum
áhuga allt frá því að sonur hans var á
menntaskólaaldri. „Við eigum engin
fyrri tengsl við hvalveiðar en Gunnar
fer að vinna með hrefnuveiðimönn­
um löngu eftir að ég kom nálægt
þessum málum.“
Gunnar segist sannfærður um að
hvalveiðar og hvalaskoðun geti vaxið
og dafnað hlið við hlið. Þá vonar hann
að ákvörðun Steingríms um stækk­
un griðasvæðisins í Faxaflóa verði
hnekkt. „Ég held að þarna sé um að
ræða svæði sem hvalaskoðunarfyrir­
tæki hafi ekki sýnt fram á að þurfi til
að sigla um og sýna túristum. Það er
engin tilviljun hvar fyrri lína var dreg­
in. Sú ákvörðun var tekin á grundvelli
þeirra upplýsinga sem liggja fyrir,“
segir Jón og bætir við: „Það er mik­
ilvægt að þessar greinar setjist nið­
ur og fari yfir þessi mál á skynsam­
legan og yfirvegaðan hátt. Það eru
engar ástæður til annars en að þess­
ar greinar geti dafnað samhliða hvor
annarri.“ n
Hvetur til hvalveiða Jón
Gunnarsson, þingmaður Sjálfstæð-
isflokksins, er helsti talsmaður
hvalveiða á Alþingi.
Gunnar að veiða
Hér má sjá Gunnar
Bergmann Jónsson
skjóta hval.
„Stærstu veiði-
svæðin okkar voru
rifin þarna af okkur.
Jóhann Páll Jóhannsson
blaðamaður skrifar johannp@dv.is
Hjólreiðamessa
í Hafnarfirði og
Garðabæ
Sunnudaginn 16. júní verður
messað með afar óhefðbundn­
um hætti í kirkjunum í Hafnar­
firði og Garðabæ. Messan fer
fram í sjö kirkjum og munu
kirkjugestir hjóla á milli kirkn­
anna. Hún hefst á tveimur stöð­
um, í Vídalíns­ og Ástjarnar­
kirkjum klukkan tíu. Þar fer
fram upphafsbæn, signing og
sálmur. Dagskráin er nokkuð stíf
því klukkan 10:30 er ráðgert að
hóparnir tveir hittist í Hafnar­
fjarðarkirkju. Þá hefst ritningar­
lestur í Fríkirkjunni í Hafnar­
firði klukkan 10:50, því næst
guðspjall í Víðistaðakirkju en
þar verður messugestum boð­
ið upp á hressingu. Þar á eftir
liggur leiðin í Garðakirkju þar
sem herlegheitin halda áfram
en þar verður haldin örprédikun
klukkan 11:50. Messunni lýkur
svo á altarisgöngu í Bessastaða­
kirkju sem ráðgert er að hefjist
um 12:30.
Séra Friðrik Hjartar, prestur
í Garðasókn, segir uppátækið
sprottið upp úr samstarfi kirkn­
anna í Garðabæ og Hafnarfirði.
„Þetta er til að efla samstarf­
ið. Það er upplögð fjölskyldu­
skemmtun á fallegum degi að
fara í hjólatúr og koma í kirkj­
una. Við byrjum í Vídalíns­
kirkju og Ástjarnarkirkju með
upphafsbæn, signingu og sálmi
og endum í Bessastaðakirkju
með altaris göngu, blessun og
sálmasöng.“ Hann segir þetta
fyrstu hjólreiðamessu sem
kirkjurnar halda en tekur fram
að ef vel takist til sé messan von­
andi aðeins sú fyrsta af mörg­
um. Friðrik segir að allir séu vel­
komnir og hvetur messugesti til
að muna eftir hjálminum.
Sveitarstjóri
rekinn
Sveitarstjórn í Langanesbyggð
ákvað á fundi síðastliðinn mánu­
dag að segja Gunnólfi Lárus­
syni sveitarstjóra upp störf­
um. Á fundi á fimmtudaginn
var gerður starfslokasamningur
við hann. Gunnólfur hefur ver­
ið sveitarstjóri í Langanesbyggð
frá árinu 2009. Hann hefur jafn­
framt átt sæti í sveitarstjórn.
Áður en hann tók við sveitar­
stjórn í Langanesbyggð var hann
sveitarstjóri Dalabyggðar. Gunn­
ólfur komst í fréttir fyrir ári síðan
þegar Ævar Kjartansson sakaði
hann um að fá umboðslaun fyr­
ir sölu á Grímsstöðum á Fjöllum
til Huang Nubo.