Dagblaðið Vísir - DV - 14.06.2013, Síða 64

Allt í sleik!
Biðlar til Kristjáns
n „Ég hvet þig, Kristján Loftsson,
til að breyta hvalveiðibátum þín-
um í hvalaskoðunarbáta,“ segir
Maria Protassova, finnskur náms-
maður, sem komin er hingað til
lands til að mótmæla hvalveið-
um Íslendinga. Maria er meðlim-
ur dýraverndunarsamtakanna
IFAW, en samtökin hafa áður
staðið fyrir mótmælum á Íslandi.
Maria er ekki ein síns liðs heldur
er hún í hópi fjölmargra mótmæl-
enda frá IFAW, en hópurinn lenti á
Keflavíkurflugvelli 2. júní síðast-
liðinn og hyggst vera hér „eitt-
hvað áfram“. „Þú munt græða mun
meira, farir þú að ráðum
mínum,“ bætir Maria
við og beinir orð-
um sínum
aftur að
Kristjáni.
„Þó var ég ekkert
verulega feitur“
n Guðni Ágústsson, fyrrverandi
ráðherra, hefur tekið stakka-
skiptum eftir að hann hætti
að borða hvítan sykur og hvítt
hveiti. Í samtali við Mörtu Maríu
á Smartlandi segir hann að spik
sé eitt stærsta vandamálið sem
mannkynið stendur frammi fyr-
ir. Nú léttist hann hröðum skref-
um og er kominn í ótrúlega gott
form. Konan hans heldur stund-
um að hann sé dauður í ljósi þess
að hann er hættur að brjótast um
á næturnar eins og hann gerði
áður. „Þó var ég ekk-
ert verulega feitur,“
sagði hann í um-
ræddu viðtali. Ætla
má að Guðni hafi
skipt um kúrs
frá því að
hann lof-
aði og
prísaði
SS-pyls-
ur í
„denn“.
Kossaflens á
föstudaginn
n Mörg hundruð manns hafa
boðað komu sína fyrir utan rúss-
neska sendiráðið á föstudaginn.
Þar ætlar fjöldi manns að fara í
sleik til höfuðs lögum sem gera
það refsivert að halda því fram
að samkynhneigð sé eins eðli-
leg og gagnkynhneigð. Á með-
al þeirra sem ætla að taka þátt í
kossaflensinu eru rapparinn Erpur
Eyvindarson, stjórnmálakonurn-
ar Anna Pála Sverrisdóttir, Margrét
Tryggvadóttir og Oddný Sturludótt-
ir að femínistanum
frækna, Maríu
Lilju Þrast-
ardóttur,
ógleymdri.
H
annes Hólmsteinn Gissurar-
son, stjórnmálafræðiprófess-
or, gerir athugasemdir við grein
Gunnars Salvarssonar, útgáfu-
og kynningarstjóra Þróunarsamvinnu-
stofnunar Íslands, á Facebook-síðu
sinni. Í greininni gagnrýnir Gunnar þá
miklu gagnrýni á þróunaraðstoð sem
finna má í kennsluefni ýmissa fram-
haldsskóla. „Ótrúlegur samsetningur,“
segir Hannes og bætir við: „Þróunar-
aðstoð hefur hvergi borið neinn árang-
ur (til langs tíma og þegar á heildina er
litið). Valið er um þróun án aðstoðar
eða aðstoð án þróunar.“
Ýmsir gera athugasemdir við mál-
flutning Hannesar. Stjórnmálafræð-
ingurinn Viktor Orri Valgarðsson
bendir Hannesi á að þróunaraðstoð
og þróunarsamvinna hafi þvert á móti
víða borið árangur og það sé siðferðis-
leg skylda okkar að hjálpa sveltandi og
deyjandi fólki til að hjálpa sér sjálft.
„Það er það sem þróunaraðstoð nú-
tímans byggist á,“ segir Viktor.
Hannes bregst við rökum Vikt-
ors og spyr: „Hvaða dæmi eru til um
lönd, sem hafa komist úr fátækt í
bjargálnir vegna þróunaraðstoðar?
Ýmis dæmi eru til um lönd, sem sitja
föst í fátækt vegna þróunaraðstoðar,
svo sem í Afríku. Önnur dæmi eru til
um lönd sem hafa komist í bjargáln-
ir vegna viðskipta við Vesturlönd, svo
sem Suður-Kórea, Taívan, Hong Kong
og Singapúr.“
Viktor svarar Hannesi um hæl, og
vísar í rannsóknir máli sínu til stuðn-
ings. „Þú þarft ekki að leita langt til að
finna svarið við þeirri spurningu,“ seg-
ir Viktor og vísar til þess að Ísland og
Brasilía, þar sem Hannes dvelur reglu-
lega, hafi bæði fengið ríkulega aðstoð,
sem og að Ísrael hafi fengið 14 prósent
allrar þróunaraðstoðar frá Bandaríkj-
unum á árunum 1962 til 1990. Viktor
nefnir einnig að Suður-Kórea, Taívan,
Hong Kong og Singapúr hafi öll – þvert
á staðhæfingar Hannesar – þegið þró-
unaraðstoð. Þá hafi ástandið í ríkjum
Afríku batnað til muna undanfarna
áratugi. Hannes bregst við öðru sinni
með eftirfarandi spakmælum: „Menn
(og þjóðir) verða ekki ríkir, af því að
þeir fá aðstoð. Þeir verða ríkir, af því að
þeir fá tækifæri.“ n baldure@dv.is
Hjálpin hjálpar ekki
n Þróunaraðstoð ber engan árangur að sögn Hannesar
Fréttaskot 512 70 70Áskrift 512 70 80HELGARBLAÐ 14.–18. júní 2013 66. tbl. 103. árg. leiðb. verð 659 kr.
Gagnslaust? Hannes Hólmsteinn vill ekki
Þróunaraðstoð.