Dagblaðið Vísir - DV - 28.06.2013, Blaðsíða 14

„Það er allt á
hvolfi í bænum“
S
iggeir Stefánsson, oddviti
sveitarstjórnar Langanes­
byggðar og framleiðslu­
stjóri Ísfélagsins á Þórs­
höfn, er afar umdeildur í
bæjarfélaginu. Nú er svo komið
að undirskriftum er safnað gegn
honum. DV ræddi við á annan
tug íbúa sveitarfélagsins í tilefni
af ákvörðun meirihluta sveitar­
stjórnar að reka Gunnólf Lárusson
sveitarstjóra sem gerð var opin ber
í síðustu viku.
Gunnólfur, sem metinn var
hæfastur af rúmlega 40 umsækj­
endum þegar hann var ráðinn til
starfa árið 2009, segist í samtali við
DV furðu lostinn yfir ákvörðun­
inni. Þetta er ekki í fyrsta skiptið
sem sveitarstjórnin, undir forystu
Siggeirs, rekur sveitarstjóra. Björn
Ingimarsson, sem gegndi starfinu
frá árinu 2006, fór sömu leið árið
2009. Siggeir er af bæjarbúum
sagður svífast einskis til að ná
sínu fram og sýna „einræðislega“
tilburði.
Skýring á huldu
Opinber skýring á brottrekstri
Gunnólfs er að trúnaðarbrestur
hafi orðið á milli hans og sveitar­
stjórnar. Ekki er útskýrt í hverju
trúnaðarbresturinn felst. Í yfir­
lýsingu sem Gunnólfur sendi fjöl­
miðlum lýsir hann undrun sinni
á ákvörðuninni, og – sérstaklega
– uppgefnum ástæðum. „Þetta
þykir mér harla aumt og verulega
illa vegið að starfsheiðri mínum
og ég undrast hvað raunverulega
býr að baki,“ segir í yfirlýsingu
Gunnólfs. Forundran Gunnólfs
er í samræmi við upplýsingar
sem einn sveitarstjórnarmeðlim­
ur veitti DV, þess efnis að ástæður
brottrekstursins séu allt aðrar en
þær sem gefnar voru upp. Hann
vildi þó ekki greina frá því hverj­
ar þær væru.
„Stjórnar öllu“
Mikil reiði ríkir meðal bæjarbúa
vegna ákvörðunarinnar. „Það það
logar allt í illdeilum út af þessu
máli og fólk er mjög ósátt,“ segir
bæjarbúi í samtali við DV. Nokkrir
bæjarbúar ætla á næstu dögum að
setja af stað undirskriftasöfnun
til að mótmæla brottrekstrinum.
Það er hins vegar ekki ákvörðun­
in – ein og sér – sem veldur ólg­
unni, heldur telja bæjarbúar hana
vera til vitnis um starfsaðferð­
ir Siggeirs Stefánssonar. „Þetta
er bara kornið sem fyllti mælinn.
Ég veit bara að undirskriftalisti er
farinn í gang til að koma honum
frá. Það er allt á hvolfi í bænum.“
Þótt brottreksturinn hafi verið
samþykktur með öllum greiddum
atkvæðum á sveitarstjórnarfundi
velkjast heimildarmenn ekki í vafa
um undan hvers rifjum ákvörðun­
in er runnin. „Það er bara einn
maður sem stjórnar öllu. Það er
Sig geir Stefánsson,“ segir einn og
bætir við: „Hann er rosalega ríkj­
andi í sveitarstjórninni. Hann er
sjálfur ekki að standa sig í ýmsum
málum, og ætlar kannski að fara
að kenna Gunnólfi um það.“ Fleiri
íbúar sem DV ræddi við höfðu
svipaða sögu að segja. Hann stýri
stærsta vinnustaðnum í bænum
og hafi þannig nokkurt tak á fólki.
„Hann vill líka stjórna bænum, á
einn eða annan hátt. Hann þarf að
ráða.“
Óheppileg ráðning
Siggeir flutti til Þórshafnar, sem
tilheyrir Langanesbyggð, fyrir
rúmlega 15 árum og tók þá við
starfi útgerðarstjóra Ísfélagsins
í bænum. Hann hefur setið í
sveitar stjórninni frá árinu 2003
og gegnir nú stöðu framleiðslu­
stjóra Ísfélagsins á Þórshöfn, eins
og áður greinir. Ráðningar hans
til Ísfélagsins hafa sumar hverjar
farið fyrir brjóstið á bæjarbúum,
sérstaklega ein þar sem maður,
þekktur fyrir ofbeldisdóma, var
ráðinn. Það þykir óheppilegt þar
sem Siggeir situr í skólamálaráði
og í svokölluðum grundvallar­
regluhóp – sem er hópur sem
stofnaður var til að halda betur
utan um vímuvarnir í bæjar­
félaginu.
Í síðustu kosningum fékk Sig­
geir 85 atkvæði. Engir listar buðu
þá fram, heldur voru allir bæjar­
búar í kjöri. Sá háttur er hafður á
ef enginn skilar inn listaframboði
fyrir tilskilinn frest. Sig geir og
samstarfsfólk hans í sveitarstjórn,
sem áður mynduðu K­listann,
ákváðu hins vegar – rétt fyrir kosn­
ingar – að senda lista með eigin
nöfnum inn á öll heimili í bæjar­
félaginu þar sem bæjarbúum var
tilkynnt að þau væru í framboði
og hvöttu fólk til að greiða þeim
atkvæði. Samkvæmt upplýsing­
um frá innanríkisráðuneytinu
hafa almennir kjósendur gagn­
rýnt óbundnar kosningar og telja
margir að um flókna athöfn sé
að ræða. Í einhverjum tilvikum
treysti kjósendur jafnvel ekki á
kjörstað. „Hann er ekki að fara
inn á mörgum atkvæðum. Hann
sendi lista korteri fyrir kosningar
með nöfnum nokkurra einstak­
linga. Og margir bæjarbúar héldu
að þetta væri listi, sem væri fram
kominn og hefði ekkert endilega
kosið Siggeir, hefðu þeir vitað
að um persónukjör hafi verið
að ræða,“ segir heimildarmaður
blaðsins.
Stuðningur í sveitarstjórninni
Fólkið á téðum lista hlaut, ásamt
Siggeiri, kosningu og dregur nú
taum hans í hinum stærri málum
að sögn bæjarbúa. „Það eru tvær
konur í sveitarstjórninni, sem eru
honum hliðhollar. Eiginmenn
þeirra og synir vinna svo undir
hans stjórn í Ísfélaginu,“ segir
einn heimildarmaður og annar
tekur undir og bætir við: „Hann er
með nokkra fylgisfiska sem vinna
undir hans stjórn og græða á setu
hans í sveitarstjórninni.“ Enn
annar heimildarmaður lýsir sömu
skoðun. „Hann hefur þetta fólk
allt saman með sér. Ef að hann
segir já, þá segir það já. Ef hann
segir nei, þá segir það nei.“
Ekki náðist í Siggeir Stefánsson
þegar fréttin var unnin. Hann ku
hafa verið í fríi á Spáni í boði Ísfé­
lagsins. n
Látinn fara
Gunnólfi Jónssyni
var sagt upp störf­
um sem sveitar­
stjóra nýverið.
n Ósætti í garð Siggeirs Stefánssonar vegna uppsagnar sveitarstjórans„Það það logar
allt í illdeilum út
af þessu máli og fólk er
mjög ósátt.
14 Fréttir 28.–30. júní 2013 Helgarblað
Baldur Eiríksson
blaðamaður skrifar baldure@dv.is
Áformin um niðurskurð til Lána­
sjóðs íslenskra námsmanna fela
það í sér að úthlutunarreglum
sjóðsins verður breytt með aðeins
tveggja mánaða fyrirvara. Þessi
vinnubrögð eru í fullkomnu ósam­
ræmi við tilmæli sem umboðs­
maður Alþingis beindi til stjórnar
LÍN og mennta­ og menningar­
málaráðuneytisins árið 2011 um
að framvegis yrði námsmönnum
gefið fullnægjandi ráðrúm til að
bregðast við breyttum úthlutun­
arreglum.
Þessi tilmæli er að finna í áliti
sem umboðsmaður Alþingis gaf út
eftir að kvartað hafði verið undan
breytingum á úthlutunarreglum
sem kynntar höfðu verið í lok júní­
mánaðar. Samræmist þetta þeim
aðstæðum sem nú eru uppi; sagan
endurtekur sig og námsmenn
kvarta aftur undan breytingum
með tveggja mánaða fyrirvara.
DV greindi frá því fyrr í vik­
unni að skorið yrði niður til LÍN
og fjölgað lágmarkseiningum
með alvarlegum afleiðingum fyrir
barnafólk og þá sem vinna með­
fram skóla. Nemur niðurskurð­
urinn tæplega 130 milljónum
króna og hefur Illugi Gunnarsson,
mennta­ og menningarmálaráð­
herra, réttlætt aðgerðirnar með
því að segjast ætlast til þess að
námsmenn séu í skólanum „af
fullri alvöru.“ Þetta hefur vakið
mikla hneykslan meðal ungs fólks
og hafa hátt í fimm þúsund manns
„lækað“ síðu á Facebook þar sem
skerðingunni er mótmælt. Á sama
vettvangi segja fjölmargir náms­
menn frá því hvernig hækkun á
lágmarkseiningafjölda mun koma
harkalega niður á námi þeirra og
kjörum.
Þann 21. júlí 2010 leitaði náms­
maður til umboðsmanns Alþingis
og kvartaði undan því að breytt­
ar úthlutunarreglur hefðu ver­
ið kynntar með alltof skömmum
fyrir vara. Fram kom að þetta hefði
sett „kostnaðaráætlun næstu ára
í uppnám“. Í áliti umboðsmanns­
ins, sem birtist ári síðar, kemur
fram að hann telji stjórn LÍN og
mennta­ og menningarmálaráðu­
neytið hafi ekki gefið námsmönn­
um fullnægjandi ráðrúm til þess
að bregðast við breytingunni.
„Með hliðsjón af fyrri stjórn­
sýsluframkvæmd og að virtum
ríkum hagsmunum námsmanna
tel ég að ekki hafi verið að þessu
leyti gætt viðeigandi lagasjónar­
miða og vandaðra stjórnsýsluhátta
af hálfu stjórnar LÍN og mennta­
og menningarmálaráðuneytisins
um birtingu og gildistöku þessa
ákvæðis úthlutunarreglnanna,“
segir í álitinu.
Í lok þess er að finna eftir­
farandi orð: „Ég beini hins
vegar þeim almennu tilmælum
til stjórnar LÍN og mennta­ og
menningarmálaráðuneytisins að
framvegis verði tekið mið af þeim
sjónarmiðum sem rakin eru í
álitinu um kynningu og gildistöku
við breytingu á stjórnsýslufram­
kvæmd.“ Ljóst er að ef fyrirhug­
aðar breytingar LÍN á úthlutun­
arreglum ársins 2013 til 2014 ná
fram að ganga er verið að virða til­
mæli umboðsmannsins fullkom­
lega að vettugi.
Reglum breytt
fyrirvaralítið
Skorið niður hjá LÍN: